အကောင်းဆုံး ကျောင်း

သိန်းနိုင်

“အကောင်းဆုံး ကျောင်းဆိုတာ မရှိသေးဘူး။ ကမ္ဘာပေါ်မှာလည်း ဘယ်မှာမှကို မရှိခဲ့သေးဘူး။”


မိတ်ဆွေများ၊ မိဘများနှင့် လုပ်ဖော်ကိုင်ဖက် ကျောင်းဆရာဆရာမများက မကြာခဏ ဤမေးခွန်းကို မေးမြန်း တတ်ကြပါသည်။ “ဒီမြို့ရဲ့ အကောင်းဆုံး မြန်မာကျောင်းက ဘယ်ကျောင်းလဲ” ဟူ၍ ဖြစ်၏။ ကျနော်ကလည်း ယခုလိုပင် အစဉ်ပြန်လည် ဖြေကြားတတ်သည်။ “အကောင်းဆုံး ကျောင်းဆိုတာ မရှိသေးဘူး။ ကမ္ဘာပေါ်မှာလည်း ဘယ်မှာမှကို မရှိခဲ့သေးဘူး။” အချို့ ဇဝေဇ၀ါ ဖြစ်ကုန်ကြသည်။ အချို့မှာ မကျေမနပ်။ မိမိ၏ ကျောင်းကိုမှ အကောင်းဆုံးဟု ယူဆထားသည့် မိဘများနှင့် ဆရာဆရာမများမှာလည်း မာန်မချနိုင်သေး။ ကျနော် ထပ်မံ ရှင်းပြ ရပြန်သည်။ “တကယ်ဆိုရင် မိဘတွေကော ဆရာဆရာမများပါ မေးရမယ့် မေးခွန်းအမှန်က ဒီလိုပါ။ ပြန်လှန် စဉ်းစား တွေးတောစရာလည်းပါပြီး တန်ဖိုးအားဖြင့်လည်း ပိုအကဲဖြတ်ရာ ရောက်ပါမယ်။ --- ကလေးတွေ၊ ကျောင်းသားတွေ ဟာ အိမ်မှာဖြစ်စေ၊ ကျောင်းမှာ ဖြစ်စေ အကောင်းဆုံးသော သင်ယူလေ့လာမှု အတွေ့အကြုံတွေကို ရရှိနေရဲ့လား။”

လက်တွေ့မကျသော မျှော်လင့်ချက်

မိဘများ၏ ခံစားချက်များနှင့် ခံယူချက်တို့ကို နားလည်ပေးနိုင်ပါသည်။ ကျောင်းအပေါ်တွင် သူတို့မှ ဤသို့ (လွဲမှားစွာ) ရှုမြင်တတ် ကြသည်။ “ကလေး၏ အောင်မြင်မှုနှင့် ပတ်သက်ပြီး ကျောင်းမှာ လုံးဝ တာဝန်ရှိသည်။ အကောင်းဆုံး ကျောင်းသည် အခြားကျောင်းများ ထက် ပိုမို ထိရောက်စွာ လုပ်ဆောင်နိုင်စွမ်းရှိသည်။” မိဘများ သိရှိသင့်သည့် အရေးကြီးသော အချက်တစ်ချက်ကို ထောက်ပြလို ပေသည်။ မှော်ဆရာ၏ ပဉ္စလက်ပညာမျိုးနှင့် ကျောင်းများသည် အောင်မြင်မည့် လူသားတို့ကို အဆင်ပြေ ချောမွေ့စွာပင် မွေးထုတ် ပေးနိုင်ခြင်း မဟုတ်ပါ။ ဆန်းစစ်ကြည့်ကြပါစို့။ “အကောင်းဆုံး ကျောင်း” ဟု ယူဆသည့် ကျောင်းများတွင် တက်ရောက်နေကြသည့် ကလေးများစွာတို့မှာ ကျောင်းလွှတ်လျှင် လွှတ်ချင်းပင် ကျူရှင် (သို့မဟုတ်) အပိုချိန်များသို့ ပြေးကြရပြန်သည်။ တစ်နေ့တာ ကျောင်းတွင် လေ့ကျင့်သင်ကြား ထားသည်တို့ကို ထပ်မံ လေ့လာခွင့် ရရှိကြခြင်းပင်။ အချိန်ပိုများစွာပေးပြီး ကျူရှင်တက်ရောက် ကြရသည့် အလေ့ကို အားပေးလို၍ ပြောပြခြင်းမဟုတ်ပါ။ ကလေးများ လေ့ကျင့်ခွင့် ပိုမိုရရှိသည့် သဘောကို ထောက်ပြခြင်းနှင့် အိမ်မှ တာဝန်ယူနိုင်မှုကို နားလည်စေလို၍ဖြစ်သည်။

ဘ၀တွင် အောင်မြင်သော၊ အဆင်ပြေသော သူများ ဖြစ်လာစေရန်အတွက်မှာ ကျောင်းတစ်ခုတည်းနှင့် မလုံလောက် နိုင်ပါ။ ဤအချက်ကို နားမလည်နိုင်သည့် မိဘများမှာ ကျောင်းများသည် သူတို့၏ သားသမီးများကို ထင်ပေါ် ကျော်ကြားသည့် ပုဂ္ဂိုလ်များဖြစ်သည့် အဲလဗတ်အိုင်စတိုင်း၊ ဘီလ်ဂိတ်နှင့် ဘန်ကာလ်ဆန် တို့ကဲ့သို့ မွေးထုတ် ပေးမည်ဟူ၍ ဖြစ်၏။ မိဘများ ကိုယ်တိုင် ကလေးများနှင့် အချိန်ယူပြီး ပညာရေး ပံ့ပိုးမှုအနေဖြင့် ကလေး တစ်ဦးချင်း အတွက် အချိန်ပေးကြပါ၏လော။

ကျောင်းမပို့မီက မိဘအိမ်

ပညာရေး သုတေသန လေ့လာတွေ့ရှိမှုမှာမူ စိတ်ဝင်စားဖွယ်ရာ ကောင်းလှပါသည်။ ပညာရေးတွင် ထူးချွန် အောင်မြင်သော ကျောင်းသားများ၏ မိဘများ (ဆရာဆရာမများမဟုတ်ပါ) သည် ကလေး၏ ဥာဏ်ရည်၊ ကိုယ်ပိုင် စည်းကမ်း၊ ခံယူချက်နှင့် အသိပညာတိုးပွားစေသည့် စူးစမ်းလေ့လာလိုမှုတို့နှင့် ပတ်သက်ပြီး သင့်တင့်သော အတွေးအမြင် ရှိထားကြသူများသာ ဖြစ်ကြကုန်သည်။ ဤမိဘများမှ လှုံ့ဆော်မှုရှိသော ပညာ ပတ်ဝန်းကျင်ကို အိမ်တွင် ဖြစ်စေခြင်းနှင့် အရည်အသွေးမီသော သင်ယူလေ့လာခြင်း အတွေ့အကြုံတို့ကို ထိတွေ့ ရရှိစေခြင်းဖြင့် ကလေး၏ ဉာဏ်ရည် ဖွံ့ဖြိုးလာစေရန် ပျိုးထောင်ပေးနိုင်သည်ဟု ယုံကြည်ထားကြသည်။ သူငယ်တန်း မစတင်မီကတည်းကပင် ကလေး၏ သင်ယူလေ့လာမှု ခရီးလမ်းအတွက် မိဘများမှ တက်တက်ကြွကြွ စီစဉ်ကြသည်။ (စာကြိုသင်ပေးခြင်းကို မဆိုလိုပါ။) ကလေး၏ မူကြိုဘ၀ ပညာရေးနှင့် သင့်တော်မှုရှိသော ပံ့ပိုးမှုတို့ကို စိတ်ဝင်တစား လုပ်ဆောင်ကြ၏။

ထူးချွန်ထက်မြက်သော ကလေးများ၏ မိဘများသည် ကလေး၏ အောင်မြင်မှုမှာ မိဘများနှင့် အိမ်တွင်း ပညာရေး ပံ့ပိုးမှု အခြေအနေများအပေါ် ပိုမို တည်မှီနေသည်ဟူသော မှန်ကန်သည့် အမြင်ကို ခံယူထားကြသူများပင်တည်း။ ကျောင်းဆရာဆရာမများနှင့် ကျောင်းသင်ရိုးညွှန်းတမ်းတို့တွင် အဓိကအားဖြင့် မူမတည်ဟုလည်း (မှန်ကန်စွာပင်) ရှုမြင်ထားကြသည်။ ကလေးပညာရည် တိုးတက်မှုမှာ မိဘများ၏ စနစ်တကျ၊ ပုံမှန်ကူညီပံ့ပိုးမှု၊ ပါဝင်ဆောင်ရွက်မှု ကြောင့်သာ ရရှိနိုင်သည်ဟုလည်း နားလည်ထားကြသူများပါ။ ကလေးများ၏ အပြုအမူ၊ အကျင့်နှင့် ပညာရေး လိုက်စားမှု တို့အပေါ် လမ်းတည့်ပေးခြင်း၊ ကူညီမှုရှိခြင်းကြောင့် အကျိုးများသော၊ သင်ယူလေ့လာလိုသော၊ သင်လွယ် တတ်လွယ်သော အလေ့အထကောင်းများ၊ ပတ်ဝန်းကျင်ကောင်းများကို ဖြစ်ထွန်းစေသည်။

အတုယူစရာ

အီဒစ်စတန်နှင့် ရုသ်လောရန့်စ်တို့၏ အတွေ့အကြုံများမှာ ဤသို့ပင်တည်း။ ငယ်စဉ်ကပင် အလွန်ထူးချွန် ထက်မြက် ကြသည်။ အောင်မြင်မှုများ ရရှိခဲ့ကြသည်။ ပုဂ္ဂိုလ်ထူး၊ ပါရမီရှင်မျိုးရိုးကတော့လည်း မဟုတ်ကြပါ။ ငယ်စဉ်တောင်ကျေး ကလေးဘ၀မှာ ကတည်းကပင် မိဘများ၏ ကြင်နာယုယမှုနှင့် ပညာရေး အားပေးမှု၊ သွန်သင်မှုတို့ကြောင့် အီဒစ်နှင့် ရုသ်တို့၏ ဉာဏ်ရည်နှင့် ဦးနှောက်ဖွံ့ဖြိုးမှုတို့အတွက် များစွာအရေးပါခဲ့လေသည်။

နယူးယောက်မြို့မှ ဖခင်ဖြစ်သူ အာရွန်စတန်သည် သမီးဖြစ်သူ အီဒစ်ကို ပညာရေးအတွက် လှုံ့ဆောင်မှု အကောင်းဆုံး ဖြစ်မည့် ပတ်ဝန်းကျင်ကို ဖန်တီးထားပေးခဲ့လေသည်။ အီဒစ်မွေးကင်းစကတည်းကပင် ဂန္ထ၀င်တေး ဂီတကို တီးခတ်ပေးပြီး နားဆင်စေသည်။ လူကြီးလူကောင်းစကားများ ရွေးချယ်ပြောဆိုသည်။ ပုံပြကဒ်ပြားများ အသုံးပြုပြီး စကားလုံးသစ်များ ကို နေ့စဉ် လေ့ကျင့် သင်ကြားပေးသည်။

ဤသို့ ပံ့ပိုးမှု၊ ထိတွေ့စေမှု၊ လေ့ကျင့်ပေးမှုနှင့် လှုံ့ဆော်မှုများ၏ အကျိုးဆက်အနေဖြင့် အသက်တစ်နှစ်အရွယ်မှာပင် ၀ါကျစာကြောင်းများကို ပြည့်ပြည့်စုံစုံ ပြောဆိုနိုင်ခဲ့သည်။ ငါးနှစ်အရွယ်တွင် ဘရစ်တိန်နီကာ စွယ်စုံကျမ်း အတွဲအားလုံး ကို ဖတ်ရှုပြီးစီးလေပြီ။ ၆နှစ်သမီးအရွယ်တွင် နယူးယောက်တိုင်း သတင်းစာနှင့် စာအုပ် ၆ အုပ်ကို နေ့စဉ် ဖတ်ရှုတော့သည်။ အသက် ၁၂ နှစ်တွင် ကောလိပ်တက်ခွင့် ရရှိခဲ့ပြီး အသက် ၁၅ နှစ်အရွယ်တွင် မစ်ရှီဂန်ပြည်နယ် တက္ကသိုလ်တွင် အဆင်မြင့်သင်္ချာပြ ဆရာမတစ်ဦး ဖြစ်နေလေပြီ။

နောက်ထပ်တစ်ဦးမှာ အင်္ဂလန်မှ ရုသ်လောရန့်စ်ဖြစ်၏။ မိဘများမှ အိမ်တွင်းပညာရေး ပတ်ဝန်းကျင်ကောင်းကို ဖန်တီးထားရှိပေးခဲ့သည်။ တေးဂီတ၊ ကလေးပညာရေး ကစားစရာပစ္စည်းများနှင့် ပညာရေး လေ့လာမှုများကို ရရှိခဲ့သည်။ ကိုးနှစ်အရွယ်တွင် ကင်းဘရစ် O Level စာမေးပွဲကို ဖြေဆိုအောင်မြင်ခဲ့လေသည်။ ပုံမှန် ၁၆ နှစ်အရွယ်များသာ ၀င်ရောက်ဖြေဆိုသည့် စာမေးပွဲဖြစ်၏။ ၁၀ နှစ် သမီးအရွယ်တွင် A Level အောင်မြင်ခဲ့ပြီး အောက်စဖို့ဒ် တက္ကသိုလ်သို့ အသက် ၁၂ နှစ် အရွယ်တွင် တက်ရောက်ခွင့် ရရှိခဲ့သည်။

မိဘများမှ မေးသင့်သည့် မေးခွန်း

ဤဖြစ်စဉ် ၂ ခုစလုံးတွင် ပညာရေးအောင်မြင်မှု၊ ထူးချွန်မှုတို့မှာ အိမ်မှ အစပြုခြင်းနှင့် ငယ်စဉ်ကတည်းကပင် အခွင့်အလမ်း ရရှိခြင်းတို့ဖြစ်ကြောင်း တွေ့မြင်ရပါမည်။ ကျောင်းမှ ပံ့ပိုးကူညီမှုဖြင့် အောင်မြင်မှုရရှိမည်ကို စောင့်စား မျှော်လင့်နေမည့်အစား မြန်မာမိဘများသည် မိမိတို့ ကိုယ်တိုင်ပင် အိမ်မှ အစပျိုး ကူညီပံ့ပိုးမှုပေးရန် အထူး အရေးကြီး သည်ကို သိမြင်နားလည်သင့်၏။ အထူးသဖြင့် ပညာရေးတန်ဖိုးများ ကျဆင်းနေရသည့် ဤကာလ၀ယ် အိမ်နှင့် မိဘတို့၏ အခန်းကဏ္ဍမှာ ကလေးငယ်၏ အနာဂတ်ပညာရေးအတွက် ပို၍ပင် အခရာ ကျနေတော့သည်။ မိဘဖြစ်သည့် မိမိတို့ အပိုင်း၏ အထူးအရေးပါမှုကို သဘောပေါက်လှ သင့်ပါသည်။ ဤတွင် မိဘများမှ ပထမဆုံး မေးခွန်းထုတ်သင့်သည်မှာ ဤသို့ဖြစ်သင့်သည် မဟုတ်ပါလား။ “ ကျောင်းဆရာဆရာမ တွေနဲ့ ကျောင်းရဲ့ တာဝန်ရှိမှုကို မပြောခင်မှာ တို့ရဲ့ကလေးပညာရေး အောင်မြင်မှုအတွက် အိမ်ကနေပြီးတော့ တို့ကိုယ်တိုင် တာဝန်ယူဖို့ အဆင်သင့်ဖြစ်ကြရဲ့လား။”

သိန်းနိုင်

သိမှုဖြစ်စဉ်အတွက် အဆင်ပြေသော သင်ကြားခြင်း

သိန်းနိုင်

“ဆရာဆရာမများအနေဖြင့် ကလေးများ လေ့လာနေသည့် သင်ခန်းစာအသစ်တို့ကို သိရှိထားနှင့်ပြီးသော အကြောင်းအရာတို့နှင့် ဆက်စပ်ပေးခြင်းဖြင့် ရေရှည်မှတ်ဉာဏ်တွင် သိုမှီးသိမ်းဆည်းရန် လှုံ့ဆော်ပေးရာ ရောက်ပါသည်။ ”

ကျောင်းဆရာများအနေဖြင့် စာသင်ခန်းအတွင်း သင်ကြားခြင်းရလဒ်ကောင်းနှင့် ထိရောက်မှု ရှိစေရန်အတွက် ကျောင်းသားများ၏ သင်ယူလေ့လာပုံမှု အပေါ်တွင် သက်ရောက်မှုရှိသည့် စိတ်ပိုင်းဆိုင်ရာ လုပ်ငန်းစဉ်များကို နားလည်ထားသင့်ပါသည်။ လူသား၏ သိမှုဆိုင်ရာ အလုပ်လုပ်ဆောင်ပုံကို နားလည်ထားခြင်းဖြင့် စာသင်ကြားခြင်းနှင့် သင်ယူခြင်းတို့ကို ပိုမိုကောင်းမွန်စေပါမည်။

ဆရာကိုယ်တိုင် တီထွင်ဖန်တီးထားသည့် စာသင်ကြားခြင်း နည်းလမ်းမျိုးစုံကို အသုံးပြုသင်ကြားခြင်းကြောင့် ကျောင်းသားများ၏ စိတ်ပါဝင်စားမှု၊ နိုးကြားတက်ကြွမှုကို လှုံ့ဆော်ပေးနိုင်ပါသည်။ ထိုနည်းတူစွာပင် သင်ကြားရန် ရွေးချယ်ထားသည့် အကြောင်းအရာကြောင့်လည်း ကျောင်းသားအနေဖြင့် အသိပညာကို ရရှိခြင်း၊ နားလည်ခြင်းနှင့် လက်တွေ့ အသုံးချနိုင်ခြင်း တို့အပေါ်တွင် သက်ရောက်မှုရှိနေပါသည်။ သင်ကြားမည့် အကြောင်းအရာကို သင့်တော်စွာ မရွေးချယ်ခြင်း၊ သိမှုဖြစ်ထွန်းစေရန် သင့်လျော်မှု မရှိဘဲ တက်ကြွသော သင်ယူမှုဖြစ်စေရန် အားထုတ်ခြင်းမှာ ဂိုးအကြိမ်ကြိမ် သွင်းသော်ငြားလည်း တစ်ဂိုးမှ မ၀င်ဘဲ ရှိနေသည်နှင့် တူနေပါသည်။

သိမှုစိတ်ပညာ cognitive psychology ဆိုင်ရာ လေ့လာ တွေ့ရှိချက်များအရ သင်ကြားမည့် အကြောင်းအရာ များနှင့် မည်သို့ သင်ကြားပုံတို့မှာ သင်ကြားခြင်း-သင်ယူခြင်း ရလဒ်ကို အဆုံးအဖြတ်ပေးခြင်းဖြစ်သည်။

နိုင်ငံတကာပညာရေးစနစ်များအတွင်းရှိ ဖတ်စာအုပ်များကို လေ့လာကြည့်ပါက သိသာ၊ မြင်သာပါသည်။ ကျောင်းသားများကို ဆွဲဆောင်နိုင်ရန်အတွက် အကြောင်းအရာတို့ကို စိတ်ဝင်စားဖွယ်၊ တက်ကြွဖွယ်၊ ကိုယ်တိုင် လုပ်ဆောင်လိုစိတ်ဖြစ်ဖွယ် တင်ဆက်ထားပြီး အရောင်စုံလင်စွာလည်း ချယ်မှုန်းထားကြသည်။ စာသင်ခန်းအတွင်းဖြစ်စေ၊ ကိုယ်တိုင် လေ့လာရာတွင် ဖြစ်စေ ပိုမိုစိတ်ဝင်စားစေနိုင်သော်ငြားလည်း အောင်မြင်သော လေ့လာမှုဖြစ်စေရန် အခြားအရာများလည်း လိုအပ်ပါသေးသည်။ သင်ခန်းစာ မည်မျှ ရှုပ်ထွေးသည်နှင့် မဆိုင်ပါ။

သင်ယူလေ့လာရန် အကြောင်းအရာတို့မှာ လွယ်သည်ဖြစ်စေ၊ ခက်ခဲသည်ဖြစ်စေ ဤအချက်များကို ထည့်သွင်းစဉ်းစားခြင်းဖြင့် ပိုမိုထိရောက်သော သင်ယူခြင်းကို ဖြစ်စေနိုင်ရာသည်။

နည်းနည်းစီ သင်ကြားခြင်း

သင်ယူလေ့လာရမည့် အကြောင်းအရာတို့ကို ပိုင်းခြားလျက် နည်းနည်းစီ သင်ကြားခြင်းမှာ ကျောင်းသားများ၏ မှတ်ဥာဏ်နှင့် သိနားလည်မှုတို့အတွက် များစွာ အထောက်အကူဖြစ်စေသည်။ သင်ယူနေစဉ်ကာလအတွင်း အလုပ်လုပ်နေသည့် မှတ်ဥာဏ်မှာ ထိန်းသိမ်းထားနိုင်စွမ်းနှင့် အချိန်ကာလ ကန့်သတ်ချက်ရှိသည်ကို သုတေသနမှ လေ့လာတွေ့ရှိထားပါသည်။ မည်သည့်အချိန်တွင်ဖြစ်စေ မှတ်ဥာဏ်၏ လုပ်ဆောင်နိုင်မှုမှာ သတင်းအချက်အလက် အနည်းငယ်ကိုသာလျှင် ထိန်းသိမ်းနိုင်စွမ်းဖြစ်သည်။ သို့ဖြစ်လေရာ တစ်ချိန်တွင် အကြောင်းအရာတစ်ခု၊ အတွေးအမြင်တစ်ကွက်၊ ကျွမ်းကျင်မှု တစ်ပိုင်းလောက်ကိုသာ အချိန်နှင့် ကိုက်ညီစွာ သင်ကြားသင့်ပါ၏။

အတွေးအခေါ်၊ ယူဆချက်တစ်ခုခုကို တင်ပြဆွေးနွေးခြင်းနှင့် ယင်းကို ချဲ့ထွင်ရှင်းလင်းခြင်း၊ ဥပမာပေးခြင်း၊ တစ်တန်းလုံး ဆွေးနွေးစေခြင်းတို့မှာ ကျောင်းသားများအနေဖြင့် ပြန်လှန်တွေးတောချိန် ရရှိစေပြီး အကြောင်းအရာ၊ အချက်အလက်တို့ကို ပိုမိုကြေညက် နားလည်စေပါမည်။

တွေးတောစဉ်းစားစရာ တစ်ခုခုအပေါ်တွင် အချိန်ယူ သင်ကြားသည့်အခါဝယ် ကျောင်းသားများအနေဖြင့် ဆင်ခြင်လေ့လာရန်၊ အဓိပ္ပါယ်ဖေါ်ရန်နှင့် ရေရှည်မှတ်ဥာဏ်တွင် သိမ်းဆည်းရန် လုံလောက်သော အခွင့်အရေး ကို ရရှိမည် မဟုတ်ပါလား။ လောလောဆယ် (သင်ယူနေဆဲ) အလုပ်လုပ်နေသည့် မှတ်ဥာဏ်မှာ သင်ယူခြင်း ဖြစ်စဉ်တွင် ပထမဆုံးအကြိမ်အဖြစ် သိမှုနယ်ပယ်အတွင်း ၀င်လာခြင်းဖြစ်သည်။ အကြောင်းအရာ၊ အချက် အလက် များစွာကို တစ်ချိန်တည်းတွင် အလျှံပယ် တင်ဆက်ခြင်း၊ သင်ကြားခြင်းတို့မှာ အသိပညာတို့ကို ရရှိစေရန်နှင့် ဗဟုသုတတို့ကို ရေရှည် မှတ်ဥာဏ်တွင် သိမ်းဆည်းရန် အခက်အခဲရှိ၏။

ကလေး၏ ဘ၀၊ ပြင်ပလောကနှင့် ဆက်စပ်ပေးခြင်း….

(လတ်တလော) ရှင်သန် အလုပ်လုပ်နေသည့် မှတ်ဥာဏ်တွင် အောင်အောင်မြင်မြင် ၀င်ရောက်လာသည့် အချက်အလက်တို့ကို ရေရှည်မှတ်ဥာဏ်တွင် သိုမှီး သိမ်းဆည်းထားနိုင်သည်။ ဆန့်ကျင်ဘက်တစ်ခုမှာမူ ရေရှည်မှတ်ဥာဏ်မှာ မတိုင်းတာနိုင်လောက်အောင်ပင် ကြီးမားကျယ်ပြန့်မှု ရှိနေခြင်းနှင့် အချက်အလက်ကို ကန့်သတ်မှုမရှိဘဲ သိုမှီးနိုင်စွမ်းပင်ဖြစ်သည်။ ၁၉၄၀ ခုနှစ်တွင် ပြုလုပ်ခဲ့သည့် စိတ္တဗေဒပညာရှင် အေဒရီးယန် ဒင်မန်း ဒီ ဂရု၏ သုတေသန လေ့လာမှုအရ ကမ္ဘာကျော် စစ်တုရင်သမားနှင့် လူသစ်တန်းတို့အကြား အဓိက ကွာဟချက်မှာ အံ့အားသင့်ဖွယ်ရာ ရွှေ့ကွက် (သို့မဟုတ်) လတ်တလော မှတ်ဉာဏ်အား ကြီးမားခြင်း တို့ကြောင့် မဟုတ်ပါ။ သမ္ဘာရင့် စစ်တုရင်သမားတို့၏ ရေရှည်မှတ်ဥာဏ်ထဲတွင် လက်တွေ့ ကစားကွက် ပုံစံမျိုးစုံတို့ကို ကျယ်ပြန့်စွာ သိုမှီး သိမ်းဆည်းထားနိုင်ခြင်းပင်။ ကစားနေစဉ်တွင် သိုမှီးသိမ်းဆည်းထားသည့် ကစားကွက်ပုံစံများထဲမှ ထုတ်နုတ်ယူခြင်းနှင့်၊ လက်ရှိကစားကွက်နှင့် လိုက်ဖက်မည့် အကောင်းဆုံး ရွှေ့ကွက်ကို သိမြင်နိုင်စွမ်းကို ဆိုလိုပါသည်။

အခြားသော စိတ္တဗေဒပညာရှင်တို့၏ ပြဿနာ အဖြေရှာခြင်းနှင့် ပတ်သက်ပြီး စူးစမ်းလေ့လာမှုများကလည်း ရေရှည်မှတ်ဉာဏ်သည် အဆင့်မြင့် တွေးတော စဉ်းစားခြင်းနှင့် သင်ယူလေ့လာခြင်းတို့အတွက် အရေးပါသည်ဟု ထောက်ပြထား၏။

ဆရာဆရာမများအနေဖြင့် ကလေးများ လေ့လာနေသည့် သင်ခန်းစာအသစ်တို့ကို သိရှိထားနှင့်ပြီးသော အကြောင်းအရာတို့နှင့် ဆက်စပ်ပေးခြင်းဖြင့် ရေရှည်မှတ်ဥာဏ်တွင် သိုမှီးသိမ်းဆည်းရန် လှုံ့ဆော်ပေးရာ ရောက်ပါသည်။ သင်ခန်းစာအဟောင်းတို့ကို ပြန်လှန်လေ့ကျင့်စေခြင်း၊ အသစ်နှင့် အဟောင်းဆက်စပ်ပေးခြင်း၊ အဟောင်းအချင်းချင်း၏ ဆက်နွယ်မှုတို့ကို ရှာဖွေစေခြင်း၊ သိရှိထားပြီးသော အကြောင်းအရာအပေါ်တွင် အခြေခံပြီး အသိအသစ်တို့ကို ထပ်ဆင့် တည်ဆောက်ခြင်းတို့မှာ ရေရှည်မှတ်ဥာဏ်ထဲတွင် သိမ်းဆည်းနိုင်ရန် အထောက်အကူ ဖြစ်စေပါသည်။

သင်ကြားရေး ကိရိယာများ

အသိပညာတို့ကို အစိတ်အပိုင်းငယ်လေးများအဖြစ် ဖြတ်တောက်၍ သင်ကြားပေးခြင်းနှင့် အသစ်နှင့် အဟောင်း ဆက်စပ်ပေးခြင်း တို့ကို ထိရောက်စွာ နေ့စဉ်ပင်လုပ်ဆောင်နိုင်ပါသည်။ စနစ်တကျပြင်ဆင်ထားရှိသော သင်ခန်းစာ ဖွဲ့စည်းပုံ organizers၊ အယူအဆ ဆက်စပ်ပုံ (concept maps)၊ အတွေးမြေပုံ (mind map)၊ ပဟေဠိများ၊ ဉာဏ်စမ်းများတို့မှာ ပျော်ရွှင်ဖွယ်ရာကောင်းလှပါသည်။
သိန်းနိုင်

ပန်းပျိုးလက် (၀တ္ထုတို)

အချိန်ကား (၂၀၁၀) ခုနှစ်။
နေရာကား ယူကေနိုင်ငံ၊ တက္ကသိုလ်တခု၏ ဘွဲ့နှင်းသဘင်ခန်းမ။

'ထက်မျိုးနွယ်'

အခမ်းအနားမှူး၏ အသံအဆုံးမှာ စင်မြင့်ပေါ်သို့ တလှမ်းချင်းလျှောက်သွားလိုက်မိသည်။ ရင်ခုန်လိုက်သည်ဖြစ်ခြင်း။ နှစ်ပေါင်းများစွာ ကြိုးစားခဲ့ရသည့် ရလာဒ်တခုကို ဒီနေ့ဒီအချိန်မှာ သူမ ရရှိခံစားလိုက်ရသည်။ မဟာသုတေသနဘွဲ့။ ဂုဏ်ထူးများစွာဖြင့် အောင်မြင်ခဲ့သည်မို့ ပါရဂူဘွဲ့ ဆက်တက်ရန် စကောလားရှစ်များလဲ ရရှိထားသည်။ သင်ကြားရေးလက်ထောက် (Teaching Assistant) အဖြစ် အမှုထမ်းရန် ပရော်ပဖက်ဆာထံမှ ကမ်းလှမ်းချက်ကလဲ ရရှိထားခဲ့သည်။ ဘယ်လိုပဲဖြစ်ဖြစ် တက္ကသိုလ်ပညာရေး အသိုင်းအ၀ိုင်း နယ်ပယ်ကို သူမ ခြေချနိုင်ခဲ့ပြီ။ မကြာမီ နှစ်အနည်းငယ်အတွင်းတွင်ပင် ပါရဂူဘွဲ့ဆွတ်ခူးနိုင်တော့မည်။ အတွေးတွေနဲ့အတူ သူမ၏ ခြေလှမ်းများက တက်ကြွနေခဲ့သည်။ အားမာန်ပါနေခဲ့သည်။


'ဖြောင်း၊ ဖြောင်း၊ ဖြောင်း'

လက်ခုပ်သံများက ဆူညံစွာ ထွက်ပေါ်လာခဲ့သည်။ စင်မြင့်ပေါ်က ဆင်းလာချိန်အထိ လက်ခုပ်သံများက မစဲသေး။ လက်ခုပ်တီးနေသည့် ပရိသတ်ကို သူမ မျက်လုံးဝေ့ကြည့်လိုက်မိသည်။ လူအများကြားမှာ တစုံတယောက်ကို သူမတွေ့လိုက်ရသလိုလို။

'မဟုတ်ပါဘူး။ ငါစိတ်စွဲလို့ နေမှာပါ'
ရုတ်ခြည်းဝင်လာသော အတွေးများကို သူမ ဖျောက်ဖျက်ပစ်လိုက်သည်။ ရှေ့ပိုင်းမှာ ပြီးဆုံးခဲ့သည့် ဘီအေ၊ အမ်အေ ဘွဲ့များအတွက် ဘွဲ့နှင်းသဘင်များ မတက်ရောက်ခဲ့သူမို့ ဒီတကြိမ်က သူမအတွက် ပထမဆုံး ဘွဲ့နှင်းသဘင်ကဲ့သို့ ဖြစ်နေသည်။ ဘွဲ့နှင်းသဘင်သို့ တက်ပြီးမှတော့ တက်ရောက်သူတို့ ထုံးစံအတိုင်း လုပ်ရပေဦးမည်။

ဦးထုပ်များကို လေထဲသို့ ပစ်မြှောက်ပြီး စုပေါင်းဓာတ်ပုံ ရိုက်ကြရသည်။ အမှတ်တရ ဓာတ်ပုံများလဲ တဖျတ်ဖျတ်ရိုက်ကြသည်။ ရှန်ပိန်ခွက်လေးများ ကိုယ်စီကိုင်ရင်း စကားတွေ ဖောင်ဖွဲ့ဖြစ်ကြသည်။ အနာဂတ် ရည်မှန်းချက်များကို ဖလှယ်ဖြစ်ကြသည်။ ညနေပိုင်းရောက်လာတော့ အိမ်သို့ အပြေးအလွှား ပြန်ကြရပြန်သည်။ အပြေးအလွှားမပြန်လို့က မဖြစ်။ ညဘက်ကျရင် Graduation Ball ရှိသေးသည် မဟုတ်လား။ အချိန်မီ အ၀တ်အစားများ သွားလဲကြရသည်။ အလှပြင်ကြရပြန်သည်။ အခမ်းအနားကျင်းပသည့် Hilton Hotel ကို ရောက်တော့ သတ်မှတ်ထိုင်ခုံမှာ ၀င်ထိုင်၊ Three course dinner ကို အားရပါးရစားကြရင်း ညဦးပိုင်း ကပွဲအတွက် ပြင်ဆင်ကြရပြန်သည်။ အတွဲများ ကိုယ်စီနဲ့ လာကြသူများတာမို့ အနည်းငယ်တော့ အားငယ်သွားမိသည်။ နောက်တော့မှ သူမလို အတွဲမပါသူများလဲ ရှိနေဦးမှာပဲလို့ တွေးမိပြီး စိတ်ဖြေသာရာ ရသွားသည်။

'ဟေ့။ ဒါက ဒယ်နီယယ်တဲ့။ သူလဲ အဖော်ရှာနေတာ။ စကော့တစ်ခ်ျ အက ကောင်းကောင်းကတတ်တယ်'

သူငယ်ချင်း ထရီဇာက လူငယ်တယောက်ကို ခေါ်လာပေးသည်။ အက ကောင်းကောင်း ကတတ်သည် ဆိုတော့ ကောင်းတာပေါ့။ အုပ်စုလိုက်ကကြတဲ့အခါ ကိုယ့်အတွဲက အခြေခံသဘောတရားလေးကို နားလည်နေမှ အဆင်ပြေသည်။ မဟုတ်ရင် ဘေးက တွဲကရသူအဖို့ အလွန်ဒုက္ခရောက်တတ်သည်။ ဒီလိုနှင့် ကရင်း ခုန်ရင်း အချိန်များက တဖြည်းဖြည်း ကုန်သွားသည်။ ကပွဲအပြီးမှာ အချိန်ကို ကြည့်လိုက်တော့ ညတနာရီ ထိုးနေလေပြီ။

'လိုက်ဦးမလားထက်။ တို့တွေက Number 7 ကို ဆက်သွားမလို့။ တညလုံး ဆက်ကဲကြမယ်လေ'
ထရီဇာက မြူးမြူးလေး ပြောလာတော့ သူမခေါင်းညိတ်မိမလို ရှိသွားသည်။ ဒီအချိန်မှာ အသံတသံက နားထဲ ၀င်လာသလို ခံစားလိုက်ရသည်။

'ပျော်တာကို မမကြီးက အပြစ်ပြောနေတာ မဟုတ်ဘူး။ ဒါပေမယ့် ပျော်တယ်ဆိုတာမှာ အကန့်အသတ်ရှိတယ်။ အပျော်မလွန်သွားရဘူး။ အပျော်လွန်ရင် အပျက် ဖြစ်တတ်တယ်'

'မလိုက်တော့ဘူး။ ငါပင်ပန်းနေလို့ပါ'

ငြင်းဆိုစကားပြောရင်း Hotel Reception ဆီသို့ သူမထွက်လာလိုက်သည်။ Taxi Booking လုပ်ခိုင်းရမည်။ အရက်သောက်ပြီး ကားမမောင်းရဆိုသော ဥပဒေကြောင့် ဒီလိုညမျိုးမှာ ဘယ်သူမှ ကားမမောင်းကြသည်မို့ ကိုယ့်တက္ကစီ ရောက်ချိန်ကို အနည်းငယ်တော့ စောင့်ရပေဦးမည်။ ဆိုဖာပေါ်မှာ ထိုင်ချလိုက်တော့မှ ခေါင်းထဲမှာ ရီဝေေ၀ ခံစားနေရတာကို သတိရသွားသည်။

'ဟုတ်ပါရဲ့။ dinner စားတုန်းက ရှန်ပိန်၊ ကပွဲဆယ့်ငါးမိနစ် နားချိန်တုန်းက ၀ီစကီ။ ထရီဇာက Red Wine ယူလာပေးတုန်းကလဲ သောက်လိုက်မိသေးတယ်။ နှစ်မျိုး၊ သုံးမျိုးပေါင်းမှတော့ မူးပြီပေါ့။ ငါ့ကိုကလဲလေ ပေကို ပေလွန်းပါတယ်။ မမကြီးသာသိရင် ခေါင်းခေါက်ဦးမှာပဲ ထင်ပါရဲ့'

ကိုယ့်ဘာသာကိုယ် ပြောမိရင်း အတွေးများက အတိတ်ဆီသို့ ပြန်ရောက်သွားသည်။

(၂)

ရွှမ်း

ခြေသလုံးပေါ်သို့ ကျလာသော ကြိမ်ချက်က ပြင်းထန်လွန်းသည်မို့ သူမမျက်ရည်များ ၀ဲတက်သွားရသည်။ အော်ရင် ပိုဆိုးမှာမို့ အံကို တင်းတင်းကြိတ်ထားမိသည်။
'ဒီလောက်စည်းကမ်းတွေ တင်းကြပ်နေတဲ့ကြားက လုပ်ရဲသေးတယ်။ နောက်တခါဆို ဒီထက် ပိုနာမယ်နော်။ သွား။ စာသွားကျက်တော့။'

မမကြီးရဲ့ အမိန့်သံအဆုံးမှာ ခပ်ကုပ်ကုပ်လေး ထွက်လာဖြစ်ခဲ့သည်။ အဆက်မပြတ်ကျထားသော ကြိမ်ချက်များကြောင့် ခြေလှမ်းလိုက်တိုင်း နာကျင်မှု ဝေဒနာကို ခံစားရပေမယ့် ကိုယ့်အပြစ်နှင့်ကိုယ်မို့ ဘာမှ ပြန်မပြောရဲ။

အစစအရာရာမှာ စည်းကမ်းကြီးလွန်းလှသော မမကြီးကို လျှော့တွက်မိသည်ကိုက သူမရဲ့ အမှား။ ကျူရှင်ချိန်စခါနီးမှ အပြင်ပြန်ထွက်ပြီး၊ အတန်းပြီးချိန်မှာ အချိန်ကွက်တိ ပြန်ရောက်လာပါရဲ့နဲ့၊ လာကြိုသူ ကားဒရိုင်ဘာကတောင် မရိပ်မိပါပဲနဲ့ မမကြီး ဘယ်လိုများ သိသွားခဲ့ပါလိမ့်။

'မျိုးမျိုး။ သမီးခြေထောက်နာနေသေးလား'
စာကျက်နေတုန်း မမကြီးက ပြန်လာမေးသည်။

'ရပါတယ်။ မမကြီး။ မနာတော့ပါဘူး'
'ဘယ်ဟုတ်မလဲ။ မမကြီး လက်ဆ ကို မမကြီး သိတာပေါ့။ လာ- ဆေးလိမ်းပေးမယ်။'

မငြင်းသာသည်မို့ မမကြီး ခေါ်ရာသို့ သူမသွားလိုက်သည်။

'နောက်ဆို အဲလိုမျိုး မလုပ်ပါနဲ့ မျိုးမျိုးရယ်။ မမကြီးက မျိုးမျိုးကို အုပ်ထိန်းနေရတာ။ မမကြီးရဲ့ အုပ်ထိန်းမှုအောက်မှာ တခုခုသာ ဖြစ်သွားရင် သမီးရဲ့ မိဘတွေကို မမကြီးဘယ်လိုမျက်နှာ ပြရမလဲ။ ခုဆို မျိုးမျိုး မိဘတွေက နိုင်ငံရပ်ခြားမှာ အလုပ်တာဝန်တွေနဲ့။ မြန်မာပြည်က ဆယ်တန်းအောင်သွားအောင်ဆိုပြီး မျိုးမျိုးကို မမကြီးဆီ ခဏအပ်ထားခဲ့တာ။ မျိုးမျိုးကတော့ မမကြီးကို အစ်မအရင်းမဟုတ်ဘူးဆိုပြီး စိမ်းချင်စိမ်းနေမှာပေါ့။ ဒါပေမယ့် မမကြီးကတော့ ညီမလေးတယောက် လိုချင်နေတဲ့အချိန်မှာ နှစ်အိမ့်တအိမ်လို့ နေတဲ့ မိသားစုထဲမှာ မွေးလာတဲ့ မျိုးမျိုးကို ညီမလေးအရင်းတယောက်လို ချစ်ခဲ့ရတာ။ သမီးပျက်စီးသွားမှာကို မမကြီး သိပ်စိုးရိမ်တယ်။ နောက်ဆိုဒီလိုမျိုး ထပ်မလုပ်နဲ့တော့နော်'

'ဟုတ်ကဲ့ မမကြီး။ နောက်ဆို မလုပ်တော့ပါဘူး။ စာအုပ်ဆိုင်မှာ အထူးထုတ်တွေ အသစ်ရောက်တယ်ကြားလို့ သွားကြည့်မိတာပါ'
'မမကြီးကို ဘာလို့ မပြောတာလဲ'
'ဟို- ကြောက်လို့ပါ'
'ဘာကို ကြောက်တာလဲ'
'ဆူမှာစိုးလို့'
'ဘာကို ဆူရမှာလဲ'
'ဒီလောက်သင်ရိုးတွေ ကြေညက်အောင် သင်ပေးထားရက်နဲ့ အထူးထုတ်ကို အားကိုးချင်လားဆိုပြီး ဆူမှာ စိုးလို့ပါ။ သမီးက အဲဒီထဲက မှတ်စုတွေကို ကြည့်ချင်တာ မဟုတ်ပါဘူး။ မေးခွန်းပုံစံတွေ လေ့ကျင့်ချင်လို့ပါ'

မမကြီးက သူမကိုကြည့်ပြီး ပြုံးသည်။

'ခုတော့ အဆူခံရရုံတင်မကပဲ အရိုက်ပါ ခံလိုက်ရပြီ မဟုတ်လား။ အထူးထုတ်လိုချင်တာများ မျိုးမျိုးရယ်။ မမကြီးကို အစကတည်းက ပွင့်ပွင့်လင်းလင်း ပြောရောပေါ့။ လူဆိုတာ ကိုယ်လိုအပ်တာကို ပွင့်ပွင့်လင်းလင်း တောင်းဆိုရဲရတယ်။ တောင်းဆိုဖို့ မကြောက်ရဘူး။ တောင်းဆိုပြီးမှ မမကြီးက ငြင်းလိုက်ရင်တော့ တမျိုးပေါ့။ ခုတော့ ကိုယ်လိုအပ်တာကို တောင်းဆိုဖို့ ကြောက်လိုက်တဲ့ ကြောက်စိတ်ဟာ မကောင်းမှုတခုကို ကျူးလွန်ဖို့ တွန်းအားပေးလိုက်သလို ဖြစ်သွားတယ်။ ကြောက်စိတ်ဟာ တခါတရံမှာ အမှားတွေ ကျူးလွန်မိစေတတ်တယ်နော်။ ဒါကြောင့် မျိုးမျိုးရဲ့ ရင်ထဲမှာ ရှိနေတဲ့ ကြောက်စိတ်တွေ၊ စိုးရိမ်စိတ်တွေကို ခုချိန်ကစပြီး ဖယ်ရှားပစ်ရမယ်။ ကိုယ်လိုအပ်တာကို အကျိုးသင့်၊ အကြောင်းသင့် တောင်းဆိုတတ်ဖို့အတွက်ပဲ ပြင်ဆင်ဖို့လိုတယ် ။ ဟုတ်ပြီလား'

မမကြီးက ပြောရင်းဆိုရင်းနှင့် သူမခေါင်းလေးအား ဖွဖွလေး ပုတ်ပြီး ထွက်သွားသည်။ ဆေးစွမ်းကြောင့်လား၊ မမကြီးရဲ့ စကားစွမ်းကြောင့်လားတော့ မသိ။ နာကျင်မှုတွေက ပျောက်သွားသလိုလို။

(၃)

'မမကြီး။ ဒါတွေက'

သူငယ်ချင်းများနှင့် လျှောက်လည်ပြီး အပြန် သူမအခန်းထဲမှာ ပါဆယ်ထုပ်များ တွေ့လိုက်ရတာမို့ မမကြီးဆီ သွားမေးမိသည်။

'စာအုပ်တွေလေ မျိုးမျိုး။ ဂျီစီအီး အိုလယ်ဗယ်စာအုပ်တွေ။ တက္ကသိုလ်တွေက ပိတ်နေတာ ကြာလှပြီ။ ဘယ်တော့မှ ပြန်ဖွင့်မယ်မှန်းလဲ မသိဘူး။ ဒီကြားထဲ အချိန်မကုန်အောင် ဂျီစီအီး စာမေးပွဲတွေ ဖြေထားရမယ်'

'မမကြီးရယ်။ မျိုးမျိုးက ဆယ်တန်းဖြေထားတာတောင် မကြာသေးဘူး'

'အချိန်ဟာ တန်ဖိုး ရှိတယ်မျိုးမျိုး။ ဆယ်တန်းအောင်တာဟာ ပညာရေးခရီးလမ်း ပြီးဆုံးသွားတာ မဟုတ်သေးဘူး။ ဆယ်တန်းအောင်လက်မှတ်ဆိုတာ အဆင့်မြင့်ပညာရေးဂိတ်ဝကို ဖြတ်သန်းဖို့ လိုအပ်မယ့် ပတ်စ်ပို့လေး တခုလောက်ပဲ ရှိသေးတယ်။ ဒါတောင် ကိုယ်သွားမယ့် အဆင့်မြင့် ပညာရေးက ကမ္ဘာ့အဆင့်မီ ပညာရေးကို မှန်းတယ်ဆိုရင် တခြားလိုအပ်မယ့် ပတ်စ်ပို့လေးတွေက ထပ်ရှိသေးတယ်။ အင်္ဂလိပ်စာ အောင်လက်မှတ်တွေအတွက် TOEFL, IELTS တွေ ရှိတယ်။ အမေရိကန် ကောလိပ်တွေအတွက်ဆိုရင် SAT exam တွေရှိမယ်။ ယူကေ တက္ကသိုလ်တွေအတွက်ဆိုရင် GCSE exam တွေ ရှိမယ်။ GCE A Level exam တွေ ရှိမယ်'

'ဒါဆို စာတွေ အများကြီး ထပ်ကျက်ရဦးမှာပေါ့'
'ဟုတ်တယ်။ စာတွေအများကြီးကို ထပ်ပြီး ဖတ်မှတ်လေ့လာရဦးမယ်။ ဦးနှောက်ဆိုတာ ဓားလိုပဲ။ အမြဲတမ်းသွေးနေရတာ။ မသွေးရင် တုံးသွားရော'
'တက္ကသိုလ်တွေ ပြန်ဖွင့်လာတဲ့အခါ ဒါတွေက အသုံးမ၀င်တော့ရင် ဘယ်လိုလုပ်မလဲ'

'ပညာဆိုတာ ဘယ်ပညာပဲဖြစ်ဖြစ် အခါအခွင့်သင့်လို့ သင်ထားခွင့်ရရင် သင်ထား ငါ့ညီမ။ တခါတရံမှာ အမှတ်တမဲ့ သင်ထားလိုက်မိတဲ့ ပညာရပ်တခုဟာလဲ ဘ၀အတွက် အသက်မွေးဝမ်းကျောင်း ဖြစ်သွားတတ်တယ်။ ဘယ်ပညာရပ်မှ အသုံးမ၀င်ဘူးဆိုတာ မရှိဘူး။ အသုံးမ၀င်သေးတာပဲ ရှိတယ်။ ကိုယ်က စားဝတ်နေရေးနဲ့ ဘယ်လိုမှ အချိန်မပေးနိုင်ရင်တော့ တမျိုးပေါ့လေ။ စားဝတ်နေရေးကို ပစ်ပယ်ပြီး ပညာတွေချည်းပဲ လိုက်သင်နေလို့ကလဲ ဘယ်ဖြစ်ပါ့မလဲ။ ဒါပေမယ့် ခုဆို မျိုးမျိုးက ဆယ်တန်းဖြေပြီးစပဲ ရှိသေးတယ်။ ကိုယ်ရည်ရွယ်ထားတဲ့ တက္ကသိုလ်တွေကလဲ ပိတ်ထားတာ ကြာလှရောပေါ့။ ဘယ်တော့ ပြန်ဖွင့်မယ်ဆိုတာလဲ မသိဘူး။ ဒီလိုအချိန်မှာ လူငယ်လေးတွေဟာ စိတ်လေတတ်တယ်။ ပညာရေးလဲ အာရုံမစိုက်ဖြစ်၊ အလုပ်အကိုင်ကျတော့လဲ ဟိုလိုလို၊ ဒီလိုလိုနဲ့ ကြားမှာ လွတ်နေတတ်တယ်။ အဲလိုအခြေအနေမျိုးမှာ လမ်းမှားရောက်ပြီး ဘ၀ပန်းတိုင် ပျောက်နေကြရတဲ့ လူငယ်လေးတွေ အများကြီးပဲ။ မျိုးမျိုးကို အဲလိုမျိုး အဖြစ်မခံနိုင်ဘူး။ ကဲ- နက်ဖြန်ကစပြီး ဂျီစီအီးသင်မယ့် ဆရာတွေ အိမ်ရောက်လာလိမ့်မယ်။ ဒီမှာ အချိန်ဇယား။ အပြင်သွားစရာတွေ၊ ဘာတွေ ရှိတဲ့အခါ မမကြီးကို ကြိုပြော၊ ဟုတ်ပြီလား'

မမကြီးစကားမို့ ခေါင်းညိတ်လိုက်ရပေမယ့် စိတ်ထဲကတော့ သိပ်မကျေနပ်လှ။ ဆယ်တန်းပြီးတာတောင် လွတ်လပ်ခွင့်မပေးပဲ ချုပ်ချယ်နေသည်ဟု ထင်မိသည်။ သူငယ်ချင်းတွေများဆို လွတ်လွတ်လပ်လပ်။ ဘာပဲဖြစ်ဖြစ် မေမေနဲ့ဖေဖေ နိုင်ငံခြားက ပြန်မလာမချင်းတော့ မမကြီးအိမ်မှာ နေရပေလိမ့်ဦးမည်။

(၄)

'ဟင်။ မမကြီး လိုက်လာတယ်'

ရဲစခန်းက စခန်းမှူးရှေ့မှာ ထိုင်ရင်း စခန်းမှူးနှင့် စကားပြောဆို လက်မှတ်ထိုးနေသော မမကြီးကို ထိုင်ကြည့်နေမိသည်။ မေမေနှင့် ဖေဖေက သူတို့ကိုယ်တိုင်မလာပဲ ဘာလို့များ မမကြီးကို လွှတ်လိုက်သည် မသိ။

စခန်းက ထွက်လာသည့် အချိန်အထိ မမကြီးက စကားတခွန်းမှ မဟသေး။ ကားကိုသာ ဂရုစိုက် မောင်းနေသည်။ သူမ မနေနိုင်တော့။

'မေမေတို့ကလဲ ဘာလို့ မလာလဲ မသိဘူး။'

'လာစရာလား။ ဒီလိုနေရာမျိုးကို။ လူကြီးတွေက'

မမကြီးက သူမအားလှည့်ကြည့်ရင်း ခပ်ဆောင့်ဆောင့် ပြောသည်။ စိတ်ဆိုးနေမှန်းသိတာမို့ သူမဘာမှ ဆက်မပြောဖြစ်တော့။

မေမေတို့ နိုင်ငံခြားက ပြန်ရောက်လာကတည်းက မေမေတို့နဲ့ အတူပြန်နေဖြစ်ခဲ့သည်။ အလုပ်တာဝန်များပြားနေသော မိဘများရဲ့ အုပ်ထိန်းမှုအောက်မှာ သူမကတော့ တနေ့တခြား လွတ်လပ်လာခဲ့သည်။ အိမ်ပြန်ရောက်ချိန် နောက်ကျတာ၊ စာမဖတ်ဖြစ်တာ၊ သင်တန်းဆိုပြီး ရှော့ပင်းထွက်တာများကတော့ မေမေတို့ သိပင်မသိ။ မမကြီးကတော့ အခါအားလျော်စွာ တွေ့သည်နှင့် ဆူပူကြိမ်းမောင်းတတ်စမြဲ။ သို့ပေမယ့် အုပ်ထိန်းမှုအောက်မှာ မဟုတ်တော့ သူလဲ ဘာမှ မတတ်နိုင်။ သူမကလဲ မမကြီးရဲ့ စေတနာကို သဘောပေါက်သလိုရှိပေမယ့် တဘက်သတ်လိုက် ချုပ်ချယ်နေတယ်လို့လဲ ထင်မိသည်။ မိဘအရင်းကတောင် ဘာမှမှ မပြောသည်ပဲ။

'ကဲ။ ဒေါ်ထက်မျိုးနွယ်။ ကြွစမ်းပါဦး။ အိမ်ထဲကို'

မမကြီးက အိမ်သို့ တန်းမခေါ်လာပဲ သူ့အိမ်ထဲသို့ ခေါ်သွားသည်။

'မမကြီးက ဘာလုပ်မလို့လဲ။ သမီးကို ရိုက်မလို့လား'
'အေး။ ဟုတ်တယ်။ ဒါပေမယ့် ဒီအရွယ်ရောက်မှတော့ တုတ်နဲ့ မရိုက်ဘူး။ စကားနဲ့ပဲ ရိုက်မယ်'

မမကြီးပြသော ဆိုဖာမှာ သူမ၀င်ထိုင်ဖြစ်သည်။ စိတ်ထဲမှာတော့ အနည်းငယ် ရှိန်နေမိသည်။

'ပြောစမ်းပါဦး အဖြစ်အပျက်ကို'
'သင်္ကြန်တုန်းက ရန်စပါ။ သမီးတို့ မဏ္ဍာပ်ကို သူတို့အုပ်စုက ခဲနဲ့ လာထုဖူးတယ်။ ဒီနေ့တော့ နိုက်ကလပ်မှာ သူတို့နဲ့ ပြန်တွေ့တာနဲ့ သမီးတို့ အုပ်စုနဲ့ ထပ်ညိကြတယ်။ အဲဒါအပြန်မှာ သူတို့ဘက်က လမ်းပိတ်တားပြီး ပြဿနာရှာတာပါ'

'မိန်းကလေးတန်မဲ့ ရန်ပွဲတွေထဲပါ၊ ရုံး၊ ဂတ်တွေရောက်နဲ့ မရှက်ဖူးလားဟင်။ မိဘအသိုင်းအ၀ိုင်းနဲ့ အဆင့်အတန်းကိုလဲ ပြန်ကြည့်ပါဦး။'
'သမီးက ရန်ဖြစ်တာမှ မဟုတ်တာ။ သူတို့တွေ ထိုးနေလို့ ၀င်ဆွဲရင်း ကိုယ်ပါပါသွားတာ'

'ဘာပဲဖြစ်ဖြစ် ဒီလိုအချိန်မျိုးမှာ ဒီလိုလူတွေနဲ့ ဒီလိုနေရာမျိုးတွေသွားရင် ဒါမျိုးတွေ ဖြစ်တတ်တယ်ဆိုတာ မင်းနားမလည်ဖူးလား။ ဒီအချိန်မျိုးဟာ မိန်းကလေးတယောက် အိမ်အပြင်မှာ ရှိနေသင့်တဲ့ အချိန်လား။ အေး- မိသားစုဝမ်းရေးအတွက် လုပ်ကိုင်စားသောက်နေရတဲ့ မိန်းကလေးတွေကို ငါမဆိုလိုဘူး။ ဒါပေမယ့် အဲလိုမဟုတ်ပဲ ညသန်းခေါင်ကျော် လမ်းပေါ်ရောက်နေတဲ့ မင်းလိုမိန်းကလေးမျိုးကိုတော့ တန်ဖိုးရှိတဲ့ မိန်းကလေးလို့ ငါမသတ်မှတ်နိုင်ဘူး'

'မမကြီး အဲလိုမပြောပါနဲ့။ သမီးက လူငယ်ပါ။ လူငယ်တယောက် လွတ်လွတ်လပ်လပ် ပျော်တာ အပြစ်လား၊ ပျော်တာနဲ့ပဲ တန်ဖိုးမဲ့ရရောလား'

'ပျော်တာကို မမကြီးက အပြစ်ပြောနေတာ မဟုတ်ဘူး။ ဒါပေမယ့် ပျော်တယ်ဆိုတာမှာ အကန့်အသတ်ရှိတယ်။ အပျော်မလွန်သွားရဘူး။ အပျော်လွန်ရင် အပျက် ဖြစ်တတ်တယ်။ တန်ဖိုးမဲ့တတ်တယ်။ လူ့ဂုဏ်သိက္ခာတွေ ကျဆင်းသွားတတ်တယ်။ ခု မင်းသွားလာနေထိုင်နေတာက ပျော်တာမဟုတ်တော့ဘူး။ အပျော်လွန်တာ ဖြစ်နေပြီ။ မင်းဘ၀အနာဂတ်အတွက် မင်းဘာတွေ လုပ်ထားပြီလဲ။ ပထမအရွယ် ပညာရှာတဲ့။ ခုမင်းပညာရှာနေသလား။ စာထဲမှာ အာရုံမစိုက်ပဲ ကုန်နေတဲ့ အချိန်တွေ ဘယ်လောက်ရှိပြီလဲ။ မင်းကိုယ်မင်း အသိဆုံးပဲနေမှာပေါ့။ ပညာမရှာတော့ ဥစ္စာကော မင်းရှာနေလား။ မိဘပြည့်စုံတယ်လို့ လာမပြောနဲ့။ လူတယောက်ဘ၀မှာ ပညာနဲ့ ဥစ္စာဆိုတာ ဟန်ချက်ညီဖို့ အရေးကြီးတယ်။ မင်းမိဘရဲ့ ဥစ္စာပစ္စည်းတွေသာ အကြောင်းအမျိုးမျိုးကြောင့် ပျက်စီးသွားခဲ့ရင် ပညာလဲ မပြည့်စုံသေးတဲ့ မင်းက ဘာနဲ့ လုပ်ကိုင်စားသောက်မလဲ။ မင်းခြေထောက်ပေါ်မင်းဘယ်လို ရပ်တည်မလဲ။ အခု မင်းဟာ တန်ဖိုးမဲ့ ဆန်ကုန်မြေလေး ဖြစ်နေပြီ။ မင်းမှာ ဘာတန်ဖိုးမှ မရှိတော့ဘူး။ နားလည်လား'

သူမ၀ုန်းကနဲ ထရပ်မိသည်။ မမကြီးရဲ့ စကားလုံး ရိုက်ချက်များက တုတ်ချက်များထက် ပိုမို ပြင်းထန်သည်ပဲ။

'မမကြီး စောင့်ကြည့်လိုက်လေ။ ဘာတန်ဖိုးမှ မရှိဘူးလို့ မမကြီး ပြောခဲ့တဲ့ ထက်မျိုးနွယ်ဆိုတာရဲ့ တန်ဖိုးကို'

ဘာမှ ထပ်မပြောပဲ သူမလှည့်ထွက်လာခဲ့သည်။ တလမ်းတည်းမှာ ရှိသော သူမအိမ်ကို ဘယ်လိုပြန်ရောက်လာသည်မသိ။ အိမ်ရောက်ရောက်ချင်း မေမေ့ကို သူမပြောသည်။ မေမေပို့လိုသော အင်္ဂလန်ကို သူမအမြန်ဆုံးသွားမည်ဟု----။

(၅)

အတွေးထဲ လွင့်မျောနေဆဲမှာပဲ ဟိုတယ် ဧည့်ကြိုက တက္ကစီရောက်ပြီဖြစ်ကြောင်း ပြောသည်။ တက္ကစီပေါ်မှာ လိုက်ပါလာရင်း မမကြီးဆီ ဖုန်းဆက်ရင် ကောင်းမလားလို့ တွေးမိသည်။ စိတ်ဆိုး၊ စိတ်နာနာနှင့် မြန်မာပြည်က ထွက်လာပြီးကတည်းက အိမ်ကို ဖုန်းဆက်ဖြစ်သည်မှလွဲ၍ တခါမှလဲ မပြန်ဖြစ်တော့။ စာထဲမှာပဲ အာရုံစိုက်သည်။ အလုပ်တဘက်နှင့်တွဲ၍ ပညာရေးခရီးလမ်းကို တကွေ့ပြီးတကွေ့ ကျော်ဖြတ်သည်။ ကိုယ်ပိုင်အလင်းရောင်ရှိလာအောင်၊ တန်ဖိုးတက်လာအောင် ကြိုးစားရုန်းကန်ဖြစ်ခဲ့သည်။ အချိန်တွေကြာလာတာနဲ့အမျှ မမကြီးရဲ့ စေတနာကိုလဲ သဘောပေါက် နားလည်မိပါသည်။ ဒါပေမယ့် ဘာရယ်ကြောင့် မသိ။ အလွတ်ရဆဲ မမကြီးရဲ့ ဖုန်းနံပါတ်ကို မနှိပ်ဖြစ်။ တစုံတရာက တားဆီးနေသလိုရှိသည်။ မေမေကတော့ ဖုန်းဆက်ဖြစ်တိုင်း မမကြီးဆီပါ ဖုန်းဆက်ဖို့ တိုက်တွန်းနေကြ။ သူမရဲ့ သတင်းတွေကိုလဲ မမကြီးက အမြဲနားစွင့်နေသည်ဆိုပဲ။

'ဟယ်လို။ ဒေါ်ခင်မာထိုက် ရှိပါလားရှင်'

အိမ်ပြည်ရောက်သည်နှင့် မေမေ့ဆီတောင် ဖုန်းမဆက်အား။ မမကြီးဆီသို့ ဖုန်းခလုတ်ကို အရင်နှိပ်မိသည်။

'မနေ့ကပဲ ဆုံးသွားပါတယ်ရှင်'

'ရှင်'
သူမ လက်ထဲမှ ဖုန်းကလေးက ရုတ်တရက် လွတ်ကျသွားပါသည်။

ပန်းပျိုးလက်တစုံကတော့ လူ့လောကထဲမှ လွင့်ကြွေသွားခဲ့လေပြီ။

သူပျိုးထောင်ပေးခဲ့သော ပန်းကလေးကတော့ အစွမ်းကုန် ဖူးပွင့်လျက်။

ခင်မမမျိုး (၂၊ ၉၊ ၂၀၁၀)

(စာကြွင်း။ ။ လောကကြီးမှာ ကျွန်မတို့ တတွေရဲ့ ဘ၀ပန်းလေးတွေ ဖူးပွင့်လာဖို့အတွက် အမုန်းခံပြီး အကျိုးလိုစိတ်နဲ့ ဆုံးမခဲ့ကြတဲ့ ပန်းပျိုးလက် အစုံကို ပိုင်ဆိုင်ကြသော မိဘတွေ၊ ဆရာသမားတွေ၊ လူကြီးသူမတွေ အများကြီးပါ။ အဲဒီပန်းပျိုးလက်အစုံလေးတွေ မကြွေလွင့်သွားခင်မှာ သူတို့ပျိုးထောင်ခဲ့တဲ့ ပန်းလေးတွေ ဖူးပွင့်လာခဲ့ပြီဆိုတာကို ဖုန်းခလုတ်လေးတွေကို နှိပ်လို့ပဲဖြစ်ဖြစ်၊ စာလေးတကြောင်းနှစ်ကြောင်း ရေးလို့ပဲ ဖြစ်ဖြစ် အသိပေးရင်း တချိန်က ပြစ်မှားမိခဲ့တာတွေအတွက် တောင်းပန်လိုက်ကြမယ် ဆိုရင်ဖြင့်)

ပျောက်ဆုံးသွားတဲ့ သင်ရိုးညွှန်းတမ်း

သိန်းနိုင်

“ဘာသာရပ်ကြီး တစ်ခုလုံးကို ဖြုတ်ပစ်လိုက်ကြတာနော်။ မျိုးဆက် ၄ ခုလောက်တောင်ရှိနေပြီ။ နောက်ပိုင်းနှစ်တွေမှာလည်း ပြန်ထည့်ဖို့ကို မစဉ်းစားခဲ့ကြဘူး။ အခုထက်ထိ ဖြုတ်ထားကြတုန်း။ ဒါဟာ ပညာရေးဆိုင်ရာ ရက်စက်မှုပါ။ တာဝန်မဲ့မှုလည်းဖြစ်တယ်။ အခုတော့ ကျနော်တို့က ကျောင်းဆရာ ပြန်လုပ်ကြပေမယ့်လည်း ကိုယ်ကမသင်ခဲ့ရတဲ့အတွက် ဘယ်လိုပြန်သင်ပေးနိုင်မှာလဲ။”

အမြဲစွတ်စိုနေတတ်သော နယ်မြေဖြစ်သဖြင့် ပတ်ဝန်းကျင်တစ်ခွင်လုံးမှာ စိမ်းစိုလန်းဆန်းလျက်။ ပင်လယ်ပြင်ကြီးကို အမှီပြုပြီး ၀မ်းစာရှာကြရရှာသော မိသားစုများ၏ ကလေးများအတွက် ကျောင်းများကို ကိုယ်ထူကိုယ်ထ ဖွင့်လှစ်ထားကြခြင်းဖြစ်သည်။ ၂၀၁၀ ခုနှစ်တွင် မိုးဦးရာသီတွင် ရက်တို ဆရာအတတ်ပညာရေးသင်တန်းကို မြန်မာနိုင်ငံ၏ အစွန်အဖျား နယ်မြေတစ်ခုတွင် ကျင်းပ ပြုလုပ်ခွင့်ရရှိခဲ့သည်။ မြန်မာပြည်တွင်း အခြေခံပညာ စာသင်ကျောင်းများတွင် ကျောင်းဆရာတာဝန်ကို နှစ်ပေါင်းများစွာ ထမ်းဆောင်ခဲ့ဖူးသူများ အပါအ၀င် အသက်အရွယ်မျိုးစုံ ကျောင်းဆရာ၊ ဆရာမများ စုစုပေါင်း ၆၀ ဦးခန့် တက်ရောက်ခဲ့ကြသည်။ ကလေးဖွံ့ဖြိုးမှုပညာ၊ ဉဏ်ရည်အထွေထွေ စွမ်းရည်အမျိုးမျိုး၊ ကလေးဗဟိုပြု စာသင်ကြားနည်းများ၊ အနုရသပညာရေး၊ သင်ရိုးညွှန်း တမ်းပညာနှင့် ပညာရေးစီမံခန့်ခွဲမှုတို့ကို ဦးစားပေးဆွေးနွေးဖြစ်ခဲ့သည်။ ကျယ်ပြန့်၊ မျှတသော ကျောင်းသင်ရိုးညွှန်းတမ်း တစ်စုံကို လိုအပ်နေသည့် ယင်းဒေသတွင် ဤကဲ့သို့သော သင်တန်းမျိုး၊ ဆွေးနွေးပွဲမျိုး ယခင်က မရှိခဲ့သေးပါ။ သို့ဖြစ်ပါ၍ သင်တန်း နည်းပြဆရာ ဆရာမများနှင့် သင်တန်းသူ၊ သင်တန်းသား ကျောင်းဆရာဆရာမများအတွက် လွန်စွာအားရ ကျေနပ်ဖွယ်ရာ ဖြစ်ခဲ့ပါသည်။ စုပေါင်း ဆွေးနွေးလေ့လာခြင်းဖြင့် အားလုံးအတွက် ပညာရေး အတွေးအမြင်သစ်များ၊ အကျင့်အကြံသစ်များ ရရှိခွင့်ကို ဖန်တီးနိုင်ခဲ့ကြပြန်သည်။

ပျောက်ဆုံးသွားတဲ့ သင်ရိုးညွှန်းတမ်း

သင်တန်း၏ အရေးကြီးသော အစိတ်အပိုင်းတစ်ခုလည်းဖြစ်၊ ရေရှည်လုပ်ငန်းစဉ်တစ်ခုအနေဖြင့်လည်းရှိနေမည့် သင်ရိုးညွှန်းတမ်း ပညာခေါင်းစဉ်ကို ဆွေးနွေးကြရာဝယ် မြန်မာ့ပညာရေး ရှုခင်းမှ ပျောက်ဆုံးသွားခဲ့လေသော ခေါင်းစဉ်တစ်ခုကို ရှာဖွေတွေ့ရှိခဲ့ကြတော့၏။ ကျယ်ပြန့်၊ မျှတသော သင်ရိုးညွှန်းတမ်းကို မည်သို့တည်ဆောက်ကြပါမည်နည်း။ ဘက်စုံပညာရေးဟူသည် အဘယ်နည်း။ ပညာ၊ ပညာရေး၊ ကျောင်းပညာရေး၊ မူလတန်းပညာရေး စသည်တို့၏ အဓိပ္ပါယ်တို့ကို ဖွင့်ဆိုခြင်းဖြင့် စတင်ဆွေးနွေးရတော့သည်။ အခြေခံပညာရေး၏ ရည်မှန်းချက်ကို ရှင်းလင်းရတော့၏။

ဘာသာရပ်များဖွဲ့စည်းပုံနှင့် ၂၁ ရာစု အတွက် အခြေခံပညာသင်ရိုးညွှန်းတမ်းဖွဲ့စည်းမှုကိုဆွေးနွေးကြစဉ် သင်တန်းနည်းပြဆရာမှ အမှတ်မထင် မေးခွန်းတစ်ခုကို ကောက်ခါငင်ခါ မေးမြန်းလေသည်။
“အခုဒီသင်တန်းကို တက်ရောက်လာကြတဲ့ ကျောင်းဆရာဆရာမများထဲက ပြည်သူ့နီတိဘာသာရပ်ကို အခြေခံပညာ ကျောင်းနေတုန်းက သင်ယူခဲ့ဖူးတဲ့ ဆရာဆရာမများ ခေတ္တမတ်တပ် ရပ်ပေးကြပါ”
အားလုံးတဒင်္ဂမျှ တိတ်ဆိတ်ငြိမ်သက် သွားကြလေသည်။ တွေဝေစဉ်းစားနေကြပုံကို မြင်လိုက်ရပြန်သည်။ ထို့နောက် အသက်ကြီးကြီး ဆရာဆရာမကြီး ၇ ဦးခန့် ဖြည်းညင်းစွာ မတ်တပ်ရပ်လာကြသည်။ သင်တန်းဆရာအနေဖြင့် ဦးဆောင်ဆွေးနွေးနေသူမှ တစ်ခန်းလုံးကို စေ့ငုစွာ သုံးသပ်ကြည့်မိသည်။ ဆရာဆရာမ ၆၀ ဦးခန့်မှ အသက် ၆၀ ၀န်းကျင်ခန့် ၇ ဦးသာမတ်တပ်ထရပ်သည်မဟုတ်ပါလား။ သူတို့မျက်နှာများပေါ်တွင် ဆွေးမြေ့ လွမ်းဆွတ် နေကြဟန် ရှိသည်။ ကျန်ရှိနေသော ဆရာဆရာမ ၅၀ ကျော်မှာ မတ်တပ်ရပ်ပြသူ ဆရာဆရာမကြီးတို့ကို ငေးမောရင်း တစ်စုံတစ်ရာကို ကိုယ်စီ စဉ်းစားနေကြပုံ ပေါ်လွင်နေသည်။

အချိန်လည်းစေ့တော့မည်ဖြစ်သဖြင့် သင်တန်းဆရာမှအားလုံးကို ဤသို့ဆက်ပြောခဲ့လေသည်။
“ထိုင်နေကြတဲ့ ဆရာဆရာမများဟာ အသက်အရွယ်အားဖြင့် ၂၀ ကျော်၊ ၃၀ ကျော်၊ ၄၀ ကျော်၊ ၅၀ ကျော်တွေ အများစုဖြစ်တာ တွေ့ရပါတယ်။ အားလုံးလည်းပဲ မြန်မာနိုင်ငံပညာရေးကို ဖြတ်သန်းခဲ့ဖူးသူတွေချည်းဖြစ်တယ်။ အခုတော့ဖြင့် ကံအားလျှော်စွာ၊ ကံကောင်းစွာနဲ့ ဒီနေရာလေးမှာ ကျောင်းဆရာဆရာမများအနေနဲ့ တာဝန်ထမ်းဆောင်ခွင့် ရရှိနေကြတယ်။ ဒီနေ့တော့ သင်တန်းချိန် စေ့တော့မှာမို့လို့ အိမ်စာအနေနဲ့ ပေးလိုက်ချင်ပါတယ်။ ထိုင်နေတဲ့ ဆရာဆရာမများအနေနဲ့ ဘာဖြစ်လို့များ ပြည်သူ့နီတိဘာသာရပ်ကို အခြေခံပညာ ကျောင်းသားဘ၀မှာ သင်ယူလေ့လာခွင့် မရရှိခဲ့ကြတာလဲဆိုတာ အဖြေရှာလာကြဖို့ပါ။”
တီးတိုး ဆွေးနွေးသံများ ပေါ်ထွက်လာခဲ့၏။

သင်တန်း နည်းပြဆရာမှ ဆက်ပြောခဲ့သည်။

“လေးစားထိုက်တဲ့ ကျနော့်တို့ရဲ့ ၀ါရင့်ဆရာဆရာမကြီးများကိုလည်း အကူအညီတစ်ခု တောင်းပါရစေ။ ကျနော်တို့ကို စာသင်ကြားပေးခဲ့တာတွေအတွက် ကျေးဇူးစကားဆိုပါရစေ။ သို့သော်လည်းပဲ ကျနော်အပါအ၀င် ဒီခန်းမထဲမှာ ထိုင်နေကြတဲ့ ကျောင်းဆရာဆရာမများဟာ ပြည်သူ့နီတိဘာသာရပ်ကို အခြေခံပညာ ကျောင်းသားဘ၀မှာ သင်ယူလေ့လာခွင့် မရရှိခဲ့တာ သေချာတယ်။ အဲဒီအတွက် လွန်ခဲ့သော အနှစ် ၄၀ ကျော် တစ်ခေတ်တစ်ခါက ဆရာဆရာမကြီး သင်ယူလေ့လာခွင့် ရရှိခဲ့တဲ့ ပြည်သူ့နီတိ ဘာသာရပ်နဲ့ ပတ်သက်လို့ မနက်ဖြန်ခါ ပြန်လည်ပြောပြစေချင်ပါတယ်။ ဒီနေ့တော့ ဒီလောက်နဲ့ ရပ်နားကြရအောင်ပါ။ အားလုံး မင်္ဂလာပါ”

+++++

သင်တန်းနောက်တစ်ရက်တွင် သင်ရိုးညွှန်းတမ်းပညာ အချိန်စလျှင်စခြင်း ဆရာငယ်တစ်ဦးမှ စတင်ပြောဆိုလိုက်လေသည်။ ဤမြို့လေးတွင် သင်္ချာဆရာတစ်ဆူဖြစ်လေသူ ဆရာမောင်ခင်ဇော်ဖြစ်သည်။
“မနေ့က ဆရာခိုင်းလိုက်တဲ့ အိမ်စာကို စဉ်းစားလိုက်တာ အဖြေလည်းမရဘူး။ အိပ်လို့လည်း မပျော်ဘူး။ စာတွေသိပ်မသင်ခဲ့ရတော့ ကျနော်တို့ စာသိပ်မကျက်ခဲ့ရလို့ ကံအတော်ကောင်းခဲ့တယ်လို့တော့ စဉ်းစားမိ ပါတယ်။”

အားလုံး ပြုံးစိစိ ဖြစ်ကုန်ကြသည်။ မျက်နှာချင်းဆိုင်တွင်ထိုင်နေသော အစအနောက်သန်သည့် ဆရာမ မေကံ့ကော်မှ ဆရာမောင်ခင်ဇော် ဖက်သို့ လက်ညိုးထိုးပြီး ပြောလိုက်လေသည်။
“ဆရာခင်ဇော်ရဲ့ အဖိုး ပိဿာချိန်နဲ့ ရောင်းစားလိုက်တာ ပြည်သူ့နီတိစာအုပ်ကုန်သွားလို့ ကျမတို့ခေတ်မှာ ဆက်မသင်ရတာ ဖြစ်မယ်။ အခုလည်း သူ့အဖိုး အကျင့်အတိုင်းပဲ”
တစ်ခန်းလုံး တ၀ါးဝါး ပွဲကျသွားတော့၏။

အမြဲအတည်နေတတ်သူ ဆရာဦးလှဆောင်မှ မျက်မှန်တစ်ချက်ပင့်ပြီး တွေးတွေးဆဆပြော၏။ “ဒါဟာ ရက်စက်မှုတစ်ခုပဲလား ဆရာသိန်းနိုင်။ အမြဲလိုလို ကြားနေခဲ့ရတာကတော့ ဘက်စုံပညာရေးဆိုလားပဲ။ ကျနော်မနေ့ညက တစ်ညလုံးစဉ်းစားတယ်။ အခု အသက် ၅၀ နားနီးနေပြီ။ သို့ပေမယ့် အခြေခံပညာရေးကတည်းက မရလိုက်တဲ့ဟာ၊ မသင်ခဲ့ရတာနဲ့ အသိပညာ ချွတ်ယွင်းချက်တွေနဲ့ ရှင်သန်နေခဲ့တဲ့နှစ်တွေကို နှမျောသလိုပဲဗျာ”

စိတ်ဆတ်သည့် ကျောင်းဆရာဦးတိတ်က လက်သီးလက်မောင်းတန်းလျက် ဒေါသတကြီး ၀င်ရောက် ဆွေးနွေးပြန်သည်။ “ဘာသာရပ်ကြီး တစ်ခုလုံးကို ဖြုတ်ပစ်လိုက်ကြတာနော်။ မျိုးဆက် ၄ ခုလောက်တောင်ရှိနေပြီ။ နောက်ပိုင်းနှစ်တွေမှာလည်း ပြန်ထည့်ဖို့ကို မစဉ်းစားခဲ့ကြဘူး။ အခုထက်ထိ ဖြုတ်ထားကြတုန်း။ ဒါဟာ ပညာရေးဆိုင်ရာ ရက်စက်မှုပါ။ တာဝန်မဲ့မှုလည်းဖြစ်တယ်။ အခုတော့ ကျနော်တို့က ကျောင်းဆရာ ပြန်လုပ်ကြပေမယ့်လည်း ကိုယ်ကမသင်ခဲ့ရတဲ့အတွက် ဘယ်လိုပြန်သင်ပေးနိုင်မှာလဲ။”
အားလုံးပြန်ငြိမ်ကျသွားပြန်လေသည်။ နည်းပြဆရာဖြစ်သူမှ ၀ါရင့်ဆရာဆရာမကြီးများဖက်သို့လှည့်ပြီး ဆွေးနွေးပေးရန် မေတ္တာရပ်ခံခဲ့သည်။

“အခုလို အမြင်တွေကို တင်ပြပေးတာ ကျေးဇူးတင်ပါတယ်။ အခြေခံပညာရေးမှာကတည်းက ပြည်သူ့နီတိ ဘာသာရပ်ကို သင်ယူခွင့်ရရှိ ခဲ့ကြတဲ့ ဆရာဆရာမကြီးများမှ အတွေ့အကြုံတွေကို ဝေမျှပေးစေချင်ပါတယ်။ ဆရာဆရာမကြီးတို့ ငယ်စဉ် မူလတန်း၊ အလယ်တန်း၊ အထက်တန်းကျောင်းသား ဘ၀တုန်းက ပညာရေး အခြေအနေကို အားလုံးလည်း သိချင်နေကြပါတယ်”

ပြည်နယ်အဆင့်မှာ ပညာရေးမှူးလုပ်ခဲ့ဖူးသူ အသက် ၆၈ နှစ်ရှိပြီဖြစ်တဲ့ ဆရာကြီး နိုင်ပညာမွန်မှ မတ်တပ်ရပ်ပြီး အားလုံးမြင်နိုင်စေရန် စာအုပ်ငယ်တစ်အုပ်ကို မြှောက်ပြလိုက်သည်။ သင်တန်းသူသင်တန်းသားများနှင့် နည်းပြဆရာများမှာ ဆရာကြီးကိုင်ထားသည့် စာအုပ်ငယ်ကို စိတ်ဝင်တစား မော့ကြည့်နေကြသည်။ ပိန်ပိန်ပါးပါး အငြိမ်းစား မြန်မာ့ပညာရေးသမားကြီးဆီမှာ ရင်ဖွင့်ပြောပြစရာ တစ်ခုမဟုတ် တစ်ခု အမြဲပင် ရှိနေတတ်လေသည်။

“အဟမ်း... အားလုံးကို လေးစားပါတယ်။ ကျနော်ပြည်နယ်ပညာရေးမှူး လုပ်ခဲ့တဲ့နှစ်တွေတလျှောက်လုံးမှာ မြိုသိပ်ထားခဲ့ရတဲ့ အရာတစ်ခုကို ဒီကနေ့တော့ ပြောပြပါမယ်။ ဒါဟာ အခြေခံပညာဦးစီးမှာ ဆွေးနွေးခဲ့ဖူးတာလည်း ဖြစ်ပါတယ်။ စာသင်ခန်းတွေအထိ ပြန်မရောက်ခဲ့ တာကတော့ အင်မတန်မှ ၀မ်းနည်းစရာပါ။ အခုကျနော်ကိုင်ထားတဲ့ စာအုပ်လေးရဲ့နာမည်က - ပြည်သူ့နီတိ - ဖြစ်ပါတယ်။ နှစ်ပေါင်းများစွာ ကျနော့်ရဲ့ အိမ်က စာအုပ်သေတ္တာလေးမှာ သိမ်းဆည်းထားခဲ့တာပါ။ အနှစ် ၅၀ နီးပါးရှိနေပြီ။ ကျနော် အခြေခံပညာကျောင်းသားဘ၀က သင်ယူခဲ့ရတဲ့ ပြဌာန်းစာအုပ်လေးလည်းဖြစ်တယ်။ စာပေဗိမာန် ပုံနှိပ်တိုက်က ၁၉၅၆ ခုနှစ်မှာ ဒုတိယအကြိမ် ထုတ်ထားတဲ့ဟာပါ။ နောက်ဆုံးထုတ်ဝေခဲ့တာလည်း ဖြစ်မယ်။ ကျနော်တို့ ခေတ်တုန်းက သတ္တမတန်းကနေ ဧကာဒသမတန်းအထိ လေ့လာခဲ့ရတယ်။”

ထိုင်ပြီး ငေးမော နားထောင်နေသူတို့အကြား လှုပ်လှုပ်ရှားရှား ဖြစ်သွားကြသည်။ ကျွတ်စီကျွတ်စီဖြင့် ဆွေးနွေးသံအချို့ ပေါ်ထွက်လာပြန်သည်။

“ကျောင်းဆရာလုပ်လာတာ အနှစ် ၂၀ နီးပါးတောင်ရှိနေပါပြီ။ တစ်ခါမှ ဒီစာအုပ်ကို မတွေ့ခဲ့ဖူးဘူး။” နယ်မြေတွင်းရှိ ကျောင်းအားလုံး၏ လူမှုရေး ဘာသာရပ်မှူးဖြစ်သူ ဆရာမြေမှ ပြောလိုက်ခြင်းဖြစ်သည်။
“အဲဒီ ပြည်သူ့နီတိစာအုပ်မှာ ဘာတွေရေးထားသလဲ သိချင်ပါတယ်။” တစ်ခုခုကို သိချင်တိုင်း မျိုသိပ်မထားတတ်ပဲ ချက်ခြင်းမေးတတ်သူ သမိုင်းဆရာမဒေါ် မိုးသီတာပြည့်မှ သိချင်ဇောကြီးစွာနှင့် မေးမြန်းလေတော့သည်။ အားလုံးမှာလည်း သိချင်နေကြသည်မဟုတ်လား။

ဆရာကြီးနိုင်ပညာမွန်မှ ဆက်ပြောပြနေခဲ့လေသည်။
“စာမျက်နှာ ၁၄၀ နီးပါးရှိတဲ့ ဒီစာအုပ်ဟာ အခြေခံပညာအထက်တန်းဆင့်အတွက် ပြဌာန်းခဲ့တာပါ။ အခန်း ၁၃ ခန်း ပါရှိပါတယ်။ အဲဒီအခန်းခေါင်းစဉ်တွေကို ပြောပြပေးပါမယ်။
အခန်း (၁) ပြည်သူ့နီတိ အဓိပ္ပါယ်နှင့် အခြေခံသဘော
အခန်း(၂) ပေါင်းသင်းဆက်ဆံမှုနှင့် လူ့အစည်းအရုံး
အခန်း (၃) နိုင်ငံသားနှင့် သူ၏ အရည်အချင်းများ
အခန်း (၄) နိုင်ငံသားနှင့် ဆန့်ကျင်သော သဘောတရားများ
အခန်း (၅) နိုင်ငံသား၏တာဝန် ၀တ္တရားများ
အခန်း (၆) နိုင်ငံသား၏ အခွင့်အရေးများ
အခန်း (၇) နိုင်ငံတော်နှင့် အစိုးရ
အခန်း (၈) နိုင်ငံအစိုးရတို့ တာဝန်များ
အခန်း (၉) နိုင်ငံတော်၏ အခြေခံမူများ
အခန်း (၁၀) နိုင်ငံတော် ဖွဲ့စည်းပုံ
အခန်း (၁၁) နိုင်ငံတော်သမတနှင့် ပါလီမန်
အခန်း (၁၂) ပြည်ထောင်စု အစိုးရ
အခန်း (၁၃)လွတ်လပ်ရေး ကျေညာစာတမ်း

ဒီခေါင်းစဉ်တွေကို ကျနော်တို့ အသေအချာဖတ်ရှုလေ့လာပြီး စာသင်ခန်းတွေမှာ ဆွေးနွေးခွင့်လည်း ရရှိပါတယ်။ အဲဒီခေတ်က နိုင်ငံရေးနဲ့လည်း ဆက်စပ်ပြီးတော့ စာသင်ခန်းတွင်းမှာ ဆွေးနွေးကြသေးတယ်။ ဥပမာ ဖွဲ့စည်းပုံက မမျှတသေးတာတွေ၊ ဘက်လိုက်ထားတာတွေ။ နောက်ပြီးတော့ တိုင်းရင်းသားတွေရဲ့ ခံစားချက်တွေ၊ ဒါတွေကို အထက်တန်းအဆင့် စာသင်ခန်းတွေမှာ ဆွေးနွေးဖလှယ်ကြတယ်။ မတူတဲ့အမြင်တွေကိုလည်း တလေးတစား နားထောင်ကြရတယ်။”

“ဟင်.. အဲဒီခေါင်းစဉ်တွေ နိုင်ငံရေးခေါင်းစဉ်တွေလိုပဲ။ ကျောင်းသူကျောင်းသားတွေနဲ့ ဘာဆိုင်လို့လဲ။ ပျင်းစရာကြီးတွေ။ ဘာဖြစ်လို့ သင်ခဲ့ရတာလဲဆရာကြီး။ ပညာရေးနှင့် နိုင်ငံရေးဘာဆိုင်လို့တုန်း”
ပညာရေးနှင့် မသက်ဆိုင်သည်များကို အချိန်ကုန်ခံပြီး ဆွေးနွေးနေသည်ဟု ထင်မြင်ယူထားသော ဆရာမ ဒေါ်နီနီမှ သည်းမခံနိုင်သည့် မျက်နှာထားနှင့် မေးမြန်းလိုက်သည်။ ခန်းမထဲမှ အချို့ မှာ ဇဝေဇ၀ါမျက်နှာများနှင့်။ သူတို့ဖြတ်သန်း လာခဲ့သည့် ပညာရေးခရီးလမ်းတွင် တစ်ခါမှ မကြားခဲ့ဘူးသော ခေါင်းစဉ်များဖြစ်နေ၍လည်း သံသယစိတ်တို့ ရှိသည်မှာ ပေါ်လွင်နေသည်။ အချို့မှာ စိုးရိမ်ကြောင့်ကြသော မျက်နှာများကို ဖုံးဖိမရ။ အချို့လည်း နည်းပြဆရာဖက်သို့ ကွက်ကြည့်ကွက်ကြည့် လုပ်နေကြသည်။

အငြိမ်းစား အထက်တန်းကျောင်းအုပ်ဆရာကြီးတစ်ဦးဖြစ်သူ ဦးဘအောင်မှ မတ်တပ်ရပ်လိုက်ပြီး ဆရာကြီး နိုင်ပညာမွန်ထံမှ ရှင်းပြခွင့် တောင်းခံလိုက်သည်။
“ဆရာကြီး ခေတ္တနားပါခင်ဗျား၊ ကျနော့်ကို ဆက်ရှင်းပြခွင့်ပြုစေလိုပါတယ်။ ကျနော်လည်းပဲ တစ်သက်လုံးမြိုသိပ် ခံစားခဲ့ရသူပါ။ တရားဝင်ဖွင့်ပြောပြခွင့်လည်း မရှိခဲ့ဘူး။ အခုတော့ ဒီနေရာလေးမှာ ကျနော်တို့ ဘ၀ရဲ့ ဆည်းဆာချိန်မှာ ကံကြုံလို့ဆုံဆည်းကြရတဲ့ လုပ်ဖော်ကိုင်ဖက် ပညာရေးသမားငယ်များကို အမြင် ရှင်းပြခွင့်ပြုစေချင်တယ်။”

အားလုံးမှ ဆရာကြီး ဦးဘအောင် ဆက်ပြောမည့်စကားတို့ကို စောင့်မျှော်နေကြသည်။ ဖြည်းညှင်းချိုသာစွာ ပြောဆိုတတ်သည့် ဆရာကြီးမှာ တစ်မြို့လုံးက လေးစားရသူတစ်ဦးလည်းဖြစ်သည်။ နှစ်ပေါင်း ၄၀ နီးပါး ပညာရေးဝန်ထမ်းဘ၀ကို ဖြတ်သန်းခဲ့သူပီသစွာ ပညာရေးအပေါ် သံယောဇဉ်ကြီးလွန်းလှသည်။
“တကယ်တော့ ပြည်သူ့နီတိဘာသာရပ်နဲ့ ဒီခေါင်းစဉ်တွေဟာ သိပ်ကို အရေးကြီးလွန်းပါတယ်။ ပညာရေးနဲ့ နိုင်ငံရေးဟာ ခွဲခြားဖယ်ထုတ် ထားလို့မရပါဘူး။ ပညာရေးသည်ပင်လျှင် နိုင်ငံရေးဖြစ်သလို၊ နိုင်ငံရေးဟာလည်း ပညာရေးနှင့် တန်ဆာဆင်နိုင်မှသာလျှင် တင့်တယ်ပါ တယ်။ လေးနက်မှုကို ရရှိနိုင်ပါတယ်။ သိသင့်သိအပ်သော ခေါင်းစဉ်များဖြစ်လို့ ပြည်သူ့နီတိဘာသာရပ်ကို သင်ယူဖူးမှသာလျှင် နိုင်ငံသား ဖြစ်ရကျိုးနပ်ပါမယ်။ အသက်ရှင် နေထိုင်ရကျိုးနပ်ပါတယ်။ သာမန်သိရုံမျှနဲ့လည်း မလုံလောက်သေးပြန်ဘူး။ လက်တွေ့ဘ၀ထဲမှာ ပြန်လည် အသုံးချဖို့လည်း လေ့လာခဲ့ကြတယ်။ ပညာရှိကြီးတွေမိန့်ဆိုခဲ့တယ်။ သူ့အလိုအလျှောက်တော့ လူငယ်တွေဟာ နိုင်ငံ့သားကောင်းတွေ ဖြစ်မလာနိုင်ဘူးတဲ့။ လေ့ကျင့် သင်ကြားပေးမှသာ၊ အသိပညာနှင့် အကျင့်အကြံတို့ကို ရရှိမယ်။ တာဝန်သိမယ်။ အခွင့်အရေးတို့၊ ရပိုင်ခွင့်တို့ကို လေးစားလိုက်နာမယ်။ မိမိနဲ့ သူတစ်ပါး အကျိုးကို မျှတစွာ သယ်ပိုးလိုမယ်။ ရပ်ကျိုးရွာကျိုး၊ တိုင်းကျိုးပြည်ပြု လုပ်ရပ်တွေအပေါ်မှာ တန်ဖိုးထားနိုင်မယ်။ ပါဝင်ဆောင် ရွက်လိုစိတ်ဖြစ်ပေါ်မယ်။ တနည်းအားဖြင့်လည်း နိုင်ငံသား ပညာရေးလို့ ခေါ်ဆိုကြတဲ့ ဒီပညာရပ်ကို သင်ကြားထားမှသာလျှင် လေးနက်တဲ့ တန်ဖိုးရှိတဲ့၊ အသိပညာရှိတဲ့ နိုင်ငံသားတွေဖြစ်လာကြမယ်။ ”

“ဘာဖြစ်လို့ အခြေခံပညာရေးမှာကတည်းက လေ့ကျင့်သင်ကြားပေးရမှာလဲ။ အခြားသင်ယူစရာတွေက တပုံတပင်ကြီး။ လက်ရှိသင်ရိုးကိုတင် မနည်းကုန်အောင်သင်ပေးနေရတယ်။” ဆရာသီဟမှ အထွန့်တက် မေးမြန်းလာသည်။

မြန်မာနိုင်ငံစာစစ်အဖွဲ့တွင် တာဝန်ထမ်းဆောင်ခဲ့ဖူးသူ အငြိမ်းစားဆရာမကြီး ဒေါ်တင်တင်ဝင်းက ဖြေကြားပေးရန် သင်တန်းနည်းပြ ဆရာလေးမှ မေတ္တာရပ်ခံလိုက်သည်။ မဆိုင်းမတွပင် ဆရာမကြီးမှ ထရပ်လိုက်ပြီး ကြည်လင်ခန့်ငြားသော မျက်နှာတွင် အပြုံးပန်းဆင်၍ ဖြေကြားပေးခဲ့သည်။

“ငယ်ရွယ်နုပျိုတဲ့ စိတ်နှလုံးတွေကိုသာလျှင် ပုံဖော်ထုဆစ်ရတာ လွယ်ကူပါတယ်။ ဖယောင်သားလေးတွေလို လိုလားအပ်တဲ့ စိတ်အခြေခံ ယဉ်ကျေးမှုကို လေ့ကျင့်ပေးရလွယ်တယ်။ ကြီးမှဆို သိပ်ခက်သွားပြီ။ ပြည်သူ့နီတိပညာရပ်ဟာ ဘ၀ထဲကို ရောက်ဖို့လိုအပ်တယ်။ ကလေးတိုင်း၊ လူကြီးတိုင်း၊ နိုင်ငံသားတိုင်းရဲ့ ရင်ဘတ်ထဲမှာ ပါသွားဖို့လိုအပ်တယ်။ ဒီမိုကရေစီယဉ်ကျေးမှုပေါ်ထွန်းဖို့၊ ဒီမိုကရေစီစနစ် တည်ဆောက်ဖို့ဆိုတာ အဲဒီနီတိတွေပြည့်နေတဲ့ ရင်ဘတ်တွေနဲ့ တည်ဆောက်ရမှာဖြစ်လို့ပါပဲ။”

“ဆရာမကြီး ဥပမာလေး တစ်ခုလောက်ပေးပါ” ဆရာမကြီးမှာ ဥပမာ၊ ဥပမေယျတို့ဖြင့် စကားပြောကောင်းသူ ဖြစ်သည်ကို သိထားသည့် တပည့်ဟောင်းတစ်ဦးဖြစ်သူ ဆရာမဒေါ်လင်းလင်းဖြူမှ တောင်းဆိုလိုက်သည်။

“ဟုတ်ကဲ့ပါ။ ပြောပြပါမယ်။ နိုင်ငံရဲ့ မှန်ကန်တဲ့ ဖွဲ့စည်းမှုကို သိဖို့လိုအပ်တယ်။ ပကတိအရှိတရားတွေကို နားလည်ထားကြရမယ်။ အဲဒါနဲ့လည်းမပြီးသေးဘူး။ ဆွေးနွေးပြောဆိုနိုင်တဲ့ နိုင်ငံသားတွေဖြစ်လာဖို့၊ လေးစားစွာ နားထောင်တတ်တဲ့သူတွေဖြစ်လာဖို့က လိုအပ်ပြန်တယ်။ အဲဒါမှသာ အကျိုးရှိတဲ့ ဆွေးနွေးဝိုင်းဖြစ်မယ်။ အကျိုးရှိတဲ့ လုပ်ရပ်ရလာမယ်။ စုပေါင်းလုပ်ဆောင်နိုင်မယ်။”
“ဒီပညာရပ်ကို မသင်ယူခဲ့ရပေမယ့်လည်း ကျမတို့ အခုလိုစုပေါင်းပြီး လုပ်ဆောင်နိုင်ကြတာပဲ မဟုတ်ဘူးလား ဆရာမကြီး” သင်တန်းသူတစ်ဦးဖြစ်သူ ဆရာမ နုဝါအောင်မှ မေးမြန်းပြန်သည်။ အသံအချို့ ပေါ်ထွက်လာပြန်သည်။ မျက်နှာအချို့မှာ ပြုံးစစနှင့်။

သင်တန်းနည်းပြဆရာလေးမှာ နယ်မြေနောက်ခံကို ကြိုတင်လေ့လာထားသဖြင့် သိထားနှင့်သည်။ ကျောင်းစုစုပေါင်း ဆယ်ဂဏန်းမျှ သာရှိသည့် ဤမြို့လေးတွင် ကျောင်းတို့ကို အားလုံး မစုစည်းနိုင်သေး။ ပညာရေးခေါင်းဆောင် ဆရာဆရာမများ အချင်းချင်းပင်လျှင် မျက်နှာချင်းဆိုင်ပြီး ဆွေးနွေးပြောဆိုရန် ၀န်လေးနေကြဆဲ။ စည်းလုံးညီညွတ်မှုဆိုသည်ကို မတည်ဆောက်တတ်ကြသေး။ ထို့အတွက် စုပေါင်းပြီးလုပ်ဆောင်နိုင်ကြသည်ဟု ဒေါ်နုဝါအောင်မှ ပြောသည်ကို အားလုံးမှ လက်မခံသည့် သဘောဖြင့် ပြုံးစစ ဖြစ်ကြခြင်းပင်။ သူမကိုယ်တိုင်လည်း ကျန်သူများကို ကြည့်ပြီး ခစ်ကနဲ အသံထွက်အောင် ရယ်မောမိလိုက်သည်။ သူမ ပြောတာ လောကြီးသွားသည်ကို နောင်တရချင်ချင်။ ဆရာဆရာမအများစုမှာ ပြည်သူနီတိကို မသင်ယူခဲ့ကြရသဖြင့် သူမတို့နယ်မြေတွင်း စည်းလုံးညီညွတ်မှုကို မတည်ဆောက်နိုင်ခြင်း ဖြစ်တန်ရာသည်ဟူ၍လည်း ဆက်လက်တွေးတောနေတော့သည်။

အငြိမ်းစားပြည်နယ် ပညာရေးမှူးဆရာကြီး နိုင်ပညာမွန်မှ အတွင်းစာမျက်နှာအချို့ကို လှန်ပြရင်း ထပ်မံဝင်ရောက် ဆွေးနွေးသည်။

“ပြည်သူ့နီတိ ဘာသာရပ်ဟာ တိုင်းသူပြည်သား တစ်ဦးအနေနဲ့ တိုင်းသူပြည်သားကောင်းဖြစ်လာဖို့ရာ နိုင်ငံရေး၊ အုပ်ချုပ်ရေး၊ စီးပွားရေးစနစ် စတဲ့ဟာတွေမှာ တတ်သိလိမ္မာအောင် အုတ်မြစ်ချပေးသော အဓိပ္ပါယ်ရှိပါတယ်။ မတူညီတဲ့နိုင်ငံရေးစနစ်တွေအကြောင်း - ဥပမာ အရင်းရှင်စနစ်၊ ကွန်မြူနစ်စနစ်၊ ဆိုရှယ်လစ်စနစ်နဲ့ မူဝါဒတွေကို သိနားလည်လာမယ်။ အုပ်ချုပ်ရေးစနစ်အမျိုးမျိုးအကြောင်း၊ ဒေသန္တရအုပ်ချုပ်ရေးတို့ကို သိမြင်လာမယ်။ ဟောဒီမှာ စာမျက်နှာ ၁၃ မှာ စာသင်ခန်းတွင်း လေ့ကျင့်ရန် မေးခွန်းတွေထဲက နံပါတ် ၈ မေးခွန်းကို ဖတ်ပြပါမယ်။ - ဒီမိုကရေစီ၏ လုပ်ငန်းအောင်မြင်မှုသည် ပြည်သူ၊ ပြည်သားများ၏ အသိတရားနှင့် အလုပ်တရားများအပေါ်တွင် တည်ရှိ၏-ဆိုသော စကား၏ အမှားအမှန်ကို ဝေဖန်ပြပါ-ဆိုပြီးပါတယ်။ အဲဒီလိုမေးခွန်းမျိုးကို ၀ိုင်းဝန်းဆွေးနွေး ကြရတယ်။”

“မူလတန်းကတည်းက သင်ပေးလို့ မရဘူးလားဆရာကြီး” သင်္ချာဆရာဦးခင်ဇော်မှ မေးမြန်းပြန်သည်။
ဆရာကြီးမှ ကိုယ်ကို ကိုင်းညွတ်လိုက်ပြီး “သိပ်ကို ကောင်းတဲ့မေးခွန်းပါ။ ပညာရေးရဲ့ အဆင့်တိုင်းမှာကို သင့်တော်ကိုက်ညီတဲ့ပုံစံနဲ့ လေ့ကျင့်ပေးကြရတယ်။ မူလတန်းမှာကတည်းကကို ပြည်သူ့နီတိ ဘာသာရပ်ဟာ စတင်ပါတယ်။ ကလေးငယ်တွေကို ဆက်ဆံရေး၊ အပြောအဆို၊ အမူအယာ လေ့ကျင့်သင်ကြားပေးတာကနေ စတင်ရပါတယ်။” ဟုရှင်းပြ၏။

သင်တန်းကို စီစဉ်သူတစ်ဦးဖြစ်သူ အာကျန်ဆွန်မှ သူ၏ထိုင်းနိုင်ငံပညာရေး အတွေ့အကြုံတို့ကို ဝေမျှပေးသည်။ “ယဉ်ကျေးမှု၊ စာရိတ္တနဲ့ အုပ်ချုပ်ရေးကိုသိဖို့ရယ်၊ စီးပွားရေးအခြေခံကိုသိဖို့အတွက်ကို မူလတန်းကတည်းက သင်ရိုးညွှန်းတမ်းနဲ့ စနစ်တကျ တည်ဆောက် ထားတယ်။ ၄ နှစ်တကြိမ် သင်ရိုးညွှန်းတမ်းကို ပြောင်းတိုင်းလည်း မွမ်းမံတယ်။ ပြင်ဆင်ဖြည့်စွက်ကြတယ်။ စနစ်တွေကို လေ့လာခွင့်ရရှိတယ်။”

အိန်္ဒိယနိုင်ငံနှင့် အခြားသော ဒီမိုကရေစီတိုင်းပြည်များ၏ သင်ရိုးညွှန်းတမ်းတို့ကို လေ့လာထားသူ ဆရာကြီးဦး ဇော်မင်းမှ ၀င်ဆွေးနွေးပြန်သည်။

“ဒီမိုကရေစီတိုင်းပြည်တိုင်းမှာ တူညီတဲ့အချက်တစ်ခုရှိတယ်။ သူတို့ပညာရေးဟာ ဒီမိုကရေစီစနစ် ရှင်သန်နိုင်ဖို့ကို အဓိကထား ပြင်ဆင်ပေးတာပါ။ နိုးကြားတက်ကြွတဲ့နိုင်ငံသားဖြစ်လာဖို့ကို မျှော်လင့်ကြတယ်။ ဒါမှလည်း ရပ်ရွာအကျိုးကို တာဝန်ယူလိုစိတ်နဲ့ တက်တက်ကြွကြွ သယ်ပိုးကြမယ်လေ။ နောက်ပြီးတော့ အခွင့်အရေးကို သိနားလည်ပြီး ကိုယ်ချင်းစာတရားထားတတ်ဖို့ သင်ပေးကြတယ်။ အတန်းကြီးလာတဲ့အခါမှာတော့ လွန်ခဲ့တဲ့ အနှစ် ၅၀ က မြန်မာပြည်မှာ သုံးခဲ့ဖူးတဲ့ ပြည်သူနီတိ (အထက်တန်းဆင့်) ဘာသာရပ်မှာပါတဲ့ အကြောင်းအရာတွေကို ကျယ်ကျယ်ပြန့်ပြန့် သင်ကြားပေးကြတာပေါ့။”

အတွေ့အကြုံရှိသူ ၀ါရင့်ဆရာဆရာမကြီး၏ ဖြတ်သန်းမှုကို လေ့လာခွင့်ရရှိသည်မှာ တန်ဖိုးမဖြတ်နိုင်ပါ။ သို့သော် နေ့လည်စာသုံးဆောင်ရန် အချိန်ကျလေပြီ။ နည်းပြဆရာမှ နှုတ်ဆက်ပြီးတန်းဖြုတ်သော်ငြားလည်း ဆွေးနွေးပွဲက မရပ်တန့်နိုင်သေး။ နေ့လည်စာ စားသုံးရင်း အုပ်စုငယ်များအလိုက် ဆက်လက်ဆွေးနွေးလို့ နေကြပြန်ပါသည်။

ပညာရေးသမားများ၏ ဤကဲ့သို့ ဆွေးနွေးပြောဆိုမှုများ၊ စုပေါင်းလေ့လာမှုများ၊ ပွင့်လင်းလွတ်လပ်သော စိတ်ထားများဖြင့် စုစည်း ညီညာမှုများမှတဆင့် မြန်မာ့ပညာရေးရှုခင်းမှ ပျောက်ကွယ်ခဲ့ရလေသော “ပြည်သူ့နီတိ၊ နိုင်ငံသားပညာရေး” ဘာသာရပ်ကြီးကို စာသင်ခန်းများအတွင်း ပြန်လည် အသက်သွင်းပေးနိုင်မည်ဟု ယုံကြည် မျှော်လင့်လျက်လည်း ရှိနေကြလေသည်။

သိန်းနိုင်
(မောက္ခပညာရေး မဂ္ဂဇင်းအမှတ် ၃ သြဂုတ်လ၊ ၂၀၁၀)

စာသင်ခန်းထဲက အကြင်နာတရား

သိန်းနိုင်

“...အဲဒီတဒင်္ဂ ခဏငယ်လေးမှာ အဲဒီလူငယ်၊ လူကြီး၊ ကလေးတွေဟာ ငြိမ်းချမ်းရေးလည်း ရနေမှာ မဟုတ်လား။..”

၂၁ ရာစု မျက်မှောက်ခေတ် ကလေးဘ၀ဟာ ပြီးခဲ့တဲ့ရာစုများနဲ့ လွန်စွာ ကွာခြားလို့ နေပြီဖြစ်ပါတယ်။ အထူးသဖြင့် ကျောင်းပညာရေးပုံစံတွေ ပြောင်းလဲလာနေတယ်။ ပညာရေးရဲ့ အဆင့်တိုင်းဟာ အရင်ကနဲ့ ကွာခြားလာနေတာကို တွေ့မြင်နေရတယ်။

မူကြိုကလေးဘ၀ကတည်းက ပုံစံခွက်ထဲမှာ ၀င်ရောက်ရတော့တယ်။ ကျောင်းကို ပို့ကြတယ်။ မူကြိုကျောင်းမှ မထားရင် ခေတ်မမီတော့ဘူး မဟုတ်လား။ လူနေမှု ဘ၀ပုံစံတွေလည်း ပြောင်းလဲလို့လာတယ်။ မိဘ ၂ ဦးစလုံးက အချိန်ပြည့် အလုပ်လုပ်ကိုင် နေကြရလို့ဖြစ်စေ၊ ဘ၀အစ မူကြိုပညာရေးရဲ့ ရေရှည်တန်ဖိုးကို သိမြင်လာကြလို့ဖြစ်စေ၊ ၀န်ဆောင်မှုလုပ်ငန်း အနေနဲ့ စီးပွားဖြစ်လို့ဖြစ်စေ၊ မူကြိုကျောင်းတွေလည်း မြန်မာနိုင်ငံရဲ့ မြို့ကြီး၊ မြို့ငယ်၊ ကျေးလက် ဇနပုဒ် နေရာအနှံ့အပြား၊ လမ်းတိုင်းမှာလိုလို ပုံစံအမျိုးမျိုးနဲ့ ပေါ်ထွန်းလာနေပါပြီ။

မူလတန်း၊ အလယ်တန်းအဆင့်တွေမှာ ကျပြန်တော့ အားကစားဟာ မလုပ်မဖြစ်တော့ဘူး။ အစုအဖွဲ့ငယ်လေးတွေ ဖွဲ့စည်းပြီးတော့ တကယ့် အားကစားသမားကြီးတွေ စတိုင်အပြည့်နဲ့ကို ကျောင်းအဆင့်၊ မြို့နယ်အဆင့်၊ တိုင်းအဆင့် တွေမှာ ပါဝင်ဆင်နွှဲနိုင်ဖို့ နည်းစနစ်မှန်မှန်နဲ့ လေ့ကျင့်နေကြတယ်။
ဆယ်တန်းလွန်သင်တန်းများနဲ့ ကောလိပ်ကျောင်း ၀င်ခွင့်ဆိုတာကလည်း အရင်ခေတ်တွေထက်ကို ပိုပြီးတော့ ယှဉ်ပြိုင်ရွေးချယ် ခံနေရတော့တယ်။

ဒီပြောင်းလဲခြင်းဖြစ်စဉ်တွေမှာ မိသားစုအတွင်း ဆက်ဆံရေးလည်း ပုံစံပြောင်းလဲလို့ လာခဲ့ပါပြီ။ ကလေးအနေနဲ့ကော၊ မိဘတွေကပါ အချိန်မပေးနိုင်တဲ့ ခေတ်ကို ရောက်လာနေပါပြီ။ အကျိုးဆက်အနေနဲ့ နွေးထွေးတဲ့ မိသားစုအတွင်း ဆက်ဆံရေးနဲ့ “မိသားစုအတွင်း အကြင်နာတရား” ဟာလည်း ခေတ်ဟောင်းမှာ ကျန်နေခဲ့တဲ့ အရာတစ်ခု ဖြစ်လာနေ ပါတယ်။ သို့ပေတဲ့ ပညာရေးဆိုင်ရာ ကျွမ်းကျင်သူများကတော့ ဒီရိုးရာကတော့ဖြင့်ရင် ဘယ်သောအခါမှ မဟောင်းနွမ်း သင့်ဘူးလို့ အကြံပြု တင်ပြထားကြပါတယ်။
“အကြင်နာ ကရုဏာတရားဟာ ကျောင်းသူကျောင်းသားများရဲ့ မိမိကိုယ်ကို ယုံကြည်မှုနဲ့ ကျောင်း၊ စာသင်ခန်းတွင်း အခြေအနေကို တိုးတက်စေပါတယ်။” လို့ - အကြင်နာတရားနှင့် ပြုမူဆက်ဆံရေး ဖောင်ဒေးရှင်းအဖွဲ့ကြီး - က တင်ပြ ထားပါတယ်။ တစ်ဦးနဲ့ တစ်ဦး မေတ္တာတရားနဲ့ ဘယ်လိုပြမူ ဆက်ဆံသင့်တယ် ဆိုတာကို သင်ကြားပေးနေတဲ့ အဖွဲ့ ဖြစ်ပါတယ်။ “စာတော်တာ၊ စာမတော်တာကို အသာထား၊ အကြင်နာတရား၊ မေတ္တာတရားနဲ့ ပြုမူဆက်ဆံခြင်းဟာ ဘ၀ အရည်အသွေးနဲ့ ပညာကိုပါ တိုးတက်လာစေတယ်။ တကယ်လည်းဘဲ တော်လာကြတယ်၊ ထူးချွန်လာကြ ပါတယ်။”

မေတ္တာတရားရဲ့ ရလဒ်ဟာ ကျောင်းစာမှာ အခက်အခဲရှိနေတဲ့ ကလေးတွေကိုသာလျှင် အကျိုးရှိစေတာ မဟုတ်ပါဘူး။ အပြုသဘောဆောင်တဲ့ လုပ်ရပ်တွေဟာ အခက်အခဲနဲ့ စိတ်ဖိစီးမှုတွေကို ကြုံကြိုက်တဲ့ အခါတွေမှာ ကျောင်းသားတွေ နှင့် လူကြီးတွေကိုပါ အကျိုးများစေပါတယ်။ လူသားရဲ့ ပင်ကိုယ် အချင်းအရာတစ်ခုဖြစ်တဲ့ “အကြင်နာတရား” ဟာ စာနာစိတ်ကို ဖွံ့ဖြိုးစေပြီး ဘ၀တစ်လျှောက်လုံး အသုံးတည့်လှတဲ့ လူမှုဆက်ဆံရေး စွမ်းရည်ကိုလည်း ကလေးများ ရရှိ နိုင်ပါတယ်။ အမှန်တကယ်တမ်းမှာ ခင်မင်ရင်းနှီးတဲ့ သူတွေနှင့် မျက်နှာစိမ်းတဲ့သူကိုပါ အခါအားလျော်စွာ ကြင်နာစွာ ပြုမူ ဆက်ဆံစေခြင်းဟာ ကလေးများကို သူတို့ ပတ်ဝန်းကျင် ကမ္ဘာငယ်လေးရဲ့ ဘောင်အပြင်ဖက်နဲ့လည်း ထိတွေ့ ဆက်ခံခွင့် ရရှိစေတာပါ။ ဒီအခါမှာ အရောင်အသွေး စုံလင် ထွေပြားလှတဲ့ ပတ်ဝန်းကျင် ကမ္ဘာကြီးကိုပါ ဆက်ဆံပြီး သား ဖြစ်လာမယ် မဟုတ်လား။

ကျောင်းစာသင်ခန်းက ဘယ်လို စတင် လုပ်ဆောင်ပေးနိုင်ပါသလဲ။ ကြင်နာစွာ ပြုမူ လုပ်ဆောင်ဖုိ့ဆိုတာ သိပ်အခက် ကြီး မဟုတ်ပါဘူး။ ပတ်ဝန်းကျင်မှာ လှုံဆော်စိတ်ကို ဖြစ်ထွန်းစေနိုင်တဲ့ အခြေအနေတွေ အများကြီးပါ။ အခါ အားလျော်စွာလည်း မဟုတ်ပါဘူး။ ဒီခေတ်ကြီးမှာ မကြာမကြာ ကြားနေရတဲ့ “အခါအားလျော်စွာ နေရာအနှံ အကြမ်းဖက်မှု” ဆိုတဲ့ လုပ်ရပ်နဲ့ ဆန့်ကျင်စွာ ပေါ်ထွက်လာတဲ့ “အခါအားလျော်စွာ ကြင်နာစွာ ပြုမူဆက်ဆံမှု” လုပ်ရပ် ဖြစ်ပါတယ်။ အထူးသဖြင့် “အခါအားလျော်စွာ” ရယ်လို့ သုံးနှုန်းရတာကတော့ “မကြင်နာတတ်၊ မစာနာတတ်၊ မခံစား တတ်သေးတဲ့ သူတွေနဲ့ ပတ်သက်ပြီး ဆိုလိုတာပါ။ ပတ်ဝန်းကျင်မှာ ရှိနေတဲ့ လူတွေ၊ ကလေးတွေအပေါ်မှာ အကြင်နာ တရားနဲ့ ပြုမူဆက်ဆံပေးဖို့ပါ။ လူစိမ်း၊ သူစိမ်းတွေဖြစ်နိုင်တယ်။ ဒါမှမဟုတ် တွေ့မြင်နေကျ ဈေးဆိုင်က ဈေးသည်တွေ၊ လမ်းဘေးလုပ်သားတွေ၊ လုပ်ဖော်ကိုင်ဖက် ကျောင်းဆရာဆရာမ အချင်းအချင်း၊ အတန်းဖော် စတဲ့သူတွေလည်း ပါပါ တယ်။ အကြင်နာတရားနဲ့ စာနာစိတ် ကူးစက် ခံစားသွားစေဖို့ရယ်ပါ။
ကလေးများနှင့် ဆွေးနွေးတိုင်ပင်သင့်တယ်။ အခွင့်အလမ်းတွေ ရှာဖွေသင့်တယ်။ အသက်အရွယ်နှင့် စိတ်ပါဝင်စားမှု အလိုက် လမ်းညွှန် အကြံပေးရမှာပါ။ အံ့အားသင့်လောက်တဲ့၊ “အကြင်နာ” အကြီးကြီးတွေ၊ လုပ်ရပ်ထူးတွေရယ်လို့ မဆိုလိုပါဘူး။ တိုင်းသိ၊ ပြည်သိ ပေးကမ်းလှူဒါန်းမှုနဲ့ အကြင်နာတရားကိုလည်း မဆိုလိုပါဘူး။

“ကျေးဇူးပါ” ရယ်လို့ ရိုးရှင်းစွာ ခံစား ပြောတတ်ဖို့ကစလို့ ကလေးကိုယ်တိုင် ဖန်တီးတဲ့ ပို့စကဒ်လေးမှာ “ကျေးဇူးတင် ပါတယ် သူငယ်ချင်းရယ်” ဆိုတဲ့ စာသားလေးနဲ့ ပေးတတ်ဖို့ပါ။ ကျောင်းတွင်း အမှိုက်ပုံးဘေးမှာ ကလေးတွေက “ကျေးဇူး” ဆိုတဲ့ စာသားကပ်ထားခြင်းဟာ သန့်ရှင်းလုပ်သားကြီးတွေရဲ့ ပင်ပန်းတဲ့ အလုပ်ကိုလည်း အကူအညီပေးရာ ရောက်တယ်မဟုတ်လား။ အိမ်နီးနားချင်းရဲ့ နို့စို့ကလေးလေးကို ကူထိန်းပေးတဲ့ ကျောင်းသူငယ် လေးဟာ လူသား ၂ ဦးကို တစ်ပြိုင်တည်းမှာ ကြည်နူး ပျော်ရွှင်စေတာပါ။ မအားလပ်လောက်အောင် အလုပ်ရှုပ်နေတဲ့ မိခင်ဖြစ်သူကို ခေတ္တအနားယူခွင့်၊ ကစားဖော် အသစ်လိုနေတဲ့ ကလေးလေးကိုလည်း ကြည်နူးခွင့်တွေအတွက် ကူညီပေးလိုက်တာ။

ဆရာဆရာမများကို ကျေးဇူးတင်တတ်ဖို့၊ ကလေးအချင်းချင်း ကျေးဇူးစကားဆိုတတ်ဖို့ လေ့ကျင့်ပေးသင့်ပါတယ်။ အပြန်အလှန် အကူအညီပေးဖို့အတွက် လက်မနှေးဖို့။ မိုးရာသီမှာ မိုးကာ၊ ထီးမရှိသေးတဲ့ကလေးတွေကို အချင်းချင်း ကူညီပေးဖို့။ ရွာထဲက အိမ်အမိုးမလုံတဲ့ မိသားစုတွေကို စာနာစိတ်နဲ့ အင်ဖက်တချို့ ကမ်းလှမ်းတတ်ဖို့၊ ချော်လဲကျ သွားတဲ့ သူငယ်ချင်းကို ထူမပေးဖို့။ လှောင်ပြောင်ရယ်မောတတ်တဲ့ အခြားကလေးတွေကိုလည်း ကလေးအချင်းချင်း အဲဒီလို မလုပ်ဖို့ ပြောတတ်ဖို့၊ စာအုပ်စင်ပေါ်က စာအုပ်ကို လမ်းလှမ်းမမီ ဖြစ်နေတဲ့ ကလေးလေးကို အခြား ကလေး ကြီး တစ်ယောက်က ကူညီပေးတတ်ဖို့ စတဲ့ “အကြင်နာ” လက်ဆောင်သေးသေးလေးတွေ အမြဲတမ်း ပေးဖြစ်နေဖို့ ငယ်ရွယ်စဉ်ကတည်း လမ်းညွှန်ပေးရမှာပါ။ ကြင်နာစွာ ပြုံးပြတတ်ဖို့နဲ့ ချီးကျူးစကားတွေ ပြောဆိုတတ်ဖို့လည်း ကူညီပေးရမှာပါ။ အဲဒီတဒင်္ဂ ခဏငယ်လေးမှာ အဲဒီလူငယ်၊ လူကြီး၊ ကလေးတွေဟာ ငြိမ်းချမ်းရေးလည်း ရနေမှာ မဟုတ်လား။

ဒီကျောင်းရဲ့၊ ဒီစာသင်ခန်းအတွင်းက အရေးကြီးဆုံးသော သင်ခန်းစာတွေ မဖြစ်သင့်ဘူးလား။ ဒီအရေးကြီးလှတဲ့ သင်ရိုးညွှန်းတမ်းကို ဘယ်လို တည်ဆောက်ကြမလဲ။

သိန်းနိုင်

(သုခမိန် ဂျာနယ် အမှတ် ၂)

လေငြိမ်ငြိမ် သစ်ပင်ကြီးငြိမ်

(ရေးသားသူ- ခင်လေးကြည်ကြည်)
မကေဘလောဂ့်မှကူးယူဖော်ပြသည်။

“ကဲ သားတို့ သမီးတို့ သည်နေ့ ဆရာမက မင်းတို့ကို သစ်ပင်တွေ အကြောင်းပြောပြချင်တယ်”
ဆရာမက အတန်းတွင်းရှိကလေး များကိုပြောရင်း မေးခွန်းထုတ်လိုက်သည်။

“သစ်ပင်ကြီးတွေ အသက်ရှုသလား”

“ရှုပါတယ်...”

“သေချာလား .... ရှုတယ်ဆိုရင် သူတို့ ဘာနဲ့အသက်ရှုလဲ မင်းတို့ သစ်ပင်မှာ နှာခေါင်းပေါက်များတွေ့ဖူးလို့လား”

“ မတွေ့ပါဘူး ... မရှုပါဘူး ”
“ရှုပါတယ်.. အမြစ်နဲ့ပါ”
“ အကိုင်းနဲ့ရှုပါတယ်”
ဆရာမက အကြောင်ဖမ်းမေးလိုက်၍ ကလေးများ တစ်ယောက်တစ်ပေါက် ဖြစ်ကုန်ကြသည်။

ဆရာမက ပြုံးလိုက်ပြီး သင်ပုန်းပေါ်တွင် မြေကြီးမှာပေါက်နေသော သစ်ပင်ပုံဆွဲလိုက်သည်။ ထို့နောက် ကလေးများဘက် ပြန်လှည့်ကာ.....

“ကဲ မင်းတို့လည်း အသက်ရှုရင် လေကိုရှုတယ်လေ သစ်ပင်လည်း လေကိုရှုမှာပေါ့။ ဒါဆို ဘယ်အပိုင်းနဲ့ ရှုမလဲ ...အမြစ်က မြေကြီးထဲမှာဆိုတော့ အမြစ်နဲ့ရှုလို့ရပါ့မလား..”

“လေပေါ်က အပိုင်းနဲ့ရှု ပါတယ်”

“ဒါပေါ့... သစ်ပင်တွေက အရွက်တွေကနေ အသက်ရှုကြတယ်”

“ သစ်ပင်တွေဟာ လေထဲက ကာဘွန်ဒိုင်အောက်ဆိုဒ် ဓာတ်ငွေ့ကို အရွက်တွေမှာရှိတဲ့ လေပေါက်ကလေးတွေကနေ စုပ်ယူကြတယ်။ မြေကြီးထဲက ရေကိုတော့ အမြစ်တွေကနေစုပ်ယူကြတယ်။ နောက် သစ်ပင်ရဲ့ အစိမ်းရောင်အပိုင်းမှာရှိတဲ့ ကလိုရိုဖီးလ်ဆိုတဲ့ ဓာတ်က နေရောင်ခြည်ကို အသုံးပြုပြီး ခုန စုပ်ယူထားတဲ့ ကာဘွန်ဒိုင်အောက်ဆိုက်နဲ့ ရေ ကို ကာဘွန်ဟိုက်ဒြိတ် လို့ခေါ်တဲ့ အစာတွေ ဖြစ်အောင် ချက်ပေးတယ်။ အဲသည်မှာ ဘေးထွက်ပစ္စည်းအနေနဲ့ အောက်စီဂျင်ကို ထုတ်လွှတ်လိုက်တယ်....

အိမ်မှာ မင်းတို့ စားဖို့ အစာကို အမေက ထမင်းအိုးထဲ ဆန်ထည့် ရေထည့် ပြီး ထမင်းချက်ပေးသလိုပေါ့။ ဆန်က ကာဘွန်ဒိုင်အောက်ဆိုက် ဆိုရင် ရေက တော့ ရေပေါ့။ နေရောင်ခြည်က မီးဆိုရင် အမေက ဘာလဲ....”

“ အမေက ထမင်းချက်တဲ့သူပါ”

“ အမေက ကလိုရိုဖီးလ်ပေါ့..။ သစ်ပင်ကြီးကတော့ ထမင်းအိုးကြီးပေါ့...ဟုတ်ဘူးလားကွဲ့ ..”

“ ဟုတ်ပါတယ် ဆရာမ”

“ဒီတော့ ....သစ်ပင်တွေဟာ တို့တွေစားဖို့ အစာတွေကို အဓိက ထုတ်လုပ်ပေးတယ်..။ တို့တွေ ရှုဖို့ လေကောင်းလေသန့် အောက်စီဂျင်တွေကို လည်း ထုတ်ပေးသေးတယ်..တို့လူသားတွေကို အကျိုးမပြုဘူးလားနော်”

“ပြုပါတယ် ဆရာမ”

“ အေး ဒါပေမဲ့ အဲလို လုပ်ပေးတာက နေ့ခင်း နေရောင်ခြည် အလင်းရှိတုန်း သူတို့ အစာချက်တဲ့ လုပ်ငန်းစဉ် မှာပဲကွဲ့။ ညရောက်တဲ့ အခါမှာတော့ သစ်ပင်တွေကလည်း တို့ လူတွေအသက်ရှုသလိုပဲ သူတို့လည်း ရှုကြတယ်တဲ့”

ဆရာမက သင်ပုန်းတွင် ရောင်ခြည်ဖြာနေသော နေလုံးပုံ၊ သစ်ပင်ပုံ ဆွဲပြပြီး ၊ အမြစ်က ရေစုပ်ယူပုံ၊ ပင်စည်အပေါ်ပိုင်းက စုပ်ယူသော ဓာတ်ငွေ့၊ ပြန်ထွက်သော ဓာတ်ငွေ့ စတာတွေကို ကလေးတို့ သဘောပေါက်လွယ်အောင် မျှားလေးတွေဖြင့် ပြရင်း မေးလိုက်သည်။

“လူတွေက လေထဲက ဘာဓာတ်ငွေ့ကိုရှုကြတာလဲ”

“အောက်စီဂျင်ဓာတ်ငွေ့ပါ”

“ ဘာဓာတ်ငွေ့ကို ပြန်ထုတ်သလဲ”

“ ကာဗွန်ဒိုင်အောက်ဆိုဒ် ဓာတ်ပါ”

“ ဟုတ်တယ် ကလေးတို့ သိပ်တော်တာပဲ..။ သစ်ပင်ကြီးတွေဟာ နေ့အခါ မှာတော့ နေရောင်ခြည်အသုံးပြုပြီး အစာချက်ရာမှာ လူတွေထုတ်လိုက်တဲ့ ကာဗွန်ဒိုင်အောက်ဆိုက်ကို သူတို့က ယူ... လူတွေအသုံးလိုတဲ့ အောက်စီဂျင်ကို သူတို့က ပြန်ထုတ်ပေးလို့ လူတွေနဲ့ သိပ်အဆင်ပြေ ကြတာပေါ့..”

“ ညဘက်ရောက်လို့ နေရောင် မရှိတော့တဲ့အခါ အစာမချက်နိုင်တော့တဲ့ အချိန်မှာတော့ သူတို့လည်း လူတွေလိုပဲ အောက်စီဂျင်ကို ရှုပြီး ကာဗွန်ဒိုင်အောက်ဆိုဒ်ကိုပဲ ထုတ်ကြသတဲ့ကွယ်...ဒါကြောင့် တခါတလေ ညဘက်ကြီး သစ်ပင်အကြီးကြီးတွေ အောက်မှာတို့ သစ်တောတွေထဲမှာတို့ နေမိ အိပ်မိရင် အသက်ရှုမ၀ဖြစ်ပြီး သတိလစ်တတ် တယ်ဆိုတာ....လူတွေနဲ့ သစ်ပင်တွေ အောက်စီဂျင်ကိုလုရှုကြလို့ပေါ့။ ဒါကို မသိတဲ့ သူတွေကတော့ သရဲဖမ်းတာ နတ်ဖမ်းတာ နဲ့ ကြောက်တတ်ကြတယ်။ အမှန်ကတော့ သစ်ပင်တွေက ညမှာ ကာဗွန်ဒိုင်အောက်ဆိုဒ်ကို ထုတ်တာကိုး..”။

နေ့အချိန်တွင် လူနှင့်သစ်ပင် သဟဇာတဖြစ်စွာ အောက်စီဂျင်နှင့် ကာဗွန်ဒိုင်အောက်ဆိုဒ် ကို အပေးအယူ လုပ်ကြသော်လည်း ညအခါ အောက်စီဂျင်ကိုချည်းရှု၍ ကာဗွန်ဒိုင်အောက်ဆိုဒ် တွေချည်း ထုတ်လွှတ်ကြပုံကိုလည်း ဆရာမက သင်ပုန်းပေါ်တွင် နေ့ညခွဲခြားကာ ပုံကြမ်းဆွဲပြလိုက်သည်။

“ မင်းတို့ စဉ်းစားကြည့်စမ်း သစ်ပင်တွေက သူတို့ မနက်က သုံးထား စားထားတဲ့ ကာဘွန်ဒိုင်အောက်ဆိုဒ်ဓာတ်ငွေ့ကို ညကျတော့ ပြန်ထုတ် သူတို့မနက်က ထုတ်ထားတဲ့ အောက်စီဂျင်ကို ညကျပြန်ယူ သူ့ဖာသာ လည်ပတ်နေတာပဲနော်.... သူတို့ အစာအတွက် ဈေးသွားဖို့မလိုဘူး.... မင်းတို့လည်း ဈေးသွားဖို့မလိုအောင် မနက်က စားထားတာ ညကျ ပြန်ထုတ် မနက်ကျ ပြန်စား မကောင်းဘူးလား....အမေ ဈေးဖို့ သက်သာတာပေါ့”

“ ဟင့် မကောင်းပါဘူး ဆရာမကလည်း ..”
“ဟား ဟား ဒါတော့ သိသားပဲ”

“ကဲ သစ်ပင်ကြီးတွေ က ဘယ်လောက်ချစ်ဖို့ကောင်းလဲနော် ... သူ့ပတ်ဝန်းကျင်ကို မျှတနေအောင်လုပ်ပေးထားတာ။ တို့လူတွေအတွက်လည်း အစာတွေလည်းပေးတယ် လေရှုဖို့လည်း လုပ်ပေးတယ်။ နေစရာ အရိပ်ခိုစရာ လည်းပေးတာပဲ။ အ၀တ်အထည်တွေလည်းပေးတာပဲ သစ်ပင်တွေကို ချစ်တတ် ထိန်းသိမ်းတတ်ဖို့လိုတယ်။ သစ်ပင်မရှိတဲ့ ကမ္ဘာကြီးဆိုရင် ဘယ်လိုဖြစ်လဲ စဉ်းစားကြည့်ကြစမ်းပါ။”
“ကြောက်စရာကြီးပါ လူတွေ သေကုန်မယ်ထင်တယ် ဆရာမ”

“ အေး မင်းတို့ထင်တာတွေကို သစ်ပင်မရှိတဲ့ ကမ္ဘာဆိုပြီး အိမ်ကနေ စာ ငါးကြောင်း လောက်ရေးခဲ့ကြနော်..”

ဆရာမက သင်ပုန်းပေါ်ရှိ ပုံများကိုဖျက်ကာ ပုံသစ်တစ်ပုံဆွဲရန် အစပြုရင်း မေးခွန်းထုတ်လိုက်သည်။

“ အခု သစ်ပင်တွေ အသက်ရှုတာသိပြီ... သူတို့ လူတွေလို သွားလာလို့ရလား”

“မရပါဘူး ဆရာမ”

“လှုပ်လို့ရောရလား”

“လှုပ်လို့တော့ရပါတယ် လေတိုက်ရင်လေ”

“အေး မှန်တာပေါ့..။ ဟုတ်ပြီ သူတို့ မျိုးပွားလို့ရောရလား။ မင်းတို့ လူအသစ်ကလေးတွေ ထပ်မွေးလာသလို သစ်ပင်အသစ်ကလေးတွေရော ထပ်ပေါက်လာသေးလား”

“ပေါက်ပါတယ်”

“ ဘယ်လိုပေါက်သလဲ”

“ သစ်စေ့လေးတွေကနေ အပင်သစ်ကလေးတွေပေါက်ပါတယ်”

“ သိပ်တော်တာပဲကလေးတို့ သည်မှာကြည့် သစ်စေ့လေးကနေ သည်လိုမျိုး အဆင့်ဆင့် အပင်လေး ပေါက်လာတယ်နော်..ဒါက ပဲစေ့လေးတစ်စေ့ အပင်ပေါက်ပုံပေါ့”

တတိယတန်း သဘာဝ သိပ္ပံ သင်ခန်းစာမှ ပဲစေ့ အပင်ပေါက်ပုံအဆင့် ငါးဆင့်ကို ဆရာမက ဆွဲပြလိုက်သည်။

“ ကဲ ကောင်းပြီ။ အခု မင်းတို့က သစ်စေ့လေးတစ်စေ့ လို့ ကိုယ့်ကိုယ်ကို စိတ်ကူးကြည့်ရအော်နော်... မင်းတို့ ဘာစေ့လေးတွေဖြစ်ချင်လည်း ...ပဲစေ့လေးတွေလား၊ သရက်စေ့လေးတွေလား၊ သင်္ဘောသီးအစေ့လေးလား... ဖြစ်ချင်တဲ့အပင်ကို စိတ်ကူးကြည့်ပါ”

ဆရာမက ကြမ်းပေါ်တွင် ဒူးတုပ်ထိုင်လိုက်ရင်း ကိုယ်ကိုဝပ်လိုက်သည်။

“ဆရာမလုပ်သလို လိုက်လုပ်မယ် ကိုယ်လုံးကလေးကို မြေကြီးပေါ်မှာ သစ်စေ့လေးလို ကပ်ထားပါ ”

ကလေးတို့ အားလုံး ဒူးတုပ်ကလေးတွေထိုင်ပြီး စာသင်ခန်းကြမ်းပြင်တွင် ကုန်းကုန်းလေးတွေ လုပ်နေကြသည်။
“ ကဲ... နေရောင်ခြည်တွေ ရေတွေ လေတွေ ရလို့ သစ်စေ့လေး အပင်ပေါက်လာပြီ”

ဆရာမက တဖြည်းဖြည်း လက်နှစ်ဖက်ကို လက်အုပ်ချီသလို လုပ်ရင်း အပေါ်ကိုမြှောက်ပြသည်။ ကလေးများလိုက်လုပ်ကြသည်။

“ဟော... သစ်ပင်ပေါက်ကလေး ရှည်လာပြီ”

ဆရာမက ဒူးကိုထောက် ခါးကိုဆန့် လိုက်ပြီး လက်ဖ၀ါးနှစ်ခုကိုဘေးဘက်ကားရင်း ခေါင်းပေါ်ကို မြှောက်လိုက်သည်။ ထို့နောက် တဖြည်းဖြည်း မတ်တတ်ထလိုက်သည်။ ကလေးများလည်း တဟိဟိ ရီရင်း လိုက်လုပ်ကြသည်။

“ဟုတ်ပြီဲ ..သစ်ပင်ကြီး ဆက်ကြီးထွားလာပြီ။ နေရောင်ခြည်ရအောင် အစွမ်းကုန် ရှည်လိုက်ကြစမ်းပါ”

ဆရာမက အစွမ်းကုန် ခါးကိုဆန့် လက်ကိုမြှောက် ခြေဖျားကိုထောက်ရင်း ကလေးများကိုပြောလိုက်သည်။ ကလေးများကလည်း တကိုယ်လုံးအစွမ်းကုန် ဆန့်ရင်း အညောင်းတွေပြေကုန်သည်။

“ကဲ လိုက်ဆိုပါ ........လေငြိမ်ငြိမ်...”
“လေငြိမ်ငြိမ်”

“သစ်ပင်ကြီး..ငြိမ်”
“သစ်ပင်ကြီး ...ငြိမ်”

“လေပြင်းတိုက်တော့ဘယ်လိုဖြစ်တယ်”
“လေပြင်းတိုက်တော့ ဘယ်လိုဖြစ်တယ်”

“ဟောဒီလိုဖြစ်တယ်....”
“ဟောဒီလို ဖြစ်တယ်။”

ဆရာမက လက်နှစ်ဘက်ကိုဝှေ့ယမ်းရင်းဆိုတော့ ကလေးများလည်း ပျော်ရွှင်စွာ ဝှေ့ယမ်းကြလေသည်။
“ကလေးတို့ ရေ......အရှေ့ဘက်ကလေတိုက်ရင် ဘယ်ဘက်ကိုယိမ်းမလဲ”
“ အနောက်ဘက်ကို ယိမ်းပါမယ်”

“ဟုတ်ပြီ ဆက်ဆိုမယ်”
“ အရှေ့ကတိုက်တော့ အနောက်ကိုယိမ်းတယ်...”
“ အရှေ့ကတိုက်တော့ အနောက်ကိုယိမ်းတယ်...”

“ အနောက်က တိုက်တော့ အရှေ့ကိုယိမ်းတယ်...”
“ အနောက်က တိုက်တော့ အရှေ့ကိုယိမ်းတယ်...”

စာသားအလိုက် ခါးကို ရှေ့နောက် ယိမ်းကြသည်။
“ညာဘက်ကတိုက်တော့ ဘယ်ဘက်ကိုယိမ်းတယ်..”
“ညာဘက်ကတိုက်တော့ ဘယ်ဘက်ကိုယိမ်းတယ်..”

“ဘယ်ဘက်ကတိုက်တော့ ညာဘက်ကိုယိမ်းတယ်..”
“ဘယ်ဘက်ကတိုက်တော့ ညာဘက်ကိုယိမ်းတယ်..”

အသံကိုဆွဲဆိုကာ ဘယ်ညာ ယိမ်းနွဲ့ကြပြန်သည်။
“လေငြိမ်ငြိမ် သစ်ပင်ကြီးငြိမ်”

ကလေးများ အားလုံး လက် ကလေး တွေ ဘေးကပ် ရပ်လိုက်ရင်း သံပြိုင်အော် ကာ လိုက်ဆို နေကြ သည်။


+++++++++


မနက်ဖြန် သူတို့နဲ့တွေ့ရတော့မည်။ ကျမ ပျော်ရွှင်စွာ စိတ်လှုပ်ရှားနေမိပါသည်။ သူတို့ဆိုတာက သူငယ်တန်းကနေ လေးတန်းအထိရှိသည့် ဘုန်းတော်ကြီးသင် ပညာရေးကျောင်းက ကလေးတွေပါ။ မနေ့က သူငယ်ချင်းက ဖုန်းလှမ်းဆက်သည်။ သဘက်ခါကျရင် ငါတို့တွေ ဒဂုံမြို့သစ်တောင်ပိုင်းက ဘုန်းကြီးကျောင်း တစ်ကျောင်းမှာ ကလေး တစ်ရာလောက်ကို နေ့လည်စာကျွေးရင်း ကလေးတွေအတွက် ပန်းချီဆွဲတာလေးတွေ ကဗျာဆိုတာလေးတွေ လုပ်မယ်။ နင်လည်း စိတ်ဝင်စားရင် နင်သိထားတဲ့ စာသင်နည်းလေးတွေ ကို ပြပေးမလားတဲ့။

အိုး ...သိပ်ရတာပေါ့။ ပြပေးချင်နေတာ အတော်ပါပဲ။ ကျမက စာသင်ရမှာကို သိပ်ပျော်တာ။ စိတ်ကူးထဲမှာ အမြဲ စာသင်ပေးနေတာ။ သူတို့ကို ကဗျာလေးတွေလည်း ဆိုခိုင်းမယ်။ ကိုယ်လက်လှုပ်ရှား ကစားနည်းလေးတွေနဲ့လည်း ကစားပေး အုံး မယ်။

သည်နေ့ တစ်နေ့လုံး သူတို့နဲ့တွေ့ရင် သင်ပြဖို့ သင်ခန်းစာတွေ ပြင်ဆင်နေမိသည်။ တစ်နာရီလောက်ဆိုရင်တော့ ကလေးတွေပျင်းမလားပဲ။ လေးဆယ့်ငါးမိနစ်လောက်တော့ မပျင်းလောက်ပါဘူးလေ။ သူတို့ကို ဘာအကြောင်း သင်ပေးရင်ကောင်းမလဲ...။ သမိုင်း၊ ပထ၀ီ၊ မြန်မာစာ၊ အင်္ဂလိပ်စာ၊ သင်္ချာ။ အင်း ....ဒါတွေက သူတို့က အတန်းစုံ အရွယ်စုံ ဆိုတော့ သင်ရခက်မယ်..။ အဲတော့ ကလေးအားလုံးလည်း နားလည်နိုင်မဲ့ တတိယတန်း သဘာဝ သိပ္ပံထဲက သစ်ပင်အစာချက်တာနဲ့ သစ်စေ့လေး အပင်ပေါက်တဲ့ ပုံကိုယူသင်ပေးမယ်။ ဟုတ်ပြီ။ သားသားတို့ မူကြိုမှာ သင်တဲ့ ကဗျာလေးကို သင်ပေးရမယ်။ ဒါဆို သူတို့ ကိုယ်လက်လှုပ်ရှားပြီးသားလည်းရမယ်။ သင်ခန်းစာနဲ့လည်း ကိုက်ညီတယ်။ ကောင်းတယ် ... ခု ခေတ်စားနေတဲ့ ပတ်ဝန်းကျင်ထိန်းသိမ်းရေးကို ပညာပေးရာလည်း ရောက်တယ်။

ကလေးဗဟိုပြု သင်ကြားရေးမှာ ကလေးတွေရဲ့ သိပြီးသား အသိကို အခြေခံပြီး သင်ကြားပေးမဲ့ သင်ခန်းစာနဲ့ ဆက်စပ်ဆွဲယူ သင်ကြားပေးရတယ် လို့ ဆိုတယ်။ သည်တော့ ကလေးတွေကို သူတို့ သိပြီး နားလည်ပြီး တာတွေကို မေးခွန်းတွေ ထုတ်ပေး မေးပေးရမယ် တဲ့။ သူတို့ စိတ်ကူးဥာဏ်တွေကို အသစ်စဉ်းစားတတ်လာအောင်ဖွင့်ပေးတဲ့ မေးခွန်းတွေမေးရမယ်။ သူတို့ ရဲ့ ကိုယ်ပိုင် စဉ်းစားချက်တွေကို စာကြောင်း အနည်းငယ် ရေးခိုင်းတဲ့နည်း၊ အတန်းသားတွေရှေ့မှာ ပြောခိုင်းတဲ့ နည်းကိုသုံးပြီး ထုတ်ဖော်ပေးရမယ်တဲ့။ ဒါမှ ကလေးတွေဟာ မိမိယူဆချက်ကို ထုတ်ဖော် ပြောဆိုရဲလာမယ်။ စာအရေးအသားစွမ်းရည်၊ အပြောစွမ်းရည်လည်း တက်လာမယ် လို့ ကျမတက်ထားဖူးတဲ့ သင်တန်းတွေ မှာ သိခဲ့ရတယ်။

ကျမ ပြင်ဆင်ထားခဲ့တဲ့ သင်ခန်းစာကို အထပ်ထပ် စဉ်းစား၊ အထပ်ထပ်လေ့ကျင့် နေမိပါတယ်။
ကျမ စိတ်ကူးထဲမှာ တော့ ကလေးတွေနဲ့ အပေးအယူ မျှနေတာပဲ။
ကျမတို့ စာသင်ခန်းလေးက ပျော်စရာ သိပ်ကောင်းနေပါတယ်။


++++++++++


သူငယ်ချင်းကတော့ပြောခဲ့သားပါ။
ကျောင်းက နည်းနည်းဝေးတယ်နော်တဲ့။ ဆင်းရဲလည်း ဆင်းရဲတယ်တဲ့။
သိပါတယ်ဟယ်။ အစိုးရကျောင်း မတက်နိုင်တဲ့ ကလေးတွေအတွက် ဖွင့်တဲ့ကျောင်းဆိုမှတော့ ချမ်းသာပါ့ မလား ပေါ့။


ဒါပေမဲ့ ကျမ စိတ်ကူးထဲမှာတုန်းက သည်လောက်ဆင်းရဲပြီး သည်လောက်ဝေး လိမ့်မယ်လို့ မထင်ခဲ့မိပါဘူး။ ဝေးတယ်ဆိုတာက လူတွေနဲ့ ဝေးတာကို ပြောတာပါ။ ရန်ကုန်မြို့ထဲ ကနေ ကားစီးရင် တစ်နာရီလောက်ပဲ ကြာတဲ့ခရီးမို့ အမှန်တော့ ဝေးလှတယ်လို့ မဆိုနိုင်ပါဘူး။ ဒါပေမဲ့ လူနေထူထပ်တဲ့ မြို့ပြကနေထွက်လို့ လယ်ကွင်း စိမ်းစိမ်းတွေကြားက မြေနီနီ လမ်းလေး နဘေး ရွှံ့ အိုင်ထဲက ဘုန်းတော်ကြီးကျောင်းကလေးကတော့ ခေါင်လွန်း၊ ဝေးလွန်းလှသလိုပါပဲ။ ဘုန်းကြီးကျောင်းဆိုရင် ကလေးတွေ အတွက် ကစားစရာ မြေကွက်လပ်တော့ ရှိမယ်။ သစ်ပင်ရိပ်အောက်က မြေကွက်လပ် မှာ စာသင်ရရင် စာသင်ခန်းမလိုပါဘူး။ နာမည်ကျော် ဆန်တနိကေတန် ကျောင်းလို သဘာဝ ပတ်ဝန်းကျင်ကို လေ့လာပြီးသားတောင် ရလိမ့်မယ်လို့ ထင်ခဲ့မိတယ်။

ခုတော့ ဘုန်းတော်ကြီးနဲ့ စာသင်သားကိုရင် ငါးပါးလောက် သီတင်းသုံးတဲ့ ဆယ်ပေပတ်လည် ထရံကာ သွပ်မိုး ပျဉ်ခင်း ကျောင်းကလေး နှစ်ဆောင်နဲ့ ကလေးတို့ စုဝေးရာ ပေနှစ်ဆယ်ပတ်လည် ပြတင်းပေါက်မပါတဲ့ မြေစိုက်ထရံကာ စာသင်ကျောင်း အတွက် မြေနေရာကလွဲလို့ ကျန်တာက လယ်ကွင်းပြင်ကြီး ပဲလေ။ သစ်ပင်ကြီး ဆိုလို့ တစ်ပင်တောင် ပေါက်စရာနေရာမရှိတဲ့ ဘုန်းကြီးကျောင်းကို တွေ့လိုက်ရပါတယ်။ အင်း သည်လို ကျောင်းမျိုးကို ရှာဖွေ အလှူ လုပ်နိုင်တဲ့ သူငယ်ချင်းတို့ အုပ်စုကိုပဲ ချီးကျူး မိပါသေးတယ်။

ဆရာတော်ကို ကန်တော့ပြီးတော့ ကလေးတွေရှိတဲ့ စာသင်ခန်းကို လာခဲ့တယ်။ ကလေးတွေကတော့ ချစ်စရာလေးတွေပါ။ တို့နိုင်ငံရဲ့ အနာဂတ်ပန်းကလေးတွေပေါ့။ အားလုံးပဲ အဖြူ အစိမ်းလေးတွေ ၀တ်လို့ တောက်တောက်ပပကြီး မဟုတ်ကြပေမဲ့၊ သိပ်နွမ်းနွမ်းပါးပါးတော့ မတွေ့ရပါဘူး။ သူတို့ကို ကြာဇံကျော်ကျွေးမယ်၊ ပန်းချီတွေလည်းသင်မယ်၊ ကျောင်းကို ဧည့်သည်တွေ လည်း လာတယ်ဆိုတော့ ပျော်ရွှင်တက်ကြွ နေကြတာပေါ့။ ဆရာမလေး နှစ် ယောက်ခမျာ တုတ်တစ်ချောင်းစီ ကိုင်လို့ တဟဲ့ဟဲ့ အော်နေရတာပါပဲ။ အင်း ကျမ တက်ခဲ့တဲ့ သင်တန်းမှာတော့ ကလေးစိတ်ပညာအရ တုတ်မကိုင်ရဘူး ဆိုပဲ။





သည်နေ့က ဧည့်သည်တွေလာလို့ အတန်းဖွဲ့စည်းပုံပြင်ထားသလား။ အရင်ကလည်း သည်လိုပဲလားတော့ မသိဘူး။ တခန်းတည်းသာရှိတဲ့ စာသင်ကျောင်းရဲ့ နံရံ သုံးဘက်မှာ သင်ပုန်း ငါးခုကို ကပ်ထားတယ်။ နံရံတဘက်ကတော့ ၀င်ပေါက်ပေါ့။ အင်း .. သူငယ်တန်းအတွက်က ဟိုသင်ပုန်းဖြစ်မယ်။ သည်ဘက်နံရံက သုံးတန်းနဲ့ လေးတန်းအတွက် ဖြစ်နိုင်တယ်။ သုံးတန်း နဲ့ လေးတန်း အင်္ဂလိပ်စာတွေ သင်ပုန်းပေါ်မှာ ရေးလက်စ တွေ့တယ်။ ဒါဆို ဟိုဘက်နံရံမှာ ပထမတန်းနဲ့ ဒုတိယတန်း ဖြစ်နိုင်တယ်။ ကလေး တစ်ရာကျော် အတန်း ငါးတန်းအတွက် ဆရာမ နှစ်ယောက် ဆိုတော့ အတန်းတွေကို ကြားမှာ ကာမထားတာပဲ အဆင်ပြေမယ် ထင်ပါရဲ့လေ။ ဆရာတော် ရော ကူသင်ပေးသလားမသိဘူး။ သင်မှပဲ ဖြစ်မယ်ထင်တယ်။ ကိုရင်ကြီးတွေ ဦးပဇင်းတွေလည်း ရှိသားပဲ သူတို့လည်း ကူထိန်းပေးမှာပေါ့။

ဟော... ကလေးတွေ ကြာဇံကျော် စားရအောင် တန်းစီပါတဲ့။ ဆရာမက တုတ်တချောင်းကိုင်ရင်း အော်နေတယ်။ တန်းစီ တန်းစီတဲ့။ အင်း အတန်းအလိုက် ကျွေးလိုက်ရင်ကောင်းမယ်။ တန်းစီလို့တင် ပြောနေရင် သူတို့က ဘယ်စီ တတ်မလဲ။

“ကဲ ..ကဲ သူငယ်တန်းတွေအရင် ရှေ့ကိုလာ။ အတန်းကြီးတွေ နောက်မှာနေဦး”
အမလေး... ကျမ ၀င်အော်ပေးမှပဲ ပိုဆိုးသွားပါလား။ ၀ုန်းကနဲဆို သူငယ်တန်းတွေရှေ့ကိုတဲ့ ဆိုပြီး အားလုံးနီးပါး ပြုံတိုးရောက်လာကြတယ်။ နည်းနည်း အသက်ကြီးတဲ့ ကလေးတွေကို ဟဲ့ နင်တို့က သူငယ်တန်းလား ဘာလို့ ရှေ့တိုးနေတာလဲ နောက်မှာ စီလေ လို့ ပြောလိုက်တော့..“ သမီး သူငယ်တန်းပါ။ မယုံရင် ဆရာမကို မေးကြည့်ပါတဲ့”

စိတ်ရှုပ်နေပုံရတဲ့ ဆရာမလေးကလှည့်ကြည့်ရင်း ပြောလိုက်တယ်။
“ဟုတ်တယ် အစ်မရေ သည်ကျောင်းမှာ သူငယ်တန်းကတင် ငါးဆယ်ကျော်တယ်။ အားလုံးနီးပါး သူငယ်တန်းချည်းပဲ” တဲ့လေ။

သြော် ... ဟုတ်မှာပေါ့နော် ။ ဆရာတော် ကျောင်းဖွင့်တယ်ဆိုမှ ကျောင်း စအပ်ရတော့ သူတို့ခမျာ အသက် ၈ နှစ် ၉ နှစ်လည်း သူငယ်တန်းပဲဖြစ်နေတာကိုး။

ဟန်ဆောင်မှု၊ ပြိုင်ဆိုင်မှု ကင်းကင်းနဲ့ စားသောက်နေကြတဲ့ ကလေးတွေကို ငေးကြည့်ရင်း ကျမလည်း ဗိုက်ဆာဆာနဲ့ သူတို့နဲ့အတူ တန်းစီပြီး ကြာဇံကျော်စားလိုက်ပါတယ်။ ပြီးရင် သူတို့လေးတွေကို စာသင်ရင်း ဂိမ်းတွေ ကစားပေးရ ဦးမယ်လေ။


+++++++++++


ပန်းချီဆွဲပြနေတဲ့ ဆရာကြီးနဲ့ အပေးအယူမျှနေတဲ့ ကလေးတွေကို နောက်နားက ကြည့်နေရင်း သဘောကျနေမိပါတယ်။ အရမ်း ထုံထုံ အအ မပြောရဲ မဆိုရဲတဲ့ ကလေးတွေတော့မဟုတ်ပါဘူးနော်။ မေးလိုက်ရင် ဖြေကြတာချည်းပဲ။ ဒါမျိုးမှ ကောင်းတယ်။ အင်း ကိုယ့်အလှည့်မှာတော့ ဘယ်လို လာမလဲမသိဘူး။ အတန်းဘေးနားက တုတ်ကိုင်ရင်း ထိန်းပေးနေတဲ့ ဆရာမလေးကို တိုးတိုးပြောမိတယ်။ အစ်မ သိပ္ပံသင်ခန်းစာ လေး နည်းနည်းသင်ပြပေးချင်တယ်နော် ဆိုတော့ သင်ပါအစ်မ ရပါတယ် တဲ့။

ကဲ ကိုယ့်အလှည့်ရောက်ပါပြီ။ သူငယ်တန်းကနေ လေးတန်းအထိ အားလုံးရောနေတဲ့ သည်ကလေးတွေကို ကြိုတင် ပြင်ဆင်လာခဲ့တဲ့ သင်ခန်းစာ ကို သင်ပြပေးလိုက်ပါတယ်။ ပထမ ငါးမိနစ်လောက်တော့ ဘာ အနှောက်အယှက်မှမရှိ အဆင်ပြေနေသားပင်။ ဟော.. ကလေးတစ်ယောက် ချွေးတွေရွှဲလို့ လိုက်အော်ရလို့ မောပန်းနေတဲ့ မျက်နှာထားလေးနဲ့ လက်ကလေးတစ်ချောင်းထောင်လို့ “ဆရာမ ရေသောက်တဲ့” ။ ကျမ ခေါင်းညိတ်ပြလိုက်ပါသည်။ ကလေးက စာသင်ခန်း အပြင်ဘက်က ရေအိုးစင်ဆီ ထွက်ပြေးသွားသည်။

အရှိန်ရနေတဲ့ စာကိုဆက်သင်မယ်လုပ်တုန်း ....ဟော နောက်တစ်ယောက် လက်ညှိုးလေးထောင်လို့ “ဆရာမ သေးပေါက်” တဲ့ ခေါင်းညိတ်ပြရပြန်တယ်။ မေးခွန်းမေးမယ်လုပ်တုန်း လာပြန်ပြီ လက်တစ်ချောင်းထောင်လို့ “ဆရာမ ရေသောက်”။
ဘုရားရေ ...... လေးငါးယောက်တပြိုင်တည်း စုပြုံပြီး လက်ညှိုးလေးတစ်ချောင်းစီထောင်လို့ ... ။ ကျမ ခေါင်းညိတ် မပြချင်တော့ပါဘူး။ ခေါင်းညိတ်ပြလိုက်မိရင် နောက်ထပ် ထောင်လာဦးမယ့် လက်ညှိုးလေးတွေ အများကြီးကို မြင်နေပါတယ်။ ယောင်နန ငေးရင်း ဘာလုပ်ရမှန်းမသိတဲ့ ကျမအခက်အခဲကို တုတ်ကိုင်ထားတဲ့ ဆရာမလေးက ၀င်ကူလိုက်ပါတယ်။

“ အားလုံး ပြန်ထိုင်ကြ။ တစ်ယောက်မှ မထရဘူး။ ရေလည်းမသောက်ရဘူး။ သေးလည်းမပေါက်ရဘူး။ သွား ပြန်ထိုင်”

အင်း ...တော်ပါသေးရဲ့။ နည်းနည်း ငြိမ်သွားတဲ့ ကလေးတွေကို ကြည့်ရင်း ခုနသင်လက်စ သင်ခန်းစာ ကို ဆက်သင်လိုက် ပါတယ်။ ခဏတော့ အဆင်ပြေသား။ ဟော ... လက်ကလေးထောင်လို့ ချွေးရွှဲနေတဲ့ မျက်နှာနဲ့ ရေသောက်တဲ့.... နောက်တစ်ယောက် ....နောက်နှစ်ယောက်....နောက်သုံးယောက်....လေးယောက်...။

အင်း ခုနလည်း စားသောက် ဆော့ကစားထား၊ စာသင်တော့လည်း အော်ဟစ်ထား၊ ပြတင်းပေါက်မရှိတဲ့ သွပ်မိုးအောက်က စာသင်ခန်းထဲမှာ ချွေးတွေလည်းထွက်ဆိုတော့ ...ရေငတ်မယ်ဆိုလည်း ငတ်မှာပေါ့လေ။ ရေသောက်ချင်နေတဲ့ ကလေးတွေကို ရေမသောက်ခိုင်းပဲ စာသင်ခန်းထဲမှာ ထိုင်ခိုင်းထားတာ တရားပါ့မလား။ လူ့အခွင့်အရေး ချိုးဖောက်ရာ ကျမှာပေါ့နော်။ ဒါပေမဲ့လည်း ဒါ စာသင်ချိန်လေ။ သူတို့ ရေသောက်တိုင်း သေးပေါက်တိုင်းသာ သွားခိုင်းရရင်တော့ တတန်းလုံးအကုန်ထွက်ကြမှာပဲ။ စာသင်ခန်းထဲ ကျောင်းသားတောင် ရှိတော့မယ် မထင်ဘူး။ ကျမကသာ ဘာလုပ်ရမှန်း မသိ စဉ်းစားနေတုန်း သူတို့ ဆရာမက ပြန်ထိုင်ကြစမ်း ဆိုပြီး တုတ်သံ တဗြန်းဗြန်း ပေးပြီး အတန်းထိန်းပေးနေသည်။

ကဲ ..ကဲ... သင်လက်စ သင်ခန်းစာလည်း ဘယ်ရောက်ပြီ မသိ။ စိတ်လည်းမပါတော့။ သူတို့ကို ကဗျာပဲဆိုခိုင်းပြီး သူတို့ ဆရာမ လက်ထဲပဲ အပ်လိုက်တော့မည် စဉ်းစားသည်။ “အားလုံး သစ်စေ့လေးတွေ လုပ်ကြမယ်.... ကိုယ့်နေရာမှာကိုနေပါ။ ဆရာမ လုပ်သလို လိုက်လုပ်ကြပါ။” အင်း သည်လိုတော့လည်း အားလုံးလိုက်လုပ်ကြသည်။ ပျော်ရွှင်စွာ အားရပါးရ အော်ဟစ် သီဆိုကြသည်။ လွတ်လပ်စွာ ကိုယ်ကို လှုပ်ရှား ယိမ်းနွဲ့ကြလေသည်။



++++++++++++


သူငယ်ချင်းကပြောသည်။
“သည်က ဆရာမလေး နှစ်ယောက်ကို နင်တက်ခဲ့တဲ့ သင်တန်းက ကလေးဗဟိုပြု သင်နည်းတို့ ဘာတို့ နည်းနည်း လောက် ပြောပြပေးခဲ့ပါဟာ။ နည်းလေးတွေလည်း ပြပေးခဲ့ပါဦး” တဲ့။

တကယ်တော့ ကျမက အစိုးရ၀န်ထမ်း ဆရာမ မဟုတ်ပါ။ ခေတ်မီ စာသင်ကြားနည်း သင်တန်းတွေကိုတော့ တက်ခဲ့ဖူးသည်။ စာတွေ့လည်း လေ့လာခဲ့သည်။ လက်တွေ့လည်း စနစ်တကျ ပြင်ဆင်ဖွဲ့စည်းထားသည့် စာသင်ခန်းတွေမှာ သင်ထောက်ကူ ပစ္စည်း အစုံအလင်နဲ့ သင်ပြလေ့ကျင့် ခဲ့ဖူးသည်။ ကလေး ၂၅ ယောက် ထက်မပိုတဲ့ စာသင်ခန်းတွေမှာ အုပ်စုဖွဲ့ ကစားနည်း တွေ၊ ကလေးတွေနဲ့ အပြန်အလှန်ဆွေးနွေး ပြောဆို တာတွေ၊ ကလေးတွေရဲ့ ပင်ကိုမူလ စွမ်းရည်တွေ အတွေးအခေါ်တွေကို ပိုမို တောက်ပ လာစေမဲ့ နည်းလမ်း တွေသုံးလို့ သင်ကြားပြသပေးခဲ့ဖူးသည်ပေါ့။ ကလေး စိတ်ပညာ စာအုပ်တွေ၊ ကလေးဖွံ့ဖြိုးမှု စာအုပ် တွေကို လည်း ဖတ်ခဲ့ဖူးသည်ပေါ့။

လက်တွေ့ဘ၀မှာ သူငယ်တန်းကနေ လေးတန်းအထိ ကျောင်းသား တစ်ရာနီးပါးကို ဘာသာစုံ ပြနေရတဲ့ သည်ဆရာမလေး နှစ်ယောက်ကို သုံးလလောက် သင်တန်းတွေတက်ပြီး သိခဲ့တဲ့ ကျမက ဘာတွေများ ပြောပြရမှာပါလိမ့်။ ကလေးတွေကို မရိုက်ပါနဲ့ တုတ်မကိုင်ပါနဲ့လို့ ပြောရမလား။ ဆရာကချည်းသင်မပေးပါနဲ့။ သူတို့ကို ဆွေးနွေးစေပါ။ သူတို့ ပြောတာကို နားထောင်ပေးပါလို့ ပြောရင် ကလေး တစ်ရာရဲ့ ပြောစကားကို နားလေးပေါက်ထဲနဲ့ နားထောင်နိုင်ပါ့မလား။ ကစားနည်းလေးတွေကိုသုံးပြီး ကစားရင်း စာသင်ပါလို့ အကြံပေးရမယ်ဆိုရင်တော့ သင်ထောက်ကူပစ္စည်း သိပ်မလိုတဲ့ ကစားနည်းလေးတွေ ကို စဉ်းစားကြံဆပြီး နည်းပေးခဲ့ရင် ကောင်းမယ် ထင်ပါရဲ့။

“အင်း ဆရာမတို့ရယ် နည်းတွေကတော့ သည်လို သည်လို ရှိပါတယ်။ အဓိက ကတော့ စေတနာ နဲ့ ၀ါသနာ ကို ဗဟိုပြုပြီး ကိုယ့် အခြေအနေနဲ့ ကိုက်ညီတဲ့ သင်နည်းတွေကို ကိုယ်တိုင် စဉ်းစားပြီးတော့ပဲ သင်ကြပါ။ အစိုးရက ပြဌာန်းထားတဲ့ သင်ရိုးညွှန်းတမ်းကိုလည်း ကုန်အောင်သင်ရမှာဆိုတော့ အမြဲတမ်း ကစားနည်းတွေနဲ့ချည်း မသင်ပေးနိုင်တော့ တစ်ပတ်မှာ တစ်ရက်လောက် တော့ ပျော်စရာ စာသင်ခန်းလေး ဖြစ်အောင် သင်ပေးပေါ့ နော်။”

“ဟုတ်ကဲ့ပါ အစ်မရယ်၊ ကျမတို့ကလည်း ဘုန်းတော်ကြီးသင်ကျောင်းက ခန့်ထားတဲ့ဆရာမတွေဆိုပေမဲ့ ခေတ်မီနည်းတွေ နဲ့လည်း သင်ပေးချင်ပါတယ်။ ခုလောက်ပြောပြတာကိုပဲ ကျေးဇူးတင်ပါတယ်။ နောက်ကြုံရင်လည်း သင်တန်းတွေ ဖွင့်ပေးရင် ကျမတို့ တက်ချင်ပါတယ်။ ကျမတို့လည်း ကိုယ့်အရည်အချင်းကို တိုးတက်ချင်တယ်လေ”
“ဟုတ်တာပေါ့ ဆရာမတို့ရယ်။ ဆရာဆိုတာ ဓားသွေးကျောက်တဲ့။ ကျမတော့လက်မခံနိုင်ပါဘူး။ သူတို့ကိုသင်ရင်း ကိုယ်က ဘာလို့ လုံးပါးပါးရမှာလဲ။ သူတို့လည်း ထက်မြက်၊ ကိုယ်လည်း တိုးတက်ရမှာပေါ့။”

ကျမက ကျမထင်မြင်ချက်တွေကို ဆက်ပြီး ပြောပြန်သည်။

“ နောက်ပြီး ..... ဆရာမတို့ ရဲ့ ကလေးတွေကို ဘွဲ့ရ ပညာတတ်ကြီးတွေ ဖြစ်စေရမယ်လို့ ကြုံးဝါးစရာမလိုပါဘူး။ ဘွဲ့မရလည်း အကောင်းအဆိုးကို ခွဲခြားသိတဲ့ ကလေးတွေ ဖြစ်အောင်၊ လောကကို အကျိုးပြုနိုင်တဲ့ လူတွေ ဖြစ်လာဖို့ပဲ လိုတာပါ။ မိဘတွေက ကိုယ့်သားသမီးကို ဘွဲ့ရအောင် သင်ပေးနိုင်မှ တာဝန်ကျေတယ် ထင်နေကြတာ။ အသက် မွေးဝမ်းကျောင်း ပညာရပ်တွေ သင်ပေးဖို့ လိုတာကို မေ့နေကြတယ်”

“ အစ်မရေ ... သည်ပတ်ဝန်းကျင်က မိဘတွေကတော့ အဲလိုမဟုတ်ပါဘူး။ သူတို့က ဘွဲ့ရပြီးလည်း ထမင်းငတ်တာပဲ။ ဘွဲ့ရတာ အထင်ကြီးဖို့မရှိဘူးတဲ့။ သူတို့ ကျောင်ပို့တာက အိမ်မှာ ထိန်းရသက်သာအောင် ကျောင်းပို့နေတာ အစ်မရေ။ ခိုင်းလို့ရတဲ့ အရွယ်ရောက်ရင် ကျောင်းဆက်မထားတော့ဘူး။ ခုလည်း တချို့ဆို ဆရာတော်က အတင်း ကျောင်းထားခိုင်းလို့ ပိုက်ဆံလည်းမကုန်လို့ ထားနေတာ”

“ ဟုတ်လား။ အင်း ... ဘာပဲဖြစ်ဖြစ်ပေါ့လေ သည်ကလေးတွေ ကျောင်းမှာ ရှိနေသမျှတော့ သူတို့ကို စာတတ်အောင် သင်ပေးနိုင်သေးတာပေါ့။ ဆရာမတို့ စိတ်ဓာတ်မကျပါနဲ့။ စေတနာက အကျိုးပေးမှာပါ။”

သူငယ်ချင်းက ၀င်ပြီး အရွှန်းဖောက်သည်။

“ဆရာမရယ် ကိုယ်က ကလေးတွေသင်ပေးတာပဲ။ လူကြီးတွေကို သင်ပေးတာမှ မဟုတ်တာ။ လူကြီးဆိုတာမျိုးက သင်လို့မရတော့ဘူး လွှတ်ထားလိုက်တော့”

ဆရာမလေးက သဘောကျစွာရယ်မောရင်း ပြောလိုက်သည်။
“ဟင်း ..ဟင်း.... ဟုတ်ပါတယ်။ စိတ်ဓါတ်လည်း မကျပါဘူး။ ကိုယ့်တာဝန်ကျေဖို့ပဲ ဂရုစိုက်ပါတယ်”

ဆရာမလေးကို စိတ်ဓါတ်မကျဖို့ အားပေးသော ကျမကိုယ်တိုင်ကတော့ မရယ်နိုင်ပဲ မောရင်း.....
အင်း .... ငါရော ကိုယ့်တာဝန်ကျေရဲ့လား...

ပြင်ဆင်လာခဲ့တဲ့ သင်ခန်းစာလေးတစ်ခုကိုတောင် ပြီးအောင် မသင်ပေးနိုင်ခဲ့တဲ့ ကျမကရော ....တာဝန်ကျေပါရဲ့လား...
ကျမ နားထဲ မှာတော့.. ကလေး တွေ ရဲ့ အသံလေး တွေ စီညံ နေ ပါသေးသည်။


လေငြိမ်ငြိမ် ...သစ်ပင်ကြီး ငြိမ်
လေပြင်းတိုက်တော့ ဘယ်လိုဖြစ်တယ်...ဟောဒီလိုဖြစ်တယ်
လေပြင်းတိုက်တော့ ဘယ်လိုဖြစ်တယ်...ဟောဒီလိုဖြစ်တယ်
အရှေ့ကတိုက်တော့ အနောက်ကိုယိမ်းတယ်
အနောက်က တိုက်တော့ အရှေ့ကိုယိမ်းတယ်
ညာဘက်ကတိုက်တော့ ဘယ်ဘက်ကိုယိမ်းတယ်
ဘယ်ဘက်ကတိုက်တော့ ညာဘက်ကိုယိမ်းတယ်
လေငြိမ်ငြိမ် သစ်ပင်ကြီးငြိမ်...

လူနဲ့တူလို့ပေးတဲ့လက်မှတ်

စင်္ကာပူမူလတန်းကျောင်းမှအတွေ့အကြုံကိုရေးသားထားသော Seen and Be Seen ဘလောဂ့်မှ ကူးယူဖေါ်ပြသည်

နောက်ဆုံးခေတ်ရဲ့ နည်းပညာတွေနဲ့ ထုံမွှမ်းနေတဲ့ ဒီကျွန်းနိုင်ငံလေးက ကျောင်းတွေမှာ လူနဲ့တူရင် အသိအမှတ်ပြုတဲ့ Certificate ပေးရတာကလဲ နောက်ဆုံးခေတ်ရဲ့ ဗျူဟာတစ်ခုထင်ပါရဲ့။ ဒီအသိအမှတ်ပြုလက်မှတ်ရဲ့ နာမည်က
"Caught You Doing Right" ပါတဲ့။

မူလတန်းအရွယ်မှာ iPhone နဲ့စာသင်ကြရတဲ့ ကလေးတွေရဲ့ ကံကြမ္မာက လိုက်မမှီနိုင်ပါဘူး။ Learning Trail လို့ခေါ်တဲ့ သင်ကြားရင်း၊ အလည်သွားရင်း ဆိုတဲ့ Program တွေမှာ သူတို့လေးတွေ iPhone လေးတွေကိုယ်စီနဲ့။ ကျောင်းမှာလဲ White Board ခေတ်မဟုတ်တော့ဘူး။ Smart Board နဲ့။ အတန်းတိုင်းမှာ Net book တွေ၊ Tablet တွေကိုယ်စီနဲ့။ အသံသွင်းစရာတွေ၊ Video တွေအတွက် Studio နဲ့။ အရာရာတိုင်းက နောက်ဆုံးပေါ်၊ နောက်ဆုံးနည်းပညာနဲ့ နောက်ဆုံးခေတ်ရဲ့ ပညာရေး။

ဒီလိုခေတ်မှီကျောင်းမှာ ခေတ်မီဆရာတစ်ယောက် ကွန်ပျူတာနဲ့ အလုပ်ရှုပ်နေတာကို ကျောင်းသားတစ်ယောက်က ဒီလိုမေးတယ်။ "Teacher, are you watching p*** site?" ဆရာဖြစ်သူက ဆုံးမချင်လို့ လာဦးခေါ်တော့ "Teacher is watching p*** site" လို့ အကျယ်ကြီးအော်ပြီး ထွက်ပြေးတယ်။ နောက်ကလိုက်တဲ့ ဆရာက လှေကားပေါ်က လိမ့်ကျလို့ Ambulance ခေါ်ပြီး ဆေးရုံတင်၊ ကလေးနဲ့ မိဘကို ခေါ်ပြီး Warning ပေးတော့ ကလေးက "Not Fair" လို့ အတန်းပိုင် ဆရာမကို ပြောတယ်။ သူ့ကို ဘယ်သူက လိုက်ခိုင်းလို့လဲ၊ သူ့ဟာသူ ချော်ကျတာ ငါနဲ့ မဆိုင်ဘူးတဲ့။ လုံးဝတွန့်ဆုတ်တွေဝေခြင်း၊ နောင်တရခြင်း ကင်းတဲ့ ပကတိမျက်နှာနဲ့။ ဪ... ခေတ်ရဲ့သားကောင်တွေမို့လဲ ခေတ်အတိုင်း စဉ်းစားကြလေသလား။

သူငယ်တန်းက ကလေးမလေးတစ်ယောက်လဲ ဆရာမစာသင်နေတုန်း စကားများနေလို့ ဟန့်လိုက်တာ ဆရာမကို လက်ခလယ်နှစ်ဘက်စလုံး ထောင်ပြသတဲ့။ ဆရာမက ဒီအပြုအမူရိုင်းတယ်၊ မလုပ်ရဘူးပြောတော့ နောက်တစ်ခါထပ်လုပ်ပြတယ်။ ဆရာမဖြစ်သူက မိခင်ကို ဖုန်းဆက်ပြီး "ရှင့်သမီး ဆရာမကို လက်ခလယ် ထောင်ပြတယ်" လို့ပြောတော့ "So, what?" တဲ့။ ဆရာမက "ကျွန်မကို လာတွေ့ပါ" လို့ ပြောတော့ မအားဘူး၊ နောက်မှလာမယ်တဲ့။ ဆရာမလည်း "No wonder" လို့ပဲ ပြောနိုင်တော့တယ်။

ဒီလို ဥပမာတွေရဲ့ အကျိုးဆက်ကတော့ ကျောင်းမှာ Department အသစ်တစ်ခု ဖွဲ့စည်းတာပါပဲ။ Character & Citizenship Education တဲ့။ ဒီဌာနရဲ့ အဓိက ရည်ရွယ်ချက်က ကျွန်းပိစိသူ၊ ကျွန်းပိစိသား ကလေးသူငယ်များ
လူသားဆန်ရေးပါပဲ။ အဓိက ကတော့ ကျွန်းသား မဆန်ရေး ဆိုပါတော့။ ဒီလိုနဲ့ ဒီ Certificate လေးတစ်ခုပေါ်ထွက်လာပါတယ်။ လိမ္မာနားလည်မှု၊ စာနာတတ်မှု၊ ယဉ်ကျေးသိမ်မွေ့မှု၊ ကိုယ်ကျိုးစွန့်နိုင်မှု စတာတွေကို လုပ်နိုင်တဲ့ ကလေးတွေကို ပေးတာပါပဲ။ စာအုပ်တွေ တပွေ့တပိုက်နဲ့ ဆရာမလာရင် အသိစိတ်နဲ့ လာကူသယ်ပေးတဲ့ကလေး၊ အတန်းတိုင်းမှာ သူတပါး အခက်အခဲကို ကူညီတဲ့ကလေး၊ ကိုယ်ကျိုးထက် အများအတွက် နားလည်တဲ့ ကလေး။ ဒီလို ကလေးမျိုးတွေကို သတိထားမိတဲ့ ဘယ်ဆရာမ၊ ၀န်ထမ်းမဆို Department head ဆီကို Email ပို့ပြီး ကျောင်းအုပ်ကြီးကိုယ်တိုင်က Approve လုပ်၊ Assembly လို့ခေါ်တဲ့ ကျောင်းသူ၊ကျောင်းသား ဆုံတဲ့အချိန်မှာ အားလုံးရဲ့ရှေ့မှာ သေသေချာချာ ချီးကျူးစကားပြောပြီးမှ ဆုပေးတာပါ။ Certificate နမူနာလေးတွေက ဒါမျိူးလေးတွေပါ။

For her selfless act of extending a helping hand to a friend in need. Kelly readily gave tissue to a friend who vomited in class. She also went the extra mile to clean up her friend’s table and books. She was a comfort to her friend and her ‘Share and Care’ spirit is commendable.

For having gone the extra mile in showing care and concern for others. At a break during a soccer match, Ismail was seen pouring water for all his team mates first though he was perspiring profusely and was thirsty and tired. His selfless act is commendable.

For showing empathy and kindness to a P1 child who was crying. She even offered money to the child to make a call to her mother.

င်္င်္င်္For showing care and concern by voluntarily approaching and assisting a teacher who was carrying heavy books and bags. Wan Syukrina offered help to the teacher who was touched by her concern and thoughtfulness.

ကိုယ်တုိ့ခေတ်၊ ကိုယ်တို့နိုင်ငံရဲ့ ကျောင်းမှာသာ ဒါမျိုးဆုပေးရရင် စာတောင် သင်ချိန်ရှိပါ့မလားမသိ။ ကလေးအားလုံးနီးပါး ဆုရမယ်ထင်ရဲ့။ ဆရာမ ခင်ခင်ထူးရဲ့ ၀တ္ထုထဲကလို ဆရာမကို ဖိနပ်မပါ ဘူတာရုံထိ မိုးရွာရွာ၊ နေပူပူ လာကြိုရှာတဲ့ ကလေးငယ်တွေဆို ဘယ်လို ဆုမျိုးများ ပေးရပါ့မလဲ။

ဒီခေတ်မှီကျောင်းမှာတော့ ကျောင်းသား ၁၀၀၀ ကျော်မှာ နှစ်ပတ်တစ်ခါ ၃ ယောက်လောက် ဆုရကြတယ်။ အပတ်စဉ်အင်္ဂါနေ့တိုင်း ဆုပေးပွဲရှိပြီး ဆုရတဲ့ ကလေးနဲ့ ဆုရတဲ့ အကြောင်းအရာကို Canteen / Library နဲ့ General Office တွေက TV ကြီးတွေမှာ တစ်နေကုန် ပြပြီး တစ်ကျောင်းလုံးကို ဂုဏ်ယူစေသေးတာ။ ခေတ်မီပါတယ် ဆိုနေမှလေ။

ဒီလိုနဲ့ နှစ်လလောက်ရောက်တော့ ကိုယ့်ကိုကိုယ် သိတတ်လိမ္မာယုံနဲ့ မပြီး၊ သူတပါးရဲ့ မေတ္တာ၊ စေတနာကို တန်ပြန်နားလည်ခြင်းကို လေ့ကျင့်နိုင်ဘို့ "Caught You Being Kind" ဆိုတဲ့ Certificate ကို ခေတ်မှီမှီ တီထွင်လိုက်ပြန်တယ်။ ဒါကတော့ ဆရာမတွေကို ကလေးတွေက ပြန်ပြီး အသိအမှတ်ပြု ပေးရတဲ့ လက်မှတ်။ ကိုယ်ချစ်တဲ့ ဆရာမကို ဘာလို့ ချစ်သလဲ ဆိုတာ အသိအမှတ်ပြု Comment လေးရေးပြီး Canteen ကပုံးကြီးထဲ သွားထည့်လိုက်ရုံပဲ။ လွယ်လိုက်သည့်ဖြစ်ခြင်း။ ဒါနဲ့ပဲ ကလေးတွေကို တစ်လတိတိ ဒီအကြောင်း Assembly မှာ ကျောင်းအုပ်ကြီးက ပြောပြ၊ ရှင်းပြ။ တစ်လပြည့်တော့ ဒီပုံးကြီးကို ဖွင့်ကြည့်တော့ ဆရာမ ၁၀၀ ကျော် ရှိတဲ့ ကျောင်းမှာ စာရွက် ၃ ရွက်ပဲရတယ် ဆိုရင် ခေတ်မီ တယ်ပဲ ပြောရဦးမလား။ ကလေးတွေရဲ့ ရင်ထဲမှာ သူတပါးရဲ့ မေတ္တာ၊ စေတနာ ကို အသိအမှတ်ပြုရဲတဲ့၊ ပြုရကောင်းမှန်းသိတဲ့ ချစ်ခြင်းမေတ္တာတစ်မျိုးလဲ ခေတ်မီစွာ ပျောက်ဆုံးနေပြန်တယ်။ ခေတ်က သင်ကြားပေးတဲ့ အရိုင်းစိတ် တမျိုးလို့ ဆိုကြစုိ့ရဲ့။

ဆရာမတွေက ဒီလောက်ပဲ မေတ္တာတရား ခေါင်းပါးလို့လား ဆိုတော့လဲ မဟုတ်ပြန်ဘူး။ ကိုယ့်စိတ်ထဲမှာ ဆရာမဖြစ်ဘို့ကို မွေးဖွားလာတယ်လို့ထင်မိတဲ့ ဆရာမ တော်တော်များများလဲ ဒီ ၃ ယောက်ထဲ မှာ မပါပြန်ဘူး။ တခုထူးခြားတာက ဒီ ဆရာမ ၃ ယောက်လုံး ရယ်စရာ အရမ်းပြောတတ်တာပါပဲ။ သူတို့ အချင်းချင်းလဲ အမြဲ ရယ်မောနေတဲ့ ဆရာမတွေ။ သူတပါးကို ရယ်မောစေခြင်း တစ်ခုပဲ အသိအမှတ်ပြုခံရတဲ့ မြို့ပြယဉ်ကျေးမှုလေလား မခွဲခြားတတ်ပါဘူးလေ။ ဘယ်လိုပဲဖြစ်ဖြစ် ၃ ယောက်မှသည် ၃၀၀ ဆီသို့ ဆိုတဲ့ ရည်ရွယ်ချက်နဲ့ ကလေးတွေကို ဘိုးဘွားရိပ်သာတွေခေါ်သွား၊ အဘိုးအဘွားတွေနဲ့ စကားပြောခိုင်း၊ မိနစ်တိုင်း ကလေးတွေ သေဆုံးနေတဲ့ အာဖရိက အကြောင်း၊ ဆင်းရဲနွမ်းပါးလို့ ပညာကို ခက်ခက်ခဲခဲ သင်ယူရတဲ့ ကမ္ဘာကျော် ပုဂ္ဂိုလ်တွေ အကြောင်း ပြောပြပြီး ပြည့်စုံတဲ့ နိုင်ငံမှာ အေးအေးချမ်းချမ်း ခေတ်မီမီ ပညာသင်ကြားခွင့် ရတဲ့ ဘ၀ကို ကျေနပ်ဘို့၊ အမြဲတမ်း Complain တက်ဘို့ပဲ စဉ်းစားမနေကြဘို့ Slide Show တွေ၊ video တွေ မျိုးစုံနဲ့ အင်္ဂါနေ့တိုင်း သင်ကြားပေးကြတယ်။ နုနယ်တဲ့ နှလုံးသားလေးတွေ ခေတ်မီစွာ ရိုသားစေဘို့၊ ပညာတတ်ဆန်စွာ ယဉ်ကျေးစေဘို့ နဲ့ လူသားဆန်စွာ သိမ်မွေ့စေဘို့ ဆိုတာ ခေတ်မီ IT နည်းပညာတွေ၊ iPhone ထဲက Applications တွေထက် သင်ရခက်တယ် မဟုတ်လား။

ကိုယ်တိုင်လဲ Certificate ဘယ်နှစ်ခုလောက်ရှိမလဲစဉ်စားမိတယ်။ "Caught You Doing Right" က ဘယ်နှစ်ခု၊ "Caught You Being Kind" ကဘယ်နှစ်ခု၊ ပြောလို့ပြောတာ မဟုတ်ဘူး။ "Caught You Doing Wrong" တွေက ပိုများနေသလိုလို။ တချို့ Wrong တွေက ကိုယ်တိုင်သိပြီး သိပ်နောက်မကျခင် ရပ်တန့်လိုက်ပေမယ့် တချို့ကျတော့ Wrong နေပါတယ် ဆိုတာကြီးကို သိသိကြီးနဲ့ ကျေနပ်နေတာမျိုးလဲ ရှိတယ်။ ဘ၀မှာ ကျေကျေနပ်နပ်ကြီး အမှားခံလိုက်တဲ့ အဖြစ်အပျက်တွေ ရှိသလို နည်းနည်းလေးမှ အမှားမခံနိုင်တဲ့ စိတ်ပင်ပန်းခဲ့တဲ့ နေ့တွေလဲရှိနေပြန်ရော။ အမှားဆိုတာတွေ၊ လူတွေရဲ့ ပညက်ချက်တွေအားလုံးရဲ့ အပြင်ဘက်မှာ လိပ်ပြာသန့်သန့် ထွက်ရပ်နေချင်တဲ့ ဂေါက်တောက်တောက်နေ့တွေလဲ ရှိတယ်။ "မင်းမှားတော့မယ်ဆိုတာ သိလို့ပြောနေတာကွ" ဆိုတဲ့စေတနာစကားတွေကို မှားကြည့်လိုက်ဦးမယ်လို့ တန်ပြန်ခဲ့တဲ့စိတ်ရိုင်းဝင်တဲ့ နေ့တွေလဲ ရှိတယ်။ သူတပါးရဲ့ အမှားနဲ့ အရှုံးကို စောင့်ကြည့်ပြီး ၀မ်းသာတတ်တဲ့ လူတချို့ကို ပြုံးပြချင်တဲ့ နေ့တွေလဲ ရှိတယ်။ ကိုယ့်အမှားကို သူများအမှားလုပ်ပြီး မျက်နှာပြောင်ပြောင် လွှဲချတတ်တဲ့ လူတချို့ကို အာရုံနောက်တဲ့နေ့တွေလဲရှိတယ်။ အမှားကိုသိမှ အမှန်ပြင်လို့ရမှာပေါ့လို့ ပြောကြတဲ့ လူတွေကို "အမှားတိုင်းရဲ့ ဆန့်ကျင်ဘက်လားရာဟာ အမှန်ဆိုတာ သေချာရဲ့လား" လို့ပြန်မေးချင်တဲ့ နေ့တွေလဲ ရှိခဲ့ဘူးတယ်။

ကလေးတွေကို လူနဲ့ တူဘို့ လူကြီးတွေက ကြိုးစား၊ လူကြီးတွေ လူနဲ့ တူဘို့ကိုတော့ သက်ဆိုင်ရာ ဘာသာရေး သဘောတရား တွေက ကြိုးစား၊ အစွန်းရောက်တဲ့ လူလဲရောက်၊ လမ်းချော်တဲ့လူလဲရှိ၊ ဒီကြားထဲ Certificate ရူး ရူးသွားတဲ့ လူတွေလဲ ရှိတယ်။ ဘာပဲဖြစ်ဖြစ် ကိုယ့်လုပ်ရပ်ကို ယုံကြည်မှုရှိတဲ့ သူအတွက် ဘယ်သူဘယ်လို ပေးပေး တုန်လှုပ်စရာ မလိုပါဘူးလေ။

တကယ်တမ်းတော့ သူတပါးပေးတာထက် ကိုယ့်ကိုကိုယ်နေ့တိုင်းပေးနေတဲ့ Certificate တွေက ပိုအရေးကြီးတာပါ။ ဒီနေ့ ငါတော်တယ်၊ ဒီနေ့ ငါပျော်တယ်။ ဒီနေ့လောက် ညံ့တာမရှိဘူး စသည်ဖြင့်ပေါ့။ နေ့တိုင်းက ကောင်းမနေနိုင်သလို၊ နေ့တိုင်းလဲ မညံ့နိုင်ပါဘူးလေ။ ကိုယ့်ကိုကိုယ် အဆိပ်ဖြစ်စေမယ့် Certificate မျိုးမပေးမိဘို့လဲ အရေးကြီးပါတယ်။ "Caught You Being An Idiot" ဆိုတာမျိုးပေါ့။ ကိုယ့်ကတော့ အသက် ၃၀ ကျော်မှာ "Certificate of Caught You Doing Stupid" အမျိုးအစားပေါင်း ၃၀ ကျော်နဲ့ ပျော်ပျော်ကြီး ရွက်လွှင့်နေတုန်းပါပဲ။

Civic Education အကြောင်း တစေ့တစောင်း

၂၀ ရာစုနှောင်းပိုင်း ကာလမှာ နိုင်ငံရေးသီအိုရီတခုဖြစ်တဲ့ Civic Education အကြောင်းကို ပညာရှင်တွေရဲ့ စိတ်ဝင်စားတစား လေ့လာမှုတွေ တစတစ ကျယ်ပြန့်လာခဲ့ပါတယ်။ နိုင်ငံသားကောင်းဖြစ်ဖို့ဆိုတာ လုပ်ယူရတာ ဖြစ်တယ်။ မွေးကတည်းက ဖြစ်လာတာ မဟုတ်ဘူး ဆိုတာကို လူအများက ပိုပြီး လက်ခံလာခဲ့ကြပါတယ်။ ဖွံ့ဖြိုးတိုးတက်တဲ့ နိုင်ငံရေးအဆောက်အအုံ တခု ဖြစ်ထွန်းလာဖို့အတွက် သင့်လျော်တဲ့ အသိပညာ၊ အတတ်ပညာနဲ့ စာရိတ္တမြင့်မားတဲ့ နိုင်ငံသားတွေ လိုအပ်တယ်ဆိုတဲ့ အချက်ကို နိုင်ငံခေါင်းဆောင်များက တညီတညွတ်တည်း လက်ခံလာကြပါတယ်။ ဒါပေမယ့် အသိပညာ၊ အတတ်ပညာနဲ့ စာရိတ္တမြင့်မားတဲ့ နိုင်ငံသားတွေ များပြားလာအောင် ဘယ်လို လုပ်မလဲ ဆိုတာက မေးစရာ ဖြစ်လာပါတော့တယ်။ စာသင်ကျောင်းတွေ၊ တက္ကသိုလ် ပညာရေးတွေနဲ့တင် မလုံလောက်ဘူးဆိုတာကိုလဲ သိမြင်လာကြပါတယ်။



Civic Education ဆိုရာဝယ်Civics ဆိုတာ နိုင်ငံသားအခွင့်အလမ်းနဲ့ တာဝန်တွေကို လေ့လာခြင်း ဖြစ်ပါတယ်။ Civic Education ဆိုတာကတော့ ဒီလိုနိုင်ငံသားအခွင့်အလမ်းနဲ့ တာဝန်တွေ၊ နိုင်ငံရေးအင်စတီကျူးရှင်းတွေနဲ့ ပြည်သူ့ရေးရာ မူဝါဒတွေကို လူအများသိရှိလာအောင် ပညာပေးခြင်းပဲ ဖြစ်ပါတယ်။ အဓိပ္ပာယ်ဖွင့်ဆိုချက် မူကွဲတွေ အမျိုးမျိုးရှိပေမယ့် " ဘုံအကျိုးစီးပွားရရှိရေးအတွက် ဆောင်ရွက်ရန်၊ အများပြည်သူအား အစိုးရနှင့် အခြားအဖွဲ့အစည်းများမှ abuse လုပ်ခြင်းနှင့် တိုက်ခိုက်ခြင်းကို ကာကွယ်ပေးရန်၊ ပြည်သူ့ရေးရာကိစ္စရပ်များကို ဝေဖန်ဆန်းစစ်နိုင်သော အသိဥာဏ်ပညာများကို ဖြန့်ဖြူးပေးရန်၊ အသိပညာဗဟုသုတများကို ကိုယ်ပိုင်အကျိုးစီးပွားနှင့် အများပြည်သူအကျိုးစီးပွားအတွက် အသုံးပြုရန် ဟူသော ရည်မှန်းချက် မရှိပါက မည်သည့် civic potential မှ ပြည့်စုံမည် မဟုတ်ပေ။ နိုင်ငံသားအခွင့်အလမ်းနှင့် တာဝန်များဆိုင်ရာ အသိပညာ၊ အရည်အချင်း၊ အမြင်နှင့် တန်ဖိုးထားမှုများသည် နိုင်ငံရေးရာကိစ္စရပ်များတွင် နိုင်ငံသားများအားလုံး တာဝန်သိစွာဖြင့် ထိထိရောက်ရောက် ပူးပေါင်းဆောင်ရွက်ခြင်းကို ဖြစ်တည်လာစေသည်။ သို့ဖြစ်ရာ အဆိုပါ အရည်အသွေးများ မြင့်မားလာစေရန် ဆောင်ရွက်ရေးသည် civic education ၏ mission ဖြစ်သည်" ဆိုတဲ့ mission အပေါ်မှာပဲ အခြေခံထားတာတွေ ဖြစ်ပါတယ်။

နိုင်ငံသားတယောက်ဟာ နိုင်ငံရဲ့ vision ကို သိမြင်နားလည်ရမှာဖြစ်ပါတယ်။ အမျိုးသားအကျိုးစီးပွားကို နားလည်ပြီး ကာကွယ်စောင့်ရှောက်တတ်ရပါမယ်။ နိုင်ငံတော်အစိုးရ အုပ်ချုပ်သူများရဲ့ မူဝါဒတွေကို ဆန်းစစ်ဝေဖန်နိုင်စွမ်း ရှိရပါမယ်။ အများပြည်သူရဲ့ အကျိုးစီးပွားနဲ့ ကိုယ်ပိုင်အကျိုးစီးပွား ယှဉ်တွဲလာတဲ့အခါမှာ အများပြည်သူအကျိုးစီးပွားကို ဦးစားပေးလိုတဲ့ civic virtue ရှိရပါမယ်။ ဥပမာ- ဖွံ့ဖြိုးဆဲနိုင်ငံအများစုရဲ့ ဖွံ့ဖြိုးတိုးတက်ရေးကို နှောင့်နှေးစေတဲ့ လာဘ်စားမှု ပြဿနာဟာ civic virtue မရှိတဲ့ ပြဿနာပဲ ဖြစ်ပါတယ်။ ဒီမိုကရေစီစနစ်ရဲ့ civic virtue ဆိုတာမှာ Civic dispositions ( ဒီမိုကရေစီစနစ် ထွန်းကားရှင်သန်ရေးကို ဆောင်ရွက်လိုသော နိုင်ငံသားအမြင်၊ အလေ့အထနှင့် စိတ်ထားများ ရှိခြင်း) နဲ့ Civic commitments (ဒီမိ်ုကရေစီစနစ်၏ အခြေခံ တန်ဖိုးများနှင့် စည်းမျဉ်းများအပေါ်တွင် အလေးပေးအာရုံစိုက်မှု) ဆိုတာတွေ ပါဝင်ပါတယ်။

Civic Education ဆိုတာက ဒီလို civic virtue ကို မြှင့်တင်ပေးပြီး ထိရောက်တဲ့ civic participation ဖြစ်လာအောင် ပညာပေးခြင်း ဖြစ်ပါတယ်။ civic participation ဆိုတာက ပြည်သူ့ရေးရာ မူဝါဒတွေကို ဆန်းစစ်ဝေဖန်မှုတွေတင် မဟုတ်ပါဘူး။ ပြည်သူ့ရေးရာ၊ အများပြည်သူအကျိုးစီးပွားစတာတွေနဲ့ ပတ်သက်ပြီး အသိပညာ ဗဟုသုတရှိခြင်း၊ ခံယူချက်ရှိခြင်း၊ နိုင်ငံရေးသမားများနဲ့ အစိုးရအဖွဲ့အစည်းအပေါ် reflective enquiry ပြုလုပ်မှု စတာတွေ ပါဝင်ပါတယ်။ နိုင်ငံသားတယောက်ဟာ စည်းကမ်းမဲ့ လမ်းပေါ်မှာ အမှိုက်လွှင့်ပစ်တာဟာ civic virtue မရှိလို့ပဲ ဖြစ်ပါတယ်။ ဌာနဆိုင်ရာဝန်ထမ်းတယောက်ကို လာဘ်ပေးတာကလဲ civic participation မှာ အားနည်းနေခြင်း ဖြစ်ပါတယ်။ ဒါကြောင့် နိုင်ငံသားတွေရဲ့ civic virtue ကို မြှင့်တင်ပေးပြီး၊ နိုင်ငံတော်အနာဂတ်လမ်းခရီးမှာ ပူးပေါင်းပါဝင်လာဖို့အတွက် civic education ကို စနစ်တကျ ပြုလုပ်ရမှာ ဖြစ်ပါတယ်။ ဒီနေရာမှာ civic education ကို ဘယ်လိုအကောင်အထည်ဖော်မလဲ ဆိုတာတွေနဲ့ ပတ်သက်ပြီး အမြင်ကွဲလွဲမှုလေးတွေ ရှိပါတယ်။

Civic Education ဆိုင်ရာ အမြင်ကွဲပြားမှုများ

ဒီနေရာမှာလဲ ပလေတိုနဲ့ အရစ်တိုတယ်တို့တွေ Civic Education ဆိုတာနဲ့ ပတ်သက်ပြီး ပြောခဲ့စဉ်ကာလ ကတည်းက အစပြု ဖြစ်ပေါ်လာခဲ့တဲ့ အငြင်းပွားမှုတွေ၊ အမြင်မတူညီမှုတွေက ရှိပါသေးတယ်။ ပြည်သူလူထုကို နိုင်ငံသားနဲ့ ပတ်သက်တဲ့ ပညာပေးမှုတွေဟာ ဘယ်လိုနိုင်ငံရေး အဆောက်အအုံဆိုတာပေါ်မှာ မူတည်ပါတယ်။ ဥပမာ- ဒီမိုကရေစီ စနစ်ထွန်းကားတဲ့ နိုင်ငံတနိုင်ငံမှာ ဒီမိုကရေစီ မဆန်တဲ့ နိုင်ငံရေးအတွေးအခေါ်တွေ၊ ပြုမူလုပ်ဆောင်ချက်တွေကို လက်ခံခြင်း မရှိတဲ့ ဒီမိုကရေစီ နိုင်ငံသားတွေ ရှိဖို့ လိုအပ်ပါတယ်။ နိုင်ငံသားတွေဟာ ဒီမိုကရေစီနဲ့ လိုက်လျောညီထွေရှိတဲ့ အသိပညာ၊ အရည်အချင်းနဲ့ စာရိတ္တတွေ ရှိလာဖို့ ကြိုးပမ်းနိုင်မှသာ ဒီမိုကရေစီ အသွင်ကူးပြောင်းမှုကနေ ဒီမိုကရေစီ အမြစ်တွယ်ရှင်သန်ခိုင်မာမှု ရှိလာအောင် ပြုလုပ်နိုင်မှာ ဖြစ်ပါတယ်။ ဒါပေမယ့် ဒီမိုကရေစီနိုင်ငံသားတွေ ပေါ်ထွန်းလာစေရေး ဆိုတာမှာကလဲ ဘယ်လို ဒီမိုကရေစီ သဘောတရားတွေနဲ့ တိုင်းပြည်ကို တည်ဆောက်မှာလဲ ဆိုတာကို မူတည်လာပြန်ပါတယ်။

နိုင်ငံရေးပညာရှင် March နဲ့ Olsen ဆိုခဲ့ဖူးသလိုပဲ ဒီမိုကရေစီ သဘောတရားရေးရာ ငြင်းခုန်မှုတွေ ဖြစ်တဲ့ ကိုယ်စားပြုမှုနဲ့ တိုက်ရိုက်ပါဝင်ပတ်သက်မှုအကြားက ချိန်ခွင်လျှာ၊ ကိုယ်ပိုင်အကျိုးစီးပွားနဲ့ အများပြည်သူ အကျိုးစီးပွားအကြားက ချိန်ခွင်လျှာ၊ အခွင့်အရေးနဲ့ တာဝန်ယူမှုအကြားက ချိန်ခွင်လျှာ၊ လွတ်လပ်မှုနဲ့ တန်းတူညီမျှမှုအကြားက ချိန်ခွင်လျှာ၊ ညီညွတ်မှုနဲ့ ကွဲပြားခြားနားမှုအကြားက ချိန်ခွင်လျှာ စတဲ့ ချိန်ခွင်လျှာတွေကို နိုင်ငံတော်အစိုးရတွေအနေနဲ့၊ မူဝါဒချမှတ်သူတွေအနေနဲ့ ဘယ်လိုထိန်းညှိမလဲ ဆိုတဲ့ အချက်ပေါ်မှာ မူတည်သွားတတ်ပြန်ပါတယ်။ ဒီလို သဘောတရားရေးရာ ကွဲပြားခြားနားမှုတွေဟာ democratic civic education ကို ဘယ်လို အကောင်အထည်ဖော်သလဲ ဆိုတဲ့အပေါ်မှာ ရိုက်ခတ်လာပါတယ်။ စာသင်ခန်းအခြေပြု ပညာရေးနဲ့ လူ့အဖွဲ့အစည်းအခြေပြု လူထုပညာပေး လုပ်ငန်းတွေကို အကောင်အထည်ဖော်တဲ့ ပုံသဏ္ဍာန်တွေဟာ ဒီလိုသဘောတရားရေးရာ ကွဲပြားခြားနားမှုပေါ်မူတည်ပြီး အမျိုးမျိုး ကွဲပြားလာပါတယ်။

ဒါပေမယ့် စာသင်ခန်းအခြေပြုနည်းလမ်းဖြစ်ဖြစ်၊ လူ့အဖွဲ့အစည်းအခြေပြု လူထုပညာပေး နည်းလမ်းဖြစ်ဖြစ်၊ ဘယ်လိုသဏ္ဍာန်တွေပဲသုံးသုံး အဓိကတော့ နိုင်ငံသားတွေအနေနဲ့ ခေတ်၊ စနစ်နဲ့ လျော်ညီတဲ့ နိုင်ငံသားတွေမှာ ရှိရမယ့် အရည်အချင်းတွေ၊ အတွေးအခေါ်တွေ၊ ပြုမူဆောင်ရွက်မှုတွေ၊ ကျွမ်းကျင်မှုတွေ ရှိလာဖို့ကသာ အရေးကြီးဆုံးဖြစ်ပါတယ်။ ဒီနေရာမှာလဲ အရည်အသွေးပြည့်ဝတဲ့ နိုင်ငံသားကောင်းတယောက်ဖြစ်လာဖို့အတွက် ဘယ်အတိုင်းအတာအထိ နိုင်ငံရေးသုတနဲ့ civic knowledge တွေ လိုအပ်သလဲ ဆိုတာက မေးစရာ ဖြစ်လာပြန်ပါတယ်။

ပညာရှင်တချို့ကတော့ ဒီမိုကရေစီ နိုင်ငံသားကောင်းဖြစ်ဖို့အတွက် ဒီမိုကရေစီ အုပ်ချုပ်မှုစနစ် (democratic governance) ကို နားလည်ရမယ်၊ ပြည်သူ့ရေးရာ မူဝါဒတွေကို သေသေချာချာ သိနားလည်ရမယ်လို့ သတ်မှတ်ကြပါတယ်။ ပညာရှင်တချို့ကတော့ နိုင်ငံသားတွေဟာ ပြည်သူ့ရေးရာ မူဝါဒတွေကို အသေးစိတ်သိကျွမ်းနားလည်စရာ မလိုအပ်ပေမယ့် အခြေခံနားလည်မှုနဲ့ ဆန်းစစ်ဝေဖန် နိုင်မှုတော့ ရှိဖို့ လိုအပ်တယ်လို့ ယူဆကြပါတယ်။ ဘယ်လိုပဲဖြစ်ဖြစ် နိုင်ငံတနိုင်ငံမှာ တည်ငြိမ်တဲ့ နိုင်ငံရေး အုပ်ချုပ်မှုစနစ်တခု ပေါ်ထွက်လာဖို့မှာ လူထုရဲ့ နိုင်ငံရေးအမြင်ဟာ အဓိကကျတာကြောင့် reasonable judgement ကို ပြုလုပ်နိုင်တဲ့ နိုင်ငံသားတွေ အများအပြား ပေါ်ထွက်လာဖို့ အရေးကြီးကြောင်း ပညာရှင် အများစုက လက်ခံထားကြပါတယ်။

နိုင်ငံရေး ပညာရှင်တဦးဖြစ်တဲ့ Samuel Popkin ကတော့ နိုင်ငံရေးအသိပညာဗဟုသုတ အားနည်းတဲ့ နိုင်ငံသားတွေဟာ ဒီမိုကရေစီမူဝါဒတွေရဲ့ အပေးအယူ debates တွေ၊ ပြည်သူ့ရေးရာ မူဝါဒအားနည်းချက်တွေကို သေသေချာချာ ခွဲခြား ဆန်းစစ်မှုတွေ မပြုလုပ်နိုင်ပဲ ဖြစ်စဉ်တွေ၊ အကြောင်းအရာတွေ၊ မူဝါဒတွေထက် လူပုဂ္ဂိုလ်ပေါ်မှာ မူတည်ပြီး ရွေးချယ်မှုတွေ လုပ်လေ့ရှိကြတယ်လို့ ဆိုထားပါတယ်။ ဒါကြောင့်လဲ နိုင်ငံရေးအသိပညာ သင်းကွပ်ခံထားရတဲ့ အာဏာရှင်စနစ် နိုင်ငံတွေနဲ့ အာဏာရှင်စနစ်ကနေ ဒီမိုကရေစီ အသွင်ကူးပြောင်းဆဲ နိုင်ငံတွေမှာ ပုဂ္ဂိုလ်ရေးကိုးကွယ်မှုပေါ် အခြေပြုတဲ့ ခေါင်းဆောင်ရွေးချယ်မှုတွေ၊ နိုင်ငံရေးအကြောင်းအရာထက် နိုင်ငံရေးဇာတ်ကောင်ကို အသားပေးမှုတွေ၊ မင်းလောင်းမျှော်မှုတွေ၊ တကိုယ်တော် ဟီးရိုးဝါဒကို ထောက်ခံအားပေးမှုတွေ ထွက်ပေါ်နေတာ ဖြစ်ပါတယ်။ ဒါတွေဟာ ဒီမိုကရေစီစနစ် အမြစ်တွယ်ခိုင်မာရှင်သန်ရေးအတွက် အတားအဆီး၊ အနှောင့်အယှက်တွေပါပဲ။

Civic Education, Political Education တွေ နဲ့ ပတ်သက်ပြီး ဘယ်လောက်အတိုင်းအထိ နိုင်ငံသားတိုင်း သိထားသင့်သလဲ ဆိုတာကို အငြင်းပွားနေကြဆဲ ဖြစ်ပေမယ့် နိုင်ငံသားတွေဟာ မူဝါဒရေးရာတွေမှာ ကျွမ်းကျင်ပညာရှင်ဖြစ်စရာ မလိုဘူး ဆိုတာကိုတော့ လူအများက လက်ခံထားကြပါတယ်။ ဒါပေမယ့် နိုင်ငံရေးရာနဲ့ပတ်သက်ပြီး reasonable civic judgement ကို လုပ်နိုင်မယ့် အခြေခံ ဗဟုသုတနဲ့ အရည်အချင်းကိုတော့ နိုင်ငံသားတိုင်း ပိုင်ဆိုင်ထားသင့်တယ် ဆိုတာကိုလဲ လက်ခံလာကြပြီး၊ သင့်လျော်မယ့် civic education နဲ့ civics assessment စတာတွေကို နိုင်ငံတော်အစိုးရတွေက အကောင်အထည်ဖော်လာကြပါတယ်။

နိုင်ငံသားကောင်းဆိုတာ မွေးကတည်းက ဖြစ်လာတာမဟုတ်ပဲ လုပ်ယူရတာဖြစ်တယ် ဆိုတဲ့ အဆိုကို လက်ခံလာကြတာနဲ့အမျှ နိုင်ငံတနိုင်ငံရဲ့ အနာဂတ်ခေါင်းဆောင် လူငယ်တွေကို political socialization လုပ်ရာမှာ လိုအပ်မယ့် civic education ရဲ့ အခန်းကဏ္ဍကိုလဲ ထည့်သွင်းစဉ်းစားလာကြပါတယ်။ ဒီနေရာမှာ အခြေခံပညာရေးအဆင့်အတန်း မြင့်မားမှုဟာ လူတွေရဲ့ နိုင်ငံရေးဗဟုသုတ ရယူနိုင်မှုနဲ့ နိုင်ငံရေးမှာ ပါဝင်ပတ်သက်မှု သဏ္ဍာန်ကို အကျိုးသက်ရောက်မှု ရှိတာကြောင့် အခြေခံပညာရေး အဆင့်အတန်းမြင့်မားရေးကလဲ ကဏ္ဍတခုအနေနဲ့ ပါဝင်လာပါတော့တယ်။ ပညာရေး အင်စတီကျူးရှင်းတွေ မဟုတ်တဲ့ မိသားစု၊ လူမျိုးစု၊ နိုင်ငံရေးအဖွဲ့အစည်း၊ လူမှုရေးအဖွဲ့အစည်း၊ နိုင်ငံရေးဖြစ်ရပ်တွေကနေ civic formation ပေါ်ကို သက်ရောက်မှုတွေကိုလဲ ထည့်သွင်း စဉ်းစားလာကြပါတယ်။ Mass Media တွေကတဆင့် လူငယ်တွေကို civic knowledge, political knowledge တွေ ဖြန့်ဖြူးပေးနိုင်မယ့် နည်းလမ်းတွေကိုလဲ တီထွင်အကောင်အထည် ဖော်လာကြပါတယ်။ စာသင်ခန်းတွေ၊ သင်တန်းတွေနဲ့ class-room based education ကို ပိုပြီးဦးစားပေးသင့်သလား၊ community-based experiences တွေကို ဦးစားပေး အကောင်အထည်ဖော်သင့်သလား ဆိုတာကိုတော့ ပညာရှင်တွေ၊ မူဝါဒချမှတ်သူတွေကြားမှာ အမြင်ကွဲလွဲမှုတွေ ရှိနေဆဲပါပဲ။ ဘယ်လိုပဲဖြစ်ဖြစ် civic education ကို စနစ်တကျအကောင်အထည်ဖော်နိုင်ပြီး civic knowledge တွေ လူငယ်တွေအကြား၊ နိုင်ငံသားတွေအကြားမှာ ပျံ့နှံ့သွားဖို့က အရေးကြီးဆုံးပဲ ဖြစ်ပါတယ်။

civic knowledge ၏ အရေးပါမှု

civic knowledge ရဲ့ အရေးပါပုံနဲ့ ပတ်သက်ပြီး နိုင်ငံရေးပညာရှင်တွေက သုတေသနပြု လေ့လာဆန်းစစ်ချက်တွေ လုပ်ခဲ့ကြပါတယ်။ လေ့လာဆန်းစစ်ချက်တွေအရ civic knowledge ရှိခြင်းအားဖြင့် နိုင်ငံသားတွေဟာ သူတို့ရဲ့ ကိုယ်ပိုင်အကျိုးစီးပွားကို သိမြင်လာကြပါတယ်။ နိုင်ငံသားအခွင့်အလမ်းတွေကို ပိုပြီး သိမြင်လာကြပါတယ်။ အခွင့်အလမ်းတွေကို သိမြင်လာတာနဲ့အမျှ နိုင်ငံတော်က ချမှတ်ထားတဲ့ မူဝါဒတွေရဲ့ ကိုယ်ပိုင်အကျိုးစီးပွားတွေအပေါ် သက်ရောက်မှုတွေကို တွေ့မြင်လာကြပါတယ်။ Delli နဲ့ Keeter တို့ရဲ့ လေ့လာဆန်းစစ်ချက်များအရ နိုင်ငံရေးဗဟုသုတဟာ ကိုယ်ပိုင်အကျိုးစီးပွားကို သိမြင်နားလည်ခွင့်ကို ပေးစွမ်းနိုင်ပါတယ်။ အဲဒီကနေတဆင့် ကိုယ်ပိုင်အကျိုးစီးပွားနဲ့ ပြည်သူ့ရေးရာကိစ္စရပ်တွေကို ဆက်စပ်ပေးပါတယ်။ ဒီလို ဆက်စပ်ပေးရာကနေတဆင့် နိုင်ငံရေးကို သိမြင်နားလည်တဲ့ ပြည်သူလူထုဟာ အစိုးရတရပ်ရဲ့ လုပ်ငန်းဆောင်တာတွေ၊ မူဝါဒတွေကို အကဲဖြတ်ဆန်းစစ်နိုင်လာပါတယ်။ ဒီမိုကရေစီနည်းလမ်းတကျ ရွေးကောက်ပွဲတွေမှာဆိုရင် ဘယ်လိုပါတီနဲ့ ဘယ်လိုအမတ်လောင်းဟာ သူတို့ရဲ့ အကျိုးစီးပွားကို အကောင်းဆုံးအကောင်အထည်ဖော်ပေးနိုင်မလဲ ဆိုတာကို တွက်ချက်ရွေးချယ်နိုင်လာပါတယ်။ ဒါကြောင့် civic knowledge ဟာ စနစ်တခု ထွန်းကားရေးကို ဖော်ဆောင်ပေးနိုင်ပါတယ်။

civic knowledge နဲ့ ပတ်သက်တဲ့ နောက်ထပ်အကျိုးကျေးဇူးတခုကတော့ ပြည်သူ့ရေးရာနဲ့ ပတ်သက်တဲ့ ကိစ္စရပ်တွေ၊ နိုင်ငံရေးရာတွေမှာ အချိန်ကာလနဲ့ အညီ လိုက်လျောညီထွေရှိတဲ့ နိုင်ငံရေးအမြင်တွေ ရှိနေစေတာပဲ ဖြစ်ပါတယ်။ ပြည်သူလူထုရဲ့ နိုင်ငံရေးအတွေးအခေါ်၊ အသိပညာတွေကို လေ့လာတဲ့ ပညာရှင်တွေက နိုင်ငံရေးဗဟုသုတနဲ့ နိုင်ငံရေးအမြင် တည်ငြိမ်မှု အကြားမှာ သိသာထင်ရှားတဲ့ ဆက်နွယ်မှုတွေ ခိုင်ခိုင်မာမာရှိကြောင်း လေ့လာတွေ့ရှိခဲ့ကြပါတယ်။

civic knowledge နဲ့ ပတ်သက်တဲ့ နောက်ထပ်အကျိုးကျေးဇူးတခုကတော့ နိုင်ငံသားတွေဟာ နိုင်ငံတော်မှာ ဖြစ်ပေါ်နေတဲ့ နိုင်ငံရေး ပြောင်းလဲမှုအခြေအနေတွေကို သေသေချာချာ ခွဲခြားသိမြင်နိုင်ခြင်းပဲ ဖြစ်ပါတယ်။ နိုင်ငံတော်ရဲ့ နိုင်ငံရေးဖြစ်စဉ်ပြောင်းလဲမှုကို မသိမြင်တဲ့ နိုင်ငံသားတယောက်ဟာ အချိန်အခါ၊ အခြေအနေနဲ့ အညီ ဖြစ်ပေါ်လာတဲ့ ပြောင်းလဲမှုတွေထဲမှာ ဘယ်လို တုန့်ပြန်ဆောင်ရွက်ရမယ်ဆိုတာကို နားမလည်နိုင်ပါဘူး။ နိုင်ငံရေးဖြစ်စဉ် ပြောင်းလဲမှုတွေနဲ့အတူ ထွက်ပေါ်လာတတ်တဲ့ အတွေးအခေါ် ရှုပ်ထွေးမှုတွေအကြားမှာ နဝေတိမ်တောင်နဲ့ မျက်စိလည်နေတတ်ပါတယ်။ အမှန်နဲ့အမှား၊ အနိုင်နဲ့အရှုံးတွေကို မခွဲခြားတတ်တော့ဘူး ဖြစ်နေတတ်ပါတယ်။ အားကစားပွဲတခုကို ကစားနည်း (rule of game) နားမလည်ပဲ ဘေးကနေ ထိုင်ကြည့်နေရသလိုပါပဲ။ ဥပမာ- ဘောလုံးကစားနည်းကို နားမလည်ပဲ ဘောလုံးပွဲထိုင်ကြည့်တဲ့အခါ အနီဝတ်ထဲ ဘောလုံးရောက်လိုက်၊ အဖြူဝတ်ထဲ ဘောလုံးရောက်လိုက် ဖြစ်နေတာတွေ လိုက်ကြည့်ရင်း အနီဝတ်က ကန်တဲ့ ဂိုးလဲ အားပေး၊ အဖြူဝတ်က ကန်တဲ့ ဂိုးလဲ လက်ခုပ်ထတီးနဲ့ ဘောလုံးဆိုတာ ဂိုးတိုင်ထဲ ရောက်သွားရင် ပြီးတာပဲဆိုတာမျိုးတွေ ဖြစ်နေတတ်တာပါ။

civic knowledge မရှိသူတွေဟာ နိုင်ငံရေးခေါင်းဆောင်ရွေးချယ်တဲ့အခါမှာ အများပြည်သူအကျိုးစီးပွား၊ ကိုယ်ပိုင်အကျိုးစီးပွားကို ဆောင်ကျဉ်းပေးနိုင်မယ့် မူဝါဒရေးရာ ချမှတ်ပေးနိုင်မှုနဲ့ ရွေးချယ်ဆုံးဖြတ်နိုင်မှု မရှိပဲ လူတွေရဲ့ ရုပ်လက္ခဏာ၊ လူအများကြား ရေပန်းစားမှု အစရှိတဲ့ ဥပဒေပြုရေး၊ မူဝါဒရေးဆွဲချမှတ် အကောင်အထည်ဖော်ရေး အရည်အချင်းတွေနဲ့ မဆိုင်တဲ့ အချက်တွေကို ထည့်သွင်းစဉ်းစားလေ့ရှိ ကြကြောင်း ပညာရှင်တွေက လေ့လာတွေ့ရှိခဲ့ကြပါတယ်။ အာရှ၊ အာဖရိက နိုင်ငံတွေက ပြည်သူလူထုတွေဟာ နိုင်ငံရေးအသိပညာ ဗဟုသုတတွေ အားနည်းတာကြောင့် တိုင်းပြည်ကို အမှန်တကယ် အကျိုးပြုနိုင်မယ့် နိုင်ငံရေးသမားတွေကို မှန်မှန်ကန်ကန် ရွေးချယ်နိုင်မှုမှာ အားပျော့ပြီး ဒီမိုကရေစီ နောက်ပြန်ဆွဲမှုပြဿနာတွေ၊ စစ်အာဏာသိမ်းမှု ပြဿနာတွေ၊ ဒီမိုကရေစီ ရှင်သန်ထွန်းကားရေး နှောင့်နှေးမှု ပြဿနာတွေကို ရင်ဆိုင်ကြရတာဖြစ်ကြောင့် လေ့လာသုံးသပ်သူတွေက ဆိုခဲ့ကြပါတယ်။

civic knowledge နဲ့ ပတ်သက်တဲ့ နောက်ထပ်အကျိုးကျေးဇူးတခုကတော့ နိုင်ငံသားတွေဟာ ပြည်သူ့ရေးရာ ကိစ္စရပ်တွေမှာ တက်တက်ကြွကြွ စိတ်ဝင်စားလာပြီး နိုင်ငံတော်ရဲ့ ချမှတ်ထားတဲ့ vision နဲ့ objectives တွေကို ပူးပေါင်းပါဝင် အကောင်အထည်ဖော်လာကြတာဖြစ်ပါတယ်။ နိုင်ငံတော်အုပ်ချုပ်သူတွေနဲ့ နိုင်ငံသားတွေအကြားမှာ အပြန်အလှန်လေးစားမှုနဲ့ ယုံကြည်မှုတွေ တိုးပွားလာတာ ဖြစ်ပါတယ်။ အစိုးရနဲ့ ပြည်သူအကြားမှာ ညီညွတ်မှု ရှိလာစေပြီး၊ ပြည်သူလူထုရဲ့ အစိုးရလုပ်ငန်းဆောင်တာတွေအပေါ် လျစ်လျူရှုမှုတွေ လျော့နည်းလာစေနိုင်ပါတယ်။ လျစ်လျူရှုမှုဟာ ကြောက်ရွံ့စိုးထိတ်မှုရဲ့ ဖခင်ဖြစ်ပြီး၊ အသိဥာဏ်ဗဟုသုတဟာ ယုံကြည်မှုရဲ့ မိခင်ဖြစ်တယ်လို့ ပညာရှင်တွေက ဆိုထားခဲ့ကြပါတယ်။ အထူးသဖြင့် political debates တွေ ပြင်းထန်နေတဲ့အချိန်တွေ၊ တော်လှန်ရေးကာလတွေမှာ နိုင်ငံရေး ဗဟုသုတ အားနည်းသူတွေဟာ political issues တွေရဲ့ အမှားနဲ့ အမှန်ကိစ္စတွေကို ခွဲခြားသုံးသပ်မှု မပြုလုပ်နိုင်တော့ပဲ ဘက်နှစ်ဘက်က characters တွေရဲ့ အားနည်းချက်တွေကိုပဲ ကြည့်လာတတ်ကြပါတယ်။ အဲဒီကနေတဆင့် `ဘယ်သူမှ အဖြူထည်မဟုတ်ပါဘူး။ ဖြူစင်တဲ့ သူရဲကောင်း (white knights) တွေ ဆိုတာ မရှိပါဘူး ဆိုတဲ့ အမြင်တွေ ၀င်လာပြီး plague on both your houses ဆိုတဲ့ ရပ်တည်ချက်တွေကို ကိုင်စွဲလာတတ်ကြပါတယ်။ နိုင်ငံရေးနားလည်သူတွေအတွက်က နိုင်ငံရေး တိုက်ပွဲတွေ၊ debates တွေကို ကြက်တောင်ကစားပွဲလို မြင်ပေမယ့် နားမလည်သူတွေအတွက်ကတော့ ဒါဟာ မုန့်လုပွဲပါပဲ။ ဒါကြောင့် civic knowledge တွေ လူထုအကြားမှာ ပျံ့နှံ့လာဖို့က အလွန်အရေးကြီးပါတယ်။

civic knowledge ရဲ့ နောက်ထပ်အကျိုးကျေးဇူးတခုကတော့ လွတ်လပ်စွာ ကွဲပြားခြင်းကို နားလည်လက်ခံလာစေမှုပဲ ဖြစ်ပါတယ်။ နိုင်ငံသားအခွင့်အလမ်းနဲ့ နိုင်ငံသားလွတ်လပ်ခွင့်ကို နားလည်သူတွေဟာ ကွဲပြားခြားနားတဲ့ လူမျိုးစုတွေအကြား အပြန်အလှန်ယုံကြည်မှုနဲ့ နားလည်မှုကို တည်ဆောက်နိုင်ပါတယ်။ နိုင်ငံသားအခွင့်အလမ်းနဲ့ လူမျိုးရေးအခွင့်အလမ်းတွေကို ကွဲကွဲပြားပြား သိမြင်နားလည်ပြီး အငြင်းပွားမှုတွေကို ကွင်းကွင်းကွက်ကွက် ဖြေရှင်းနိုင်ပါတယ်။ နိုင်ငံသားအားလုံးရဲ့ ပညာရေးအဆင့်အတန်း တိုးတက်မြင့်မားလာတာနဲ့အမျှ အသိပညာနဲ့ နားလည်နိုင်စွမ်း တိုးမြင့်လာမှုတွေဟာ social centrality အဆင့်အတန်းတွေအတွက် နေရာလုမှုတွေကနေ ထွက်ပေါ်လာတဲ့ ဆိုးကျိုးတွေကို ကျော်လွှားပေးစေနိုင်ပါတယ်။ civic knowledge ဟာ နိုင်ငံရေးဖြစ်စဉ်တွေကို သေသေချာချာ သိမြင်နားလည်ပြီး rational manner နဲ့ ပြုမူဆောင်ရွက်တတ်လာအောင် တွန်းအားပေးပါတယ်။ ဒါကြောင့် civic knowledge ဟာ နိုင်ငံတနိုင်ငံအတွင်းမှာ မှီတင်းနေထိုင်တဲ့ ပြည်သူလူထုရဲ့ နိုင်ငံရေးအမြင်၊ အတွေးအခေါ်၊ အယူအဆ၊ ပြုမူဆောင်ရွက်မှုတွေကို အကျိုးသက်ရောက်မှုရှိစေတယ်ဆိုတာ ထင်ရှားလှပါတယ်။

နိဂုံး

နိဂုံးချုပ်ဆိုရရင် civic education ဆိုတာ တိုင်းပြည်တခုရဲ့ လူအဖွဲ့အစည်း အဆင့်အတန်းမြင့်မားရေး၊ နိုင်ငံရေး တည်ငြိမ်မှုရှိရေး၊ နိုင်ငံတနိုင်ငံရဲ့ ဖွံ့ဖြိုးတိုးတက်ရေးတွေအတွက် မရှိမဖြစ် လိုအပ်ချက် တခုပဲ ဖြစ်ပါတယ်။ ကျွန်မတို့မြန်မာနိုင်ငံ အပါအ၀င် အာဏာရှင်စနစ် ထွန်းကားတဲ့ နိုင်ငံတွေနဲ့ ဒီမိုကရေစီ စနစ်အသွင်ကူးပြောင်းဆဲ နိုင်ငံအများစုတွေရဲ့ ဖွံ့ဖြိုးတိုးတက်ရေးကို နှောင့်နှေးနေစေတဲ့ အကြောင်းရင်းတွေထဲမှာ နိုင်ငံသားတွေရဲ့ နိုင်ငံရေးအသိပညာနဲ့ အတွေးအမြင် အားနည်းမှုတွေကလဲ အကြောင်းရင်းတခုအနေနဲ့ ပါဝင်ပါတယ်။ နိုင်ငံသားတယောက်ဟာ ကိုယ်ပိုင်အကျိုးစီးပွားအတွက် မိမိတို့ရဲ့ ရပိုင်ခွင့် အခွင့်အလမ်းတွေနဲ့ တိုင်းပြည်တခုလုံးရဲ့ အမျိုးသားအကျိုးစီးပွားကို သိမြင်ခြင်း မရှိတဲ့အခါ ကိုယ်ပိုင်အကျိုးစီးပွားနဲ့ အမျိုးသားအကျိုးစီးပွားအကြားက ချိန်ခွင်လျှာကိုလဲ ဘယ်လိုမှ ထိန်းညှိနိုင်မှာ မဟုတ်ပါဘူး။ ဒါတွေဟာ လူတဦးချင်းရဲ့ ကိုယ့်ကြမ္မာကိုယ်ဖန်တီးခွင့်တွေ ဆုံးရှုံးခြင်း ဖြစ်စေသလို နိုင်ငံတနိုင်ငံရဲ့ အနာဂတ်ကိုပါ ဆုတ်ယုတ်ပျက်စီးစေနိုင်ပါတယ်။ ဒါကြောင့်လဲ နိုင်ငံအများစုမှာ သက်ဆိုင်ရာအစိုးရတွေက ဦးဆောင်ပြီး civic education ဆိုင်ရာ မူဝါဒတွေကို ချမှတ်အကောင်အထည်ဖော်နေကြပါတယ်။ အစိုးရတွေက အကောင်အထည်ဖော်ခြင်း မရှိတဲ့ နိုင်ငံတွေမှာလဲ ပြည်သူမှ ပြည်သူသို့ အသိပညာပြန်လည်ဖြန့်ဖြူးပေးခြင်း နည်းလမ်းကို အသုံးပြုပြီး သက်ဆိုင်ရာ လူ့အဖွဲ့အစည်းတွေအတွင်းမှာ လူထုပညာပေးခြင်းတွေ ပြုလုပ်နေကြပါကြောင်း တင်ပြလိုက်ရပါတယ်။

(မြန်မာ့လူ့အဖွဲ့အစည်းအတွင်း civic knowledge များ ထွန်းကားလာစေရန် ရည်သန်လျက်)

ခင်မမမျိုး (၃၊ ၆၊ ၂၀၁၀)




ရည်ညွှန်းကိုးကား။ ။

Campbell, D. E. (2000) Making Democratic Education Work: Schools, Social Capital and Civic Education, Program on Education and Policy, Harvard University

Elkin, S.K., Soltan K.E., eds (1999) Citizen Competence and Democratic Institutions, University Park, The Pennsylvania University

Hildreth R.W. (2000) Theorizing Citizenship and Evaluating Public Achievement, Political Science and Politics, 33, pp.627-632

Popkin S.L, Dimock M.A. (2000) 'Knowledge, Trust and International Attitudes' in Lupia, A,; McCubbins, M; Poplin S.L (eds) In Elements of Reason: Understanding and expanding the Limits of Political Rationality, Cambridge University Press

Zaller J. R. (1992) The Nature and Origins of Mass Opinion, Cambridge University Press

DAAD Scholarships for Postgraduate Courses with Special Relevance to Developing Countries

Last updated: 11 May 2010

DAAD
Masters (MS) Degree
Deadline: 31 July (annual)
Study in: Germany
Course starts September 2011




Brief description:

The German Academic Exchange Service (DAAD) supports a range of postgraduate courses at German Universities which aim at providing academically educated young professionals from developing countries with further specialized studies.

These degree courses, which consist of one to two years of concentrated study, provide academically-trained young professionals in leading positions from developing countries with the opportunity to engage in postgraduate education and training in their particular field or profession.




Host Institution(s):

German Universities offering postgraduate courses with relevance to developing countries.



Field(s) of Study:

Postgraduate courses are offered in the following fields:

• Economic Sciences / Business Administration / Political Economics
• Development Co-operation
• Engineering and Related Sciences
• Mathematics
• Regional Planning
• Agriculture and Forest Sciences
• Environmental Sciences
• Medicine and Public Health
• Veterinary Medicine
• Sociology and Education

View the list of selected programmes for 2011/2012.

Number of Scholarships:

Not specified.


Target group:

The scholarship is for young professionals from developing countries in Africa, Asia, Pacific Islands, Central and South America and Central and Eastern Europe. (See the DAC List of the OECD)



Scholarship value/inclusions:


DAAD scholarship supports selected programmes with a variety of full or partial scholarships.


Eligibility:

• Will come either from a public authority or a state or private company in a developing country and, as such, be engaged in the planning and execution of directives and projects with emphasis on development policies having a bearing on technological, economic or social areas.
• Holds a Bachelor’s degree (4 years) in related subject.
• Will have completed an academic degree far beyond average and at least two years of related professional experience.
• Is not older than 36 (for some courses the age limit is 32), and his/her respective academic degrees should normally not be older than 3 years. Concerning a possible age limit, please refer to the course details on the following pages.
• For courses in German: DSH 2 or TestDaF 4; at time of application German skills at completed level A2 are required. In addition, German language courses at level A3 or B1 are highly recommended.
• For courses in English: TOEFL (minimum score: 550 paper based, 213 computer based, 80 internet based) or IELTS (band 6) certificate.

Please also see if you meet the eligibility requirements of the programme you are applying to.



Application instructions:


Scholarship applicants can apply at the German embassy or DAAD regional office, directly at the DAAD in Bonn or directly to the university. For Cameroon, Myanmar, Nigeria it is highly recommended to submit the applications only via the German Embassy.

The applicant should submit the complete requirements as found in this link including the DAAD application form before the deadline. The applicant also needs to follow separate specific application requirements and instructions (if any) set by a course.


Application deadlines for DAAD-scholarships are as follows:

•At German embassies and/or at the DAAD regional offices: 31 July
• At the DAAD section 431 in Bonn/Germany: 30 August
• At the respective universities in Germany: 30 September or 15 October

Important Note: Applicants should make sure to check information regarding university-specific application closing dates directly with the individual universities because they may vary from the general deadlines listed above.


Contact information:


Deutscher Akademischer Austauschdienst
German Academic Exchange Service
Ref. 431
P.O. Box 20 04 04
53134 Bonn
Germany
Fax: +49-(0)228-882-662
e-mail: info-ast[at]daad.de
http://www.daad.de/development


Website:


Official Scholarship Website: http://www.daad.de/entwicklung/studierende_und_alumni/bildung_postgradual/ast/08492.en.html

Scholarship Booklet 2011-2012: http://www.daad.de/imperia/md/content/entwicklung/hochschulen/ast/innen_postgraduate_courses_2011-12.pdf



--