လူနဲ့တူလို့ပေးတဲ့လက်မှတ်

စင်္ကာပူမူလတန်းကျောင်းမှအတွေ့အကြုံကိုရေးသားထားသော Seen and Be Seen ဘလောဂ့်မှ ကူးယူဖေါ်ပြသည်

နောက်ဆုံးခေတ်ရဲ့ နည်းပညာတွေနဲ့ ထုံမွှမ်းနေတဲ့ ဒီကျွန်းနိုင်ငံလေးက ကျောင်းတွေမှာ လူနဲ့တူရင် အသိအမှတ်ပြုတဲ့ Certificate ပေးရတာကလဲ နောက်ဆုံးခေတ်ရဲ့ ဗျူဟာတစ်ခုထင်ပါရဲ့။ ဒီအသိအမှတ်ပြုလက်မှတ်ရဲ့ နာမည်က
"Caught You Doing Right" ပါတဲ့။

မူလတန်းအရွယ်မှာ iPhone နဲ့စာသင်ကြရတဲ့ ကလေးတွေရဲ့ ကံကြမ္မာက လိုက်မမှီနိုင်ပါဘူး။ Learning Trail လို့ခေါ်တဲ့ သင်ကြားရင်း၊ အလည်သွားရင်း ဆိုတဲ့ Program တွေမှာ သူတို့လေးတွေ iPhone လေးတွေကိုယ်စီနဲ့။ ကျောင်းမှာလဲ White Board ခေတ်မဟုတ်တော့ဘူး။ Smart Board နဲ့။ အတန်းတိုင်းမှာ Net book တွေ၊ Tablet တွေကိုယ်စီနဲ့။ အသံသွင်းစရာတွေ၊ Video တွေအတွက် Studio နဲ့။ အရာရာတိုင်းက နောက်ဆုံးပေါ်၊ နောက်ဆုံးနည်းပညာနဲ့ နောက်ဆုံးခေတ်ရဲ့ ပညာရေး။

ဒီလိုခေတ်မှီကျောင်းမှာ ခေတ်မီဆရာတစ်ယောက် ကွန်ပျူတာနဲ့ အလုပ်ရှုပ်နေတာကို ကျောင်းသားတစ်ယောက်က ဒီလိုမေးတယ်။ "Teacher, are you watching p*** site?" ဆရာဖြစ်သူက ဆုံးမချင်လို့ လာဦးခေါ်တော့ "Teacher is watching p*** site" လို့ အကျယ်ကြီးအော်ပြီး ထွက်ပြေးတယ်။ နောက်ကလိုက်တဲ့ ဆရာက လှေကားပေါ်က လိမ့်ကျလို့ Ambulance ခေါ်ပြီး ဆေးရုံတင်၊ ကလေးနဲ့ မိဘကို ခေါ်ပြီး Warning ပေးတော့ ကလေးက "Not Fair" လို့ အတန်းပိုင် ဆရာမကို ပြောတယ်။ သူ့ကို ဘယ်သူက လိုက်ခိုင်းလို့လဲ၊ သူ့ဟာသူ ချော်ကျတာ ငါနဲ့ မဆိုင်ဘူးတဲ့။ လုံးဝတွန့်ဆုတ်တွေဝေခြင်း၊ နောင်တရခြင်း ကင်းတဲ့ ပကတိမျက်နှာနဲ့။ ဪ... ခေတ်ရဲ့သားကောင်တွေမို့လဲ ခေတ်အတိုင်း စဉ်းစားကြလေသလား။

သူငယ်တန်းက ကလေးမလေးတစ်ယောက်လဲ ဆရာမစာသင်နေတုန်း စကားများနေလို့ ဟန့်လိုက်တာ ဆရာမကို လက်ခလယ်နှစ်ဘက်စလုံး ထောင်ပြသတဲ့။ ဆရာမက ဒီအပြုအမူရိုင်းတယ်၊ မလုပ်ရဘူးပြောတော့ နောက်တစ်ခါထပ်လုပ်ပြတယ်။ ဆရာမဖြစ်သူက မိခင်ကို ဖုန်းဆက်ပြီး "ရှင့်သမီး ဆရာမကို လက်ခလယ် ထောင်ပြတယ်" လို့ပြောတော့ "So, what?" တဲ့။ ဆရာမက "ကျွန်မကို လာတွေ့ပါ" လို့ ပြောတော့ မအားဘူး၊ နောက်မှလာမယ်တဲ့။ ဆရာမလည်း "No wonder" လို့ပဲ ပြောနိုင်တော့တယ်။

ဒီလို ဥပမာတွေရဲ့ အကျိုးဆက်ကတော့ ကျောင်းမှာ Department အသစ်တစ်ခု ဖွဲ့စည်းတာပါပဲ။ Character & Citizenship Education တဲ့။ ဒီဌာနရဲ့ အဓိက ရည်ရွယ်ချက်က ကျွန်းပိစိသူ၊ ကျွန်းပိစိသား ကလေးသူငယ်များ
လူသားဆန်ရေးပါပဲ။ အဓိက ကတော့ ကျွန်းသား မဆန်ရေး ဆိုပါတော့။ ဒီလိုနဲ့ ဒီ Certificate လေးတစ်ခုပေါ်ထွက်လာပါတယ်။ လိမ္မာနားလည်မှု၊ စာနာတတ်မှု၊ ယဉ်ကျေးသိမ်မွေ့မှု၊ ကိုယ်ကျိုးစွန့်နိုင်မှု စတာတွေကို လုပ်နိုင်တဲ့ ကလေးတွေကို ပေးတာပါပဲ။ စာအုပ်တွေ တပွေ့တပိုက်နဲ့ ဆရာမလာရင် အသိစိတ်နဲ့ လာကူသယ်ပေးတဲ့ကလေး၊ အတန်းတိုင်းမှာ သူတပါး အခက်အခဲကို ကူညီတဲ့ကလေး၊ ကိုယ်ကျိုးထက် အများအတွက် နားလည်တဲ့ ကလေး။ ဒီလို ကလေးမျိုးတွေကို သတိထားမိတဲ့ ဘယ်ဆရာမ၊ ၀န်ထမ်းမဆို Department head ဆီကို Email ပို့ပြီး ကျောင်းအုပ်ကြီးကိုယ်တိုင်က Approve လုပ်၊ Assembly လို့ခေါ်တဲ့ ကျောင်းသူ၊ကျောင်းသား ဆုံတဲ့အချိန်မှာ အားလုံးရဲ့ရှေ့မှာ သေသေချာချာ ချီးကျူးစကားပြောပြီးမှ ဆုပေးတာပါ။ Certificate နမူနာလေးတွေက ဒါမျိူးလေးတွေပါ။

For her selfless act of extending a helping hand to a friend in need. Kelly readily gave tissue to a friend who vomited in class. She also went the extra mile to clean up her friend’s table and books. She was a comfort to her friend and her ‘Share and Care’ spirit is commendable.

For having gone the extra mile in showing care and concern for others. At a break during a soccer match, Ismail was seen pouring water for all his team mates first though he was perspiring profusely and was thirsty and tired. His selfless act is commendable.

For showing empathy and kindness to a P1 child who was crying. She even offered money to the child to make a call to her mother.

င်္င်္င်္For showing care and concern by voluntarily approaching and assisting a teacher who was carrying heavy books and bags. Wan Syukrina offered help to the teacher who was touched by her concern and thoughtfulness.

ကိုယ်တုိ့ခေတ်၊ ကိုယ်တို့နိုင်ငံရဲ့ ကျောင်းမှာသာ ဒါမျိုးဆုပေးရရင် စာတောင် သင်ချိန်ရှိပါ့မလားမသိ။ ကလေးအားလုံးနီးပါး ဆုရမယ်ထင်ရဲ့။ ဆရာမ ခင်ခင်ထူးရဲ့ ၀တ္ထုထဲကလို ဆရာမကို ဖိနပ်မပါ ဘူတာရုံထိ မိုးရွာရွာ၊ နေပူပူ လာကြိုရှာတဲ့ ကလေးငယ်တွေဆို ဘယ်လို ဆုမျိုးများ ပေးရပါ့မလဲ။

ဒီခေတ်မှီကျောင်းမှာတော့ ကျောင်းသား ၁၀၀၀ ကျော်မှာ နှစ်ပတ်တစ်ခါ ၃ ယောက်လောက် ဆုရကြတယ်။ အပတ်စဉ်အင်္ဂါနေ့တိုင်း ဆုပေးပွဲရှိပြီး ဆုရတဲ့ ကလေးနဲ့ ဆုရတဲ့ အကြောင်းအရာကို Canteen / Library နဲ့ General Office တွေက TV ကြီးတွေမှာ တစ်နေကုန် ပြပြီး တစ်ကျောင်းလုံးကို ဂုဏ်ယူစေသေးတာ။ ခေတ်မီပါတယ် ဆိုနေမှလေ။

ဒီလိုနဲ့ နှစ်လလောက်ရောက်တော့ ကိုယ့်ကိုကိုယ် သိတတ်လိမ္မာယုံနဲ့ မပြီး၊ သူတပါးရဲ့ မေတ္တာ၊ စေတနာကို တန်ပြန်နားလည်ခြင်းကို လေ့ကျင့်နိုင်ဘို့ "Caught You Being Kind" ဆိုတဲ့ Certificate ကို ခေတ်မှီမှီ တီထွင်လိုက်ပြန်တယ်။ ဒါကတော့ ဆရာမတွေကို ကလေးတွေက ပြန်ပြီး အသိအမှတ်ပြု ပေးရတဲ့ လက်မှတ်။ ကိုယ်ချစ်တဲ့ ဆရာမကို ဘာလို့ ချစ်သလဲ ဆိုတာ အသိအမှတ်ပြု Comment လေးရေးပြီး Canteen ကပုံးကြီးထဲ သွားထည့်လိုက်ရုံပဲ။ လွယ်လိုက်သည့်ဖြစ်ခြင်း။ ဒါနဲ့ပဲ ကလေးတွေကို တစ်လတိတိ ဒီအကြောင်း Assembly မှာ ကျောင်းအုပ်ကြီးက ပြောပြ၊ ရှင်းပြ။ တစ်လပြည့်တော့ ဒီပုံးကြီးကို ဖွင့်ကြည့်တော့ ဆရာမ ၁၀၀ ကျော် ရှိတဲ့ ကျောင်းမှာ စာရွက် ၃ ရွက်ပဲရတယ် ဆိုရင် ခေတ်မီ တယ်ပဲ ပြောရဦးမလား။ ကလေးတွေရဲ့ ရင်ထဲမှာ သူတပါးရဲ့ မေတ္တာ၊ စေတနာ ကို အသိအမှတ်ပြုရဲတဲ့၊ ပြုရကောင်းမှန်းသိတဲ့ ချစ်ခြင်းမေတ္တာတစ်မျိုးလဲ ခေတ်မီစွာ ပျောက်ဆုံးနေပြန်တယ်။ ခေတ်က သင်ကြားပေးတဲ့ အရိုင်းစိတ် တမျိုးလို့ ဆိုကြစုိ့ရဲ့။

ဆရာမတွေက ဒီလောက်ပဲ မေတ္တာတရား ခေါင်းပါးလို့လား ဆိုတော့လဲ မဟုတ်ပြန်ဘူး။ ကိုယ့်စိတ်ထဲမှာ ဆရာမဖြစ်ဘို့ကို မွေးဖွားလာတယ်လို့ထင်မိတဲ့ ဆရာမ တော်တော်များများလဲ ဒီ ၃ ယောက်ထဲ မှာ မပါပြန်ဘူး။ တခုထူးခြားတာက ဒီ ဆရာမ ၃ ယောက်လုံး ရယ်စရာ အရမ်းပြောတတ်တာပါပဲ။ သူတို့ အချင်းချင်းလဲ အမြဲ ရယ်မောနေတဲ့ ဆရာမတွေ။ သူတပါးကို ရယ်မောစေခြင်း တစ်ခုပဲ အသိအမှတ်ပြုခံရတဲ့ မြို့ပြယဉ်ကျေးမှုလေလား မခွဲခြားတတ်ပါဘူးလေ။ ဘယ်လိုပဲဖြစ်ဖြစ် ၃ ယောက်မှသည် ၃၀၀ ဆီသို့ ဆိုတဲ့ ရည်ရွယ်ချက်နဲ့ ကလေးတွေကို ဘိုးဘွားရိပ်သာတွေခေါ်သွား၊ အဘိုးအဘွားတွေနဲ့ စကားပြောခိုင်း၊ မိနစ်တိုင်း ကလေးတွေ သေဆုံးနေတဲ့ အာဖရိက အကြောင်း၊ ဆင်းရဲနွမ်းပါးလို့ ပညာကို ခက်ခက်ခဲခဲ သင်ယူရတဲ့ ကမ္ဘာကျော် ပုဂ္ဂိုလ်တွေ အကြောင်း ပြောပြပြီး ပြည့်စုံတဲ့ နိုင်ငံမှာ အေးအေးချမ်းချမ်း ခေတ်မီမီ ပညာသင်ကြားခွင့် ရတဲ့ ဘ၀ကို ကျေနပ်ဘို့၊ အမြဲတမ်း Complain တက်ဘို့ပဲ စဉ်းစားမနေကြဘို့ Slide Show တွေ၊ video တွေ မျိုးစုံနဲ့ အင်္ဂါနေ့တိုင်း သင်ကြားပေးကြတယ်။ နုနယ်တဲ့ နှလုံးသားလေးတွေ ခေတ်မီစွာ ရိုသားစေဘို့၊ ပညာတတ်ဆန်စွာ ယဉ်ကျေးစေဘို့ နဲ့ လူသားဆန်စွာ သိမ်မွေ့စေဘို့ ဆိုတာ ခေတ်မီ IT နည်းပညာတွေ၊ iPhone ထဲက Applications တွေထက် သင်ရခက်တယ် မဟုတ်လား။

ကိုယ်တိုင်လဲ Certificate ဘယ်နှစ်ခုလောက်ရှိမလဲစဉ်စားမိတယ်။ "Caught You Doing Right" က ဘယ်နှစ်ခု၊ "Caught You Being Kind" ကဘယ်နှစ်ခု၊ ပြောလို့ပြောတာ မဟုတ်ဘူး။ "Caught You Doing Wrong" တွေက ပိုများနေသလိုလို။ တချို့ Wrong တွေက ကိုယ်တိုင်သိပြီး သိပ်နောက်မကျခင် ရပ်တန့်လိုက်ပေမယ့် တချို့ကျတော့ Wrong နေပါတယ် ဆိုတာကြီးကို သိသိကြီးနဲ့ ကျေနပ်နေတာမျိုးလဲ ရှိတယ်။ ဘ၀မှာ ကျေကျေနပ်နပ်ကြီး အမှားခံလိုက်တဲ့ အဖြစ်အပျက်တွေ ရှိသလို နည်းနည်းလေးမှ အမှားမခံနိုင်တဲ့ စိတ်ပင်ပန်းခဲ့တဲ့ နေ့တွေလဲရှိနေပြန်ရော။ အမှားဆိုတာတွေ၊ လူတွေရဲ့ ပညက်ချက်တွေအားလုံးရဲ့ အပြင်ဘက်မှာ လိပ်ပြာသန့်သန့် ထွက်ရပ်နေချင်တဲ့ ဂေါက်တောက်တောက်နေ့တွေလဲ ရှိတယ်။ "မင်းမှားတော့မယ်ဆိုတာ သိလို့ပြောနေတာကွ" ဆိုတဲ့စေတနာစကားတွေကို မှားကြည့်လိုက်ဦးမယ်လို့ တန်ပြန်ခဲ့တဲ့စိတ်ရိုင်းဝင်တဲ့ နေ့တွေလဲ ရှိတယ်။ သူတပါးရဲ့ အမှားနဲ့ အရှုံးကို စောင့်ကြည့်ပြီး ၀မ်းသာတတ်တဲ့ လူတချို့ကို ပြုံးပြချင်တဲ့ နေ့တွေလဲ ရှိတယ်။ ကိုယ့်အမှားကို သူများအမှားလုပ်ပြီး မျက်နှာပြောင်ပြောင် လွှဲချတတ်တဲ့ လူတချို့ကို အာရုံနောက်တဲ့နေ့တွေလဲရှိတယ်။ အမှားကိုသိမှ အမှန်ပြင်လို့ရမှာပေါ့လို့ ပြောကြတဲ့ လူတွေကို "အမှားတိုင်းရဲ့ ဆန့်ကျင်ဘက်လားရာဟာ အမှန်ဆိုတာ သေချာရဲ့လား" လို့ပြန်မေးချင်တဲ့ နေ့တွေလဲ ရှိခဲ့ဘူးတယ်။

ကလေးတွေကို လူနဲ့ တူဘို့ လူကြီးတွေက ကြိုးစား၊ လူကြီးတွေ လူနဲ့ တူဘို့ကိုတော့ သက်ဆိုင်ရာ ဘာသာရေး သဘောတရား တွေက ကြိုးစား၊ အစွန်းရောက်တဲ့ လူလဲရောက်၊ လမ်းချော်တဲ့လူလဲရှိ၊ ဒီကြားထဲ Certificate ရူး ရူးသွားတဲ့ လူတွေလဲ ရှိတယ်။ ဘာပဲဖြစ်ဖြစ် ကိုယ့်လုပ်ရပ်ကို ယုံကြည်မှုရှိတဲ့ သူအတွက် ဘယ်သူဘယ်လို ပေးပေး တုန်လှုပ်စရာ မလိုပါဘူးလေ။

တကယ်တမ်းတော့ သူတပါးပေးတာထက် ကိုယ့်ကိုကိုယ်နေ့တိုင်းပေးနေတဲ့ Certificate တွေက ပိုအရေးကြီးတာပါ။ ဒီနေ့ ငါတော်တယ်၊ ဒီနေ့ ငါပျော်တယ်။ ဒီနေ့လောက် ညံ့တာမရှိဘူး စသည်ဖြင့်ပေါ့။ နေ့တိုင်းက ကောင်းမနေနိုင်သလို၊ နေ့တိုင်းလဲ မညံ့နိုင်ပါဘူးလေ။ ကိုယ့်ကိုကိုယ် အဆိပ်ဖြစ်စေမယ့် Certificate မျိုးမပေးမိဘို့လဲ အရေးကြီးပါတယ်။ "Caught You Being An Idiot" ဆိုတာမျိုးပေါ့။ ကိုယ့်ကတော့ အသက် ၃၀ ကျော်မှာ "Certificate of Caught You Doing Stupid" အမျိုးအစားပေါင်း ၃၀ ကျော်နဲ့ ပျော်ပျော်ကြီး ရွက်လွှင့်နေတုန်းပါပဲ။

Civic Education အကြောင်း တစေ့တစောင်း

၂၀ ရာစုနှောင်းပိုင်း ကာလမှာ နိုင်ငံရေးသီအိုရီတခုဖြစ်တဲ့ Civic Education အကြောင်းကို ပညာရှင်တွေရဲ့ စိတ်ဝင်စားတစား လေ့လာမှုတွေ တစတစ ကျယ်ပြန့်လာခဲ့ပါတယ်။ နိုင်ငံသားကောင်းဖြစ်ဖို့ဆိုတာ လုပ်ယူရတာ ဖြစ်တယ်။ မွေးကတည်းက ဖြစ်လာတာ မဟုတ်ဘူး ဆိုတာကို လူအများက ပိုပြီး လက်ခံလာခဲ့ကြပါတယ်။ ဖွံ့ဖြိုးတိုးတက်တဲ့ နိုင်ငံရေးအဆောက်အအုံ တခု ဖြစ်ထွန်းလာဖို့အတွက် သင့်လျော်တဲ့ အသိပညာ၊ အတတ်ပညာနဲ့ စာရိတ္တမြင့်မားတဲ့ နိုင်ငံသားတွေ လိုအပ်တယ်ဆိုတဲ့ အချက်ကို နိုင်ငံခေါင်းဆောင်များက တညီတညွတ်တည်း လက်ခံလာကြပါတယ်။ ဒါပေမယ့် အသိပညာ၊ အတတ်ပညာနဲ့ စာရိတ္တမြင့်မားတဲ့ နိုင်ငံသားတွေ များပြားလာအောင် ဘယ်လို လုပ်မလဲ ဆိုတာက မေးစရာ ဖြစ်လာပါတော့တယ်။ စာသင်ကျောင်းတွေ၊ တက္ကသိုလ် ပညာရေးတွေနဲ့တင် မလုံလောက်ဘူးဆိုတာကိုလဲ သိမြင်လာကြပါတယ်။



Civic Education ဆိုရာဝယ်Civics ဆိုတာ နိုင်ငံသားအခွင့်အလမ်းနဲ့ တာဝန်တွေကို လေ့လာခြင်း ဖြစ်ပါတယ်။ Civic Education ဆိုတာကတော့ ဒီလိုနိုင်ငံသားအခွင့်အလမ်းနဲ့ တာဝန်တွေ၊ နိုင်ငံရေးအင်စတီကျူးရှင်းတွေနဲ့ ပြည်သူ့ရေးရာ မူဝါဒတွေကို လူအများသိရှိလာအောင် ပညာပေးခြင်းပဲ ဖြစ်ပါတယ်။ အဓိပ္ပာယ်ဖွင့်ဆိုချက် မူကွဲတွေ အမျိုးမျိုးရှိပေမယ့် " ဘုံအကျိုးစီးပွားရရှိရေးအတွက် ဆောင်ရွက်ရန်၊ အများပြည်သူအား အစိုးရနှင့် အခြားအဖွဲ့အစည်းများမှ abuse လုပ်ခြင်းနှင့် တိုက်ခိုက်ခြင်းကို ကာကွယ်ပေးရန်၊ ပြည်သူ့ရေးရာကိစ္စရပ်များကို ဝေဖန်ဆန်းစစ်နိုင်သော အသိဥာဏ်ပညာများကို ဖြန့်ဖြူးပေးရန်၊ အသိပညာဗဟုသုတများကို ကိုယ်ပိုင်အကျိုးစီးပွားနှင့် အများပြည်သူအကျိုးစီးပွားအတွက် အသုံးပြုရန် ဟူသော ရည်မှန်းချက် မရှိပါက မည်သည့် civic potential မှ ပြည့်စုံမည် မဟုတ်ပေ။ နိုင်ငံသားအခွင့်အလမ်းနှင့် တာဝန်များဆိုင်ရာ အသိပညာ၊ အရည်အချင်း၊ အမြင်နှင့် တန်ဖိုးထားမှုများသည် နိုင်ငံရေးရာကိစ္စရပ်များတွင် နိုင်ငံသားများအားလုံး တာဝန်သိစွာဖြင့် ထိထိရောက်ရောက် ပူးပေါင်းဆောင်ရွက်ခြင်းကို ဖြစ်တည်လာစေသည်။ သို့ဖြစ်ရာ အဆိုပါ အရည်အသွေးများ မြင့်မားလာစေရန် ဆောင်ရွက်ရေးသည် civic education ၏ mission ဖြစ်သည်" ဆိုတဲ့ mission အပေါ်မှာပဲ အခြေခံထားတာတွေ ဖြစ်ပါတယ်။

နိုင်ငံသားတယောက်ဟာ နိုင်ငံရဲ့ vision ကို သိမြင်နားလည်ရမှာဖြစ်ပါတယ်။ အမျိုးသားအကျိုးစီးပွားကို နားလည်ပြီး ကာကွယ်စောင့်ရှောက်တတ်ရပါမယ်။ နိုင်ငံတော်အစိုးရ အုပ်ချုပ်သူများရဲ့ မူဝါဒတွေကို ဆန်းစစ်ဝေဖန်နိုင်စွမ်း ရှိရပါမယ်။ အများပြည်သူရဲ့ အကျိုးစီးပွားနဲ့ ကိုယ်ပိုင်အကျိုးစီးပွား ယှဉ်တွဲလာတဲ့အခါမှာ အများပြည်သူအကျိုးစီးပွားကို ဦးစားပေးလိုတဲ့ civic virtue ရှိရပါမယ်။ ဥပမာ- ဖွံ့ဖြိုးဆဲနိုင်ငံအများစုရဲ့ ဖွံ့ဖြိုးတိုးတက်ရေးကို နှောင့်နှေးစေတဲ့ လာဘ်စားမှု ပြဿနာဟာ civic virtue မရှိတဲ့ ပြဿနာပဲ ဖြစ်ပါတယ်။ ဒီမိုကရေစီစနစ်ရဲ့ civic virtue ဆိုတာမှာ Civic dispositions ( ဒီမိုကရေစီစနစ် ထွန်းကားရှင်သန်ရေးကို ဆောင်ရွက်လိုသော နိုင်ငံသားအမြင်၊ အလေ့အထနှင့် စိတ်ထားများ ရှိခြင်း) နဲ့ Civic commitments (ဒီမိ်ုကရေစီစနစ်၏ အခြေခံ တန်ဖိုးများနှင့် စည်းမျဉ်းများအပေါ်တွင် အလေးပေးအာရုံစိုက်မှု) ဆိုတာတွေ ပါဝင်ပါတယ်။

Civic Education ဆိုတာက ဒီလို civic virtue ကို မြှင့်တင်ပေးပြီး ထိရောက်တဲ့ civic participation ဖြစ်လာအောင် ပညာပေးခြင်း ဖြစ်ပါတယ်။ civic participation ဆိုတာက ပြည်သူ့ရေးရာ မူဝါဒတွေကို ဆန်းစစ်ဝေဖန်မှုတွေတင် မဟုတ်ပါဘူး။ ပြည်သူ့ရေးရာ၊ အများပြည်သူအကျိုးစီးပွားစတာတွေနဲ့ ပတ်သက်ပြီး အသိပညာ ဗဟုသုတရှိခြင်း၊ ခံယူချက်ရှိခြင်း၊ နိုင်ငံရေးသမားများနဲ့ အစိုးရအဖွဲ့အစည်းအပေါ် reflective enquiry ပြုလုပ်မှု စတာတွေ ပါဝင်ပါတယ်။ နိုင်ငံသားတယောက်ဟာ စည်းကမ်းမဲ့ လမ်းပေါ်မှာ အမှိုက်လွှင့်ပစ်တာဟာ civic virtue မရှိလို့ပဲ ဖြစ်ပါတယ်။ ဌာနဆိုင်ရာဝန်ထမ်းတယောက်ကို လာဘ်ပေးတာကလဲ civic participation မှာ အားနည်းနေခြင်း ဖြစ်ပါတယ်။ ဒါကြောင့် နိုင်ငံသားတွေရဲ့ civic virtue ကို မြှင့်တင်ပေးပြီး၊ နိုင်ငံတော်အနာဂတ်လမ်းခရီးမှာ ပူးပေါင်းပါဝင်လာဖို့အတွက် civic education ကို စနစ်တကျ ပြုလုပ်ရမှာ ဖြစ်ပါတယ်။ ဒီနေရာမှာ civic education ကို ဘယ်လိုအကောင်အထည်ဖော်မလဲ ဆိုတာတွေနဲ့ ပတ်သက်ပြီး အမြင်ကွဲလွဲမှုလေးတွေ ရှိပါတယ်။

Civic Education ဆိုင်ရာ အမြင်ကွဲပြားမှုများ

ဒီနေရာမှာလဲ ပလေတိုနဲ့ အရစ်တိုတယ်တို့တွေ Civic Education ဆိုတာနဲ့ ပတ်သက်ပြီး ပြောခဲ့စဉ်ကာလ ကတည်းက အစပြု ဖြစ်ပေါ်လာခဲ့တဲ့ အငြင်းပွားမှုတွေ၊ အမြင်မတူညီမှုတွေက ရှိပါသေးတယ်။ ပြည်သူလူထုကို နိုင်ငံသားနဲ့ ပတ်သက်တဲ့ ပညာပေးမှုတွေဟာ ဘယ်လိုနိုင်ငံရေး အဆောက်အအုံဆိုတာပေါ်မှာ မူတည်ပါတယ်။ ဥပမာ- ဒီမိုကရေစီ စနစ်ထွန်းကားတဲ့ နိုင်ငံတနိုင်ငံမှာ ဒီမိုကရေစီ မဆန်တဲ့ နိုင်ငံရေးအတွေးအခေါ်တွေ၊ ပြုမူလုပ်ဆောင်ချက်တွေကို လက်ခံခြင်း မရှိတဲ့ ဒီမိုကရေစီ နိုင်ငံသားတွေ ရှိဖို့ လိုအပ်ပါတယ်။ နိုင်ငံသားတွေဟာ ဒီမိုကရေစီနဲ့ လိုက်လျောညီထွေရှိတဲ့ အသိပညာ၊ အရည်အချင်းနဲ့ စာရိတ္တတွေ ရှိလာဖို့ ကြိုးပမ်းနိုင်မှသာ ဒီမိုကရေစီ အသွင်ကူးပြောင်းမှုကနေ ဒီမိုကရေစီ အမြစ်တွယ်ရှင်သန်ခိုင်မာမှု ရှိလာအောင် ပြုလုပ်နိုင်မှာ ဖြစ်ပါတယ်။ ဒါပေမယ့် ဒီမိုကရေစီနိုင်ငံသားတွေ ပေါ်ထွန်းလာစေရေး ဆိုတာမှာကလဲ ဘယ်လို ဒီမိုကရေစီ သဘောတရားတွေနဲ့ တိုင်းပြည်ကို တည်ဆောက်မှာလဲ ဆိုတာကို မူတည်လာပြန်ပါတယ်။

နိုင်ငံရေးပညာရှင် March နဲ့ Olsen ဆိုခဲ့ဖူးသလိုပဲ ဒီမိုကရေစီ သဘောတရားရေးရာ ငြင်းခုန်မှုတွေ ဖြစ်တဲ့ ကိုယ်စားပြုမှုနဲ့ တိုက်ရိုက်ပါဝင်ပတ်သက်မှုအကြားက ချိန်ခွင်လျှာ၊ ကိုယ်ပိုင်အကျိုးစီးပွားနဲ့ အများပြည်သူ အကျိုးစီးပွားအကြားက ချိန်ခွင်လျှာ၊ အခွင့်အရေးနဲ့ တာဝန်ယူမှုအကြားက ချိန်ခွင်လျှာ၊ လွတ်လပ်မှုနဲ့ တန်းတူညီမျှမှုအကြားက ချိန်ခွင်လျှာ၊ ညီညွတ်မှုနဲ့ ကွဲပြားခြားနားမှုအကြားက ချိန်ခွင်လျှာ စတဲ့ ချိန်ခွင်လျှာတွေကို နိုင်ငံတော်အစိုးရတွေအနေနဲ့၊ မူဝါဒချမှတ်သူတွေအနေနဲ့ ဘယ်လိုထိန်းညှိမလဲ ဆိုတဲ့ အချက်ပေါ်မှာ မူတည်သွားတတ်ပြန်ပါတယ်။ ဒီလို သဘောတရားရေးရာ ကွဲပြားခြားနားမှုတွေဟာ democratic civic education ကို ဘယ်လို အကောင်အထည်ဖော်သလဲ ဆိုတဲ့အပေါ်မှာ ရိုက်ခတ်လာပါတယ်။ စာသင်ခန်းအခြေပြု ပညာရေးနဲ့ လူ့အဖွဲ့အစည်းအခြေပြု လူထုပညာပေး လုပ်ငန်းတွေကို အကောင်အထည်ဖော်တဲ့ ပုံသဏ္ဍာန်တွေဟာ ဒီလိုသဘောတရားရေးရာ ကွဲပြားခြားနားမှုပေါ်မူတည်ပြီး အမျိုးမျိုး ကွဲပြားလာပါတယ်။

ဒါပေမယ့် စာသင်ခန်းအခြေပြုနည်းလမ်းဖြစ်ဖြစ်၊ လူ့အဖွဲ့အစည်းအခြေပြု လူထုပညာပေး နည်းလမ်းဖြစ်ဖြစ်၊ ဘယ်လိုသဏ္ဍာန်တွေပဲသုံးသုံး အဓိကတော့ နိုင်ငံသားတွေအနေနဲ့ ခေတ်၊ စနစ်နဲ့ လျော်ညီတဲ့ နိုင်ငံသားတွေမှာ ရှိရမယ့် အရည်အချင်းတွေ၊ အတွေးအခေါ်တွေ၊ ပြုမူဆောင်ရွက်မှုတွေ၊ ကျွမ်းကျင်မှုတွေ ရှိလာဖို့ကသာ အရေးကြီးဆုံးဖြစ်ပါတယ်။ ဒီနေရာမှာလဲ အရည်အသွေးပြည့်ဝတဲ့ နိုင်ငံသားကောင်းတယောက်ဖြစ်လာဖို့အတွက် ဘယ်အတိုင်းအတာအထိ နိုင်ငံရေးသုတနဲ့ civic knowledge တွေ လိုအပ်သလဲ ဆိုတာက မေးစရာ ဖြစ်လာပြန်ပါတယ်။

ပညာရှင်တချို့ကတော့ ဒီမိုကရေစီ နိုင်ငံသားကောင်းဖြစ်ဖို့အတွက် ဒီမိုကရေစီ အုပ်ချုပ်မှုစနစ် (democratic governance) ကို နားလည်ရမယ်၊ ပြည်သူ့ရေးရာ မူဝါဒတွေကို သေသေချာချာ သိနားလည်ရမယ်လို့ သတ်မှတ်ကြပါတယ်။ ပညာရှင်တချို့ကတော့ နိုင်ငံသားတွေဟာ ပြည်သူ့ရေးရာ မူဝါဒတွေကို အသေးစိတ်သိကျွမ်းနားလည်စရာ မလိုအပ်ပေမယ့် အခြေခံနားလည်မှုနဲ့ ဆန်းစစ်ဝေဖန် နိုင်မှုတော့ ရှိဖို့ လိုအပ်တယ်လို့ ယူဆကြပါတယ်။ ဘယ်လိုပဲဖြစ်ဖြစ် နိုင်ငံတနိုင်ငံမှာ တည်ငြိမ်တဲ့ နိုင်ငံရေး အုပ်ချုပ်မှုစနစ်တခု ပေါ်ထွက်လာဖို့မှာ လူထုရဲ့ နိုင်ငံရေးအမြင်ဟာ အဓိကကျတာကြောင့် reasonable judgement ကို ပြုလုပ်နိုင်တဲ့ နိုင်ငံသားတွေ အများအပြား ပေါ်ထွက်လာဖို့ အရေးကြီးကြောင်း ပညာရှင် အများစုက လက်ခံထားကြပါတယ်။

နိုင်ငံရေး ပညာရှင်တဦးဖြစ်တဲ့ Samuel Popkin ကတော့ နိုင်ငံရေးအသိပညာဗဟုသုတ အားနည်းတဲ့ နိုင်ငံသားတွေဟာ ဒီမိုကရေစီမူဝါဒတွေရဲ့ အပေးအယူ debates တွေ၊ ပြည်သူ့ရေးရာ မူဝါဒအားနည်းချက်တွေကို သေသေချာချာ ခွဲခြား ဆန်းစစ်မှုတွေ မပြုလုပ်နိုင်ပဲ ဖြစ်စဉ်တွေ၊ အကြောင်းအရာတွေ၊ မူဝါဒတွေထက် လူပုဂ္ဂိုလ်ပေါ်မှာ မူတည်ပြီး ရွေးချယ်မှုတွေ လုပ်လေ့ရှိကြတယ်လို့ ဆိုထားပါတယ်။ ဒါကြောင့်လဲ နိုင်ငံရေးအသိပညာ သင်းကွပ်ခံထားရတဲ့ အာဏာရှင်စနစ် နိုင်ငံတွေနဲ့ အာဏာရှင်စနစ်ကနေ ဒီမိုကရေစီ အသွင်ကူးပြောင်းဆဲ နိုင်ငံတွေမှာ ပုဂ္ဂိုလ်ရေးကိုးကွယ်မှုပေါ် အခြေပြုတဲ့ ခေါင်းဆောင်ရွေးချယ်မှုတွေ၊ နိုင်ငံရေးအကြောင်းအရာထက် နိုင်ငံရေးဇာတ်ကောင်ကို အသားပေးမှုတွေ၊ မင်းလောင်းမျှော်မှုတွေ၊ တကိုယ်တော် ဟီးရိုးဝါဒကို ထောက်ခံအားပေးမှုတွေ ထွက်ပေါ်နေတာ ဖြစ်ပါတယ်။ ဒါတွေဟာ ဒီမိုကရေစီစနစ် အမြစ်တွယ်ခိုင်မာရှင်သန်ရေးအတွက် အတားအဆီး၊ အနှောင့်အယှက်တွေပါပဲ။

Civic Education, Political Education တွေ နဲ့ ပတ်သက်ပြီး ဘယ်လောက်အတိုင်းအထိ နိုင်ငံသားတိုင်း သိထားသင့်သလဲ ဆိုတာကို အငြင်းပွားနေကြဆဲ ဖြစ်ပေမယ့် နိုင်ငံသားတွေဟာ မူဝါဒရေးရာတွေမှာ ကျွမ်းကျင်ပညာရှင်ဖြစ်စရာ မလိုဘူး ဆိုတာကိုတော့ လူအများက လက်ခံထားကြပါတယ်။ ဒါပေမယ့် နိုင်ငံရေးရာနဲ့ပတ်သက်ပြီး reasonable civic judgement ကို လုပ်နိုင်မယ့် အခြေခံ ဗဟုသုတနဲ့ အရည်အချင်းကိုတော့ နိုင်ငံသားတိုင်း ပိုင်ဆိုင်ထားသင့်တယ် ဆိုတာကိုလဲ လက်ခံလာကြပြီး၊ သင့်လျော်မယ့် civic education နဲ့ civics assessment စတာတွေကို နိုင်ငံတော်အစိုးရတွေက အကောင်အထည်ဖော်လာကြပါတယ်။

နိုင်ငံသားကောင်းဆိုတာ မွေးကတည်းက ဖြစ်လာတာမဟုတ်ပဲ လုပ်ယူရတာဖြစ်တယ် ဆိုတဲ့ အဆိုကို လက်ခံလာကြတာနဲ့အမျှ နိုင်ငံတနိုင်ငံရဲ့ အနာဂတ်ခေါင်းဆောင် လူငယ်တွေကို political socialization လုပ်ရာမှာ လိုအပ်မယ့် civic education ရဲ့ အခန်းကဏ္ဍကိုလဲ ထည့်သွင်းစဉ်းစားလာကြပါတယ်။ ဒီနေရာမှာ အခြေခံပညာရေးအဆင့်အတန်း မြင့်မားမှုဟာ လူတွေရဲ့ နိုင်ငံရေးဗဟုသုတ ရယူနိုင်မှုနဲ့ နိုင်ငံရေးမှာ ပါဝင်ပတ်သက်မှု သဏ္ဍာန်ကို အကျိုးသက်ရောက်မှု ရှိတာကြောင့် အခြေခံပညာရေး အဆင့်အတန်းမြင့်မားရေးကလဲ ကဏ္ဍတခုအနေနဲ့ ပါဝင်လာပါတော့တယ်။ ပညာရေး အင်စတီကျူးရှင်းတွေ မဟုတ်တဲ့ မိသားစု၊ လူမျိုးစု၊ နိုင်ငံရေးအဖွဲ့အစည်း၊ လူမှုရေးအဖွဲ့အစည်း၊ နိုင်ငံရေးဖြစ်ရပ်တွေကနေ civic formation ပေါ်ကို သက်ရောက်မှုတွေကိုလဲ ထည့်သွင်း စဉ်းစားလာကြပါတယ်။ Mass Media တွေကတဆင့် လူငယ်တွေကို civic knowledge, political knowledge တွေ ဖြန့်ဖြူးပေးနိုင်မယ့် နည်းလမ်းတွေကိုလဲ တီထွင်အကောင်အထည် ဖော်လာကြပါတယ်။ စာသင်ခန်းတွေ၊ သင်တန်းတွေနဲ့ class-room based education ကို ပိုပြီးဦးစားပေးသင့်သလား၊ community-based experiences တွေကို ဦးစားပေး အကောင်အထည်ဖော်သင့်သလား ဆိုတာကိုတော့ ပညာရှင်တွေ၊ မူဝါဒချမှတ်သူတွေကြားမှာ အမြင်ကွဲလွဲမှုတွေ ရှိနေဆဲပါပဲ။ ဘယ်လိုပဲဖြစ်ဖြစ် civic education ကို စနစ်တကျအကောင်အထည်ဖော်နိုင်ပြီး civic knowledge တွေ လူငယ်တွေအကြား၊ နိုင်ငံသားတွေအကြားမှာ ပျံ့နှံ့သွားဖို့က အရေးကြီးဆုံးပဲ ဖြစ်ပါတယ်။

civic knowledge ၏ အရေးပါမှု

civic knowledge ရဲ့ အရေးပါပုံနဲ့ ပတ်သက်ပြီး နိုင်ငံရေးပညာရှင်တွေက သုတေသနပြု လေ့လာဆန်းစစ်ချက်တွေ လုပ်ခဲ့ကြပါတယ်။ လေ့လာဆန်းစစ်ချက်တွေအရ civic knowledge ရှိခြင်းအားဖြင့် နိုင်ငံသားတွေဟာ သူတို့ရဲ့ ကိုယ်ပိုင်အကျိုးစီးပွားကို သိမြင်လာကြပါတယ်။ နိုင်ငံသားအခွင့်အလမ်းတွေကို ပိုပြီး သိမြင်လာကြပါတယ်။ အခွင့်အလမ်းတွေကို သိမြင်လာတာနဲ့အမျှ နိုင်ငံတော်က ချမှတ်ထားတဲ့ မူဝါဒတွေရဲ့ ကိုယ်ပိုင်အကျိုးစီးပွားတွေအပေါ် သက်ရောက်မှုတွေကို တွေ့မြင်လာကြပါတယ်။ Delli နဲ့ Keeter တို့ရဲ့ လေ့လာဆန်းစစ်ချက်များအရ နိုင်ငံရေးဗဟုသုတဟာ ကိုယ်ပိုင်အကျိုးစီးပွားကို သိမြင်နားလည်ခွင့်ကို ပေးစွမ်းနိုင်ပါတယ်။ အဲဒီကနေတဆင့် ကိုယ်ပိုင်အကျိုးစီးပွားနဲ့ ပြည်သူ့ရေးရာကိစ္စရပ်တွေကို ဆက်စပ်ပေးပါတယ်။ ဒီလို ဆက်စပ်ပေးရာကနေတဆင့် နိုင်ငံရေးကို သိမြင်နားလည်တဲ့ ပြည်သူလူထုဟာ အစိုးရတရပ်ရဲ့ လုပ်ငန်းဆောင်တာတွေ၊ မူဝါဒတွေကို အကဲဖြတ်ဆန်းစစ်နိုင်လာပါတယ်။ ဒီမိုကရေစီနည်းလမ်းတကျ ရွေးကောက်ပွဲတွေမှာဆိုရင် ဘယ်လိုပါတီနဲ့ ဘယ်လိုအမတ်လောင်းဟာ သူတို့ရဲ့ အကျိုးစီးပွားကို အကောင်းဆုံးအကောင်အထည်ဖော်ပေးနိုင်မလဲ ဆိုတာကို တွက်ချက်ရွေးချယ်နိုင်လာပါတယ်။ ဒါကြောင့် civic knowledge ဟာ စနစ်တခု ထွန်းကားရေးကို ဖော်ဆောင်ပေးနိုင်ပါတယ်။

civic knowledge နဲ့ ပတ်သက်တဲ့ နောက်ထပ်အကျိုးကျေးဇူးတခုကတော့ ပြည်သူ့ရေးရာနဲ့ ပတ်သက်တဲ့ ကိစ္စရပ်တွေ၊ နိုင်ငံရေးရာတွေမှာ အချိန်ကာလနဲ့ အညီ လိုက်လျောညီထွေရှိတဲ့ နိုင်ငံရေးအမြင်တွေ ရှိနေစေတာပဲ ဖြစ်ပါတယ်။ ပြည်သူလူထုရဲ့ နိုင်ငံရေးအတွေးအခေါ်၊ အသိပညာတွေကို လေ့လာတဲ့ ပညာရှင်တွေက နိုင်ငံရေးဗဟုသုတနဲ့ နိုင်ငံရေးအမြင် တည်ငြိမ်မှု အကြားမှာ သိသာထင်ရှားတဲ့ ဆက်နွယ်မှုတွေ ခိုင်ခိုင်မာမာရှိကြောင်း လေ့လာတွေ့ရှိခဲ့ကြပါတယ်။

civic knowledge နဲ့ ပတ်သက်တဲ့ နောက်ထပ်အကျိုးကျေးဇူးတခုကတော့ နိုင်ငံသားတွေဟာ နိုင်ငံတော်မှာ ဖြစ်ပေါ်နေတဲ့ နိုင်ငံရေး ပြောင်းလဲမှုအခြေအနေတွေကို သေသေချာချာ ခွဲခြားသိမြင်နိုင်ခြင်းပဲ ဖြစ်ပါတယ်။ နိုင်ငံတော်ရဲ့ နိုင်ငံရေးဖြစ်စဉ်ပြောင်းလဲမှုကို မသိမြင်တဲ့ နိုင်ငံသားတယောက်ဟာ အချိန်အခါ၊ အခြေအနေနဲ့ အညီ ဖြစ်ပေါ်လာတဲ့ ပြောင်းလဲမှုတွေထဲမှာ ဘယ်လို တုန့်ပြန်ဆောင်ရွက်ရမယ်ဆိုတာကို နားမလည်နိုင်ပါဘူး။ နိုင်ငံရေးဖြစ်စဉ် ပြောင်းလဲမှုတွေနဲ့အတူ ထွက်ပေါ်လာတတ်တဲ့ အတွေးအခေါ် ရှုပ်ထွေးမှုတွေအကြားမှာ နဝေတိမ်တောင်နဲ့ မျက်စိလည်နေတတ်ပါတယ်။ အမှန်နဲ့အမှား၊ အနိုင်နဲ့အရှုံးတွေကို မခွဲခြားတတ်တော့ဘူး ဖြစ်နေတတ်ပါတယ်။ အားကစားပွဲတခုကို ကစားနည်း (rule of game) နားမလည်ပဲ ဘေးကနေ ထိုင်ကြည့်နေရသလိုပါပဲ။ ဥပမာ- ဘောလုံးကစားနည်းကို နားမလည်ပဲ ဘောလုံးပွဲထိုင်ကြည့်တဲ့အခါ အနီဝတ်ထဲ ဘောလုံးရောက်လိုက်၊ အဖြူဝတ်ထဲ ဘောလုံးရောက်လိုက် ဖြစ်နေတာတွေ လိုက်ကြည့်ရင်း အနီဝတ်က ကန်တဲ့ ဂိုးလဲ အားပေး၊ အဖြူဝတ်က ကန်တဲ့ ဂိုးလဲ လက်ခုပ်ထတီးနဲ့ ဘောလုံးဆိုတာ ဂိုးတိုင်ထဲ ရောက်သွားရင် ပြီးတာပဲဆိုတာမျိုးတွေ ဖြစ်နေတတ်တာပါ။

civic knowledge မရှိသူတွေဟာ နိုင်ငံရေးခေါင်းဆောင်ရွေးချယ်တဲ့အခါမှာ အများပြည်သူအကျိုးစီးပွား၊ ကိုယ်ပိုင်အကျိုးစီးပွားကို ဆောင်ကျဉ်းပေးနိုင်မယ့် မူဝါဒရေးရာ ချမှတ်ပေးနိုင်မှုနဲ့ ရွေးချယ်ဆုံးဖြတ်နိုင်မှု မရှိပဲ လူတွေရဲ့ ရုပ်လက္ခဏာ၊ လူအများကြား ရေပန်းစားမှု အစရှိတဲ့ ဥပဒေပြုရေး၊ မူဝါဒရေးဆွဲချမှတ် အကောင်အထည်ဖော်ရေး အရည်အချင်းတွေနဲ့ မဆိုင်တဲ့ အချက်တွေကို ထည့်သွင်းစဉ်းစားလေ့ရှိ ကြကြောင်း ပညာရှင်တွေက လေ့လာတွေ့ရှိခဲ့ကြပါတယ်။ အာရှ၊ အာဖရိက နိုင်ငံတွေက ပြည်သူလူထုတွေဟာ နိုင်ငံရေးအသိပညာ ဗဟုသုတတွေ အားနည်းတာကြောင့် တိုင်းပြည်ကို အမှန်တကယ် အကျိုးပြုနိုင်မယ့် နိုင်ငံရေးသမားတွေကို မှန်မှန်ကန်ကန် ရွေးချယ်နိုင်မှုမှာ အားပျော့ပြီး ဒီမိုကရေစီ နောက်ပြန်ဆွဲမှုပြဿနာတွေ၊ စစ်အာဏာသိမ်းမှု ပြဿနာတွေ၊ ဒီမိုကရေစီ ရှင်သန်ထွန်းကားရေး နှောင့်နှေးမှု ပြဿနာတွေကို ရင်ဆိုင်ကြရတာဖြစ်ကြောင့် လေ့လာသုံးသပ်သူတွေက ဆိုခဲ့ကြပါတယ်။

civic knowledge နဲ့ ပတ်သက်တဲ့ နောက်ထပ်အကျိုးကျေးဇူးတခုကတော့ နိုင်ငံသားတွေဟာ ပြည်သူ့ရေးရာ ကိစ္စရပ်တွေမှာ တက်တက်ကြွကြွ စိတ်ဝင်စားလာပြီး နိုင်ငံတော်ရဲ့ ချမှတ်ထားတဲ့ vision နဲ့ objectives တွေကို ပူးပေါင်းပါဝင် အကောင်အထည်ဖော်လာကြတာဖြစ်ပါတယ်။ နိုင်ငံတော်အုပ်ချုပ်သူတွေနဲ့ နိုင်ငံသားတွေအကြားမှာ အပြန်အလှန်လေးစားမှုနဲ့ ယုံကြည်မှုတွေ တိုးပွားလာတာ ဖြစ်ပါတယ်။ အစိုးရနဲ့ ပြည်သူအကြားမှာ ညီညွတ်မှု ရှိလာစေပြီး၊ ပြည်သူလူထုရဲ့ အစိုးရလုပ်ငန်းဆောင်တာတွေအပေါ် လျစ်လျူရှုမှုတွေ လျော့နည်းလာစေနိုင်ပါတယ်။ လျစ်လျူရှုမှုဟာ ကြောက်ရွံ့စိုးထိတ်မှုရဲ့ ဖခင်ဖြစ်ပြီး၊ အသိဥာဏ်ဗဟုသုတဟာ ယုံကြည်မှုရဲ့ မိခင်ဖြစ်တယ်လို့ ပညာရှင်တွေက ဆိုထားခဲ့ကြပါတယ်။ အထူးသဖြင့် political debates တွေ ပြင်းထန်နေတဲ့အချိန်တွေ၊ တော်လှန်ရေးကာလတွေမှာ နိုင်ငံရေး ဗဟုသုတ အားနည်းသူတွေဟာ political issues တွေရဲ့ အမှားနဲ့ အမှန်ကိစ္စတွေကို ခွဲခြားသုံးသပ်မှု မပြုလုပ်နိုင်တော့ပဲ ဘက်နှစ်ဘက်က characters တွေရဲ့ အားနည်းချက်တွေကိုပဲ ကြည့်လာတတ်ကြပါတယ်။ အဲဒီကနေတဆင့် `ဘယ်သူမှ အဖြူထည်မဟုတ်ပါဘူး။ ဖြူစင်တဲ့ သူရဲကောင်း (white knights) တွေ ဆိုတာ မရှိပါဘူး ဆိုတဲ့ အမြင်တွေ ၀င်လာပြီး plague on both your houses ဆိုတဲ့ ရပ်တည်ချက်တွေကို ကိုင်စွဲလာတတ်ကြပါတယ်။ နိုင်ငံရေးနားလည်သူတွေအတွက်က နိုင်ငံရေး တိုက်ပွဲတွေ၊ debates တွေကို ကြက်တောင်ကစားပွဲလို မြင်ပေမယ့် နားမလည်သူတွေအတွက်ကတော့ ဒါဟာ မုန့်လုပွဲပါပဲ။ ဒါကြောင့် civic knowledge တွေ လူထုအကြားမှာ ပျံ့နှံ့လာဖို့က အလွန်အရေးကြီးပါတယ်။

civic knowledge ရဲ့ နောက်ထပ်အကျိုးကျေးဇူးတခုကတော့ လွတ်လပ်စွာ ကွဲပြားခြင်းကို နားလည်လက်ခံလာစေမှုပဲ ဖြစ်ပါတယ်။ နိုင်ငံသားအခွင့်အလမ်းနဲ့ နိုင်ငံသားလွတ်လပ်ခွင့်ကို နားလည်သူတွေဟာ ကွဲပြားခြားနားတဲ့ လူမျိုးစုတွေအကြား အပြန်အလှန်ယုံကြည်မှုနဲ့ နားလည်မှုကို တည်ဆောက်နိုင်ပါတယ်။ နိုင်ငံသားအခွင့်အလမ်းနဲ့ လူမျိုးရေးအခွင့်အလမ်းတွေကို ကွဲကွဲပြားပြား သိမြင်နားလည်ပြီး အငြင်းပွားမှုတွေကို ကွင်းကွင်းကွက်ကွက် ဖြေရှင်းနိုင်ပါတယ်။ နိုင်ငံသားအားလုံးရဲ့ ပညာရေးအဆင့်အတန်း တိုးတက်မြင့်မားလာတာနဲ့အမျှ အသိပညာနဲ့ နားလည်နိုင်စွမ်း တိုးမြင့်လာမှုတွေဟာ social centrality အဆင့်အတန်းတွေအတွက် နေရာလုမှုတွေကနေ ထွက်ပေါ်လာတဲ့ ဆိုးကျိုးတွေကို ကျော်လွှားပေးစေနိုင်ပါတယ်။ civic knowledge ဟာ နိုင်ငံရေးဖြစ်စဉ်တွေကို သေသေချာချာ သိမြင်နားလည်ပြီး rational manner နဲ့ ပြုမူဆောင်ရွက်တတ်လာအောင် တွန်းအားပေးပါတယ်။ ဒါကြောင့် civic knowledge ဟာ နိုင်ငံတနိုင်ငံအတွင်းမှာ မှီတင်းနေထိုင်တဲ့ ပြည်သူလူထုရဲ့ နိုင်ငံရေးအမြင်၊ အတွေးအခေါ်၊ အယူအဆ၊ ပြုမူဆောင်ရွက်မှုတွေကို အကျိုးသက်ရောက်မှုရှိစေတယ်ဆိုတာ ထင်ရှားလှပါတယ်။

နိဂုံး

နိဂုံးချုပ်ဆိုရရင် civic education ဆိုတာ တိုင်းပြည်တခုရဲ့ လူအဖွဲ့အစည်း အဆင့်အတန်းမြင့်မားရေး၊ နိုင်ငံရေး တည်ငြိမ်မှုရှိရေး၊ နိုင်ငံတနိုင်ငံရဲ့ ဖွံ့ဖြိုးတိုးတက်ရေးတွေအတွက် မရှိမဖြစ် လိုအပ်ချက် တခုပဲ ဖြစ်ပါတယ်။ ကျွန်မတို့မြန်မာနိုင်ငံ အပါအ၀င် အာဏာရှင်စနစ် ထွန်းကားတဲ့ နိုင်ငံတွေနဲ့ ဒီမိုကရေစီ စနစ်အသွင်ကူးပြောင်းဆဲ နိုင်ငံအများစုတွေရဲ့ ဖွံ့ဖြိုးတိုးတက်ရေးကို နှောင့်နှေးနေစေတဲ့ အကြောင်းရင်းတွေထဲမှာ နိုင်ငံသားတွေရဲ့ နိုင်ငံရေးအသိပညာနဲ့ အတွေးအမြင် အားနည်းမှုတွေကလဲ အကြောင်းရင်းတခုအနေနဲ့ ပါဝင်ပါတယ်။ နိုင်ငံသားတယောက်ဟာ ကိုယ်ပိုင်အကျိုးစီးပွားအတွက် မိမိတို့ရဲ့ ရပိုင်ခွင့် အခွင့်အလမ်းတွေနဲ့ တိုင်းပြည်တခုလုံးရဲ့ အမျိုးသားအကျိုးစီးပွားကို သိမြင်ခြင်း မရှိတဲ့အခါ ကိုယ်ပိုင်အကျိုးစီးပွားနဲ့ အမျိုးသားအကျိုးစီးပွားအကြားက ချိန်ခွင်လျှာကိုလဲ ဘယ်လိုမှ ထိန်းညှိနိုင်မှာ မဟုတ်ပါဘူး။ ဒါတွေဟာ လူတဦးချင်းရဲ့ ကိုယ့်ကြမ္မာကိုယ်ဖန်တီးခွင့်တွေ ဆုံးရှုံးခြင်း ဖြစ်စေသလို နိုင်ငံတနိုင်ငံရဲ့ အနာဂတ်ကိုပါ ဆုတ်ယုတ်ပျက်စီးစေနိုင်ပါတယ်။ ဒါကြောင့်လဲ နိုင်ငံအများစုမှာ သက်ဆိုင်ရာအစိုးရတွေက ဦးဆောင်ပြီး civic education ဆိုင်ရာ မူဝါဒတွေကို ချမှတ်အကောင်အထည်ဖော်နေကြပါတယ်။ အစိုးရတွေက အကောင်အထည်ဖော်ခြင်း မရှိတဲ့ နိုင်ငံတွေမှာလဲ ပြည်သူမှ ပြည်သူသို့ အသိပညာပြန်လည်ဖြန့်ဖြူးပေးခြင်း နည်းလမ်းကို အသုံးပြုပြီး သက်ဆိုင်ရာ လူ့အဖွဲ့အစည်းတွေအတွင်းမှာ လူထုပညာပေးခြင်းတွေ ပြုလုပ်နေကြပါကြောင်း တင်ပြလိုက်ရပါတယ်။

(မြန်မာ့လူ့အဖွဲ့အစည်းအတွင်း civic knowledge များ ထွန်းကားလာစေရန် ရည်သန်လျက်)

ခင်မမမျိုး (၃၊ ၆၊ ၂၀၁၀)




ရည်ညွှန်းကိုးကား။ ။

Campbell, D. E. (2000) Making Democratic Education Work: Schools, Social Capital and Civic Education, Program on Education and Policy, Harvard University

Elkin, S.K., Soltan K.E., eds (1999) Citizen Competence and Democratic Institutions, University Park, The Pennsylvania University

Hildreth R.W. (2000) Theorizing Citizenship and Evaluating Public Achievement, Political Science and Politics, 33, pp.627-632

Popkin S.L, Dimock M.A. (2000) 'Knowledge, Trust and International Attitudes' in Lupia, A,; McCubbins, M; Poplin S.L (eds) In Elements of Reason: Understanding and expanding the Limits of Political Rationality, Cambridge University Press

Zaller J. R. (1992) The Nature and Origins of Mass Opinion, Cambridge University Press

DAAD Scholarships for Postgraduate Courses with Special Relevance to Developing Countries

Last updated: 11 May 2010

DAAD
Masters (MS) Degree
Deadline: 31 July (annual)
Study in: Germany
Course starts September 2011




Brief description:

The German Academic Exchange Service (DAAD) supports a range of postgraduate courses at German Universities which aim at providing academically educated young professionals from developing countries with further specialized studies.

These degree courses, which consist of one to two years of concentrated study, provide academically-trained young professionals in leading positions from developing countries with the opportunity to engage in postgraduate education and training in their particular field or profession.




Host Institution(s):

German Universities offering postgraduate courses with relevance to developing countries.



Field(s) of Study:

Postgraduate courses are offered in the following fields:

• Economic Sciences / Business Administration / Political Economics
• Development Co-operation
• Engineering and Related Sciences
• Mathematics
• Regional Planning
• Agriculture and Forest Sciences
• Environmental Sciences
• Medicine and Public Health
• Veterinary Medicine
• Sociology and Education

View the list of selected programmes for 2011/2012.

Number of Scholarships:

Not specified.


Target group:

The scholarship is for young professionals from developing countries in Africa, Asia, Pacific Islands, Central and South America and Central and Eastern Europe. (See the DAC List of the OECD)



Scholarship value/inclusions:


DAAD scholarship supports selected programmes with a variety of full or partial scholarships.


Eligibility:

• Will come either from a public authority or a state or private company in a developing country and, as such, be engaged in the planning and execution of directives and projects with emphasis on development policies having a bearing on technological, economic or social areas.
• Holds a Bachelor’s degree (4 years) in related subject.
• Will have completed an academic degree far beyond average and at least two years of related professional experience.
• Is not older than 36 (for some courses the age limit is 32), and his/her respective academic degrees should normally not be older than 3 years. Concerning a possible age limit, please refer to the course details on the following pages.
• For courses in German: DSH 2 or TestDaF 4; at time of application German skills at completed level A2 are required. In addition, German language courses at level A3 or B1 are highly recommended.
• For courses in English: TOEFL (minimum score: 550 paper based, 213 computer based, 80 internet based) or IELTS (band 6) certificate.

Please also see if you meet the eligibility requirements of the programme you are applying to.



Application instructions:


Scholarship applicants can apply at the German embassy or DAAD regional office, directly at the DAAD in Bonn or directly to the university. For Cameroon, Myanmar, Nigeria it is highly recommended to submit the applications only via the German Embassy.

The applicant should submit the complete requirements as found in this link including the DAAD application form before the deadline. The applicant also needs to follow separate specific application requirements and instructions (if any) set by a course.


Application deadlines for DAAD-scholarships are as follows:

•At German embassies and/or at the DAAD regional offices: 31 July
• At the DAAD section 431 in Bonn/Germany: 30 August
• At the respective universities in Germany: 30 September or 15 October

Important Note: Applicants should make sure to check information regarding university-specific application closing dates directly with the individual universities because they may vary from the general deadlines listed above.


Contact information:


Deutscher Akademischer Austauschdienst
German Academic Exchange Service
Ref. 431
P.O. Box 20 04 04
53134 Bonn
Germany
Fax: +49-(0)228-882-662
e-mail: info-ast[at]daad.de
http://www.daad.de/development


Website:


Official Scholarship Website: http://www.daad.de/entwicklung/studierende_und_alumni/bildung_postgradual/ast/08492.en.html

Scholarship Booklet 2011-2012: http://www.daad.de/imperia/md/content/entwicklung/hochschulen/ast/innen_postgraduate_courses_2011-12.pdf



--

အသိဥာဏ် အလင်းခလုတ်ဖွင့်တဲ့ ဘာသာရပ်တွေ

သိန်းနိုင်
ကျောင်းပညာရေးမှာ အခြားကလေးတွေ၊ သူငယ်ချင်းတွေထက် အများကြီး နောက်ကျ ကျန်နေရတဲ့ ကလေးတွေနဲ့ ပတ်သက်လို့ နေ့စဉ်လိုလို ကြားနေရပါတယ်။ ကျောင်းကိုလည်း စိတ်မ၀င်စား၊ စာတွေလည်း မလိုက်နိုင်နဲ့ မဟုတ်လား၊ ရလဒ်တွေလည်း မကောင်း။ တစ်စုံတစ်ယောက် (များသောအားဖြင့်ကတော့ ဆရာဆရာမတစ်ဦးဦး) က အဲဒီကလေး အတွက် “အသိဥာဏ်အလင်းခလုတ်” ကို မှန်မှန်ကန်ကန် ဖွင့်ပေးလိုက်နိုင်တယ်။ အဲဒီအခါမှာ အဲဒီ ကျောင်းသားတွေဟာ ရုတ်တရက် ဆိုသလို ကျောင်းကို ပြန်လည် စိတ်ပါဝင်စားမှု ရှိလာပြီး အနာဂတ် အောင်မြင်မှု တွေကိုလည်း ရရှိတော့တယ်။

ငယ်ရွယ်တဲ့ ကျောင်းသားအချို့အတွက်တော့ အဲဒီ “အသိဥာဏ် အလင်းခလုတ်” ဆိုတာဟာ အနုပညာ ဘာသာရပ် ဖြစ်တယ်။ ကလေး အများစုကတော့ သိပ္ပံ၊ သင်္ချာ၊ (သို့မဟုတ်) ဘာသာစကား အတန်းတွေမှာ စိတ်ပါဝင်စားမှုနဲ့ အနာဂတ် ရွေးချယ်စရာ အနေနဲ့ ရှိတတ်ကြပါတယ်။ ဒါပေမယ့် အခြားကလေးတွေမှာတော့ ဂီတ၊ အက၊ ပြဇာတ်နဲ့ အခြားသော အမြင်အာရုံဆိုင်ရာ အနုပညာ တွေကသာလျှင် သူတို့ရဲ့ စိတ်ပါဝင်စားမှုကို ရရှိစေပြီး အနာဂတ်ဘ၀တွေ တောက်ပမှု အတွက်လည်း များစွာ အရေးကြီး ပြန်ပါတယ်။

မန္တလေးမြို့က မူလတန်း ကလေးငယ်တွေအတွက် ပန်းချီအနုပညာပြ ဆရာမတစ်ဦးဖြစ်တဲ့ မခင်စပယ်ဖူး အနေနဲ့ ကလေးတွေကို အနုရသဘာသာရပ်နဲ့ ထိတွေ့လေ့လာခွင့် ပေးလိုက်တာနှင့် တပြိုင်တည်းလိုလိုမှာ အကြီးအကျယ် ပြောင်းလဲမှုတွေ ဖြစ်လာတာကို တွေ့ကြုံခဲ့ရဖူးပါပြီ။ “ရှက်ရွံ့ကြောက်လန့်နေတဲ့ ကလေးငယ် တွေဟာ သူတို့ရဲ့ ကိုယ်ဘာသာနေနေရာကနေ အပြင်ကို ထွက်လာကြပြီး ပြောရဲ၊ ဆိုရဲ၊ ဆက်ဆံရဲ လာကြတယ်။ အရင်တုန်းက မတွေ့ခဲ့ဘူးတဲ့ မိမိကိုယ်ကို ယုံကြည်မှုကိုလည်း တွေ့ရတော့တယ်။ ကိုယ့်အားကိုယ်ကိုးလိုစိတ်လည်း တိုးပွား လာတာပါ။”

သုတေသနတွေ့ရှိချက်တွေအရ ဂီတနဲ့ အခြားသော အနုပညာဘာသာရပ်တွေကို လေ့ကျင့်ခွင့်ရခြင်းဟာ ဦးနှောက် ဖွံ့ဖြိုးမှုကနေ ဘာသာရပ်ရမှတ်တွေအထိ၊ စာလေ့လာတဲ့ အလေ့အထကနေ ကျောင်းကို စိတ်ပါဝင်စားမှုအထိ အပြုသဘောဆောင်တဲ့ သက်ရောက်မှုရှိနေတာကို ထောက်ပြထားပါတယ်။ အနုရသဘာသာရပ်နဲ့ ပတ်သက်ပြီး အခုလို အထောက်အထားတွေ ရှိနေပေမယ့်လည်း ကျောင်းတွေမှာတော့ ဘာသာရပ်ကျွမ်းကျင်တဲ့ ဆရာတွေ မထားနိုင်သေးသလို သင်ရိုးညွှန်းတမ်းမှာလည်း သတ်သတ်မှတ်မှတ် ထည့်သွင်းထားတာမရှိသေးပါဘူး။ ကျောင်းတွေမှာ တပတ်မှာ ၁ချိန်၊ ၂ ချိန်လောက်ကို ထည့်သွင်းထားကြ ပေမယ့်လို့ ပုံမှန်ဖွံ့ဖြိုးမှုရှိလာအောင် တိကျတဲ့ သင်ကြားရေးအစီအစဉ်တွေကို မဆွဲနိုင်ကြသေးပါ။

သာမန် ပျော်စရာကောင်းတဲ့ အားလပ်ချိန်လိုလို မြင်နေကြ တာကလည်း ဘာသာရပ်တန်ဖိုးကို မှေးမှိန်စေပြန် ပါတယ်။ အခြားသော “အရေးကြီးတယ်” လို့ မှားယွင်းစွာ၊ တဖက်စောင်းနင်း ယူဆထားတဲ့ ဘာသာရပ်တွေ အကြားမှာ မျက်နှာငယ်နေရတယ်မဟုတ်လား။ “စာမေးပွဲ” ရယ်လို့လည်းမရှိပြန်၊ “ရမှတ်” နဲ့လည်း မတိုင်းတာ တော့ အနုရသ ဘာသာရပ်ကို မိဘတွေ၊ ကလေးတွေတင်မကဘဲ ကျောင်းဆရာဆရာမများနဲ့ ပညာရေး တာဝန်ရှိသူတွေကပါ လျစ်လျူရှုထားကြပါတယ်။ ကျောင်းမှာက အခြားသော အခက်အခဲတွေများစွာ ရှိနေပြန် တာလည်း ပါတာပေါ့လေ။ “ပင်ရင်းဘာသာရပ်” တွေရယ် “စာမေးပွဲ” အပေါ်မှာသာ အာရုံစိုက်တတ်ကြပါတယ်။

ဂီတဆရာမတစ်ဦးဖြစ်တဲ့ မမြိုင်က အခုလို ရှင်းပြပါတယ်။ “သိပ်ကို ထူးခြားလှပါတယ်။ အနုပညာမှာ မမြင်နိုင်တဲ့ စွမ်းအားသတ္တိတွေ ရှိနေတာ။ ကိုယ်လုပ်နေတာနဲ့ ပတ်သက်လို့ အမှား၊ အမှန်၊ အကောင်း၊ အဆိုးကို တပြိုင် တည်းမှာ ပိုင်းခြားဝေဘန်နေရတယ်၊ သိမြင်ခံစားနေရတယ်။ ကိုယ် ဖန်တီးနေတဲ့အရာတွေကိုပါ။” မူလတန်းအရွယ် ကလေးငယ်တွေနဲ့အတူ တယောသံစမ်းရင်း သူမရဲ့ အမြင်သဘောထားကို ဆက်ပြောပြခဲ့ ပါတယ်။ “၀ါသနာပါသည်ဖြစ်စေ၊ မပါသည်ဖြစ်စေ ကလေးတွေဟာ ဂီတတူရိယာ တစ်ခုခုကို လေ့လာခွင့် ရရှိသင့်ပါတယ်။ ရသခံစားတတ်မှုကို အများကြီး အထောက်အကူဖြစ်စေတယ်။ ပြီးတော့လည်း စိတ်နှလုံးသား တွေ နူးညံ့သိမ်မွေ့လာကြတာ တွေ့ရပါတယ်။ စူးစိုက် နားထောင်တတ်တဲ့ စွမ်းရည်တိုးတက်လာတယ်။ လူမှု ဆက်ဆံရေးတွေအတွက် အများကြီး အထောက်အကူပြုတာပါ။”

ကျောင်းတွေမှာ အနုရသ ဘာသာရပ်ကို သင်ကြားရေး

နိုင်ငံတကာပညာရေးသုတေသနတွေ့ရှိချက်တွေကတော့ဖြင့် စိတ်ဝင်စားစရာကောင်းလှပါတယ်။ နယူးယောက် မြို့၊ အနုရသဘာသာရပ်လေ့လာရေးဌာနရဲ့ အမှုဆောင်ဒါရိုက်တာဖြစ်တဲ့ ကက်စ်လာအနေနဲ့တော့ အနုရသ ဘာသာရပ်ဟာ ပညာရေးနဲ့ လူမှုရေးမှာ အောင်မြင်မှုတွေ ရရှိစေနိုင်ပေမယ့် ကျောင်းတွေမှာ အလေးထား မလုပ်သေးတဲ့ အတွက် စိုးရိမ်ကြောင်းကို ပြောဆိုခဲ့ပါတယ်။ သူတို့ဌာနရဲ့ လေ့လာတွေ့ရှိချက်အရ အနုရသ ဘာသာရပ်ကို အလေးထားပြီး လေ့ကျင့်သင်ကြားတဲ့ အထက်တန်းကျောင်းတွေမှာ ဒီမြို့ရဲ့ အောင်ချက် အကောင်းဆုံးဖြစ်နေတာကိုပါ။

အခြားသော အနုရသဘာသာရပ် မြှင့်တင်ရေးပညာရှင်များလိုဘဲ ကက်စ်လာက အနုရသဘာသာရပ်ဟာ ကလေးရဲ့ ဘက်စုံဖွံ့ဖြိုးရေးမှာ အလွန်အရေးကြီးတယ်လို့ ယုံကြည်ထားပါတယ်။ “ကလေးတွေဟာ အရည်အသွေးပြည့်မီပြီး ဘက်စုံပညာရေးကို ရရှိသင့်တယ်ဆိုတာ အမှန်တကယ် ယုံကြည်တယ်ဆိုရင်တော့ အနုရသပညာရေးဟာ ပညာရေးညီမျှခြင်းမှာ မရှိမဖြစ် လိုအပ်လှပါတယ်။”

မြန်မာ့ကျောင်းပညာရေးမှာ မညီမျှမှုတွေရှိနေတဲ့အတွက် အနုရသဘာသာရပ်နဲ့ ဂီတပညာရေးကို ကလေးတိုင်း လက်လှမ်းမမီ သေးတာ ကတော့ဖြင့် အံ့သြစရာ မဟုတ်ပါဘူး။ ရန်ကုန်နဲ့ အခြားသောမြို့ကြီးတွေမှာရှိတဲ့ top ten ကျောင်းကြီးတွေရယ်၊ အခကြေးငွေ များစွာပေးရတဲ့ ပုဂ္ဂလိကကျောင်းတွေမှာတော့ အနုရသပညာ ဘာသာရပ်နဲ့ ဂီတကို သတ်သတ်မှတ်မှတ် ထည့်သွင်းသင်ကြားပေးကြပေမယ့် အစိုးရကျောင်းတွေ၊ ကိုယ်ထူ ကိုယ်ထ ကျောင်းတွေနဲ့ ကျေးလက်ဒေသက ကျောင်းတွေမှာတော့ အင်မတန်မှ အလှမ်းဝေးနေဆဲပါ။ ဘက်စုံမဟုတ်တဲ့၊ အချိုးမညီတဲ့၊ စွမ်းရည်အထွေထွေ အတွက် မပြင်ဆင်ပေးနိုင်သေးတဲ့ သင်ရိုးညွှန်းတမ်း ကိုသာ သုံးနေကြရတယ်။

အောင်ချက်မမြင့်တဲ့ ကျောင်းတွေမှာ အနုရသဘာသာရပ်ကို ငယ်စဉ်ကတည်း လေ့ကျင့်သင်ကြားဖို့ ပျက်ကွက်တာ ကိုလည်း လေ့လာ တွေ့ရှိနိုင်ပါတယ်။ ကျောင်းတိုင်းမှာ မသင်မနေရ ထည့်သွင်း သင်ကြား နိုင်အောင်လို့ ဘာသာရပ် တန်ဖိုးကို မြှင့်တင်ပေးရမှာပါ။ ရိုးရာနဲ့ ခေတ်ပေါ် နည်းစနစ်တွေလည်းပါဝင်တဲ့ သင်ခန်းစာတွေနဲ့ အနုရသ ဘာသာရပ်သင်ရိုးညွှန်းတမ်းကို တည်ဆောက်သင့်ပါတယ်။

မူလတန်းအရွယ်မှာကတည်းက စတင်ပြီး လေ့ကျင့် ပေးသင့်တယ်လို့ အနုရသပညာရေး ကျွမ်းကျင်သူတွေက ဆိုပါတယ်။ ကလေးတိုင်းဟာ မသင်မနေရ လေ့လာရမှာဖြစ်ပါတယ်။ ပါဝင် လုပ်ဆောင်စေသင့်တယ်။ ဆရာမ မခင်စပယ်ဖူးကတော့ “ပန်းချီဖြစ်ဖြစ်၊ ဂီတဖြစ်ဖြစ် လေ့ကျင့်သင်ကြားပေးဖို့ဆိုတာကတော့ သင်ရိုးညွှန်းတမ်း အကြီးကြီး တည်ဆောက်ထားမှ မဟုတ်ပါဘူး။ သင်ရိုးညွှန်းတမ်းမှာ ထည့်သွင်းတဲ့အခါ ရိုးစင်းလွယ်ကူစွာ လုပ်ဆောင် နိုင်ပါတယ်။ သင်တဲ့ဆရာဆရာမအနေနဲ့လည်း စပယ်ရှယ်လစ် ဖြစ်ဖို့ မလိုပါဘူး။ အခြေခံ သဘော လောက်ကို သိရှိ နားလည်ထားပြီး အနုရသ ပညာရေးရဲ့ တန်ဖိုးကို သဘောပေါက်ထားဖို့က အဓိက ဖြစ်တယ်။” လို့ အကျပ်အတည်းကို ဖြေရှင်းနိုင်တဲ့ နည်းအချို့ကို ရှင်းပြပါတယ်။ “အပတ်စဉ် အနုရသအချိန်တိုင်းမှာ ပုံမှန် လုပ်ဆောင် နိုင်ဖို့က အရေးအကြီးဆုံးပါ။ ကိုးကားစရာ စာအုပ်တွေကိုလည်း ရှာဖွေစုဆောင်း ထားသင့်ပါတယ်။”

အခြားသော ဘာသာရပ်များနှင့် ဆက်နွယ်မှု

အနုပညာပုံစံ ၃၊ ၄ မျိုးဆက်စပ်ပြီး သင်ကြားခြင်းဟာ ပိုမို ထိရောက်တယ်လို့ဆိုပါတယ်။ ဥပမာအားဖြင့် ဂီတ၊ အကနဲ့ သရုပ်ဆောင်ခြင်းတို့ ပေါင်းစပ်ထားသလိုမျိုးပါ။ အခြားသော ဘာသာရပ်တွေကို လေ့ကျင့်သင်ကြား ရာမှာလည်း သင်ခန်းစာတိုင်းလိုလိုမှာ သက်ဆိုင်ရာ အကြောင်းအရာအလိုက် ရုပ်ပုံတွေရေးဆွဲခြင်း၊ သီချင်း သီဆိုခြင်း၊ ကဗျာ ရွတ်ခြင်းနဲ့ ကိုယ်လက်လှုပ်ရှားခြင်းတွေကို ဖန်တီးနိုင်ပါသေးတယ်။ ကိုယ်ဟန်ပန်အမူအယာ၊ အသက်ရှုပုံ၊ စာသားကို ဖတ်ရှုခြင်းနဲ့ စုပေါင်းလုပ်ဆောင်ရခြင်းတွေ ပါရှိနေတယ်။ စိတ်ကူးစိတ်သန်းတွေ ဆန်းသစ်လာအောင်လည်း အားပေးရာရောက်ပါတယ်။ ရသခံစားတတ်မှု စွမ်းရည်ကိုလည်း တပြိုင်နက်တည်း လေ့ကျင့်ပေးရာရောက်ပါတယ်။ မူလတန်းအတန်းတွေမှာ အလွန်ဘဲ အသုံးတည့်လှပါတယ်။

အတန်းကြီးလာတဲ့အခါမှာတော့ အနုပညာဆိုင်ရာ ဖန်တီးချက်တွေကို ဝေဘန်ပိုင်းခြားတဲ့ သင်ခန်းစာတွေ လိုအပ်လာပါပြီ။ ရသခံစားမှုအပြင် ပညာရပ်ပိုင်းကို လေ့လာစူးစမ်းခြင်းဖြစ်တယ်။ ကိုယ်တိုင်ဖန်တီးနိုင်စွမ်းကို လေ့ကျင့်ပေးခြင်းပါ။

ဒါဟာ ဘာသာရပ်အလိုက် အဓိက အသိပညာနဲ့ အနုရသပညာရေးတို့ ပေါင်းစည်းမှုဖြစ်တယ်။ အသိပညာကို ပိုမိုမြဲမြံစေပြီး ပျော်ရွှင်စရာ စာသင်ခန်းတွေလည်းဖြစ်လာပါမယ်။

သိန်းနိုင်

ပညာရှာရာ စိတ်၏ လွတ်လပ်မှု

သူရိန်ထက်လင်း
(စပယ်ဖြူ မဂ္ဂဇင်း အမှတ် (၁) ဇွန်လ၊ ၂၀၀၄)

ပညာရေးလက်တွေ့ဖွံ့ဖြိုးမှုလုပ်ငန်းစဉ်တွင် စိတ်ပညာ၏ ပါဝင်ကူညီမှုကို ရှေ့အခန်း၌ ဆွေးနွေးခဲ့ပါသည်။ ယင်းမှာအခြားမဟုတ်။ ကလေးပညာရေး ပျိုးထောင်မှု၌ ဘာသာပညာသက်သက် သင်ကြားပို့ချပေးခြင်းကို အဓိကမထားဘဲ ကလေးတို့၏ ဗီဇစွမ်းရည် ဘ၀လိုအင် အပြုအမူနှင့် စိတ်ပါဝင်စားမှုများကိုပါ ထည့်သွင်း စဉ်းစားရန်ဖြစ်သည်။ ပညာရေးသည် လူနှင့် ဆက်လုပ်ရသော လုပ်ငန်းစဉ်ဖြစ်သည်။ လက်သမားဆရာကဲ့သို့ သစ်တုံး သစ်ချောင်းများကို သွင်းယူရသည်မဟုတ်။ မက္တင်းနစ် ဆရာကဲ့သို့ စက်ပစ္စည်းကိရိယာတို့ဖြင့်ကိုင်တွယ် တပ်ဆင်ရသည် မဟုတ်။ အဖိုးတန် သက်ရှိ ကလေးငယ်များနှင့် ပူးပေါင်းဆောင်ရွက်ရသော လုပ်ငန်းစဉ် ဖြစ်သည်။ သည့်အတွက် ပညာရေးသည် အမှားအယွင်းမခံ။

ပညာရေးလက်တွေ့ဖွံ့ဖြိုးမှုလုပ်ငန်းစဉ်အတွင်း တစ်စုံ တစ်ရာ အမှားအယွင်းရှိပါက ကလေးငယ်တို့၏ ဘ၀ တစ်လျှောက်လုံး တိမ်းပါးသွားနိုင်သည်။ ဆက်လက် တွေးယူသော် အနာဂတ် လူငယ်များ၏ ဘ၀ အရည် အသွေးနှင့် လူ့အဖွဲ့အစည်းရေးရာ အလုံးစုံတို့သည်ပင် ဆုတ်ယုတ် နိမ့်ပါးသွားနိုင်သည်။သည့်အတွက် ပညာရေး၌ ကလေးတို့၏ ဗီဇစွမ်းရည်ပုန်းများနှင့် ကာယစိတ္တ အရည်အသွေးတို့ကို နည်းမှန်လမ်းမှန်ဖြင့် မြှင့်တင်ပေးရမည်။ အခြားတစ်ဖက်တွင်လည်း ကလေးတို့အနေဖြင့် ဘဝအနှောင်အတန်း တို့မှ လွတ်မြောက်ပြီး စိုးရိမ်သောက ဗျာပါဒ ကင်းကင်းဖြင့် ပညာရှာဖွေခွင့် ရှိစေရန် လိုပေသည်။

လူတွင်ရုပ်ပိုင်း၊ စိတ်ပိုင်းဘဝလိုအပ်ချက်များရှိသည်။ ဘဝလိုအင်များရှိသည်။ ဆာလောင်သည့်အခါ အစာ လိုမည်။ ရေဆာသည့်အခါရေလိုသည်။ အေးသည့်အခါ အဝတ်လိုမည်။ နာကျင် ဝေဒနာ ခံစားရသည့်အခါ ဆေးဝါးကုသမှုလိုမည်။ ယင်းတို့ကို ရုပ်ဘဝလိုအပ်ချက်များဟု ဆိုနိုင်ပေသည်။ ထို့အတူတစ်ကိုယ်ရည် အထီးကျန်သည့်အခါ အပေါင်းဖော်လိုမည်။ ပျင်းရိငြီးငွေ့သောအခါ ဖြေဖျော်မှုလိုမည်။ စိတ်အားငယ်သောချိန် အားပေးမြှင့်တင်မှုလိုမည်။ ယင်းတို့ကို စိတ်ဘဝ လိုအပ် ချက်များဟု ဆိုနိုင်သည်။ ယင်းလိုအပ်ချက်များကို မူတည်၍ စားကောင်းသောက်ဖွယ် ဘဝလုံခြုံမှု သူငယ်ချင်း မိတ်ဆွေ ဝင်ငွေ လှုပ်ရှားဆောင်ရွက်မှု အပန်းဖြေ နားနေမှု ကျန်းမာပျော်ရွှင်ခြင်းနှင့် လွတ်လပ်မှုများကို အလိုရှိကြပါလိမ့်မည်။ သို့ရာတွင် လူတိုင်းလူတိုင်းသည် ယင်းလိုအပ်ချက်များနှင့် လိုအင်များကို အပြည့်အဝ ဖြည့်ဆည်းခံစားရမည်မဟုတ်ပေ။ အထူးသဖြင့် ပညာ ရှာဖွေဆည်းပူး နေသော ကလေးငယ်များအဖို့ ယင်းဘဝလိုအင်များ မပြည့်စုံပါက သူတို့လေးတွေ၏ ပညာရေး ခရီး တွင် လမ်းမပေါက်ဘဲဖြစ်နိုင်သည်။ ပညာရှာရာ စိတ်၏လွတ်လပ်မှုဆိုရာ ဘဝလိုအင်တို့မှ လွတ်လပ် ရန် (Freedom from wants)နှင့် စိုးရိမ်သောက(အကြောက်တရား) တို့မှ လွတ်လပ်ရန် ( Freedom from anxiety & fear) တို့ကို ညွန်းဆိုခြင်းပင်ဖြစ်သည်။ ယင်းတို့ကိုရှင်းလင်းရန် အောက်တွင် ဖော်ပြမည့် ကလေးငယ်နှစ်ဦး၏ ပြဿနာကို စောကြောကြည့်စေလိုပါသည်။

ပထမကလေးမှာ လူလတ်တန်းစား မိသားစုမှ မွေးဖွားလာသော “ဂျော်နီ”လေးဖြစ်သည်။ ကလေးက သူလိုချင် နေသော ရောင်စုံခဲတံဘူးလေးကို မဝယ်ပေးသဖြင့် မိခင်အား စိတ်ကောက်ပြီး ညစာမစားဘဲ အငတ်ခံနေသည်။ ဒုတိယကလေးမှာ ရရစားစားမိသားစုမှ မွေးဖွားလာသော “ရော်ဂျာ” လေးဖြစ်သည်။ ရော်ဂျာတို့ မိသားစုမှာ ဆင်းရဲတွင်းနက်လှသဖြင့် နပ်မှန်အောင်ပင် မနည်း ရုန်းကန် နေရသည်။ ယခုလည်း ဖခင်အလုပ်မှ ပြန်မလာ သေးသဖြင့် ရော်ဂျာလေးမှာ ညစာမစားရသေးပါ။ ဆာလောင်မွတ်သိပ်မှု ဝေဒနာကို ခံစားနေရသည်။

ပြဿနာမှာ “ညစာမစားသူချင်း အတူတူ မည်သူက လွတ်လပ်မှု အခွင့်အရေးကို ပိုင်ဆိုင်ပါသနည်း” ဟူသည်ပင်၊ ရှင်းပါသည်။ ဂျော်နီလေးမှာ သူ့မိခင်က ရောင်စုံခဲတံဘူးလေး ဝယ်ပေးလျှင် ဒါမှမဟုတ် သူကိုယ်တိုင်စိတ်ဆိုးပြေလျှင် ညစာကို အချိန်မရွေးထ စားသောက်နိုင်သည်။ ညစာနှင့် ပတ်သက်ပြီးသူ့မှာ ရွေးချယ်ခွင့် အပြည့်အဝရှိသည်။ ရော်ဂျာလေးမှာ အချိန်မရွေးထ စားစရာ မရှိ။ ညစာကို သူမရွေးချယ်သည့် အပြင် သူ့ဖခင်အဆင်မပြေလျှင် ညစာမှ စားရပါ့မလားဟု စိုးရိမ်သောက ဖြစ်နေရရှာသည်။ သည့်အတွက် ဂျော်နီလေးကို လွတ်လပ်သူအဖြစ် ရှုမြင်နိုင်သည်။ ရော်ဂျာလေးမှာ ဆင်းရဲချို့တဲ့သော ဘဝနှောင်တည်းမှုကို ခံနေရသဖြင့် လွတ်လပ်မှု အခွင့်အရေးကို မခံစားရရှာ။ စိုးရိမ်သောကပင် ဖြစ်နေရရှာသည်။ ဆင်းရဲချို့တဲ့ခြင်း နှင့် ဘဝလိုအပ်ချက်များ မပြည့်ဝခြင်းသည် ပညာသင်ယူခြင်း၌ အနှောင့်အယှက်ဖြစ်စေနိုင်ပါသည်။ ဥပမာ.......

အိမ်မှ ထမင်းမစားဘဲ ကျောင်းသို့လာရသော ကလေးသည် အဘယ်မှာ အားအင် ပြည့်ဝပါမည်နည်း။ ကျောင်းဆင်းအိမ်ပြန်သောအခါ ထမင်းမှစားရပါ့မလားဟု စိုးရိမ် နေရှာသော ကလေးသည် အဘယ်မှာ စာသင်ဖြောင့်ပေမည်နည်း။

ဆိုလိုသည်မှာ ဆင်းရဲချို့တဲ့သော မိသားစုဝင် ကလေးများ ပညာစိတ်ဝင်စားမှုနည်းပါးရခြင်းမှာ အခြေခံ ဘဝလိုအင်များ မပြည့်ဝသောကြောင့်ပင်ဖြစ်သည်။ မက်ဆီကန် ကျောင်းသားလေးများသည် ခရမ်းချဉ်သီး ခူးချိန်ရာသီတွင် ကျောင်းသို့မလာပေ။ မိဘများကို ဝင်ရောက်ကူညီနေကြရသည်။ သူတို့အဖို့စားဝတ်နေရေး ပြည့်စုံရေးအတွက် ကူညီရန်မှာ ကျောင်းမှန်မှန်တက်၍ ပညာသင်ယူခြင်းထက် အရေး ကြီးသကဲ့သို့ ဖြစ်သည်။ သည့်အတွက် အလ်လီဆင်ဒေးဗစ် (Allison Davis) ကဲ့သို့ ပညာရှင်များက “စားဝတ်နေရေး မပြည့်စုံသော ကျောင်းသားများအား စာသင်ကျောင်းကို ပိုမိုမက်မောလာအောင် ဘဝ ပညာ အတွေ့အကြုံများ လုံလုံ လောက်လောက် ဖြည့်ဆည်းပေးရမည်”ဟု အကြံပြုသည်။ လိုအပ်ပါက လူ့အဖွဲ့အစည်းတစ်ရပ်လုံးက ပူးပေါင်းဖြေရှင်းရမည့် ပြဿနာဖြစ်သည်။

လူသား၏ အခြားသော အခြေခံဘဝလိုအင်တစ်ခုမှာ ဘေးအန္တရာယ်တို့မှ ကင်းလွတ်ရန် (ဝါ) ဘဝလုံခြုံမှု ရှိရန်ပင်ဖြစ်သည်။ ကလေးသည် အစားအသောက်အနေအထိုင် မှန်ကန်သောကြောင့် ကိုယ်ကာယ ဖွံ့ဖြိုး နေပေမည်။ ကျန်းမာဝဖြိုးနေပေမည်။ သို့သော်မတော်တဆ ဒဏ်ရာရရှိခြင်း၊ အနာ ရောဂါကူးစက်ခြင်း၊ ရုတ်တရက် အန္တရာယ်ကျရောက်ခြင်းတို့ကြောင့် ဘေးရန်စနိုင်သည်။ မည်သူ တစ်ဦးတစ်ယောက်မဆို ဘေးအန္တရာယ်နှင့် မကြုံတွေ့လို၊ ဘဝကို လုံခြုံမှု ရှိရှိ အေးအေးချမ်းချမ်း နေထိုင်လိုသည်။ သည့်အတွက် အသွားအလာ အနေအထိုင် ဆင်ခြင်ရသည်။ ဘေးအန္တရာယ်များ မကြုံတွေ့စေရန် သတိထားနေကြရသည်။ အနာရောဂါ မကူးစက်နိုင်ရန် သန့်ရှင်းလတ်ဆတ်သော အစာကိုသာစားခြင်း၊ ရောဂါကာကွယ်ဆေး မှီဝဲသုံးစွဲခြင်းတို့ကိုပြုရသည်။ လူသားတို့ရင်ဆိုင်ကြုံ တွေ့ရမည့် အန္တရာယ်များတွင် မတော်တဆ ထိခိုက် နာကျင်မှုနှင့် ဖျားနာရောဂါ ရေဘေး မီးဘေး ငလျင်ဘေးစသည့် သဘာဝဘေးအန္တရာယ်နှင့် လူမျိုး ဘာသာ ပဋိပက္ခ ခိုးဆိုးလုယက် မငြိမ်မသက်မှု များ စစ်ပွဲများစသည့် လူမှုမတည်ငြိမ်မှု အန္တရာယ်ဟူ၍ ခွဲခြားနိုင်ပေသည်။

စစ်အတွင်းကျောင်းတက်နေရသော ကလေးသည် စိတ်၏လုံခြုံမှုတို့ရရှိမည် မဟုတ်ပေ၊ အိမ်ပြန်ရောက်လို့မှ ဘေးလွတ်ပါမည်လားဟုစိုးရိမ်နေရှာသည်။ ရေကြီးနေသော ချောင်းကို ဖြတ်ကာ အိမ်ပြန်ရမည်ကို တွေးပူ နေသော ကလေးသည်လည်း စာထဲစိတ်ဝင်စားမည်မဟုတ်ပေ။ သေနတ် သမားတို့၏ ခြိမ်းခြောက်ခံနေရသော စာသင်ကျောင်းမျိုးကိုလည်း မည်သည့်ကလေးမှ သွားချင်မည် မဟုတ်ပေ။ အနာရောဂါတို့ နှိပ်စက်ခံနေရသော ကလေးသည်လည်း ပညာကို စိတ်လွတ်လက်လွတ် သင်ယူဆည်းပူးနိုင်မည် မဟုတ်ပေ၊ ကလေးတို့ ဘေး အန္တရာယ် ကင်းကင်း လုံခြုံမှုရှိရှိဖြင့် ပညာသင် ယူရန် လိုအပ်ပေသည်။ သည့်အတွက် ယနေ့ စာသင်ကျောင်း များတွင် ကျောင်းကျန်းမာရေးနှင့် အခြား သော လုံခြုံရေး ဝန်ဆောင်မှုလုပ်ငန်းများ ထားရှိပေးသင့်သည်။

ဘဝလုံခြုံမှုအကြောင်း ဆွေးနွေးရာမှာ ဖော်ပြပါ ရုပ်ဘဝလိုအပ်ချက်များအပြင် စိတ်ဘဝလုံခြုံမှု လိုအင်ကိုလည်း ထည့်သွင်း စဉ်းစားရပါမည်။ ယင်းမှာ အခြားမဟုတ် ပညာရှာရွယ် ကလေးငယ်တို့အား စိတ်၏ကျေနပ် နှစ်သိမ့်မှုနှင့် နွေးထွေးလုံခြုံမှုကို ပေးနိုင်စွမ်းသော ချစ်ခြင်းမေတ္တာကို လိုလား တောင့်တမှုမှာ လူသားဘဝတွင် အရေးပါသော စိတ်အခြေခံ လိုလားချက်တစ်ရပ်ဖြစ်သည်။ ချစ်ခြင်း မေတ္တာနှင့် ကြင်နာယုယမှုကို မခံစား ရသော ကလေးသည် ရေနှင့်ဝေးသော ကြာကဲ့သို့ ဘဝ ခြောက်သွေ့နွမ်းလျကာ ကိုယ်ရောစိတ်ပါ မချမ်းမြေ့ နိုင်ပေ။ ချစ်ခင်ကြင်နာမှုကို ခံစားရသော ကလေး သည် မေတ္တာတရား၏ အဖိုးထိုက်တန်ပုံကို သိနားလည်ပြီး အခြားသူများအားလည်း ချစ်ခင် ကြင်နာပေလိမ့်မည်။

ကလေးငယ်တို.သည် အစ်ကို အစ်မများ လူကြီးမိဘများ၏ ချစ်ခင်ကြင်နာမှုကို ရရှိလိုကြ သည်။ အကြောင်း အမျိုးမျိုးကြောင့် အိမ်တွင် အချစ်မခံရသော ကလေးသည် သူငယ်ချင်း မိတ်ဆွေ ဆရာ ဆရာမများ၏ ချစ်ခင် ကြင်နာမှုကို ရရှိရန်လိုအပ်သည်။ သို့မဟုတ်ပါက မိမိအား ဂရုစိုက်မည့်သူ မရှိဟု စိတ်အားငယ်ပေမည်။ ကျောင်းစာသင်ရာမှာလည်း စိတ်မပါဖြစ်တတ်သည်။

ချစ်ခင်ကြင်နာမှုကို မခံစားရသော ကလေးသည် စိတ်အားငယ်ခြင်း မကျေနပ် မရောင့်ရဲခြင်း ရွံရှာခြင်း ဝန်တိုခြင်းစသည့် သဘာဝဆိုးများ ဝင်ရောက်လာတတ်ပေသည်။ ထိုအခါ စိတ်ထားဖွံ.ဖြိုးမှု ဘက်တွက် အနှောင့်အယှက်ဖြစ်တတ်ပြီး ဘဝပြဿနာများကိုလည်း ရင်ဆိုင်ကြုံတွေ့ရနိုင်သည်။ ချစ်ခင်ကြင်နာမှုကို ရရှိသော ကလေးမှာမူ စိတ်၏ လုံခြုံမှုကို ခံစားရပေသည်။ ထို.ကြောင့် အိမ်မှ ထွက်နိုင်သော အချိန်သို့ ရောက်သောအခါ အရပ်ထဲမှာဖြစ်စေ စာသင်ကျောင်းမှာဖြစ်စေ မိမိကိုယ်ကို ယုံကြည်မှုရှိကာ ဆက်ဆံ ပေါင်းသင်းမှုတို့တွင် ပြေပြစ်လာမည်။ ဘဝကြင်ဖော်ရှာသည့် အရွယ်သို့ ရောက်သော အခါမှာလည်း အချစ်ပြဿနာ မရှုပ်ထွေးဘဲ မျှဝေပေးဆပ်နိုင်ပေမည်။

စားဝတ်နေရေး ဘဝလုံခြုံရေး ချစ်ခြင်းမေတ္တာတို.အပြင် လူသား၏ အခြားလိုအင်တစ်ခုမှာ မိတ်ဆွေ ပေါင်းသင်း လိုလားချက်ပင် ဖြစ်သည်။ လူသည် ကျွန်းတစ်ကျွန်း သစ်တစ်ပင်မဟုတ်ပေ၊ လူမှု အသိုင်းအဝန်း သက်ဝင် ရှင်သန်နေသူ သာဖြစ်သည်။ တစ်နည်းအားဖြင့်ဆိုသော် သူငယ်ချင်း မိတ်ဆွေ အပေါင်းအသင်းများနှင့် အဆက်အဆံပြုရင်း ပူးပေါင်းဆောင်ရွက်ရင်း ပေါင်းသင်းနေထိုင်ကြသည် သာဖြစ်သည်။ ကလေးငယ်ဘဝတွင် မိဘ အစ်ကို အစ်မများ၏ အချစ်မေတ္တာနှင့် ကြင်နာ ယုယမှုကို လိုချင်သည်။ မိသားစု အလယ်တွင် နေရာပေးခံရသော် စိတ်ချမ်းသာမှုကို ဖြစ်စေသည်။ ယင်းသည် ပေါင်းသင်းဆက်ဆံရေး လိုအင်၏ အခြေခံလည်းဖြစ်သည်။

မည်သူတစ်ဦးတစ်ယောက်မဆို အရပ်ထဲမှာလည်းကောင်း စာသင်ကျောင်းမှာလည်းကောင်း ပတ်ဝန်းကျင် အပေါင်းအသင်း များ၏ အရေးပေးခြင်း အသိအမှတ်ပြုခြင်းကို ခံလို၏။ အများအလယ်မှာ ထင်ပေါ်လို၏။ အများ၏ ဝိုင်းပယ်မှုကိုမူ မခံစားလို အချို့ကလေးများသည် အများ၏ အသိအမှတ်ပြုခြင်းကို မခံရပါက အဖျက်စိတ်ဝင်ပြီး နည်းလမ်းမမှန်သော အမူအကျင့်တို့ ဖြင့် တစ်ပါးသူများက မိမိအား ဂရုပြုလာအောင် လုပ်ဆောင်တတ်ကြသည်။ ထို.ကြောင့် ကလေးသူငယ် ကျောင်းသား လူငယ်တို့အား ပတ်ဝန်းကျင် ဆက်ဆံရေးမှာ မျက်နှာမငယ်ရလေအောင် ထိုက်သင့်သော လူမှုအဆင့်အတန်းဖြင့် နေရာပေးသင့်သည်။ ကလေးတို့ကိုယ်တိုင်ကိုလည်း သူတို့လိုလားသော အဆင့်အတန်းနှင့်အညီ ပတ်ဝန်းကျင် အပေါင်းအသင်း များနှင့် ညှိယူဆက်ဆံနိုင်ရန် အလေ့ အကျင့် ပေးရမည်။ ရံဖန်ရံခါ လူမှုရေးမှာ မျက်နှာသာ အပေးမခံရသဖြင့် ပညာရေးမှာ ထိခိုက်သည် များရှိသည်။

စာသင်ကျောင်းမှာ ဆရာ ဆရာမများ၏ အဆင့်အတန်း ခွဲခြားဆက်ဆံခြင်း ဖိနှိပ်ခြင်း အပြစ် တင်ခြင်းကို ခံရသော ကလေးအတန်းဖော်များ၏ နှိမ့်ချ အရှက်ခွဲခြင်း ခနဲ.ခြင်း ရန်လို မုန်းထားခြင်းကို ခံရသော ကလေးသည် အဘယ်မှာလျှင် စာသင်ကျောင်းမှာ ပျော်ပိုက်ပါမည်နည်း။ သည့်အတွက် စာသင်ကျောင်း များသည် ကလေးတို.၏ လူမှုရေးအားနည်းချက် ပညာရေးအားနည်းချက်များကို ဖြည့်စွမ်း အကူအညီပေးရမည်။ အတန်းသား အချင်းချင်းအားလည်း တစ်ဦးနှင့်တစ်ဦး တန်ဖိုးထား လေးစားရန် တစ်ဦး၏ အရည်အချင်းကို တစ်ဦးက ချီးကျူးဂုဏ်ပြုရန် ပညာရေး အပါအဝင် အခြား ဖွံ့ဖြိုးမှုလုပ်ငန်းများမှာ ပူးပေါင်း ဆောင်ရွက်ရန် အပြန်အလှန် ယုံကြည်မှုရှိရှိဖြင့် ခေါင်းဆောင်ကောင်း နောက်လိုက်ကောင်းတို့ ၏ အမူအကျင့်များကို မွေးမြူတတ်စေရန် လေ့ကျင့်ပျိုးထောင် ပေးရပါမည်။ လူမှုဆက်ဆံရေး နယ်ပယ်မှာ အဆင့်အတန်းမြင့်မားရန် မျှော်မှန်းထားသူများသည် ပညာကို ပိုမိုလို လားစွာ အလေးထား သင်ယူတတ် ကြသည်။ ပညာတတ်ခြင်း အားဖြင့် ဘဝဖူလုံပြည့်စုံပြီး ကိုယ်ပိုင် စွမ်းဆောင်ရည်များလည်း မြင့်မားလာနိုင် ပေသည်။

လူသား၏ စိတ်အခြေခံ လိုအင်များတွင် ဘဝဖူလုံပြည့်စုံလိုမှုနှင့် ကိုယ်ပိုင်စွမ်းဆောင်ရည် မြင့်မားလိုမှု တို့ကိုလည်း ထည့်သွင်းစဉ်းစားရပါမည်။ လူသည် မတောင့်မတ မကြောင့်မကြ နေလိုသည်။ မိမိအရည်အသွေး ကို မိမိမြှင့်တင်ပြီး ပြဿနာအထွေထွေကို ဦးဆောင်ဖြေရှင်းလိုသည်။ ဘဝ မြင့်မားလိုမှုသည် လူကို မောင်းနှင်ပေးသော စေ့ဆော်တွန်းအား သည် ပညာရှာရှာ အလုပ်လုပ်ရာမှာ စွမ်းထူးတို့ကို ပေးစွမ်းသည်။ ဟားဘတ်စပင်စာ (H.Spencer) ဆ်ိုခဲ့သလိုပင် ပညာရေးသည် ပြီးပြည့် စုံသော ဘဝနေထိုင်မှု (Complete living) အတွက် ပြင်ဆင်ပေးခြင်းလည်းဖြစ်သည်။ အထူးသဖြင့် သက်မွေးပညာနှင့် အလုပ်အကိုင် ဖြစ်သည်။

ပညာရေးသည် လူသား၏ သက်မွေးဘဝပြည့်စုံလုံလောက်စေရန် အာမခံပေးဖို့လိုသည်။ သက်မွေးဘဝ အာမခံချက်ဆိုရာမှာ စားဝတ်နေမှုတည်းဟူသော ဘဝလိုအပ်ချက်တို့ဖူလုံရန်သာမက သင့်လျော်သော လူ့အဆင့်အတန်းနှင့်အညီ ရှင်သန်နေထိုင် နိုင်ရန်ပါ ရည်ရွယ်ရပါမည်။ သက်မွေးဘဝ အာမခံချက်မရှိသော ပညာရေးမျိုးကို မည်သည့် ကျောင်းသားလူငယ်ကမျှ စူးစူးစိုက်စိုက်လေ့လာ သင်ယူမည် မဟုတ်ပေ။ လူသည် မိမိအဆင့်အတန်းကို တိုးတက်မြင့်မားလိုသည်။ ပညာရေး အရဖြစ်စေ လူမှုရေးအရဖြစ်စေ စီးပွါးရေးအရဖြစ်စေ ဇွဲရည်သန်သန် ကြိုးစားအားထုတ်ရင်း မိမိ မျှော်မှန်းထားသော အဆင့်အတန်းမျိုးကို ပိုင်ဆိုင်လိုကြပေသည်။ လူသား၏ ဘဝအဆင့်အတန်းနှင့် ကိုယ်ပိုင်စွမ်းဆောင်ရည်တို့ မြင့်မားရန် ပညာသည် သော့ချက်ဖြစ်သည်။ ပညာသည် သက်မွေး အလုပ်အကိုင် စားဝတ်နေရေး ဖူလုံမှု သင့်လျော်သော လူမှုအဆင့်အတန်း ရရှိရန်အတွက် အဓိက ကျသော လိုအပ်ချက်ဖြစ်သည်။ အခြားတစ်ဖက် ကလည်း တစ်ကိုယ်ရည် စွမ်းရည်ဖြင့် မြင့်မားလိုမှုနှင့် လျော်ညီစွာ အချက်အလက်များ ရှာဖွေစုဆောင်းနိုင်ရန် တွေးဆမြော်မြင်နိုင်ရန် တီထွင်ဖန်တီး တတ်ရန် ရည်မှန်းချက် ပန်းတိုင် ထားရှိကာ အလုပ်လုပ်တတ်ရန် ပညာကို လိုလားစွာ ရှာဖွေရပေမည်။

ကလေးတို့၏ပညာရှာဖွေဆည်းပူးရေး ခရီးစဉ်မှာ ဘဝလိုအပ်ချက်များ၏ အရေးပါ လွှမ်းမိုးမှုများကို ဆွေးနွေးခဲ့ပါသည်။ ကလေးတို့၏ ပညာရှာဖွေဆည်းပူးရေးတွင် ဘဝ ဝန်ထုပ် ဝန်ပိုးများ တလေးတပင်ရှိ မနေရပါ။ စိုးရိမ် သောက ဗျာပါဒ တရားတို့မှလည်း လွတ်ကင်းရန်လိုပေသည်။ ယေဘုယျအားဖြင့် ပညာရေးဟူသည် လွတ်လွတ်လပ်လပ် ရှာဖွေ ဆည်းပူးရသော ( Free to Learn) လုပ်ငန်းစဉ်ဖြစ်သည်။ သို့ရာတွင် မည်သို့ပင်လွတ်လွတ်လပ်လပ် ရှာဖွေဆည်းပူးခွင့် ရှိပါသော်ငြားလည်း ဘဝအနှောင် အတည်းများကြောင့် ဖြစ်ရသော စိတ်ဖိစီးလေးလံခြင်း စိုးရိမ်သောက ဖြစ်ရခြင်းများသည် ပညာရှာဖွေ ဆည်းပူးမှုကို အနှောင့်အယှက်ဖြစ်စေပါသည်။ သည့်အတွက် ဆရာ ဆရာမ များသည် ကလေးတို့ အဘယ်ကြောင့် ငေးငိုင်နေသည်ကိုလည်းကောင်း အဘယ်ကြောင့်စာထဲ စိတ်မဝင်စားရသည်ကိုလည်းကောင်း လေ့လာစုံစမ်း ရပေမည်။ ကလေးတို့မှာ စိတ်လိုအင် မပြည့်ဝမှုများ အခက်အခဲနှင့် ဆုံးရှုံးမှုများရှိပါက နွေးထွေးစွာ အားပေးကူညီရမည်။ ကလေးတို့ လွတ်လွတ် လပ်လပ် ပျော်ပျော်ရွှင်ရွှင် ပညာရှာဖွေနိုင်စေရန် စီမံဖန်တီးပေးထားရပေမည်။

ရည်ညွှန်းချက်-
ကျေးလက်မှ ကျောင်းတက်နေသော ညီ/ညီမငယ်များသို့

သူရိန်ထက်လင်း
(ကလေးပညာရေး ပျိုးထောင်မှု)
စပယ်ဖြူမဂ္ဂဇင်း၊ အမှတ် (၁) ဇွန်လ၊ ၂၀၀၄

စာသင်ကျောင်းက ကယ်နိုင်ပါ့မလား - နိုင်ငံတော်ရဲ့ စံတန်ဖိုးတွေ မြှင့်တင်ခြင်း

သိန်းနိုင်

ဝေဖန်ပိုင်းခြား စဉ်းစားတွေးခေါ်ခြင်းကဲ့သို့ပင် ဘ၀နှင့် တသားတည်း ရှိစေရန် ကျောင်းသားများအနေဖြင့် စံတန်ဖိုးများနှင့် ဒီမိုကရေစီ ယဉ်ကျေးမှုတို့ကို ကိုယ်တိုင် ကြုံတွေ့နိုင်ခွင့်များ ရရှိစေသင့် ပါသည်။

လူမှု အဖွဲ့အစည်းငယ် တစ်ခုအနေဖြင့် သတ်မှတ်နိုင်သည့် စာသင်ကျောင်း၏ ရည်ရွယ်ချက်များစွာထဲမှ အဓိက တစ်ခုမှာ လူသား စံတန်ဖိုးများကို လက်ဆင့်ကမ်း သင်ကြားပေးရန်ဖြစ်ပါ၏။ ကောင်းမွန်သော စံတန်ဖိုးများမှာ ရပ်ရွာ၊ လူအဖွဲ့အစည်း၏ စည်ပင် သာယာခြင်း၊ စည်းလုံး ညီညွတ်ခြင်းနှင့် မှီတင်းနေထိုင်ကြသူ ပြည်သူများအကြား သဟဇာတဖြစ်ခြင်းတို့အတွက် သော့ချက်ပင် ဖြစ်သည်။

မျိုးဆက်များအတွက် “ကောင်းရာတု၍၊ ကောင်းမှုမြတ်နိုး၊ ကောင်းအောင်ကြိုး၍၊ ကောင်းကျိုးကိုယ်၌ တည်စေမင်း၊” ဟူသော လောကသာရပျို့လာ အဆုံးအမအတိုင်း ယဉ်ကျေးမှုတွင်း တည်ရှိနေသော လိုလားအပ်သည့် ကောင်းမြတ် သော စံတန်ဖိုးများကို လက်ဆင့်ကမ်းပေရန် ကျောင်းပညာရေးတွင် တာဝန်ရှိပြန်ပါသည်။ တစ်ဆက် တည်းမှာပင် မျက်မှောက်ခေတ် ရပ်ရွာ၊ လူ့အဖွဲ့ အစည်းအတွင်း လက်ခံကျင့်သုံးနေသည့် စံတန်ဖိုးများကို ဝေဘန်စစ်ကြော တတ်စေ ရန်၊ ပြောင်းလဲပြင်ဆင်သင့်သည်တို့ကို နားလည်ရန်၊ အဘယ်ကြောင့် လိုက်နာကျင့်သုံး သင့်သည်တို့ကို သိမြင်ခံစား တတ်စေရန်အတွက်လည်း စာသင်ခန်းများအတွင်း ဆွေးနွေးရအုံး မည်ဖြစ်ပါသည်။

စံတန်ဖိုးများအပေါ်တွင် အမြင်သဘောထားများမှာ မတူညီဘဲ၊ ကွဲပြား ခြားနားနိုင်ပါသည်။ အသက်အရွယ်၊ ယဉ်ကျေးမှု၊ ကိုးကွယ်ယုံကြည်မှု ဘာသာတရား၊ နိုင်ငံသား၊ လူမျိုး၊ စသည့်အချက်များ အပေါ်တွင် မူတည်နေခြင်း ဖြစ်သည်။

စံတန်ဖိုးများ မတူညီသည့်အတွက် ပေါ်ပေါက်နေသည့် ပြဿနာများကို လေ့လာကြည့်သင့်ပါသည်။

လက်ရှိ ပြင်သစ်နိုင်ငံတွင်းမှ ပြဿနာကို လေ့လာကြည့်လျှင် ဤအချက်ကို အထင်အရှား မြင်တွေ့နိုင် ပါသည်။ အစ္စလမ် သာသာနာတွင် မူဆလင်အမျိုးသမီးများမှာ အစ္စလမ်သာသာနာ အထိမ်းအမှတ် ခေါင်းပေါင်း ပ၀ါဝတ်ရုံများကို ၀တ်ဆင်ကြသည်။ ၂၀၁၀ ဇန်န၀ါရီလတွင် ပြင်သစ်ပါလီမန်မှ ဤ၀တ်စုံတို့ကို ၀တ်ဆင်ခြင်းအား တားမြစ်စေသင့်ကြောင်း အစီရင်ခံစာ ထုတ်ပြန်ခဲ့ခြင်း ဖြစ်ပါသည်။ မူဆလင် အမျိုးသမီး ခေါင်းဆောင်းဝတ်စုံပြည့် ၀တ်ဆင်ခြင်းမှာ ပြင်သစ်နိုင်ငံ၏ စံတန်ဖိုး များ အပေါ်တွင် “လက်မခံ နိုင်ဖွယ်ရာ” စိန်ခေါ်နေခြင်းပင်ဖြစ်သည်ဟု ရှုမြင် သုံးသပ်ချက်ပင် ဖြစ်လေသည်။ hijab နှင့် tchador တို့ကို “ခေါင်းဆောင်းဝတ်စုံပြည့်” ဟူ၍ ခေါ်ဆိုနိုင်မည်လား ဆိုသည်မှာ မသေချာ သော်ငြားလည်း burqa နှင့် niqab တို့မှာ “ခေါင်းဆောင်းဝတ်စုံပြည့်” ပင်ဖြစ်သည်။ ၆ လတာ ကြားနာစစ်ဆေးမှုများ ပြုလုပ်ခဲ့ပြီး သည့်နောက် ဥပဒေပြုသူ ၃၂ ဦးပါဝင် သော အဖွဲ့မှ ဤတားမြစ်ချက်ကို ထောက်ခံအဆိုပြုခဲ့ကြသည်။ စာသင်ကျောင်းများ၊ ဆေးရုံ များ၊ လူထု သယ်ယူပို့ဆောင်ရေး ယာဉ်များနှင့် အစိုးရရုံးများတွင် မျက်နှာကို လွှမ်းခြုံ ထားသည့် ခေါင်းဆောင်း ၀တ်ဆင်မှုကို တားမြစ်ရန် အဆိုပြုခြင်းမှာ ပြင်သစ် နိုင်ငံတွင် မူဆလင်အမျိုးသမီး ၀တ်စုံ အပေါ်တွင် အပြင်းထန်ဆုံး ကန့်သတ်ချက်ပင်ဖြစ်တော့သည်။ (အေအက်ပီသတင်းစဉ်)

မြန်မာနိုင်ငံ၏ ပညာရေးရှုခင်းတစ်စုံလုံးကို လေ့လာကြည်မည်ဆိုလျှင်လည်း လိုလားအပ်သော စံတန်ဖိုးများ အတွက် လည်း ကောင်း၊ မတူညီသော စံတန်ဖိုးများကို သဟဇာတဖြစ်စေရန် အခွင့်အလမ်းများ နည်းပါးသည်ကို တွေ့မြင်နိုင်ပါသည်။ ဥပမာ အားဖြင့် မိခင်ဘာသာစကား၊ တိုင်းရင်းသား ဘာသာစကားတို့ကို သင်ရိုးညွှန်းတမ်းတွင် ထည့်သွင်းမထားသေးခြင်း၊ သင်ကြားခွင့် လုံးဝ မပြုခြင်း၊ ရိုးရာဓလေ့များကို ပညာရေးမှ တဆင့်ဖော်ထုတ်ခွင့် မပြုခြင်းများပင်ဖြစ်သည်။ ဤကဲ့သို့ တစ်ဖက်စောင်းနင်း ကျင့်ကြံမှု များသည် မတူညီသော စံတန်ဖိုးများကို သိမြင်ခံစားတတ်မှုစွမ်းရည်ဖွံ့ဖြိုးရန်နှင့် လူ့အဖွဲ့အစည်းအတွင်း သဟဇာတ ဖြစ်စေရန် အခက်အခဲများစွာ ရှိမည်ဖြစ်သည်။ ထို့အတူ မြန်မာ့လူ့အဖွဲ့အစည်း၏ မျှော်မှန်းချက်ဖြစ်သည့် ဒီမိုကရေစီ ယဉ်ကျေးမှု ထွန်းကားစေရန် အတွက်လည်း လေ့ကျင့် သင်ကြားပေးရန် ပျက်ကွက်နေဆဲဖြစ်သည်။ (သင်ရိုးညွှန်းတမ်း အလုပ်ရုံဆွေးနွေးပွဲ ၂၀၀၆)

စံတန်ဖိုးအများစုမှာ လူသားအားလုံးနှင့် သက်ဆိုင်မှုရှိပြီးလျှင် နာခံလိုက်နာဖွယ်ဖြစ်သော်ငြားလည်း လူအဖွဲ့အစည်း အတွင်းရှိသူ အားလုံးမှ တပြေးညီ သိမြင်နားလည်မှု၊ လိုက်နာမှုတို့ကိုကား မမျှော်လင့်နိုင်ပါချေ။ သို့ဖြစ်လေရာ စံတန်ဖိုးများ အပေါ်တွင် ပုဂ္ဂလ အတွေ့အကြုံများနှင့် လက်ရှိ အခြေအနေများ၏ လွှမ်းခြုံသက်ရောက်မှု ရှိခြင်းပင် ဖြစ်သည်။

ဘုံနည်းလမ်းများ

ဤအချက်မှာ စံတန်ဖိုးများကို လေ့ကျင့်ပျိုးထောင်ရာတွင် ကြီးမားသော စိန်ခေါ်ချက်အနေဖြင့် ရင်ဆိုင်ရသည်။ အတိတ်ကာလ များတွင် စံတန်ဖိုးများကို သီးသန့်ဘာသာရပ်အနေဖြင့် လေ့ကျင့်သင်ကြားကြပါသည်။ များမကြာသေး မီနှစ်များမှ ပညာရေးသမား များသည် ဘာသာရပ်အားလုံး ယှက်နွယ်လွှမ်းခြုံသည့် (ပေါင်းစည်း သင်ရိုး integrative) သင်ရိုးဖြင့် စံတန်ဖိုးတို့ကို သင်ကြားရန် အားထုတ်လာကြသည်။ နည်းနာ ၂ ရပ်စလုံးတွင် ဆရာ၏ မျှော်မှန်းချက်မှာ တူညီပါ၏။ အားလုံးမှ သိမြင်နားလည် ပြီးလျှင် အားလုံး၏ အကျိုးစီးပွားအတွက် ဘုံ စံတန်ဖိုးတို့ကို လိုက်နာကျင့်သုံး ကြရန်ပင်ဖြစ်လေသည်။

ဤသည်မှာလည်း ကျင့်ဝတ်နီတိနှင့် စံတန်ဖိုးပညာရေး value education နှင့် နိုင်ငံသားပညာရေး citizenship education ဆောင်ရွက်ချက်များ၊ ပုံစံများ ၏ ရေရှည်မျှော်မှန်းချက် ဖြစ်သော်ငြားလည်း တစ်ဦးတစ်ယောက်ခြင်းစီ၏ လိုအင်များကိုမူ ဖြည့်ဆည်း ပေးနိုင်ခြင်း မရှိကြောင်း လေ့လာတွေ့ရှိ ရပြန်ပါသည်။ မိမိကိုယ်တိုင် စူးစမ်းလေ့လာ ရှာဖွေခြင်း၊ သိမြင်နားလည်ခြင်းနှင့် သင်ကြားနေသည့် စံတန်ဖိုးတို့ကို ဘ၀နှင့် ဆက်စပ်ပြီး လက်ခံကျင့်သုံး လာခြင်း တို့ကို ဆိုလိုပါသည်။

ချဉ်းကပ်မှုနည်းလမ်း အသစ်

အထက်ပါ သင်ယူခြင်းအဆင့်သို့ ရောက်ရှိစေရန်အတွက် သင်ကြားနည်းလမ်းတို့ကို ရှေးဦးစွာ အသေအချာ ဆင်ခြင် သုံးသပ် သင့်သည်။ မြန်မာစာသင်ကျောင်းများတွင် အများဆုံးအသုံးပြုနေသည့် ဟောပြောပို့ချနည်းနှင့် ပုံပြင် ဇာတ်လမ်းများ ပြောပြခြင်း နည်းလမ်းတို့ဖြင့် နောက်ဆုံးပိတ် တွင် “ဒီပုံပြင်ထဲက စာရိတ္တနဲ့ပတ်သက်လို့ ဘာသင်ခန်းစာ တွေရရှိသလဲ” မေးခွန်းမျှနှင့် ထိရောက်မှု မရှိနိုင်ပါ။ အဘယ်ကြောင့်ဆိုသော် ကျောင်းသားများကိုယ်တိုင် တက်ကြွစွာ ပါဝင် လုပ်ဆောင်မှုမရှိသည့် အတွက်ပင် ဖြစ်သည်။

ကိုယ်တိုင် သိမြင် ခံစားရမှုမရှိခြင်းနှင့် နေ့စဉ်ဘ၀တွင် လက်တွေ့လိုက်နာ ကျင့်ကြံခြင်းမရှိသော စံတန်ဖိုးများသည် ကျင့်ဝတ် နီတိနှင့် စာရိတ္တကို ပုံဖော်နိုင်ရန် များစွာ အခက်အခဲရှိပါမည်။ ထို့အတူ လေ့ကျင့် ပျိုးထောင်ပေးမှုမရှိဘဲနှင့် ကလေးများသည် သူ့အလိုအလျောက် ဒီမိုကရေစီ နိုင်ငံသားများ ဖြစ်လာရန် ခဲယဉ်းပါမည်။

သင်ကြားရန်နည်းလမ်းများ

ထိရောက်အောင်မြင်နိုင်ရန်အတွက် သင်ကြားနည်းလမ်းမျိုးစုံရှိနေပါသည်။ ရိုးစင်းလွယ်ကူသော သင်နည်းများလည်း ဖြစ်ကြသည်။ အခြားသော ဘာသာရပ်များကိုသင်ကြားရာတွင်လည်း အသုံးပြုနိုင်ပါသည်။ ဤနေရာတွင် မိတ်ဆက် ပေးမည့် သင်နည်း အထွေထွေ၏ အရေးကြီးသည့် ဂုဏ်အင်္ဂါတစ်ရပ်မှာ ကျောင်းသူကျောင်းများအနေဖြင့် ကိုယ်တိုင် လက်ခံလိုက်နာကျင့်သုံးနေသည့် ခံယူချက်နှင့် စံတန်ဖိုးစနစ်တို့ကို တက်တက်ကြွကြွနှင့် အသေအချာ ခွဲခြမ်း စိတ်ဖြာ လေ့လာခြင်းပင်ဖြစ်သည်။ စံတန်ဖိုး အသစ်နှင့် အကျင့်အကြံ အသစ်တို့ကို လက်ခံကျင့်သုံးခြင်း မပြုသေးမီ လေ့လာမှု ဖြစ်သည်။

ထို့အပြင် ဤသင်နည်းများတွင် ကျောင်းသားများအနေဖြင့် အဘယ်ကြောင့် ဤသို့၊ ထိုသို့ ထင်မြင်ကြသည်၊ စဉ်းစား တွေးတောကြသည်၊ ရှင်းလင်းဆွေးနွေးရန် ကို ဆရာဆရာမများမှ ထပ်ဆင့်မေးမြန်းရပါမည်။ စာသင်ကြား ခြင်း၏ ထိရောက်အောင်မြင်မှုများ အမြင့်မားဆုံးရရှိစေရန် ကျောင်းသူကျောင်းသားတိုင်းအား သူတို့၏ ယုံကြည်ချက် များနှင့် အတွေးအမြင်သဘောထားတို့ကို တင်ပြခွင့်ပေးသင့်သည်။ အပြန်အလှန် တင်ပြ ဆွေးနွေးရာတွင်လည်း အားလုံးမှ ဂရုတစိုက် နားထောင်ပေးရန်လိုအပ်ပါသည်။

ဆန္ဒမဲပေးခြင်း

ဆရာမှ ရွေးချယ်ထားသော “အကြောင်းအရာ”၊ “ခေါင်းစဉ်”၊ “အဆိုပြုချက်” တစ်ခုခုအပေါ်တွင် သဘောတူသည်၊ သဘောမတူပါ၊ ဟူ၍ ကျောင်းသားများမှ ဆန္ဒမဲပေးခြင်းဖြင့် စတင်နိုင်သည်။
•ဥပမာအားဖြင့်-
“မိသားစုတိုင်းဟာ ကလေး ၂ ဦးသာ ယူသင့်တယ်ဆိုတဲ့ အချက်အပေါ်မှာ မင်းတို့ ဘယ်လိုထင်မြင်ကြသလဲ”၊
“ကိုယ်ပိုင်ကားတွေ ၀ယ်ယူတာကို အစိုးရအနေနဲ့ ကန့်သတ်မှုလုပ်ပြီး အများပြည်သူသုံး သယ်ယူပို့ဆောင်ရေးအတွက် ပိုမို လုပ်ဆောင်သင့်တယ်”၊
“ဒီနေ့ ကျောင်းတက်ဖို့အတွက် ဘယ်လို ၀တ်စုံဝတ်သင့်တယ်ဆိုတာ ကျောင်းသူ ကျောင်းသားများ ကိုယ်တိုင် ရွေးချယ် ၀တ်ဆင်ခွင့် ရှိသင့်ပါတယ်။”
“နစ်နာဆုံးရှုံးနေတဲ့ ကျောင်းသူကျောင်းသား အခွင့်အရေးတွေ ရရှိဖို့အတွက် တောင်းဆိုရာမှာ ကျောင်းသားတိုင်း ပါဝင်ရမှာ ဖြစ်တယ်။”
ကျောင်းသူကျောင်းသားများအနေဖြင့် မည်သို့ပင် အဖြေပေးစေကာမူ ဆရာဆရာမများမှ နောက်ဆက်တွဲ အနေဖြင့် “ဘာဖြစ်လို့ အဲဒီလို ထင်မြင်ယူဆရတာလဲ” ဟူသော မေးခွန်းကို မေးမြန်းရန် အလွန် အရေးကြီးပါသည်။

အဆင့်သတ်မှတ်ခြင်း

ဖြစ်နိုင်ချေ သုံးခု (သို့မဟုတ် ထို့ထက်ပို၍) ရွေးချယ်ထားရှိပြီးလျှင် ကျောင်းသားများမှ အရေးကြီးဆုံးကို (သို့မဟုတ်) သူတို့နှစ်သက်သလို အထက်အောက် ပြန်စီစဉ်ခြင်းဖြစ်သည်။
• ဥပမာအားဖြင့် -
“အင်မတန်ဒုက္ခရောက်ပြီး အရေးကြီးတဲ့အချိန်မှာ တွေ့ဆုံစကားပြောဖို့ လူတစ်ဦးတည်းကိုသာ ရွေးချယ်ခွင့်ရှိခဲ့ရင် ဘယ်သူ့ကို ရွေးမလဲ။ (အဖေ၊ အမေ၊ ဆရာဆရာမ၊ သူငယ်ချင်းတစ်ဦးဦး)။” ကျောင်းသားများကိုယ်တိုင် ကြိုက်နှစ် သက်သလို ရွေးချယ်ခွင့် ပေးရာတွင် အဆင့်သတ်မှတ်ထားခြင်းဖြစ်သည်။ (၁) အနှစ်သက်ဆုံး - မှစပြီး - (၄) နောက်ဆုံး ရွေးချယ်မှု - အနေဖြင့် အဆင့်သတ်မှတ် ရွေးချယ်ခြင်းကို ဆိုလိုပါသည်။ ကျောင်းသားများ၏ အဖြေ တို့ကိုလည်း ထင်ဆင့် ရှင်းလင်း ဆွေးနွေးပေးရန် ဆရာမှ ယခင်အတိုင်းမေးမြန်းခြင်း ပြုရပါအုံးမည်။

စံတန်ဖိုးပြ မျဉ်းရှည်

မတူသော ရွေးချယ်စရာများ (သို့မဟုတ်) ဆန့်ကျင်ဘက် အမြင်သဘောထားများ ၂ ခုကို မျဉ်းတန်း၏ အစွန်း ၂ ဘက် ပေါ်တွင် တင်ဆက်ခြင်း နည်းလမ်းဖြစ်သည်။ ရွေးချယ်စရာများမှ သူတို့ရပ်တည်မှု နေရာကို ရွေးချယ်ကြခြင်း ဖြစ်သည်။ ကျောင်းသားများ၏ ကိုယ်ပိုင် ခံယူချက်၊ အမြင်သဘောထားများနှင့် အနီးစပ်ဆုံး ရွေးချယ်မှု ပင်ဖြစ်သည်။ အစွန်ဆုံး (၂) နေရာအပါအ၀င် ကြားတွင်ရှိသော နေရာများအားလုံးကို ဆိုလိုသည်။

တစ်တန်းလုံး လှုပ်လှုပ်ရှားရှား၊ တက်တက်ကြွကြွ ပါဝင်လုပ်ဆောင်ရသည့် ကာယလှုပ်ရှားမှုများလည်း ပါဝင်သည်။ အတန်းရှေ့တွင် ဖြစ်စေ၊ (သင်ပုန်းပေါ်တွင်ဖြစ်စေ) မျဉ်းရှည်တစ်ကြောင်း ရေးဆွဲထားပြီးလျှင် ကျောင်းသားများမှ သူတို့ရပ်တည်ချက်နေရာတွင် လာရောက်၍ မတ်တပ်ရပ်နေရာယူကြခြင်းဖြစ်သည်။ မတူညီသော ရပ်တည်ချက် များနှင့် အမြင်သဘောထားများဖြင့် ပျော်စရာ လည်းကောင်းသော သင်ကြားနည်းလမ်းတစ်ခုဖြစ်၏။

ဥပမာအားဖြင့် - “မိဘအုပ်ထိန်းမှုမှာ ဘယ်လိုပုံစံက အကောင်းဆုံးလဲ” (ဆရာမှနေ၍ မျဉ်းရှည်၏ အစွန်းတစ်ဖက်တွင် “ဒီမိုကရေစီ နည်းကျ အုပ်ထိန်းမှု” ဟုရေးသားပြီး၊ အခြားအစွန်းတစ်ဖက်တွင်မူ “ချုပ်ချယ် ကန့်သတ်မှုများဖြင့် အုပ်ထိန်းမှု” ဟူ၍ရေးသားထားသည်။ ဆရာမှနေ၍ အစွန်း ၂ ဖက် ရပ်တည်မှုနှင့်ပတ်သက်၍ အဓိပ္ပါယ်ဖွင့်ဆို ရှင်းလင်း ပေးနိုင်သည်။ ကျောင်းသားများမှ အစွန်း (၂) ဘက်အပါဝင် မျဉ်းတန်း တစ်လျောက် နေရာအနှံ့တွင် သူတို့ ရပ်တည် ချက်အရ ရွေးချယ် ရပ်တည်ကြပြီးလျှင် မိမိဘာကြောင့် ရွေးချယ် ရပ်တည်ရသည်ကို ရှင်းလင်း ဆွေးနွေးကြရခြင်း ဖြစ်သည်။

မြန်မာပြည်တွင်း သင်ရိုးရှိ ပြည်သူ့နီတိနှင့် စာရိတ္တ ဘာသာရပ်ပါ သင်ခန်းစာ အကြောင်းအရာများနှင့် မလုံလောက် သေးပါ။ ဒီမိုကရေစီ နိုင်ငံသား ပညာရေးကို သင်ရိုးညွှန်းတမ်းများတွင် ရှောင်ရှားခဲ့ကြသည်။ ထည့်သွင်းရန် တွန့်ဆုတ် နေဆဲပင်ဖြစ်သည်။ မြန်မာ့လူ့အဖွဲ့အစည်း၏ မျှော်မှန်းချက်များနှင့် အခြားခြားသော စံတန်ဖိုးများကိုလည်း ထည့်သွင်း သင့်ကြားပေးသင့်ပါသည်။ အထူးသဖြင့် ဒီမိုကရေစီယဉ်ကျေးမှုထွန်းကားစေရန်အတွက် အတန်းတိုင်း၊ အဆင့်တိုင်း တွင် သင်ရိုးကို ပြဌာန်းရေးဆွဲခြင်း၊ နောက်ခံလွှာသင်ရိုး hidden curriculum အနေဖြင့် လက်ခံကျင့်သုံးခြင်းတို့ကို လုပ်ဆောင်ရမည်ဖြစ်ပါကြောင်း။

သိန်းနိုင်

List of universities for scholarship application

ပေးပို့ပေးတဲ့ ကို/ မ ခင်ဦးကို ကျေးဇူးတင်ပါတယ် ။

ဖိုင်ကို အောက်ကလင့်ခ်မှာ ဒေါင်းလုပ်လုပ်ပါ ။
http://www.fileden.com/files/2010/2/14/2760702//Scholarships with Excel1(2).xls

ပိုးစုန်းကြူးလေးများ (၀တ္ထုတို)

(၁)

“ကဲ- ဒါဆို ဒီနေ့တော့ ဒီလောက်ပဲ။ တနေ့စာတနေ့ မှန်မှန်ကျက်ကြနော်။ ကြွေးလည်ပင်း နစ်တယ်ဆိုတာ ကြားဖူးကြတယ်မဟုတ်လား။ အေး- ပိုက်ဆံကြွေး လည်ပင်းနစ်ရင် တခြားလူတွေက ၀င်ကူလို့ ရတယ်။ စာကြွေးလည်ပင်းနစ်ရင် ဘယ်သူမှ ၀င်ကူလို့ မရဘူးနော်။ ပညာသင်နေတုန်းမှာ စာကြွေးတွေ လည်ပင်း မနစ်စေနဲ့”

ဆော့ပင်အဖုံးကို ပိတ်ရင်း ကျောင်းသားများကို ဆုံးမ စကားပြောမိသည်။ အခြေအနေအရသာ ဆရာ၊ တပည့် ဖြစ်နေပေမယ့် သူမနဲ့ ကျောင်းသားများရဲ့ အသက်တွေက သိပ်ကွာလှတာ မဟုတ်။ ဘာပဲဖြစ်ဖြစ် ကျောင်းသားလေးတွေကို မောင်လေး၊ ညီမလေးတွေလို စိတ်ထဲမှာ သတ်မှတ်ထားမိသည်။ ဆယ်တန်းဆိုသော တောင်လေးတတောင်ကို ကျော်သွားစေချင်မိသည်။ ဒါကြောင့်လဲ ကျောင်းတွေ ပိတ်ထားချိန်မှာ သူငယ်ချင်းတွေ စုပြီး ဒီဆယ်တန်းကျူရှင်လေးကို ဖွင့်ဖြစ်သွားကြတာ ဖြစ်သည်။



“ကဲ- အားလုံးသွားလို့ ရပြီနော်။ အိမ်ကို တန်းပြန်ကြဦး”

ကလေးတွေကို အတန်းဆင်းပေးလိုက်ရင်း ခဏရပ်စောင့်နေဖြစ်သည်။ သီးသန့်စာမေးလိုသော ကလေးတွေ၊ အခက်အခဲလေးများကို ဖွင့်ဟတိုင်ပင်လိုသော ကလေးတွေက ဒီအချိန်မှာ သူမနား ရောက်လာတတ်သည် မဟုတ်လား။

သို့ပေမယ့် ဒီနေ့ရောက်လာတာက ကလေးများ မဟုတ်။ သူမရဲ့ လုပ်ဖော်ကိုင်ဖက် သူငယ်ချင်းများ ဖြစ်လေသည်။
“ဟဲ့။ ထက်ထက်။ အစုတ်ပလုတ်မ”

နှုတ်ဆက်နေကျ ထုံးစံအတိုင်း ကျော်စွာက လှမ်းနှုတ်ဆက်သည်။ ပြောင်စပ်စပ် မျက်နှာက သူမ ခပ်တည်တည်နှင့် လှည့်ကြည့်မှ ပြန်တည်သွားသည်။ ကိုယ်လဲ ဆရာတယောက်ဖြစ်နေပြီမို့ မျက်နှာကို တည်တည်တံ့တံ့ထားဖို့ သူမပြောပေါင်းလဲ များလှပြီ။ ဘယ်တော့မှ နားထောင်လေ့မရှိ။

“ကျော်စွာ။ နင်ဟာလေ။ ကလေးတွေရှေ့မှာဆို တည်တည်တံ့တံ့နေပါလို့ ဘယ်နှစ်ခါ ပြောရမလဲ”

လူတွေအားလုံး ရှင်းသွားတော့ စိတ်တိုတိုနှင့် သူမ ပြောမိသည်။

“သူတို့တွေများကွာ။ ငါနဲ့ဆို Peace ပါတယ်။ အိုကေပါပဲ”
“အေး။ နင်ကသာ အိုကေပြောတယ်။ စည်းကမ်းပိုင်းနဲ့ ပတ်သက်လာတဲ့အခါကျရင် မအိုကေပဲ နင့်ဆိုပြီးပြီးရော လုပ်နေကြလို့ ငါဝင်ကိုင်နေရတာ ဘယ်နှစ်ခါ ရှိပြီလဲ။ မရဘူးဟ။ လူတွေမှာ သူ့စည်း၊ ကိုယ့်စည်း ဆိုတာ ရှိရတယ်။ အရောတ၀င်နေတာနဲ့ ရင်းရင်းနှီးနှီးနေတယ် ဆိုတာကနေ ထွက်လာတဲ့ ရလာဒ်တွေက တခြားစီပဲ။ ငါဒီလိုပြောလို့ ငါက ဆရာဆိုပြီး ကျောင်းသားတွေကို မလေးမစား ဆက်ဆံတာကို ပြောနေတာ မဟုတ်ဘူးနော်။ ငါတို့ ဆရာတွေဘက်ကလဲ သူတို့ကို လေးလေးစားစားနဲ့ ဆက်ဆံမယ်၊ ရင်းရင်းနှီးနှီး ရှိရမယ်။ ဒါပေမယ့် ဆရာ့စည်း၊ တပည့်စည်းဆိုတာတော့ ထားဖို့ ပြောနေတာ။ ငါပြောတာ နင်မယုံရင် အဲဒီထဲက ကျောင်းသားကြီး သုံးယောက်လောက်ကို အပြင်ခေါ်ထုတ်ပြီး ဘီယာတူတူ သွားသောက်ကြည့်လိုက်ပါလား။ ပေါက်ကရလေးဆယ်တွေ သွားပြောကြည့်ပါလား။ သိပ်မကြာဘူး။ တပတ်ပဲ။ ဒီစာသင်ခန်းကို နင်ထိန်းလို့ ရတော့မယ် မထင်နဲ့”

“အေးပါ ထက်ထက်ရယ်။ နင့်စကားကို ငါနားထောင်ပါ့မယ်။ ငါက ပျော်ပျော်နေတတ်လို့ပါဟ”
“နင့်သဘာဝကို ငါနားလည်ပါတယ်ဟာ။ ငါလဲ လောကကြီးထဲမှာ ဟန်ဆောင်နေရတာတွေကို မုန်းတဲ့လူပါပဲ။ ဒါပေမယ့် လူတွေဆိုတာက လုပ်နေတဲ့ အလုပ်အကိုင်နဲ့ ကိုက်ညီတဲ့ သွင်ပြင်လက္ခဏာကို မျှော်လင့်တတ်ကြတယ်။ လူ့အဖွဲ့အစည်းရဲ့ ပြင်ပမှာ သီးခြား မနေနိုင်သေး သရွေ့၊ ဒါမှ မဟုတ်ရင်လဲ ပြောင်းလဲပစ်ဖို့ မလုပ်နိုင်သေးသရွေ့ကတော့ လူထုလူတန်းစားတွေထဲမှာ သတ်မှတ်ထားတဲ့ စာရိတ္တရေချိန်နဲ့ လူမှုရေး ရေချိန်တွေကို စောင့်ထိန်းမှု တစုံတရာလေး ရှိဖို့ လိုအပ်တယ်။ မြေကြီး ဆန်သင့်တဲ့ နေရာမှာ မြေကြီးဆန်ဖို့လိုသလို၊ ကောင်းကင်ဆန်သင့်တဲ့နေရာမှာလဲ ကောင်းကင်ဆန်ဖို့ လိုလိမ့်မယ်။ အဲဒီလို မဟုတ်ရင် တခြားလူတွေအသာထားလို့ ကိုယ့်သားသမီးအရင်းကတောင် ကိုယ့်ကို မလေးမစား လုပ်မှာပဲ”

ကျော်စွာက မျက်နှာငယ်လေးနှင့် သူမကို ကြည့်သည်။ ပြောမယ့်သာပြောရပေမယ့် သူငယ်ချင်းတွေအားလုံးထဲမှာ သူက သဘောအကောင်းဆုံး။ အနွံအတာ အခံနိုင်ဆုံး။ သဘောကောင်းတယ် ဆိုပြီး သူများတွေက ဂုပ်ခွစီးသွားမှာ စိုးလို့သာ သတိပေးနေရခြင်းဖြစ်သည်လေ။

“ကဲ-ကဲ။ ဟိုနှစ်ယောက် တော်ကြတော့။ မိထက်မ။ ပစ္စည်းသိမ်း။ မုန့်သွားစားမလို့ လာခေါ်တာ။ ငါတို့တံခါးတွေ ပိတ်ပေးမယ်”

နန်းက ပြောရင်းဆိုရင်းနှင့် ကျူရှင်တံခါးများကို လိုက်ပိတ်ပေးသည်။

“ဟဲ့။ နေဦး။ ညာဘက်ထောင့်က နောက်ဆုံးခုံနားမှာ နေကြာစေ့ခွံတွေ ရှိလိမ့်မယ်။ မို့မို့တို့တွေ၊ ငါစာသင်နေတုန်း ခိုးစားနေကြတာ။ သွားသိမ်းလိုက်ကြဦး”
“ဟဲ့။ နင်က ဘယ်လိုလုပ်သိတာလဲ”

“သိတာပေါ့ဟ။ ငါက အပေါ်စီးက ကြည့်နေတဲ့သူပဲ။ မျက်လုံးဝေ့ကြည့်လိုက်ရင် သိသာနေတာပဲ ဥစ္စာ။ နောက်ပြီး ခိုးကြောင်ခိုးဝှက် လုပ်တတ်တဲ့ လူတွေရဲ့ မျက်နှာက သိသာတယ်ဟဲ့။ ကလေးတွေဆိုတော့ ပိုဆိုးတာပေါ့။ ဒီကောင်မလေးတွေကို ငါကြည့်နေတာ နှစ်ရက်ရှိပြီ။ အတန်းထဲမှာ ဆူဆူပူပူ မလုပ်ချင်လို့။ နက်ဖြန်အတန်းပြီးရင်တော့ ခေါ်ပြောမှရတော့မယ်”

“နင်ဟာလေ။ တချို့ကိစ္စတွေကျရင်လဲ မသိချင်ယောင် ဆောင်နေလိုက်ပါဟာ။ ၀င်ပြောနေရင် လူမုန်းများလိမ့်မယ်”

“မုန်းတော့လဲ ဘာဖြစ်လဲဟာ။ ငါပြောတာတွေက ငါ့အတွက်မှ မဟုတ်တာ။ စေတနာနဲ့ ပြောတာပဲ။ ယူတတ်တဲ့လူ ယူပေါ့။ အေး- မယူလို့လဲ ငါက လိုက်ခံစားနေမှာတော့ မဟုတ်ဘူး။ ပြောဖို့ လိုအပ်လို့ ငါပြောတယ်။ ဒါဆို ငါ့တာဝန်ကျေပြီ”

“ကဲကဲ။ တော်ကြတော့။ မြန်မြန်လုပ်ကြဟာ။ ငါဗိုက်ဆာလှပြီ။ နင်စာသင်နေသံ ကြားကတည်းက ငါက ဗိုက်ဆာနေတာ”

သင်းသင်းက ၀င်ပြောသည်။ ပြောပြီး စိတ်ကောက်သည့် လက္ခဏာအဖြစ် ပါးလေးကလဲ ဖောင်းထားလိုက်သေးသည်။ အစားအင်မတန် ကြိုက်လှသော သင်းသင်းကို သူ သင်နေသည့် ဓာတုဗေဒ ဘာသာထဲမှ အက်ဆစ်များကိုရော သောက်ချင်စိတ် မရှိဘူးလားလို့ သူမတို့ ၀ိုင်း နောက်နေကျ။

“ဟဲ့။ ငါစာသင်နေတဲ့အသံကြားပြီး နင်က ဗိုက်ဆာလာတယ်ဆိုတော့ ငါကဘာပြောနေလို့တုန်း”
“နင်က အပင်တွေအကြောင်း သင်နေတာကိုး”
“ဟောတော့”

သူမ ဒါပဲ ပြောလိုက်နိုင်တော့သည်။ သို့ပေမယ့် ကျော်စွာနဲ့ အောင်နိုင်တို့ကတော့ သူတို့ ခေါ်နေကျအတိုင်း ထအော်လိုက်ကြပါသည်။
“အစားပုပ်မ၊ ငတ်ကြီးကျ”

(၂)

“ဒီကိစ္စကို လုံးဝ မကျေနပ်ဘူးဟာ။ ငါသွားရှင်းမယ်”
အောင်နိုင်က ရှူးရှူးရှားရှားနှင့် ပြောသည်။
“ဟဲ့။ နေဦး အောင်နိုင်ရဲ့။ ဒီကိစ္စမျိုးဆိုတာ ဒီလို ရှင်းလို့ ရတာ မဟုတ်ဘူး”

ကားသော့ကောက်ဆွဲသော အောင်နိုင့် ရှပ်အကျီင်္ကို လှမ်းဆွဲရင်း တားရသည်။ ဒီပြဿနာကို စကြားရတော့ အောင်နိုင်တင် မဟုတ်။ သူမတို့အားလုံး စိတ်တိုသွားကြတာတော့ အမှန်ဖြစ်သည်။ သို့ပေမယ့် ပြဿနာဆိုတာက သွေးပူတုန်း ရှင်းလျှင် ပိုပြီး ကြီးထွားလာတတ်တာမို့ ပြန်ထိန်းနေရခြင်းဖြစ်သည်။

ဖြစ်သည့် ပြဿနာကလဲ နည်းနည်းနောနော မဟုတ်။ မြို့မှ နာမည်ကြီး ကျူရှင်ဆရာများ ပေါင်းထားသည့် ကျူရှင်ကြီးတခုမှ ဆရာများက သူမတို့ ကျူရှင်လေးကို တိုက်ခိုက်ပြောဆိုလာကြတာ ဖြစ်သည်။

“မလောက်လေး၊ မလောက်စားတွေကများ ငါတို့ကို ပခုံးချင်း လာယှဉ်တယ်”
“ခုမှ ဆယ်တန်း အောင်ကြရုံရှိသေး။ ဂုဏ်ထူးလေးတွေ ပါတာနဲ့ပဲ သူတို့ဟာသူတို့ သိပ်ထင်နေကြတာ”
“တို့က ဒီလောကထဲမှာ အတွေ့အကြုံတွေအများကြီးရယ်။ တို့ကို လာယှဉ်ရင် ကွဲသွားမှာပေါ့”

အသံများက တစတစ ပျံ့နှံ့ပြီး သူမတို့ဆီ ပြန်ရောက်လာသည်။ သူမတို့ဆီမှာ ဘာသာရပ်အချို့ လာတက်ပြီး၊ သူတို့ဆီမှာ တခြားဘာသာရပ်တက်ရသော ကျောင်းသားများလဲ ကြားညပ်နေကြသည်။ ကြားကနေ ဘာလုပ်ရမှန်း မသိ။ ငယ်နိုင်ကျောင်းသား အချို့ကို သူမတို့ဆီ မသွားကြဖို့ ဗြောင်ဖွင့်ပြောပြီး တားနေကြတာတွေတောင် ရှိလာသည်။

“တကတည်းဟာ။ လူကြီးတွေဖြစ်ပြီး အဲလိုစိတ်ဓာတ်မျိုးတွေ ရှိတယ်တဲ့”

သင်းသင်းက စိတ်ပျက်သော မျက်နှာဖြင့် ၀င်ပြောသည်။ အစားအင်မတန်ပုပ်သော သင်းသင်းတယောက် ရှေ့မှ ကြက်ဆီ ထမင်း ပန်းကန်ကိုပင် မေ့နေပုံ ပေါ်သည်။

“တကယ်ဆို သူတို့က ငါတို့ထက် အသက်နှစ်ဆလောက်ကြီးနေတဲ့ ဆရာကြီးတွေဟာ။ ငါတို့ကို လက်ကမ်းကြိုပြီး လိုအပ်တာတွေတောင် ဖြည့်ဆည်းပေးရဦးမှာ”

“အေးလေ။ ဒီမြို့မှာ သူတို့ပဲ သင်မယ်ဆိုပြီး လုပ်နေလို့ ရမလား။ သူတို့ အသက်တွေက ကြီးနေပြီ။ သူတို့သေတော့ ဘယ်သူတွေက ဆက်သင်ကြမှာတုန်း။ အဲလိုဖြစ်ရင် မြို့က ကလေးတွေပဲ နစ်နာမှာမဟုတ်ဘူးလား။ ကျောင်းတွေမှာက စာကောင်းကောင်းသင်ကြတော့တာမှ မဟုတ်တာ။ ကျူရှင်တွေရှိနေလို့ ဒီမြို့က ကလေးတွေ အောင်ချက်ကောင်းနေတဲ့ဟာကိုး”

“ဟဲ့။ မြို့ကောင်းစားရေးတွေ ဘာတွေ ပြောမနေနဲ့။ သူတို့တွေဆီမှာ ငါလုပ်မှ၊ ငါပြောမှ ဆိုတဲ့ စိတ်တွေ ၀င်နေကြမှတော့ မြို့ကောင်းစားရေးတွေ၊ မြို့အနာဂတ်တွေ ဘယ်တွေးနိုင်ကြတော့မှာလဲ။ ဒါကြောင့်လဲ ငါတို့ လူငယ်တွေက တတ်နိုင်တာလေးတွေ လုပ်နေတာကိုး ဒီလိုပြောနေကြတာပေါ့”

“သူတို့က ငါတို့ဘာတွေလဲ ဆိုတာကို ထည့်တွေးဖို့ မေ့နေတာလဲဖြစ်မှာပေါ့။ ငါတို့က ဒီအလုပ်ကို တသက်လုံး လုပ်မယ့်လူတွေလဲ မဟုတ်ဘူး။ မလုပ်ရင်လဲ အနေသာကြီး။ သူတို့သာ ဒါနဲ့ နာမည်ကြီးပြီးသားမို့ ဒါနဲ့ ဆက်ရပ်တည်နေကြရမှာ။ ငါတို့က ဒါတွေမလုပ်ပဲ၊ ဒီလောကနဲ့ မပတ်သက်ပဲနဲ့လဲ ငါတို့ဘ၀ကို တည်ဆောက်နေနိုင်တာပဲ။ တော်ပြီဟာ။ နင်တို့ခေါ်လို့ ငါက ကန့်လန့်ကန့်လန့် ပါလာရတာ။ သူတို့ တနှစ်လောက် အာပေါက်မတတ် ပြောပြီး ရှာရတဲ့ ပိုက်ဆံ သိန်းသုံးဆယ်၊ လေးဆယ်ဆိုတာ ငါ တနေ့တည်း စိန်တလုံး ၀ယ်ရောင်း ဖြစ်သွားသလောက်ပဲရှိတယ်။ ဘာအကျိုးမှ မရှိပဲ သူတို့ ဟိုပြော၊ ဒီပြောတာ ခံဖို့ အချိန်ကုန်၊ လူပမ်း အဖြစ်မခံနိုင်ဘူး”

“အေးဟာ။ အချိန်ကုန်တယ်။ လုပ်မနေကြနဲ့တော့။ ငါတို့က အနာဂတ်တွေ အများကြီး ကျန်သေးတယ်။ ပညာသင်ယူကြရဦးမှာ။ ဘ၀တွေ တည်ဆောက်ကြရဦးမှာ။ ဒီကြားထဲကမှ ရတဲ့ အချိန်လေးတွေ ဖဲ့ပြီး လုပ်သင့်တာလေးတွေ လုပ်နေကြတာ။ တကယ်ဆို စိတ်ထားတွေသာ မှန်ရင် သူတို့ကတောင် ၀မ်းသာကြရဦးမှာ။ သူတို့က ကျောင်းသားတထောင်ကို စာသင်ပေးနေနိုင်တဲ့ အချိန်မှာ ငါတို့က နှစ်ရာလောက်ကို သင်ပေးနိုင်တယ်ဆိုရင် ပေါင်းလိုက်တော့ ထောင့်နှစ်ရာ မဖြစ်သွားဘူးလား”

“ဟဲ့။ ငါဘယ်နှစ်ခါ ပြောရမလဲ။ သူတို့ဆီမှာက အဲလို တွေးနိုင်တဲ့ ဦးနှောက်တွေ မရှိတော့လို့ပဲ ဒီလိုတွေ ဖြစ်လာတာပေါ့။ “ငါတို့ပဲသိတယ်၊ ငါတို့ပဲတတ်တယ်၊ ငါတို့ပဲ အတွေ့အကြုံရှိတယ်၊ ငါတို့လုပ်တာမျိုး လာမလုပ်နဲ့၊ ငါတို့ကို လာမကျော်နဲ့။ ငါတို့နဲ့ လာမယှဉ်နဲ့” ဆိုတဲ့ အတ္တစိတ်တွေ ကြီးစိုးနေတာကိုး။ ကောင်းတဲ့ အလုပ်တခုကို လုပ်တဲ့ လူတွေများလာလေလေ လူတွေအတွက် အကျိုးကျေးဇူး ပိုများလေလေ ဆိုတာကို ဘယ်ထည့်တွက်ကြတော့မှာလဲ”

“တောက်။ ငါက အပြိုင်အဆိုင်တွေ သိပ်များပြီး၊ ခုတ်မယ်၊ ထစ်မယ်၊ ပါးပါးလှီးတဲ့ လောကလို့ လူတွေ ပြောနေကြတဲ့ ကျောက်လောက၊ ကားလောကတွေမှာ ကျင်လည်နေတဲ့ ကောင်ပါကွာ။ ငါတို့ လောကမှာလဲ ဒီလိုလူစားတွေ အများကြီး တွေ့ဖူးတာပဲ။ ဒါပေမယ့်ကွာ၊ ကျောင်းသားတွေရဲ့ ပညာရေးအတွက်၊ ကြီးကြီးကျယ်ကျယ် ဆိုရရင်ကွာ၊ လူတွေရဲ့ အနာဂတ်တွေအတွက် လုပ်ပေးနေ ပါတယ် ဆိုတဲ့ လူတွေရဲ့ စိတ်ဓာတ်တွေ ဒီလောက်အောက်တန်းကျနေတာကို ငါက အံ့သြတာ”

“ဟေ့ကောင်။ ဘာမှ အံ့သြမနေနဲ့။ မပတ်သက်နဲ့တော့ကွာ။ ပြီးတာပဲ။ ဒီလောကထဲမှာ မနေနဲ့တော့။ မိထက်။ ကျူရှင်ပိတ်လိုက်ကြရအောင်ဟာ။ နင်လုပ်ချင်တယ်ဆိုလို့သာ ငါတို့က ၀ိုင်းလုပ်ပေးနေတာ။ ဒီလို ဗိုလ်ကျစိုးမိုးရေး ၀ါဒကြီးစိုးနေတဲ့ လောကနဲ့ ငါတို့နဲ့ ဖြစ်မှာ မဟုတ်ဘူး။ အလကားပဲ။ အချိန်ကုန်တယ်”

တယောက်တပေါက် ဒေါသစွက်နေသော အသံများက စားသောက်ဆိုင်လေးထဲမှ သီးသန့်ခန်းလေးမှာ ကျယ်လောင်ပျံ့နှံ့နေခဲ့လေသည်။

(၃)

“နေကြပါဦးဟယ်။ အဲလိုတယောက်တပေါက် ပြောနေကြတာထက် ပြဿနာကို ဘယ်လိုရှင်းကြမလဲ ဆိုတာကို အရင်တွေးကြရအောင်ပါ။ ခဏလေး စိတ်လျှော့ပြီး ထမင်းအရင်စားကြစို့ဟာ။ ကြက်ဆီထမင်းတွေ အေးကုန်ပြီ။ ဟဲ့။ မိသင်း။ ငါလေ။ နင်နဲ့ ပေါင်းလာတာ ငယ်ငယ်လေးကတည်းက။ အစားအရင်မစားပဲ စကားအရင်ပြောတာ ဒီတခါပဲ တွေ့ဖူးသေးတယ်။ ဟီးဟီး”

သူမက ရယ်ကျဲကျဲနှင့် ပြောတော့ မိသင်းက မပြုံးချင်ပဲ ပြုံးလေသည်။
“မိထက်။ အစုပ်ပလုပ်မ။ ငါတို့ ဒီလောက် ဒေါသထွက်နေတာကိုး။ နင့်မျက်နှာက ဘာလို့ ပြုံးစိစိ ဖြစ်နေရတာလဲ။ ဒီကျူရှင်ကို နင်က ခေါင်းခံဖွင့်ထားတာ။ နင့်ကို ပြောနေကြတာတွေ နင်မကြားဘူးလား”

စပ်ဖြီးဖြီး ကျော်စွာမျက်နှာကလဲ ဒီတခါတော့ အတော်တည်နေလေသည်။
“ကြားသားပဲ။ ဘာဖြစ်တုန်းဟ။ သူတို့မှာ ပါးစပ်ရှိလို့ ပြောနိုင်တာပဲလေ။ တကယ်ဆို သူတို့မှာ ပါးစပ်ရှိနေတာကိုပဲ ငါတို့က ၀မ်းသာပေးရဦးမှာ”
“ဟဲ့။ နင်ရူးနေလား”

“မရူးပါဘူးဟဲ့။ တကယ်ပြောတာပါ။ သူတို့ဆီမှာ ပါးစပ်ပါတော့ စာသင်နိုင်တယ်ဟာ။ စာသင်နိုင်တော့ သူတို့နဲ့ ဆက်စပ်တဲ့ တပည့်တွေ အကျိုးကျေးဇူးရှိတာပေါ့။ ခုကိစ္စမှာလဲ ငါ့ဘက်က သူတို့ကို နားလည်တယ်။ ဘာကြောင့် သူတို့ ဒီလို ဖြစ်နေလဲ ဆိုတာကိုး”

“နင် ဘာတွေ ပြောနေတာလဲ”
သင်းသင်းက မျက်လုံးကြီးပြူးရင်း ၀င်ပြောသည်။

“ငါဆယ်တန်း ဖြေပြီးစတုန်းက ငါ့အစ်မက ဈေးကွက်စီးပွားရေးပညာ၊ လူအစုအဖွဲ့ စိတ်ပညာနဲ့ ဘောဂဗေဒ ပညာတွေကို ဆရာခေါ်ပြီး သင်ပေးခဲ့တယ်ဟ။ အဲဒါတွေ လေ့လာရင်းနဲ့ ဈေးကွက်ရဲ့ သဘောတရားတွေနဲ့ ဈေးကွက်ထဲမှာ ကျင်လည်နေကြသူတွေရဲ့ စိတ်နေစိတ်ထားတွေကို ဆက်စပ်တွေးမိလာတယ်။ ဈေးကွက်ကို ထိန်းချုပ်နိုင်ဖို့ အုပ်စုဖွဲ့ယှဉ်ပြိုင်မှုတွေကို လေ့လာဖြစ်ခဲ့တယ်။ ခုလဲ ဒီလိုပါပဲဟာ။ ကျူရှင်လောက ဆိုတော့ အလွတ်သင်ပညာရေး ဈေးကွက်လို့ ပြောရမှာပေါ့။ ဒီလောကထဲမှာ တဦးချင်းစီ ၀င်ပြီး ပါဝင်နေကြရင်း နာမည်တွေကြီးလာတယ်။ ဒီတော့ နာမည်ကြီးလာသူတွေရဲ့ သဘောသဘာဝအတိုင်း ငါဆိုတဲ့ အတ္တတွေ ကိုင်စွဲမိကြတယ်။ ဒီဘာသာရပ်ကို ငါကမှ မသင်ရင် တခြားသူတွေ တတ်တော့မှာ မဟုတ်ဘူး။ ငါမှ ငါဆိုတဲ့ စိတ်တွေဖြစ်လာတယ်။ ပိုပြီး ဆိုးလာတာကတော့ ဒီလိုစိတ်အခြေခံ ရှိသူတွေအားလုံး အုပ်စုဖွဲ့လိုက်နိုင်မှုပဲ။ ဒီတော့ တကယ့် အင်အားကြီး အုပ်စုဖြစ်လာတယ်။ ဒီအုပ်စုထဲမှာလဲ သူတို့အချင်းချင်း အားပြိုင်ကြတာပဲဟ”
“အေး။ အဲဒါတော့ ငါသိတယ်။ ငါ့ညီတ၀မ်းကွဲက အဲဒီမှာ တက်ဖူးတယ်။ သူတို့အချင်းချင်းလဲ ပြိုင်နေကြတာပဲ”

“သူတို့အချင်းချင်းလဲ ပြိုင်နေကြသလို တခြားသူတွေက သူတို့နဲ့ ယှဉ်ပြိုင်လာမှာကိုလဲ အမြဲ သတိနဲ့ စောင့်ကြည့်နေကြတယ်။ သူတို့က ဒီဈေးကွက်တခုလုံးကို ချုပ်ကိုင်ထားချင်တာကိုးနော်”

“ရမလားဟ။ အဲလိုလုပ်လို့”
“မရဘူးလေ။ မရလို့လဲ ငါတို့ကျူရှင်ဖွင့်တော့ ကျောင်းသားသစ်တွေ ရောက်လာကြတာပေါ့။ သူတို့ သတ်မှတ်ထားတဲ့ ဈေးနှုန်းနဲ့ သူတို့ကျူရှင်တွေကို မတက်နိုင်သူတွေလဲ အများကြီးပဲ ရှိနေတာပဲကိုး။ ငါတို့တွေက ကျူရှင်လခတွေ ဈေးသက်သက်သာသာနဲ့ ဖွင့်လိုက်တယ်ဟာ။ မတတ်နိုင်သူတွေဆို အလကားတောင် သင်ပေးကြတယ် မဟုတ်လား”

“အေးလေ။ တကယ်ဆို သူတို့ မလုပ်ပေးနိုင်တာတွေကို ငါတို့က လုပ်နေတာကို အမြင်ကျယ်ကျယ်နဲ့ ၀မ်းသာပေးရဦးမှာပဲကိုး”

“သီးခြားကုလားထိုင်တွေပေါ် ထိုင်နေသူတွေရဲ့ စိတ်ဆိုတာက အဲလိုမဟုတ်ဘူးဟ။ သူတို့ ကုလားထိုင်နား ရောက်လာရင် တခြားကိစ္စတွေထက် ကုလားထိုင်နေရာ ဖယ်ပေးရမှာကို အရင်ကြိုတွေးလေ့ ရှိကြတယ်။ ငါ့ကုလားထိုင်ကိုများ လာလုလေမလားပေါ့နော်။ ခုကိစ္စမှာလဲ အဲလိုပဲ။ ဈေးကွက်ထဲက သူတို့ဝန်ဆောင်မှု မပေးနိုင်တဲ့ လူတွေကို ငါတို့က ၀င်ပေးနေပါလား ဆိုတာကို အရင်မစဉ်းစားကြပဲ သူတို့တော့ ငါတို့ လုပ်သလိုတွေ လုပ်နေပြီ။ ကြာရင် ငါတို့လူတွေ သူတို့ဆီရောက်သွားရင် ဒုက္ခပါပဲ။ ငါတို့ နေရာပျောက်တော့မယ် ဆိုတာတွေကို တွေးကုန်ကြတာ။ ဒါကြောင့်လဲ သူတို့သားသမီးအရွယ်လောက် ရှိနေတဲ့ ငါတို့လူငယ်တွေကို မကြိုဆိုကြတော့ပဲ အရင် ကြိုကန်ထားဖို့ စဉ်းစားကြတာ”

“အေးလေ။ ဒါကို ပြောနေတာ။ ငါတို့က ငြိမ်ခံနေကြရမှာလား။ မဆီမဆိုင် ကိုယ့်ထမင်းကိုယ်စားပြီးတော့ အမြင်မကျယ်တဲ့လူတွေ များနေတဲ့ ဒီလောကကြီးထဲမှာ နေကြဖို့ လိုအပ်သလား”

“ဒီလိုလောကကြီးထဲမှာ နေဖို့ လိုအပ်သလား၊ မလိုအပ်ဘူးသလားဆိုတာကတော့ ဒီလောကထဲကို ငါတို့ဘာကြောင့် ၀င်လာခဲ့သလဲ ဆိုတာနဲ့ပဲ ပတ်သက်မယ်ထင်တယ်။ ငါတို့အားလုံးက တက္ကသိုလ် ကျောင်းသူကျောင်းသားတွေဟာ။ ကျောင်းတွေ ပိတ်ထားဆဲ ကာလတွေမှာ ကိုယ်ပိုင်ဝင်ငွေတွေ ရှာရင်းနဲ့ ကိုယ့်ဘာသာကိုယ်လဲ ရပ်တည်နေနိုင်တဲ့ လူတွေ။ ငါတို့ရဲ့ အသက်အရွယ်၊ ငါတို့ရဲ့ ပညာရေး၊ ငါတို့ရဲ့ အနာဂတ်တွေအတွက် ငါတို့ကိုယ် ငါတို့ တည်ဆောက်ဖို့ အများကြီး လိုသေးတယ်။ ဒီအတွက် အချိန်တွေဟာ စက္ကန့်နဲ့ မလပ် ငါတို့တွေအတွက် အရေး ကြီးနေတယ်။ အချိန်တိုင်းဟာ ငွေ မဟုတ်ရင် ပညာတွေ ချည်းပဲ။ အဲဒီလို အဖိုးတန် အချိန်တွေကို ငါတို့ ဒီလောကအတွက် ဖဲ့ပေးဖို့ ကြိုးစားကြတယ်။ လိုအပ်ချက်တွေ ရှိနေတဲ့ ထောင့်တနေရာကနေ ပါဝင်ပြီး၊ ကွက်လပ်လေးတွေကို ဖြည့်ပေးဖို့ ကြိုးစားကြတယ်။ ငါတို့ ရည်ရွယ်ချက်က ကွက်လပ်လေးတွေကို ဖြည့်ဖို့လေ၊ သူတို့ထင်သလို သူတို့ ကုလားထိုင်ကြီးတွေကို ၀င်လုဖို့မှ မဟုတ်တာပဲ။ အချိန်တန်ရင် ငါတို့လမ်းကို ငါတို့ ဆက်လျှောက်ကြမှာ။ ဒီတော့ သူတို့ ပြောချင်တာတွေ ပြောနေတာကို ဘာဂရုစိုက်စရာလိုလဲ။ ငါတို့ ဖြည့်နိုင်တဲ့ ကွက်လပ်လေးတွေကို ဖြည့်ပေးနိုင်ဖို့အတွက် သူတို့ရဲ့ ခွင့်ပြုချက်လဲ မလိုဘူး။ ထောက်ခံမှုလဲ မလိုသလို ကန့်ကွက်မှုလဲ မလိုအပ်ဘူးလေ။ ဒီတော့ ထောက်ခံတယ်ပြောပြော၊ ကန့်ကွက်တယ်ပြောပြော၊ ငါတို့ လုပ်စရာရှိတာကို ဆက်လုပ်ကြရမှာပဲ”

“သူတို့က ငါတို့ကျူရှင်ကို လာမတက်ကြဖို့ လိုက်ပြောနေတဲ့ကိစ္စကိုး”
“အဲဒီလို ပြောနေရုံနဲ့ ကျောင်းသားတွေအားလုံး ထွက်သွားမယ်လို့ နင်ထင်လို့လား။ ငါတော့ မထင်ဘူး။ ငါ့ကျောင်းသားလေးတွေထဲမှာ သူတို့ လခကို မတတ်နိုင်သူတွေက အများကြီးရယ်။ သူတို့က အားလုံးကို အလကား ခေါ်သင်ပေးလိုက်ရင်တော့ တမျိုးပေါ့ဟာ။ ဒါပေမယ့် သူတို့ ဒီလို လုပ်နိုင်မှာ မဟုတ်ဘူးဆိုတာ ငါသိနေတယ်။ ငါတို့ အလုပ်က သူတို့နဲ့ ပြိုင်ဖို့ မဟုတ်ဘူးနော်။ ကွက်လပ်ဖြည့်ဖို့။ ငါတို့ ဖြည့်ဖို့ လိုတဲ့ ကွက်လပ်လေးတွေကို ဖြည့်နိုင်သွားရင် ငါတို့ အောင်မြင်တာပဲ”

“ခုကိစ္စက ငါတို့က ပြိုင်တာမှ မဟုတ်ပဲ။ သူတို့ကသာ မလောက်လေး မလောက်စားတွေက လာယှဉ်တယ်လို့ လိုက်ပြောနေကြတာ”

“လူတွေအားလုံးဟာ အတ္တရဲ့ ကျေးကျွန်တွေပါပဲဟာ။ သူတို့က ငါဆိုတဲ့ အတ္တကြီးတွေကနေ စတွက်ကြတာကိုး။ ကိုယ့်ဟာကိုယ် ကြီးမြတ်နေပါလားလို့ ထင်နေတော့ အဲလိုပဲ ပြောမှာပေါ့။ ငါတို့ကသာ သူတို့ကို ပြောနေတယ်။ ငါတို့လဲ အတ္တတွေ ရှိကြတာပဲလေ။ သူတို့က အဲလိုပြောလာတော့ ငါတို့ကလဲ “သူဘာလဲ၊ ငါဘာလဲ” ဆိုပြီး စတွေးမိကြတော့တာပဲ မဟုတ်ဘူးလား။ အဲဒီ ”ငါဘာလဲ၊ သူဘာလဲ” ဆိုတဲ့ အတ္တတွေကြောင့် စစ်တွေဖြစ်ကြ၊ တိုက်ကြခိုက်ကြတွေ ကမ္ဘာမှာ ဖြစ်နေတာပေါ့။ မြေစာပင် ဖြစ်နေကြရသူတွေလဲ မနည်းတော့ဘူး။ ခုသူတို့က သူတို့ရဲ့ အတ္တတွေနဲ့ ငါတို့ကို ရန်ဘက်လို သဘောထားပြောနေကြပြီ။ ဒါကို ငါတို့က ”ငါဘာလဲ၊ သူဘာလဲ” အတ္တတွေနဲ့ တုန့်ပြန်ပြီး ဘေးထွက်နေလိုက်ကြရင် ဘယ်သူတွေ မြေစာပင်ဖြစ်မလဲ။ ငါတို့ ကျောင်းသားလေးတွေ ဖြစ်ကုန်မှာ။ ဒါကြောင့် ငါနင်တို့ကို တောင်းပန်တယ်။ စာသင်နှစ်ကုန်အောင်တော့ ပြီးအောင် သင်ပေးကြပါဟာ”

သူမစကားဆုံးတော့ အားလုံးငြိမ်သက်သွားကြသည်။ အတန်ကြာငြိမ်နေပြီးမှ ကျော်စွာက စကားစသည်။
“ပြောသာ ပြောနေရတာပါ။ ငါလဲ ကလေးတွေကို သံယောဇဉ် တွယ်နေပြီဟ။ ကလေးတွေက ငါတို့ကို မျှော်လင့်ထားကြတာ။ ငါတို့ဘက်က တပိုင်းတစနဲ့ ပိတ်လိုက်ရင် ကလေးတွေ သနားပါတယ်”

ကျော်စွာ့စကားကြောင့် သူမ၀မ်းသာသွားသည်။ စိတ်ထဲ ပေါ်လာသည့် ဥပမာလေးကို ပြောပြလိုက်မိသည်။

“လမင်းကြီးရှိနေလို့ ဆိုပြီးတော့ ပိုးစုန်းကြူးလေးတွေက သူတို့ အလင်းရောင်လေးတွေကို မသိမ်းထားကြပါဘူးဟာ။ လသာညတွေမှာ ပိုးစုန်းကြူးလေးတွေရဲ့ အလင်းရောင်လေးတွေက အကျိုးကျေးဇူး ရှိချင်မှ ရှိမှာပေါ့လေ။ ဒါပေမယ့် လမိုက်ညတွေမှာတော့ သူတို့အလင်းရောင်လေးတွေက အကျိုးကျေးဇူး တစုံတရာ ရှိချင်လဲ ရှိလာမှာပေါ့။ ငါတို့တွေလဲ ပိုးစုန်းကြူးလေးတွေလိုပဲ ကိုယ့်ဟာကိုယ် သဘောထားပြီး၊ လုပ်စရာရှိတာ ဆက်လုပ်ကြရအောင်နော်”

သူမစကားအဆုံးမှာ သူငယ်ချင်းများက ခေါင်းညိတ်ပြကြသည်။ အမြန်စားသောက်ပြီး ကားကိုယ်စီဖြင့် အသီးသီး ထွက်လာခဲ့ကြသည်။ တွေးရင်း၊ ငေးရင်း၊ ဘေးစကားများ နားထောင်ရင်း အချိန်ကုန်နေကြလို့ မရ။ ပိုးစုန်းကြူးများပီပီ ကိုယ်ပေးနိုင်သည့် အလင်းရောင်လေးတွေ ပေးနိုင်ဖို့ အတွက် အစမ်းစာမေးပွဲ အဖြေလွှာများကို စစ်ကြရဦးမည်။ ကိုယ်ပိုင်အလင်းရောင်လေးတွေနဲ့ အမှီအခိုကင်းကင်း လမ်းလျှောက်နိုင်ဖို့အတွက် ပညာ၊ ဥစ္စာများ ရှာဖွေကြရဦးမည်။ ဘယ်လိုပဲဖြစ်ဖြစ် “ပိုးစုန်းကြူးတွေကလဲ လမင်းကြီး သာတာ၊ မသာတာကို စိတ်မ၀င်စား၊ လမင်းကြီးကလဲ ပိုးစုန်းကြူးတွေကို အလင်းရောင်ရှိရပါ့မလားလို့ ရန်လိုက်မရှာပဲ” အတူတကွဲ ယှဉ်တွဲရပ်တည်နိုင်မှုတွေ ပြည့်နှက်နေသည့် သဘာဝတရားကြီးကိုတော့ သူမ နှစ်ခြိုက်မိပါရဲ့။

ခင်မမမျိုး (၈၊ ၂၊ ၂၀၁၀)

အလင်းအမှောင်နဲ့ ရောင်စုံကာလာများရဲ့ နောက်ကွယ်မှာ

သိန်းနိုင်

အနုပညာလက်ရာများနှင့် အနုပညာပစ္စည်းများမှတဆင့် စဉ်းစားတွေးတောမှုစွမ်းရည်၊ ဆက်ဆံရေးစွမ်းရည်နှင့် အမြင်အာရုံ ခံစားမှု စွမ်းရည်တို့ လေ့ကျင့်ရန် ကျောင်းပညာရေးသင်ရိုးညွှန်းတမ်းကို ပြင်ဆင်ရေးဆွဲသင့်ပါသည်။

ဒေါ်ပန်းပုံပြင်ရဲ့ ပန်းချီပြခန်းဖွင့်ပွဲ

ရန်ကုန်မြို့လယ်က ပန်းချီပြခန်းတစ်ခုမှာပါ။ လူတစ်စုဟာ ပန်းချီကားတစ်ချပ်အပေါ်မှာ သဲသဲမဲမဲ အာရုံ ရောက်နေကြလေရဲ့။

နှင်းဆီပန်းပွင့်တွေ ၀ိုင်းရံထားတဲ့အလယ်မှာ ပီတိအပြုံးတွေဝေဆာနေတဲ့ အသက် သုံးဆယ်ကျော် လူရွယ်တစ်ဦးရဲ့ မျက်နှာပုံ ပန်းချီကားဘဲဖြစ်ပါတယ်။

အဲဒီနေ့က ပန်းချီပြခန်းဖွင့်ပွဲကို လာရောက်ပြီး အမှာစကားပြောကြားတဲ့ အသက် ၄၅ နှစ် အရွယ် ၀ါရင့်မြန်မာ့ ပန်းချီ ဆရာမကြီး တစ်ဦး ဖြစ်တဲ့ ဒေါ်ပန်းပုံပြင်က အဲဒီ ပန်းချီကားကို အသေအချာထပ်ကြည့်ဖို့ ပရိသတ်ကို ပြောလိုက်တယ်။ တစ်ဆက်တည်းမှာဘဲ မေးခွန်း တစ်ခုကိုလည်း မေးမြန်းလိုက်ပါတယ်။ ပန်းချီကားတွေနဲ့ အပြိုင် လျိူ့ ၀ှက်တဲ့ အလှပိုင်ရှင် ပန်းချီဆရာမကြီးရဲ့ စကားကို ပရိသတ် အားလုံး နားစွင့်နေကြတယ်။

“ရှင်တို့အနေနဲ့ ဒီပန်းချီကားမှာ ဘာကိုတွေ့ရပါသလဲ”
သူမကိုယ်တိုင်လည်း ပန်းပွင့်တွေအများကြီး ဝေေ၀ဆာဆာပန်ထားပြီး မရမ်းရောင်မျက်မှန်ကိုင်းကို တစ်ချက်ပင့်လို့ အနုပညာ မြောက်ပြီး ကျက်သရေရှိတဲ့ အပြုံးတစ်ပွင့်ကို ဖန်ဆင်းရင်း အသံမြှင့်မေးလိုက်တဲ့အခါ ပရိသတ်ရဲ့ စိတ်အာရုံဟာ ပန်းချီကားဆီကို ပြန်ရွေ့ သွားပြန်တယ်။

ပရိသတ်ထဲက အမျိုးသမီးငယ် တစ်ဦးက အခုလို ပြန်ဖြေခဲ့ပါတယ်။

“အချစ်ကို ရှာဖွေတွေ့ရှိပြီဖြစ်တဲ့ လူတစ်ဦးရဲ့ ပုံပါ”

သူမရဲ့ အဖြေကို ပြန်လည်ရွေရွတ်ရင်းနဲ့ နောက်ထပ်မေးခွန်းတစ်ခုကို ၀ါရင့်ပန်းချီဆရာမကြီး ဒေါ် ပန်းပုံပြင် ဟာ မေးမြန်းခဲ့ ပြန်တယ်။

“အချစ်ကို ရှာဖွေတွေ့ရှိပြီဖြစ်တဲ့ အမျိုးသားတစ်ဦး ဟုတ်လား...။ အဲဒီလိုပြောနိုင်ဖို့ ဒီပန်းချီကားမှာ ဘာကိုတွေ့ရလို့လဲ။ ...ဒီပန်းချီကားက အချစ်ကိုတွေ့ရှိခံစားနေပြီဖြစ်တဲ့ အမျိုးသားတစ်ဦးလို့ ဘာကြောင့်ကောက်ချက်ချ နိုင်ရတာလဲ။”

ပရိသတ်ထဲမှာ တီးတိုး ဝေဖန်ပြောဆိုမှုတွေ ပေါ်ထွက်လာခဲ့တယ်။ အမျိုးသမီးငယ်ရဲ့ ပန်းချီကားအပေါ် သုံးသပ်ချက် အဖြေကို ထပ်ဆင့်ပြီး ဆွေးနွေးကြတာပါ။ ဆွေးနွေးချက်အချို့ကိုတော့ ဒေါ်ပန်းပုံပြင်က ပရိသတ် အားလုံးအတွက် ပြန်လည်ဖြည့်စွက် ဆွေးနွေးနေပါတယ်။ “ရှင့်ရဲ့ ထင်မြင်ယူဆချက်ဟာ သိပ်ဖြစ်နိုင်တာပေါ့။ ဘာဖြစ်လို့လဲဆိုတော့...” ။ အဲဒီနောက်မှာလည်း ပန်းချီဆရာမကြီးဟာ ပရိသတ်ကို တည်ငြိမ်အေးဆေးတဲ့ အသံနဲ့ ထပ်မေးခဲ့ပြန်တယ်။

“ရှင်တို့ နောက်ထပ်ပြီး ဘာတွေပြောနိုင်ပါသေးသလဲ”

လူရွယ်တစ်ဦးက အဖြေပေးခဲ့တာကတော့ -
“ဟာ..ရူးကြောင်မူးကြောင် လူတစ်ယောက်ပါဗျာ..”

အသက်အတော်ကြီးတဲ့ အမျိုးသမီးကြီးတစ်ဦးကတော့ -
“လူသားနဲ့ သဘာဝပတ်ဝန်းကျင် ဟန်ချက်ညီမှုကို ဆိုလိုတာဖြစ်တယ်”

အဲဒီလိုနဲ့ဘဲ ပန်းချီကားအပေါ် မတူညီတဲ့အမြင်နဲ့ သုံးသပ်ဝေဖန်မှုတွေ၊ ထပ်ဆင့်ဆွေးနွေးမှုတွေရှိနေတော့တယ်။

******

အမြင်အာရုံခံစားမှုဖြင့် စဉ်းစားတွေးတောခြင်း နည်းလမ်းများ

အထက်ပါ ဒေါ်ပန်းပုံပြင်၏ ပန်းချီပြခန်းမှ ဆွေးနွေးပြောဆိုမှုများမှာ ဗွီတီအက်စ် (VTS) ဟူ၍ ပညာရေးပညာရပ်နယ်ပယ်တွင် အသုံးပြုခေါ်ဝေါ်သော အမြင်အာရုံခံစားမှုဖြင့် စဉ်းစားတွေးတောမှုနည်းလမ်းများ visual thinking strategies ကို လက်တွေ့ သရုပ်ဖော်နေခြင်းပင်။ ပြခန်း၊ ပြတိုက်ပညာပေးသူများအနေဖြင့် ဤနည်းလမ်းကိုအသုံးပြုကြသည်။ ဗွီတီအက်စ်မှာ အနုပညာလက်ရာ၊ အနုပညာ ဖန်တီးမှုပစ္စည်းများမှတဆင့် ဝေဖန်ပိုင်းခြားစဉ်းစားတွေးခေါ်မှု (critical thinking)၊ ဆက်ဆံပြောဆိုရေးစွမ်းရည် (communication skills)၊ နှင့် အမြင်အာရုံခံစားတတ်သိမှုစွမ်းရည် (visual literacy)တို့ကို လေ့ကျင့်သင်ကြားခြင်း နည်းလမ်းတစ်ခုဖြစ်၏။ ကျောင်းပညာရေးတွင် ဤစွမ်းရည်တို့ကို သင်ရိုးညွှန်းတမ်းမှ တဆင့် လေ့ကျင့်ပေးသင့်ပါသည်။

မြန်မာနိုင်ငံ ကျောင်းသင်ရိုးညွှန်းတမ်း

မြန်မာနိုင်ငံတွင် (top ten ကျောင်းများနှင့် ရန်ကုန်ရှိ international schools များမှလွဲ၍) နိုင်ငံတ၀ှမ်းရှိ အစိုးရ ကျောင်းများ တွင် ခေတ်အဆက်ဆက် အနုပညာဘာသာရပ်ကို လေ့ကျင့် သင်ကြားမှု ပျက်ကွက် နေသည်ကိုလည်း ကြေကွဲ ၀မ်းနည်း ဖွယ်ရာ တွေ့ရှိရ သည်။ ၁၉၇၄ အခြေခံဥပဒေ၏ ပညာရေးအက်ဥပဒေတွင်လည်း “နိုင်ငံတော်သည် သိပ္ပံပညာရေးကို အထူးဦးစား ပေးမည်” ဟူသော အပိုဒ်နှင့်အတူ ၀ိဇ္ဇာပညာရပ်များ၏ တန်ဖိုးကျဆင်း နိမ့်ပါးခဲ့ရသည်။ အများပြည်သူလူထု၏ ပညာရေး အမြင် သဘောထား တို့ကိုလည်း လွဲမှားစွာ ပြောင်းလဲစေခဲ့သည်။ ဒီမိုကရေစီနိုင်ငံတော် တည်ဆောက်ရန်နှင့်နှင့် သဟဇာတဖြစ်သော လူ့အဖွဲ့အစည်း အတွက် ၀ိဇ္ဇာပညာရပ်များနှင့် အနုပညာဘာသာရပ်တို့၏ တန်ဖိုးတို့ကို မြှင့်တင်ပေးရန်မှာ လွန်စွာ အရေးကြီး လှသည်။ ရက်သတ္တ တစ်ပတ် စာသင်ချိန်တွင် ကျန်းမာရေး၊ အားကစား၊ လူမှုဆက်ဆံရေး၊ ပုဂ္ဂလဖွံ့ဖြိုးမှုနှင့် အနုပညာ ဘာသာ ရပ် အချိန်တို့ကို မည်မျှ ထည့်သွင်း၍ တိကျသော မည်သို့သောသင်ရိုးညွှန်းတမ်း၊ သင်ရိုးမာတိကာများဖြင့် လေ့ကျင့် သင်ကြား ပေးနေပါသနည်း။ ဘက်စုံမဖြစ်သော၊ အချိုးမညီသော၊ တစ်ဖက်စောင်းနင်း ကျောင်းသင်ရိုးညွှန်းတမ်းကြောင့် ကလေးတစ်ဦး တစ်ယောက်အတွက် သာမကဘဲ လူ့အဖွဲ့အစည်း၏ စွမ်းရည်များပါ ပြုန်းတီးပျက်စီးရပြန်သည်။


ထိုင်းနိုင်ငံ၊ ချင်းမိုင်မြို့ အခြေစိုက် စတူဒီယိုဇန် Studio Xang ဟုအမည်တပ်ထားသည့် အနုပညာဘာသာရပ် ဖွံ့ဖြိုးရေး အစီအစဉ်မှာ ကလေးသူငယ်ဖွံ့ဖြိုးရေးအတွက် အနုပညာဖန်တီးမှုစွမ်းရည်ကို လေ့ကျင့်ပျိုးထောင်ပေးရန် သင်တန်းများကို ဖွင့်လှစ် လျှက်ရှိသည်။ မြန်မာနိုင်ငံ ပြည်တွင်းစစ်ကြောင့် ဒုက္ခရောက်သူပြည်သူများ၏ သားသမီးများ၊ ရွှေ့ပြောင်း မြန်မာ စာသင်ကျောင်း များစသည့် ကျောင်းအရေအတွက်အားဖြင့် ၅၀၀ ကျော်တွင် အနုပညာဘာသာရပ်ဖွံ့ဖြိုးရေးအတွက် စာအုပ်စာတမ်းများ ပြုစုခြင်းနှင့် သင်တန်းများပေးခြင်းကို ၂၀၀၂ ခုနှစ်မှစတင်၍ လုပ်ဆောင်လျှက်ရှိသည်။

စတူဒီယို ဇန်၏ ပညာရေးပညာရှင်တစ်ဦးဖြစ်သူ မစ္စအဲစတယ်ကိုဟန်နီ (Ms.Estelle Cohenny) မှ အနုပညာရုပ်ပုံများဖြင့် လေ့ကျင့်သင်ကြားရခြင်းနှင့် ပတ်သက်၍ ဆွေးနွေးပွဲများတွင် ဤသို့ တင်ပြလေ့ရှိသည်။ “ကလေးသူငယ်ဖွံ့ဖြိုးမှုမှာ အနုပညာ ရုပ်ပုံလွှာတွေကို ကိရိယာတစ်ခုအနေနဲ့ အသုံးပြုနိုင်ပါတယ်။ ကလေးများရဲ့ စိတ်ကူးစိတ်သန်းတွေ ဖွံ့ဖြိုးလာအောင် အားပေး ကူညီ နိုင်တယ်၊ မိမိကိုယ်ကို ယုံကြည်မှုကို ပျိုးထောင်ပေးလို့ဖြစ်တယ်။ ဘ၀ရဲ့ စိန်ခေါ်ချက်တွေ၊ လောကဓံတရားတွေနဲ့ ရင်ဆိုင်လာရတဲ့ အခါမှာ မျှတတဲ့ စိတ်ခံစားချက်၊ သင့်တော်တဲ့ နှလုံးသွင်းဆင်ခြင်မှုတွေ ဖြစ်လာစေဖို့ကိုလည်း အနုပညာဘာသာရပ်က လေ့ကျင့် ပေးနိုင်ပါတယ်။”

သူမမှ ဆက်လက်ဆွေးနွေးရာတွင် “အနုပညာဆိုတာ ဘာသာစကားတစ်မျိုးပါ။ ကြားခံ ဆက်သွယ်ရေး ပုံစံတစ်ခုလည်းဖြစ်တယ်။ ငယ်ရွယ်စဉ်ကတည်းက လေ့ကျင့်ပေးမယ်ဆိုရင် ပုဂ္ဂလဖွံ့ဖြိုးတိုးတက်မှု personal development ကို အများကြီး အထောက် အကူ ပြုနိုင်ပါတယ်။ အခြားသော ကျောင်းသင်ဘာသာရပ်တွေ၊ စွမ်းရည်တွေ လေ့လာရာမှာလည်း ပိုပြီးတော့ အဆင်ပြေ စေပါ တယ်။” ဟူ၍ အနုပညာဘာသာရပ်၏ တန်ဖိုးကြီးမားပုံကို အလေးထားဆွေးနွေးလျှက်ရှိသည်။

မမြင်တတ်၊ မခံစားတတ်သေးတဲ့ သူများ

ပညာရေး သုတေသနတွေ့ရှိချက်များအရ လူအများစုကြီးတွင် အမြင်အာရုံခံစားတတ်သိမှုစွမ်းရည် visual literacy မှာ နိမ့်ပါးခြင်း၊ လွန်စွာအားနည်းခြင်းများရှိနေသည်ကို တွေ့ရှိရခြင်းပင်။ သာဓကဆောင်ရသော် ရုပ်ပုံလွှာတစ်ခု၏ ပြင်ပ အပေါ်ယံအမြင် ကိုသာ ရှုမြင်တတ်ကြပြီး အတွင်းပိုင်းတွင် လျိူ့ဝှက်နက်ရှိုင်းစွာတည်ရှိနေသော အခြားသော အဓိပ္ပါယ် တို့ကို ခံစားသိမြင်နိုင်စွမ်း မရှိခြင်းဖြစ်သည်။ အထူးသဖြင့် ငယ်နုစဉ်က ကျောင်းပညာရေးတွင် လေ့ကျင့်ခွင့်များ မရရှိခဲ့ခြင်းမှာ ဤစွမ်းရည်ဖွံ့ဖြိုးစေရန် ပိုမို ခက်ခဲနိုင်ပါသည်။ ရသခံစားနိုင်မှုနှင့် စာနာစိတ်တို့ကိုလည်း ထိခိုက်စေသည်။

စွမ်းရည်များ ပြုစုပျိုးထောင်ခြင်း

ထိုင်းနိုင်ငံ၊ ဘန်ကောက်မြို့မှာရှိသည့် ထိုင်း ဖန်တီးမှုနှင့် ဒီဇိုင်းဌာနတွင် ပြခန်းဖွင့်ထားသော ပညာရေးတွင် အမြင်အာရုံဖြင့် နားလည်ခံစားနိုင်ရေး အစီအစဉ်မှ ပညာပေးတာဝန်ခံ မစ္စတာဖီလစ်ရဲနာဝိုင်းမှ ဤသို့ပြောဆိုခဲ့သည်။

“ကျနော်တို့ အားလုံးဟာ မြင်တွေ့နေရတာတွေအပေါ်မှာ သိမြင်ခံစားနိုင်စွမ်းရှိဖို့အတွက် အချိန်မပေးနိုင်လောက်ကို ပြဌာန်း ခံထားကြရတာပါ။” သူ့အနေဖြင့် နှစ်ပေါင်းများစွာပင် အနုပညာမှတဆင့် ပညာရေးကို ပံ့ပိုးဖြည့်ဆည်းပေးနိုင်ပုံနှင့် ကျောင်းပညာရေး အောင်မြင်မှုတွင် အရေးကြီး ပုံတို့ကို လူအများ သိရှိနားလည်လာစေရန် အားထုတ်ခဲ့သည်။

သိမှုစိတ်ပညာရှင် ပညာရေးပါရဂူ ဒေါက်တာ အဘိဂေးဟူဆန်နှင့် အတူ ၁၅ နှစ်ကျော်ကြာမြင့်သည်အထိ သုတေသန ပြုခဲ့ရာမှာ ဗီတီအက်စ် VTS ကို ရှာဖွေဖော်ထုတ်ခဲ့ခြင်းဖြစ်သည်။ သူတို့၏ ကြိုးစားမှုမှာ ထိုက်တန်စွာ အသိအမှတ် အပြုခံထားရပြီလည်း ဖြစ်ပါသည်။ အမေရိကန်နိုင်ငံတွင်းရှိ ကျောင်း ၃၀၀ ကျော်တွင် VTS ကို သင်ရိုးညွှန်းတမ်း၌ ထည့်သွင်းအသုံးလာကြခြင်းမှာ သုတေသနပြုခြင်း၏ အောင်မြင်မှုပင်ဖြစ်သည်။

“အနုပညာကို စူးစမ်းလေ့လာခြင်းနဲ့ ဆွေးနွေးပြောဆိုခြင်းတွေကတဆင့် ကျမတို့ဟာ အမြင်အာရုံ ခံစားတတ်သိမှု visual literacy စွမ်းရည်ကို ပျိုးထောင်ပေးနိုင်ပါတယ်။ ဆိုလိုတာကတော့ ရှုတ်ထွေးခက်ခဲတဲ့ စိတ်ကူးတွေ၊ အတွေးတွေကို နက်နက် ရှိုင်းရှိုင်း သိမြင်နိုင်စွမ်းပါ။ အပေါ်ယံကျောသာ သိမြင်မှုမဟုတ်တော့ဘူး” သူမ၏ ယုံကြည်ချက်ကို ဒေါ်ပန်းပုံပြင်မှ ဆွေးနွေးခဲ့သည်။ သူမကိုယ်တိုင်မှာလည်း မြန်မာကလေးများ၏ ကျောင်းပညာရေးတွင် အနုပညာ ဘာသာရပ်ဖွံ့ဖြိုးမှု အတွက် ကြိုးပမ်းနေသူ တစ်ဦးဖြစ်သည်။ စွန့်ပစ်ခံကလေးများ၏ ပညာရေးတွင် ပရဟိတ ကျောင်းများဖွင့်လှစ်ပြီး ပံ့ပိုး ကူညီနေသူဖြစ်သည့်အပြင် အနုရသပညာရေးအပေါ်တွင် သုတေသနပြု လေ့လာနေသူတစ်ဦးလည်းဖြစ်သည်။

ဤနည်းစနစ်ကို အချိန်ယူလေ့ကျင့်ပေးမည်ဆိုပါက ဆရာမကြီးမှ ကျောင်းသူကျောင်းသားများအနေဖြင့် ဝေဖန်ပိုင်းခြား တွေးတော တတ်မှု စွမ်းရည်ကို ဖွံ့ဖြိုးစေနိုင်ကြောင်းယုံကြည်သည်။ အဘယ်ကြောင့်ဆိုသော် အနုပညာလက်ရာ ပစ္စည်းများ တွင် အဓိပ္ပါယ်ကို ဖွင့်ဆိုနိုင်ရန် အလေးထားကြည့်ရှု ရှာဖွေရခြင်း၊ စူးစမ်းဆင်ခြင်သုံးသပ်ရခြင်း၊ ကောက်ချက်ဆွဲရခြင်းနှင့် အထောက်အထားနှင့်အတူ တင်ပြရခြင်း တို့ပါရှိနေသည့် အတွက်ပင်ဖြစ်၏။

ကျောင်းသားများ၏ ဘာသာစကားစွမ်းရည်ကိုလည်း ဖွံ့ဖြိုးစေမည်ဖြစ်သည်။

“ကျမတို့ဟာ ကလေးတွေကို ဘယ်လို စာရေးရမယ်၊ စာဖတ်ရမယ်ဆိုတာတွေကိုတော့ သင်ပေးပါရဲ့။ သူတို့ တတ်မြောက်ဖို့လည်း မျှော်လင့်ထားကြပါတယ်။ ဒါပေမယ့် ဘယ်လိုပြောဆို ဆွေးနွေးရမယ်ဆိုတာကိုတော့ လေ့ကျင့်ဖို့အခွင့်အလမ်း များများမရှိကြဘူး။ မပြောတတ်ဘူးဆိုရင်တော့ ရေးလည်းရေးတတ်မှာ မဟုတ်ချေဘူး။” ဆရာမကြီး ဒေါ်ပန်းပုံပြင်၏ အမြင်သဘောထားများဖြစ်သည်။

သူမအနေဖြင့် ထပ်လောင်းပြောဆိုဆွေးနွေးပါသေးသည်။ “ကလေးတွေကို သူတို့ရဲ့ ခံစားသိမြင်မှုတွေကို ဖွင့်ဟပြောဆိုခွင့် အတွက် အခွင့်အလမ်းတွေ အများကြီးဖန်တီးထားရှိသင့်တယ်။ ဒါမှသာ ကလေးတွေဟာ ဥာဏ်ရည်အမျိုးမျိုးအသုံးပြုရတဲ့၊ ဦးနှောက်ကို အသုံးပြုရတဲ့ ဆွေးနွေးပွဲတွေမှာ မရှိမဖြစ်လိုအပ်တဲ့ ဝေါဟာရတွေ ကြွယ်ဝလာမှာဖြစ်တယ်”

အနုပညာလက်ရာပစ္စည်းများကို ဆွေးနွေးရာတွင် အသုံးပြုသည့် ဘာသာစကားမှာ ကျောင်းသားများ၏ စာရေး၊ စာဖတ်စွမ်းရည် အတွက်လည်းများစွာပင် အကျိုးပြုလေသည်။

စတင်သင်ကြားခြင်း

ဗွီတီအက်စ် VTS သီအိုရီမှာ ရှုတ်ထွေးသည်ဟူ၍ ထင်မြင်ဖွယ်ဖြစ်သည်။ သို့သော် လက်တွေ့အသုံးချခြင်းကိုမူ နားလည်ရန် မခဲယဉ်းလှပါ။ သီအိုရီကိုမိတ်ဆက်ခဲ့သူတို့မှ ၄ နှစ်အရွယ်ကလေးများမှ စတင်ပြီး အသက်အရွယ်မရွေး ဤနည်းလမ်းဖြင့် လေ့ကျင့်ပေးနိုင်ကြောင်းဆို၏။

ပထမဦးစွာ ဆရာမှ “တစ်တန်းလုံးပါဝင်ဆွေးနွေးနိုင်မည့် အနုပညာလက်ရာ တစ်ခုခု” ကိုရွေးချယ် ထုတ်နုတ်မည်။ ကျောင်းသား များ အတွက် စိတ်ဝင်စားဖွယ်ရာ ခေါင်းစဉ် တစ်ခုခုဖြစ်သင့်သည်။ သို့မှသာလျှင် တက်ကြွစွာ ပါဝင် ဆွေးနွေးကြပါလိမ့်မည်။ ကျောင်းသားတိုင်း အနေဖြင့် ပါဝင်နိုင်စေရန် အတွက်လည်း ရည်ရွယ်ရင်း ဖြစ်သည်။

ကျောင်းသားများမှ ရွေးချယ်ထားသည့် အနုပညာလက်ရာကို ခဏတာ ကြည့်ရှုလေ့လာ စူးစမ်းကြခြင်းဖြင့် စတင် သင်ကြားခြင်း ဖြစ်သည်။ မျက်မှောက်ခေတ်နည်းပညာများမှာ အရာရာကို အပေါ်ယံမျှသာ ကြည့်ရှုစေရန် တွန်းအားပေးသကဲ့သို့ရှိနေပါသည်။ အမှန်တကယ်တည်ရှိနေသည်တို့ကို တစ်ချက်မျှသာ ငဲ့စောင်းကြည့်ကြတော့သည်။

မေးခွန်း ၃ ခု

ပန်းချီရုပ်ပုံတို့ကို ခဏတာမျှ ကြည့်ရှုလေ့လာပြီးသော် ဆရာမှ ပထမဆုံးမေးခွန်းကို ပြန်မေးပြီး နောက်ထပ် အဖွင့်မေးခွန်း ၂ ခုခန့်ကို ဆက်မေးသည်။

“ဒီပန်းချီကားမှာ ဘာဖြစ်နေတာလဲ”
“အဲဒီလိုပြောဖို့ ဘာကို တွေ့လို့လဲ” နှင့်
“နောက်ထပ်ပြီး ဘာတွေများ တွေ့နိုင်သေးသလဲ” တို့ဖြစ်သည်။

“ဒီမေးခွန်းတွေကို မေးမြန်းခြင်းကတော့ ကလေးတွေအနေနဲ့ တက်ကြွစွာပါဝင်စေမှာဖြစ်ပါတယ်။” ဆရာမကြီး ဒေါ်ပန်းပုံပြင်မှ ဆိုသည်။ “ဘာကိုတွေ့သလဲ” ဆိုသည့်မေးခွန်းမှာ ပရိသတ်ကို ရုပ်ပုံထဲတွင် ပါရှိသည်တို့ကို သာလျှင် ရေတွက် ဖော်ပြခိုင်းသလို ဖြစ်သည်။ “ပန်းချီကားမှာ ဘာဖြစ်နေတာလဲ” ဆိုသည့် မေးခွန်းမှာမူ အပေါ်ယံလွှာ ရုပ်ပုံတို့ကို ကျော်လွန်ပြီး နောက်ကွယ်မှ အဓိပ္ပါယ်ကို ရှာဖွေဖော်ထုတ်ရန် တွန်းအားပေးခြင်းပင်ဖြစ်ကြောင်းလည်း ဆရာမကြီးမှ မိန့်ဆိုသည်။

ကလေးသူငယ်ပြုစု စောင့်ရှောက်ခြင်းတွင် ကျွမ်းကျင်သူ ဒေါ်ပန်းပုံပြင်မှ ထပ်မံ၍ “၃ နှစ်နဲ့ ၅ နှစ်အကြား ကလေးတွေ ဆိုရင် တော့ ‘ဘာကိုတွေ့သလဲ’ လို့မေးမြန်းနိုင်ပါတယ်။ သူတို့အသက်အရွယ်က ဘာသာ စကားပြောဆိုမှုနဲ့ ဝေါဟာတွေကို လေ့လာနေ ဆဲဖြစ်လို့ပါ။ ဒါပေမယ့် ကလေးကြီးတွေကိုတော့ ပိုပြီးတော့ စဉ်းစားတွေးတောရတဲ့ မေးခွန်းတွေနဲ့ စူးစမ်းလိုစိတ်ကို နှိုးဆွပေးဖို့ လိုပါတယ်။” ဟူ၍ လမ်းညွှန်ခဲ့သည်။

ဒုတိယမေးခွန်းဖြစ်သည့် “အဲဒီလိုပြောနိုင်ဖို့ ဘာကို တွေ့လို့လဲ” မှာ ကလေးများ၏ ပထမအဖြေတို့ကို ဆရာမှ နားထောင်ပြီး အဓိပ္ပါယ်ဖွင့်ဆိုပြီးနောက်တွင် မေးရန်ဖြစ်သည်။ သူတို့၏ မှတ်ချက်တို့ကို လေ့လာတွေ့ရှိမှုများ အပေါ်တွင် အခြေပြုပြီး ဆွေးနွေး စေရန်အတွက် မသိမသာ လှုံဆော်သင်ကြားပေးနည်းပင်ဖြစ်သည်။ ဤသည်မှာ ပိုင်းခြားဝေဖန်တွေးတောမှုကို ပြုစုပျိုးထောင် ရာတွင် အဓိကျသည့် စွမ်းရည်ပင်ဖြစ်၏။

တတိမြောက်မေးခွန်းဖြစ်သည့် “နောက်ထပ်ပြီး ဘာတွေများတွေ့နိုင်သေးလဲ” မှာ သူတို့၏ ယခင် တွေ့ရှိချက်များကို အသိအမှတ် ပြုပြီးလည်း ဖြစ်သည်။ ထို့အပြင် တစ်တန်းလုံး ဆွေးနွေးခြင်းကို ပြီးပြည့်စုံစေရန်နှင့် ကလေးများကိုယ်တိုင် စေငုသေချာစွာ စူးစမ်း လေ့လာစေရန် အားပေးခြင်းပင်ဖြစ်သည်။

အသိအမှတ်ပြုခြင်း

အရေးကြီးသည့်အချက်မှာ ကလေးတိုင်း၏ ထင်မြင်ယူဆချက်များနှင့် တင်ပြဆွေးနွေးမှုတို့ကို နားထောင်ပေးကြ ရန်ဖြစ်သည်။ ကလေးမှ ပြောဆိုနေသည့်အချက်ကို ညွှန်တံဖြင့် ထောက်ပြခြင်း၊ ဆရာဆရာမများအနေဖြင့် ချဲ့ ထွင် ရှင်းလင်း ပြောဆိုပေးခြင်းတို့ ပြုလုပ်နိုင်သည်။

“ဒီလိုလုပ်ခြင်းအားဖြင့် ကျောင်းသားတွေ မကြည့်၊ မမြင်မိသေးတဲ့အပိုင်းတွေကို ကြည့်ဖြစ်အောင် ဖန်တီးရာလည်းရောက်တယ်။ သူတို့ပြောဆိုတင်ပြတာကို နားထောင်နေပါတယ် ဆိုတဲ့သဘောလည်းပါတယ်။ အမြင်အာရုံ ကျက်စားခြင်းနဲ့ အပြန်အလှန် တင်ပြမှု တွေ ဖြစ်လာတယ်။” ဒေါ်ပန်းပုံပြင်မှ ဆိုပါသည်။

“လူတွေ၊ ကလေးတွေပြောတာကို ပြန်လည်ပြောဆိုပေးခြင်းဟာ သူတို့တင်ပြပြောဆိုမှုတွေကို လက်ခံတယ်ဆိုတာရယ်၊ နားလည် သဘောပေါက်ပါတယ်ဆိုတာရယ်ကို သိရှိစေမယ်။ သူတို့ပြောတဲ့စကားအတိုင်းအတိအကျ ပြန်ပြောရင် နားထောင်ပါတယ် ဆိုတဲ့ အဓိပ္ပါယ်ပါ။ အခြားစကားလုံးတွေနဲ့ ပြန်ပြင်ပြီးပြောတဲ့အခါကျတော့ နားလည်သဘောပေါက်တယ်ဆိုတဲ့ အဓိပ္ပါယ်ပေါ့။ တကယ်လို့ နားလည်မှုလွဲသွားရင်လည်း သူတို့က ပြန်ပြင်ပေးနိုင်သေးတယ်။” ကြားရသည့်စကားများအပေါ်မှာ အခြားစကားလုံးသုံးပြီး ပြန်လည် ပြောဆိုမှု၏ အကျိုးကျေးဇူးရှိပုံကို ကလေးသူငယ်ပြုစုစောင့်ရှောက်သူ ပန်းချီဆရာမကြီးက ပြောပြခဲ့သည်။

ဘက်လိုက်မှုမရှိဘဲ ပြန်လည်ပြောဆိုခြင်းကို ဆိုလိုပါသည်။ ကောက်ချက်ချ၊ ဝေဖန်မှုများကိုလည်း ကြိုဆိုလက်ခံသင့်သည်။ တန်းတူ တန်ဖိုးထားသင့်ပါသည်။ ကောက်ချက်ချမှုတို့ကို ပြန်လည်ပြင်ဆင်ပေးခြင်းနှင့် ဖြည့်စွက်ခြင်းများမပြုလုပ်သင့်ပါ။ သို့မှသာ ကျောင်းသူ ကျောင်းသားများအနေဖြင့် သူတို့အပေါ်တွင် တန်ဖိုးထားမှုကို နားလည်ခံစားနိုင်ပါလိမ့်မည်။ ကျွမ်းကျင်သော ဆရာဆရာမများ အနေဖြင့် ကျောင်းသားများ၏ အဖြေများသည် ရှင်းလင်းတိကျစေရန် လမ်းညွှန် ကူညီနိုင်ပါလိမ့်မည်။

အမှားပြင်ဆင်ပေးခြင်းများကို အစဉ်အမြဲမလုပ်ခြင်းဖြင့် ကျောင်းသားများသည် လွတ်လွတ်လပ်လပ် ပြောဆိုတင်ပြခွင့်ရရှိစေပါသည်။ ဘာသာစကားစွမ်းရည် ဖွံ့ဖြိုးစေရန် များစွာ အထောက်အကူပြုပါလိမ့်မည်။

ဆရာမှ ကျောင်းသားများ၏ မတူညီသော စဉ်းစား တွေးတောချက်များ၏ အဆက်အစပ်တို့ကို ထောက်ပြပေးနိုင်ပါသည်။ စဉ်းစား တွေးတောချက်တစ်ခုမှနေ၍ အခြားသောတွေးတောချက်တစ်ခုသို့ ဆင့်ကဲပြောင်းလဲနိုင်ပြီး အဓိပ္ပါယ်များ ပေါ်ထွက် ရရှိလာပုံ ကိုလည်း ရှင်းပြနိုင်သည်။

“အဓိကအချက်ကတော့ စိတ်ကူးစိတ်သန်းတွေရဲ့ အရွေ့သဘော၊ ဆင့်ကဲဖြစ်တည်မှုသဘောကို သင်ကြားပေးနိုင်တာပါ။ ဒီလိုဆိုရင် ပထမဆုံးစိတ်ကူး၊ စဉ်းစားမှုမှာတင် ရပ်တန့်မနေဘဲ အခြားသော ဖြစ်နိုင်ချေတွေကို တွက်ဆမိလိမ့်မယ်။ သူများတွေရဲ့ ဆွေးနွေး တင်ပြချက်တွေကို နားထောင်ခြင်းဟာ မိမိရဲ့ လေ့လာမှုကို ပိုမိုအားကောင်းစေနိုင်ပြီး စဉ်းစားချက်တွေကိုလည်း ပိုမို ဝေဆာ စေမှာပါ” ဒေါ်ပန်းပုံပြင်မှ အကြံပြု လမ်းညွှန်ထားသည်။

အမြင်အာရုံခံစားမှုဖြင့် စဉ်းစားတွေးတောမှုနည်းလမ်းများ Visual Thinking Strategies (VTS)၏ တန်ဖိုးများ

ကျောင်းသင်ရိုးညွှန်းတမ်း၏ အစိတ်အပိုင်းနှင့် သင်ကြားနည်းလမ်းတစ်ခုဖြစ်သည်။

အနုပညာဖန်တီးချက်လက်ရာတို့ကို အသုံးပြုပြီး ဝေဖန်ပိုင်းခြားစဉ်းစားတွေးတောမှုစွမ်းရည် critical thinking၊ ဆက်ဆံရေး စွမ်းရည် communication skills နှင့် အမြင်အာရုံခံစားတတ်သိမှုစွမ်းရည် visual literacy တို့ကို လေ့ကျင့် ပျိုးထောင်ခြင်းဖြစ်သည်။

အနုပညာရုပ်ပုံလွှာများ visual art အပေါ်တွင် စူးစမ်းစစ်ဆေးခြင်းနှင့် အဓိပ္ပါယ်ဖွင့်ဆိုခြင်းတို့ကို ကျောင်းသားများကိုယ်တိုင် ထဲထဲဝင်ဝင်ပါဝင်ခြင်း၊ စဉ်းစားတွေးတောခြင်း၊ တင်ပြဆွေးနွေးခြင်းတို့ဖြင့် သင်ခန်းစာကိုတည်ဆောက်ခြင်းဖြစ်သည်။

ကျောင်းသားများ၏ စူးစမ်းလေ့လာမှုစွမ်းရည်၊ ကျိုးကြောင်း သက်သေရှာဖွေနိုင်စွမ်းနှင့် မှန်းဆအဖြေထုတ်နိုင်စွမ်းတို့ကို တိုးတက်ဖွံ့ဖြိုးစေသည်။

ရှုတ်ထွေးခက်ခဲသည့် ပြဿနာများအတွက် ဖြစ်နိုင်ချေ အဖြေအမျိုးမျိုးကို ရှာဖွေလိုစိတ်နှင့် စွမ်းရည်ကို ပျိုးထောင်ပေးသည်။

အပြန်အလှန်လေးစားမှုရှိသော၊ ဒီမိုကရေစီနည်းကျသော၊ စုပေါင်းဝိုင်းဝန်း၍ ပြဿနာတို့ကို ဖြေရှင်းတတ်သော အလေ့ အကျင့်များကို စာသင်ခန်းများအတွင်း လေ့ကျင့်ပေးရာလည်းရောက်သည်။

ထိုမှတဆင့် စာသင်ခန်းများကို ကျော်လွန်ပြီး ကျောင်းနှင့် ရပ်ရွာလူ့အဖွဲ့အစည်းအတွင်း ရေရှည်အကျိုးသက်ရောက်မှုများနှင့် လိုလားအပ်သော ဒီမိုကရေစီ စံတန်းဖိုးများကို ရရှိစေမည်။

နှုတ်ပြောစွမ်းရည် ပျိုးထောင်လေ့ကျင့်မှု၊ စဉ်းစဉ်းစားစားပြောဆိုတတ်မှု၊ တက်ကြွစွာပါဝင်လုပ်ဆောင်မှုနှင့် ပြောဆို တင်ပြမှုများကို စီကုံးရေးသားခြင်းဖြင့် နှုတ်ပြောမှတဆင့် အရေးစွမ်းရည်သို့ ကူးပြောင်း လေ့ကျင့် ပေးနိုင်သည်။

ကျောင်းသုံးဘာသာစကားမှာ မိခင်ဘာသာစကား မဟုတ်သော ကလေးငယ်များနှင့် သင်ယူလေ့လာမှု အထူး အခက်အခဲရှိသူ များ အတွက်လည်း အောင်မြင်နိုင်စွမ်းကို မျှော်မှန်းနိုင်သည်။

ကျောင်းသားလူငယ်များ၏ ဘ၀နှင့် ပြခန်း၊ ပြတိုက်များနှင့် အနုပညာလက်ရာပစ္စည်းတို့ကို ဆက်စပ်နိုင်စွမ်း၊ အလေးထားလိုစိတ်၊ အသုံးပြု လိုစိတ်များရရှိစေပြီး သူတို့၏ ရှင်သန်မှုတွင် ပိုမိုအဓိပ္ပါယ်ရှိလာစေသည်။

နောက်ဆက်တွဲ အသုံးချနိုင်မှုများ

အမြင်အာရုံဖြင့် စဉ်းစားတွေးတောမှုစွမ်းရည်ကို လေ့ကျင့်သင်ကြား

(ဗွီတီအက်စ်)မှာ အနုပညာဘာသာရပ် သင်ကြားခြင်း (သို့မဟုတ်) ပြတိုက်တစ်ခုခု (သို့မဟုတ်) အနုပညာပြခန်းတစ်ခုခုသို့ လည်ပတ်ခြင်းတို့ဖြင့်သာလျှင် ဘောင်ခတ်မထားသင့်ပါ။ ဆရာဆရာမများအနေဖြင့် အခြားသော ဘာသာရပ်အသီးသီးတွင်လည်း အခွင့်အခါ သင့်သလို ပေါင်းစပ် ထည့်သွင်း အသုံးပြု နိုင်ပါသည်။ သိပ္ပံ၊ လူမှုရေး၊ ဘာသာစကား စသည့် ကျောင်းသင်ရိုး ဘာသာရပ် အသီးသီးတွင်လည်း သင်ကြားနည်း တစ်ခု အနေဖြင့် အသုံးပြုသင့်သည်။ ဥပမာအားဖြင့် ရာသီဥတု မြေပုံပိုစတာ၊ လေပြွန်ထဲတွင် နှံကောင်၏ တောင်ပံခတ်နေသည့် ဓါတ်ပုံ စသည်တို့ဖြင့် ဗွီတီအက်စ် (VTS) သင်ကြားနည်းကို ပေါင်းစပ် အသုံးပြုနိုင်သည် မဟုတ်ပါလော။ အထက်ပါ အနုပညာ ပြခန်း တွင် မေးမြန်းခဲ့သည့် မေးခွန်း ၃ ခုကို မေးမြန်းခြင်းဖြင့် တစ်တန်းလုံး ပါဝင်ဆွေးနွေးနိုင်ပါမည်။ ကဗျာတစ်ပုဒ်၊ သို့မဟုတ် အခြားသော ဖတ်စာတစ်ခုခုကို ဖတ်ရှုကြပြီးသည့် နောက်တွင် လည်း အထက်ပါနည်းလမ်းတို့ကို အသုံးပြု သင်ကြားနိုင်သည်။

ချုပ်၍ဆိုရသော် ကျောင်းသားများအား အနုပညာလက်ရာ၊ ပစ္စည်းတစ်ခုခုကို ကြည့်ရှုစေပြီး အနုပညာပုံစံ၊ စတိုင်၊ အသုံးပြုသည့် နည်း (တက်ကနိ)၊ နှင့် ခေတ်သက္ကရာဇ် အချိန်ကာလ စသည်တို့ကို မေးမြန်းခြင်းအပြင် အမြင်အာရုံ ခံစားမှုဖြင့် စဉ်းစား တွေးတောမှု နည်းလမ်း (VTS) ကိုအသုံးပြုပြီး သင်ကြားခြင်းပင်ဖြစ်သည်။ ရသခံစားမှုနှင့် အနုပညာ သမိုင်းကြောင်းအပြင် ပိုင်းခြားဝေဖန် စဉ်းစားတွေးတောမှုစွမ်းရည်၊ ဆက်ဆံရေးစွမ်းရည်၊ အမြင်အာရုံ ဆိုင်ရာ ခံစားတတ်သိနိုင်စွမ်း တို့ကိုလည်း ဖွံ့ဖြိုး စေနိုင်ပါသည်။

ဤသို့ဆိုလျှင် မြန်မာနိုင်ငံ ကျောင်းပညာရေးသင်ရိုးညွှန်းတမ်းများတွင် အနုရသပညာဘာသာရပ်၏ အခန်းကဏ္ဍပိုမို ထင်ရှား ပေါ်လွင်လာနိုင်မည်ဟုလည်း မျှော်လင့်မိပါသတည်း။ ။

သိန်းနိုင်
ထိုင်း-မြန်မာနယ်စပ်တစ်နေရာ
ဖေဖော်ဝါရီ ၂၀၁၀

ဥာဏ်အမျိုးမျိုးအဖုံဖုံ

Written by နှင်းဆီ
Thursday, 30 July 2009 10:55
ဖူးငုံ ဆယ်ကျော်သက်မဂ္ဂဇင်း သြဂုတ်လ ၂၀၀၉

ကျွန်မ မနှစ်က မြန်မာပြည်ကို ပထမဦးဆုံး ရောက်ခဲ့တုန်းက ရန်ကုန်မှာ တစ်လနေရင်း မြန်မာလူမှုရေး အကြောင်း စိတ်ဝင်စားစရာတွေ အစုံ သိခွင့်ရခဲ့ပါတယ်။ ကျွန်မက တက္ကသိုလ်မှာ ပညာရေး ပါရဂူဘွဲ့အတွက် စာတမ်းပြုစုနေတဲ့သူ ဖြစ်တဲ့ အလျောက် မြန်မာပညာရေး စနစ်အကြောင်း အထူးပြု စူးစမ်းရင်း မြန်မာ သူငယ်ချင်းတွေနဲ့ ပညာရေးနဲ့ ဆိုင်တဲ့ ကိစ္စတွေကို ခဏခဏ ဆွေးနွေးမိတတ်ကြပါတယ်။ သူတို့ ပြောတာတွေထဲမှာ တစ်ခုက ကျွန်မအနေနဲ့ သိပ်အံ့သြစရာ မကောင်းဘူးဆိုရင် မမှားပါဘူး။ သူတို့ ပြောတာ က မြန်မာပြည်မှာ တက္ကသိုလ် ၀င်စာမေးပွဲ အောင်စာရင်း အရ အသက်မွေးဝမ်းကျောင်း ၀င်ခွင့် သတ်မှတ်ထားတော့ အမှတ်သိပ်ကောင်းရင် သိပ္ပံကို လေ့လာခွင့်ရပြီး အမှတ်မကောင်းရင် ၀ိဇ္ဇာပညာရပ်ကိုပဲ လေ့လာခွင့်ရတယ်။ အမှတ် အကောင်းဆုံးပဲ ဆိုရင် ဆရာဝန်အဖြစ် ဒါမှမဟုတ် အင်ဂျင်နီယာအဖြစ် အလုပ် လုပ်နိုင်တယ်။

ဒီအချက်တွေက ဘာဖြစ်လို့ ကျွန်မအနေနဲ့ အံ့သြစရာကောင်းသလဲ ဆိုတော့ ဒါတွေက အမေရိကန်ပညာရေး စနစ်နဲ့ မတူပါဘူး။ အမေရိကန်နိုင်ငံမှာ ကတော့ အထက်တန်းကျောင်းပြီးလို့ တက္ကသိုလ်ကိုတက်ချင်ရင် အက်စ်အေတီ (SAT) လို့ခေါ်တဲ့ စာမေးပွဲတစ်ခုကို ဖြေရပေမယ့် အသက်မွေး ၀မ်းကျောင်း ၀င်ခွင့်က ဒီစာမေးပွဲရဲ့ အမှတ် စာရင်းပေါ်မှာ မတည်ပါဘူး။ အမှတ်ကောင်းရင် ဂုဏ်ရှိတဲ့ တက္ကသိုလ်မှာ ၀င်ခွင့်ရမှာပဲ။ အမှတ် မကောင်းဘူးဆိုရင်တော့ ကောင်းတဲ့ တက္ကသိုလ် မ၀င်နိုင်ဘူးဆိုတာက ဖြစ်နိုင်ပေမယ့် တက္ကသိုလ် ၀င်ခွင့်ဆိုတာ SAT အမှတ်အပြင် အထက်တန်း ကျောင်းမှာရတဲ့ အမှတ်၊ အားကစားနဲ့ တခြား ကျောင်းအပြင် အလုပ်တွေ၊ ဆရာ၊ ဆရာမရဲ့ ထောက်ခံစာတွေ အပေါ် မှာတည်တယ်။ (ဒီ ကျောင်းအပြင် အလုပ်တွေ ဆိုတာ ဂီတ၊ အနုပညာ၊ ခေါင်းဆောင်မှုစတဲ့ အရည်အချင်း တွေကို ဖော်ပြနိုင်တဲ့ ကိစ္စတွေပါပဲ။)

ဥပမာ ကျောင်းသူတစ်ယောက်က SAT မှာ အမှတ် ကောင်းကောင်း ရပေမယ့် အထက်တန်းကျောင်း မှာရတဲ့ အမှတ်က မကောင်းရင် ဒါမှမဟုတ် ကျောင်းအပြင် ကိစ္စ သိပ်မပါဝင်ဖူးဘူး ဆိုရင် အကောင်းဆုံး တက္ကသိုလ်တွေကို ၀င်ခွင့်ရချင်မှရ မယ်။ ဒါပေမယ့် တက္ကသိုလ် ၀င်ခွင့်ရပြီးရင်တော့ ကြိုက်တဲ့ ဘာသာရပ်ကို လေ့လာလို့ရတယ်။

ဒီ အမေရိကန်စနစ်မှာ တက္ကသိုလ် ရောက်ရင် ဘယ်ဘာသာရပ် လေ့လာမယ်ဆိုတဲ့ ဆုံးဖြတ် ချက်ကို အထက်တန်း ကျောင်းပြီးတာနဲ့တန်း ဆုံးဖြတ်ရတာ မဟုတ်ဘူး။ များသောအားဖြင့် ကျောင်းသူ၊ ကျောင်းသားတွေက တက္ကသိုလ် ရောက်ပြီး တစ်နှစ်၊ နှစ်နှစ်ကြာပြီးမှ အဓိကအ ထူးပြု ဘာသာရပ်ကို ရွေးကြရတယ်။ နောက်ပြီး ဘီအေ(B.A)၊ ဘီအက်စ်စီ (B.Sc) ဘွဲ့ရပြီးမှ ဆရာဝန်၊ ရှေ့နေ၊ ဆရာမဖြစ်ချင်ရင် အထူး စာမေးပွဲ နောက်တစ်ခု ထပ်ဖြေရတယ်။ ဒီ အထူး စာမေးပွဲဆိုတာ (၀ိဇ္ဇာနဲ့ သိပ္ပံပညာရပ်တွေ အတွက်) ဂျီအာရ်အီး GRE, (ဥပဒေအတွက်) အယ်လ်ဆတ် LSAT, (ဆေးတက္ကသိုလ်အတွက်) အမ်ခတ် MCAT ဖြစ်ပြီး အမှတ်အရ ဘွဲ့လွန် သင်တန်း ၀င်ခွင့် ရ၊ မရ ဆုံးဖြတ်ကြတယ်။ GREက အပိုင်း ၃ ပိုင်းခွဲထားပြီး တစ်ပိုင်းက သင်္ချာနဲ့ ပတ်သက်တဲ့ မေးခွန်းတွေကိုဖြေရတယ်။ နောက်တစ်ပိုင်းက ဘာသာစကားနဲ့ ပတ်သက်တဲ့ မေးခွန်းတွေကို ဖြေရတယ်။ နောက်တစ်ပိုင်းမှာ ကျတော့ စာစီစာကုံး ရေးရတာပါ။ ၀ိဇ္ဇာပညာ ရပ်ကိုလေ့လာချင်တဲ့ သူတွေအတွက် သင်္ချာနဲ့ ပတ်သက်တဲ့ အပိုင်းမှာရတဲ့ အမှတ်က အရေးမကြီးပါဘူး။ ဥပမာ ကျွန်မ ပညာရေး ပါရဂူ သင်တန်းကို ၀င်ခွင့်ရဖို့ လျှောက်တုန်းက ကျွန်မက သင်္ချာကို သိပ်မကျွမ်းကျင်ပေမယ့် ပါရဂူ သင်တန်းကို ၀င်ခွင့်ရခဲ့ပါတယ်။

အမေရိကန် စနစ်နဲ့ မြန်မာစနစ်ကို နှိုင်းယှဉ် ကြည့်ရင်ဥာဏ်အကြောင်းနဲ့ ပတ်သက်ပြီး ခြားနားတဲ့ ယူဆချက်တွေ အမျိုးမျိုးရှိတယ် ဆိုတာကို မြင်နိုင်တယ်။ မြန်မာစနစ်အရ ဥာဏ်ကို ဘယ်လို မြင်သလဲ ဆိုတာ စဉ်းစားစရာ ကောင်းပါတယ်။ ကျွန်မ မြန်မာနိုင်ငံမှာ ရှိတုန်းက ပညာမှာ အသိ ပညာ၊ အတတ်ပညာ ဆိုပြီး ပညာနှစ်မျိုးရှိတယ် လို့ သိရတယ်။ အတတ်ပညာက အမျိုးမျိုး ရှိပုံ ရပေမယ့် မြန်မာ စာမေးပွဲစနစ် အရဆိုရင် အသိ ပညာကတော့ တစ်မျိုးပဲ ရှိတယ်လို့ ယူဆပါ တယ်။ ဒီစနစ်အရ သိပ္ပံကို နားလည်နိုင်တဲ့ လူတွေ က စာပေ၊ သမိုင်း၊ အနုပညာကို နားလည်နိုင်တဲ့ လူထက် ပိုဥာဏ်စွမ်းကြတယ်လို့ ဆိုလိုချင်ပုံပါပဲ။

မြန်မာစနစ်မှာ ကောင်းတာက အရေးကြီးတဲ့ အလုပ် အတွက် အကောင်းဆုံး ကျောင်းသူ၊ ကျောင်းသားတွေပဲ လုပ်လို့ လူမှုရေး အတွက် ကောင်းတဲ့အပြင် ဒီအရေးကြီးတဲ့ အလုပ်အတွက် ၀န်ထမ်း အလုံအလောက်ရှိမယ်။ တော်တဲ့ အင်ဂျင် နီယာရှိရင် ခိုင်တဲ့ တံတားရမှာပဲ။ အခု အမေရိ ကန်နိုင်ငံမှာ ပြဿနာတစ်ခုက ကျောင်းဆရာ၊ ဆရာမ အလုံအလောက် မရှိဘူး။ အလုပ်ဝင်ခွင့်ကို စာမေးပွဲ အမှတ်အရ သတ်မှတ် ဆုံးဖြတ်ရင် ဒီပြဿနာ ရှိမှာမဟုတ်ဘူးလို့ ကျွန်မ ထင်မိတယ်။

အမေရိကန် စနစ်ကတော့ ဥာဏ်ဆိုတာ အမျိုးမျိုးရှိတယ်လို့ ယူဆတော့ အဲဒီ ဥာဏ်အမျိုး မျိုးကို စစ်ချင်ရင် စစ်တမ်းထုတ်နည်း အမျိုးမျိုး သုံးရတယ်။ ဒါ့အပြင် ဒီယူဆချက် အရ သိပ္ပံနဲ့ ပတ်သက်တဲ့ ဥာဏ်က အရေးကြီးဆုံးပဲ ဆိုတာ မဟုတ်ဘူး။ ပြီးခဲ့တဲ့နှစ် ၁၀၊ ၂၀ အတွင်းမှာ အမေရိကန် နိုင်ငံမှာ ဥာဏ် အကြောင်းယူဆချက်တွေ အများ ကြီး ပြောင်းလဲလာခဲ့တယ်။ ၁၉၈၃ မှာ ဟောင်း ၀ဒ်ဂါရ်ဒနာ(Howard Gardner)ဆိုတဲ့ ပညာရေး ပါမောက္ခ တစ်ယောက်က ဥာဏ်အမျိုးမျိုး အကြောင်း စာအုပ် တစ်အုပ် ရေးခဲ့တယ်။ ဒီစာအုပ် မှာ သူ့ရဲ့ ဥာဏ်မျိုးစုံ သီအိုရီ(Theory of Multiple Intelligences) ဆိုတာကို ရှင်းပြတယ်။

သူ့သီအိုရီ အရ ဘာသာစကားနဲ့ ပတ်သက်တဲ့ဥာဏ် (Linguistic Intelligence)၊ ယုတ္တိနဲ့ သင်္ချာနဲ့ ပတ်သက်တဲ့ ဥာဏ် (Logical-Mathematical Intelligence)၊ ဂီတနဲ့ပတ်သက်တဲ့ဥာဏ် (Musical Intelligence)၊ ကိုယ်နဲ့ပတ်သက်တဲ့ ဥာဏ် (Bodily-Kinesthetic Intelligence))၊ နေရာနဲ့ပတ်သက်တဲ့ဥာဏ်(Spatial Intelligence)၊ ဆက်ဆံရေးနဲ့ပတ်သက်တဲ့ဥာဏ် (Interpersonal Intelligence)၊ မိမိကို နားလည်မှုနဲ့ ပတ်သက်တဲ့ ဥာဏ် (Intrapersonal Intelligence) ဆိုတဲ့ ဥာဏ် ၇ မျိုးရှိတယ်လို့ ဆိုပါတယ်။

အဲဒီဥာဏ်တွေကို ပိုနားလည်အောင် ကျွန်မ အမြင်ကို နည်းနည်း ရှင်းပြချင်ပါတယ်။ ဥပမာ လူတစ်ယောက်က ဘာသာစကားနဲ့ ပတ်သက်တဲ့ ဥာဏ်စွမ်းရင် ဘာသာစကားတွေကို လွယ်လွယ် သင်နိုင်ပြီး စကားအဓိပ္ပာယ်ကို ကောင်းကောင်း ပြောပြနိုင်တယ်ဆို တော့ စာရေးဆရာ/ဆရာမ၊ ကဗျာဆရာ/ဆရာမ၊ ရှေ့နေအနေနဲ့ အလုပ်လုပ်ရင် အဆင်ပြေမှာပဲ။ ယုတ္တိနဲ့ သင်္ချာနဲ့ ပတ်သက်တဲ့ ဥာဏ်စွမ်းရင် သဘာဝ သိပ္ပံနဲ့ ဆိုင်တဲ့ အလုပ်မှာ ကျွမ်းကျင်မယ်။

ဂီတနဲ့ပတ်သက်တဲ့ ဥာဏ်စွမ်းရင် ဂီတစာဆို၊ ဂီတသမား အနေနဲ့ ပန်းဆွတ်မယ်။ ကိုယ်နဲ့ ပတ်သက်တဲ့ ဥာဏ်မှာ စွမ်းရင်တော့ အားကစား၊ အက ဟန်ကျမယ်။ နေရာနဲ့ ပတ်သက်တဲ့ ဥာဏ်စွမ်းတဲ့ လူကျတော့ ပစ္စည်းတွေကို ဘယ်လို နေရာတကျ ထားသင့် သလဲလို့ စိတ်ကူးနိုင်လို့ ဗိသုကာ၊ အင်ဂျင်နီယာ အနေနဲ့ အလုပ်လုပ်ရင် ကျွမ်းကျင်မယ်။ ဆက်ဆံရေးနဲ့ ပတ်သက်တဲ့ ဥာဏ်စွမ်းသူ ကတော့ လူတွေရဲ့ အမူအရာ၊ စိတ်ခံစားမှုကို ကောင်းကောင်း နားလည် နိုင်လို့ ဈေးရောင်းသူ၊ ခေါင်းဆောင်၊ အကြံပေး စတဲ့အလုပ်တွေမှာ ပေါက်မြောက်မယ်။ မိမိ ကိုယ်ကို နားလည်မှုနဲ့ ပတ်သက်တဲ့ ဥာဏ်စွမ်း ရင်တော့ သူ့ကိုယ်သူ ကောင်းကောင်း နားလည်တဲ့ သူဖြစ်လို့ ဘာအလုပ်မှာဖြစ်ဖြစ် အကျိုးရှိမှာပဲ။ နောက်ပြီး တခြား ဘာဥာဏ်တွေ ရှိပါလိမ့်ဦးမလဲ လို့ တွေးကြည့်ကြပါစို့။

ဥပမာ ကိုယ်ကျင့် တရားနဲ့ပတ်သက်တဲ့ဥာဏ်(Moral Intelligence) စက္ခုနဲ့ပတ်သက်တဲ့ဥာဏ် (Visual Intelligence), အချက်အပြုတ်နဲ့ ပတ်သက်တဲ့ ဥာဏ် (Culinary Intelligence) စတဲ့ဥာဏ်တွေလည်း ရှိမှာပဲ။ ဂါဒနာရဲ့အဆိုအရ ဥာဏ်တွေက ၀ါသနာပဲ ဆိုတဲ့ အယူအဆက သိပ်မမှန်ပါဘူး။ နောက်တစ်ခု က တချို့ လူတွေက ဥာဏ်ရှိပြီး၊ တချို့က ဥာဏ်မရှိဘူး ဆိုတာလည်း မဟုတ်ဘူး။ တကယ်တမ်းတော့ လူတွေက ကိုယ်စီ ကိုယ်ငှ ဥာဏ်တစ်မျိုးစီ ရှိပြီး လူတိုင်းမှာ Unique Combination of Intelligence လို့ခေါ်တဲ့ တစ်မျိုးစီ သူ့နည်း သူ့ဟန်နဲ့ ဥာဏ်တွေ ပေါင်းစုထားတာရှိကြတယ်။

ဥပမာ ကျွန်မက နေရာနဲ့ ပတ်သက်တဲ့ ဥာဏ်နဲ့ ယုတ္တိနဲ့ သင်္ချာနဲ့ ပတ်သက်တဲ့ ဥာဏ်မှာ သိပ်မစွမ်းဘဲ ဘာသာစကားနဲ့ ပတ်သက်တဲ့ ဥာဏ်နဲ့ ဆက်ဆံရေးနဲ့ ပတ်သက်တဲ့ ဥာဏ်မှာ ပိုအားသန်လို့ အင်ဂျင်နီယာ အဖြစ်လုပ်ရင် မပေါက်မြောက် နိုင်ပေမယ့် ကျောင်းဆရာမ အဖြစ်လုပ်ရင် ပိုအဆင်ပြေတယ်။ သို့သော်လည်းပဲ ဇာတိဥာဏ် ရှိပေမယ့် အဲဒီ ဥာဏ်ရင့်သန်ဖို့ အခွင့်မရှိရင်ရော၊ ကိုယ်ပိုင် ကြိုးစားမှု မရှိရင်ရော ဇာတိဥာဏ်ရဲ့ အစွမ်းအစ ပေါ်မထွက်လာနိုင်ဘူး။ ဒီတော့ ကျောင်းမှာ ကလေးတွေက ဥာဏ်မျိုးစုံကို ရင့်သန်ဖို့ အခွင့်ရှိဖို့ အထူးလိုအပ်တယ်လို့ ကျွန်မ မြင်တယ်။ အဲဒီသီအိုရီက အမေရိကန် ပညာရေး စနစ်မှာ တစ်စတစ်စ အရာတွင်လာလို့ တက္ကသိုလ်ဝင်ဖို့ လိုအပ်ချက်တွေကလည်း ပြောင်းလဲလာပြီး ၀င်ခွင့်က စာမေးပွဲ အမှတ်စာရင်းတစ်ခုတည်း အပေါ် မှာတည်တယ်ဆိုတာ မဟုတ်တော့ဘူး။

မြန်မာနိုင်ငံနဲ့ အမေရိကန်နိုင်ငံက ဥာဏ်အကြောင်းနဲ့ ပတ်သက်ပြီး ယူဆချက်တွေ မတူဘူးဆိုတော့ ပညာရေး စနစ်တွေကို နှိုင်းယှဉ်လို့ မလွယ်ပေမယ့် နှစ်နိုင်ငံစလုံးက တစ်မျိုးစီ လူငယ်တွေအတွက် အကျိုးရှိပါတယ်။ နောက်ဆိုရင် ကျွန်မ မြန်မာ ပညာရေးနဲ့ ပတ်သက်တဲ့ယူဆချက်တွေအကြောင်း ပိုလေ့လာ ချင်ပါတယ်။ ဥပမာ မြန်မာပြည်မှာရှိတုန်းက ကာယအင်အားနဲ့ ဥာဏအင်အား အကြောင်း ကြားဖူးပေမယ့် ဒီအင်အားနှစ်ခုက ဘယ်လိုကွာ သလဲဆိုတာ ကျွန်မ စိတ်ဝင်စားတယ်။ ကာယ အင်အားက ကိုယ်နဲ့ပတ်သက် တဲ့ဥာဏ်နဲ့ ဆင်သလားဆိုတာ ကျွန်မ စဉ်းစားနေပါတယ်။ ဘာပဲဖြစ်ဖြစ် ကျွန်မ ဒီအကြောင်း တွေကိုလေ့လာဆွေးနွေးရင် တခြားပညာရေးကို စိတ်ဝင်စားတဲ့ လူတွေက မြန်မာ့ယဉ်ကျေးမှုနဲ့ ပတ်သက်ပြီးတော့လည်း ဗဟုသုတ ရကြမယ်လို့ ယူဆပါတယ်။


နှင်းဆီ


နှင်းဆီဟာ ကော်နဲလ်တက္ကသိုလ်မှာ ပညာရေးဆိုင်ရာ ပါရဂူဘွဲ့ တက်ရောက်နေတဲ့ အမေရိကန်ကျောင်းသူ ဖြစ်ပါတယ်။ အမည်ရင်းက Rose Metro ဖြစ်ပြီး သူဟာ ကော်နဲလ်တက္ကသိုလ်မှာပဲ မြန်မာစာကို သင်ယူခဲ့ပါတယ်။ သူ မြန်မာစာ လေ့လာနေတာ နှစ်ပေါင်းအတော်ကြာနေပြီ ဖြစ်ပါတယ်။ သူ အဓိက စိတ်ဝင်စားတာက ပညာသင်ကြားတဲ့ နည်းလမ်းအသွယ် သွယ်ရဲ့ သမိုင်းကြောင်းပဲ ဖြစ်ပါတယ်။ သူဟာ ကျောင်းတစ်ဖက် တက်သလို အမေရိကမှာရှိတဲ့ အထက်တန်းကျောင်း တစ်ကျောင်းမှာလည်း ဆရာမအဖြစ် အလုပ် လုပ်နေပါတယ်။ အခုဖော်ပြတဲ့ ဆောင်းပါးဟာ သူကိုယ်တိုင် မြန်မာဘာသာနဲ့ ရေးထားတဲ့ ဆောင်းပါးတစ်ပုဒ် ဖြစ်ပါတယ်။ အမေရိကန် ကျောင်းသူ တစ်ယောက်ရဲ့ မြန်မာဘာသာနဲ့ ရေးထားတဲ့ ဆောင်းပါးဖြစ်ပါတယ်။ ဖူးငုံတို့အနေနဲ့ သူ့ဆောင်းပါးနဲ့ပတ်သက်ပြီး ဝေဖန် အကြံပေးလိုတာ ဖြစ်စေ၊ သူ့ကို တစ်ခုခု မေးမြန်းချင်တာဖြစ်စေ ဖူးငုံဆယ်ကျော်သက်မဂ္ဂဇင်း ကို စာရေးသားပေးပို့နိုင်ပါတယ်။ သူ့ကို တိုက်ရိုက် စာရေးဆက်သွယ်ချင်ရင်တော့ rose.metro@gmail.com This e-mail address is being protected from spambots. You need JavaScript enabled to view it သို့ စာရေးသား ဆက်သွယ်နိုင်ကြောင်းပါ။

အယ်ဒီတာ